Pasta Zone (已結業)

觀塘好多嘢食就係人都知啦！但係原來小妹見識真係差啲啲，今日先發現呢一個大廈整到好似地下街一樣每層都容納左好多店舖和餐廳 ，而係咁多店舖和餐廳我就揀選左呢一間意大利餐廳！早前有朋友介紹過呢一間餐廳雖然麻雀雖小，卻五臟俱全。店內除咗有不同款式嘅食物供享用 ，而且也有一個角落給客人選購高級黑松露醬和他們自家手制長通粉或意粉。好多朋友都知道我非常之鍾意食意大利菜特別係意大利粉和黑松露。所以見到佢話手工制意大利粉或各類款式嘅粉 我就非常之期待他嘅口感和質感是否彈牙有嚼口， 結果並沒有令我失望到是有嚼口 。而朋友就選擇嘗試吃意大利國家最出名嘅意大利雲吞嘗試下佢哋係咪整成好似當地一樣， 無意中也發覺廚師也是意大利人， 意大利雲吞整得好似意大利國家食嘅一樣當然因為我們港人嘅口味不一樣所以意大利雲吞也按着我們口味 烹調。愉快嘅一個下午茶！特別要一提那個番茄肉丸，令我們大感喜出望外！那個肉丸完全不是那些雜肉來整成的，而是充滿牛肉味和口感再配合埋他們用心整成嘅番茄醬 ，令我對番茄肉丸這個菜色印象分改變左

前排係fb 見朋友share呢間餐廳，意大利人開嘅，由意大利進口的意粉，價錢唔貴 就冒名而來呢間係工廠大廈入面，鋪頭唔大，簡單嘅裝潢。但有一個area幾吸引!!呢度有擺放意粉、松露油、松露、辣肉腸，供客人買番屋企煮我見到個餐牌真係樣樣都想試，好多係睇澳牌masterchef 見過人地煮，但係香港真係無見過有餐廳煮！我即刻好興奮意大利手工薯仔和辣腸西西里辣汁呢個手工薯仔要整得好食真係好靠粉同水嘅比例，聽聞真係幾難調得軟熟而且有口感。雖然唔知正宗係點，但呢個我個人覺得唔錯，個汁都幾好味，唔太辣，口感偏軟稔。一碗食完已覺好飽。水果茶清新，沒太大驚喜意式奶酪呢個好味！值得一試呀！ 奶酪係布甸口感，好軟滑，好香焦糖味，仲有生果食一個set包 餐包、意粉同飲品，雖然lunch黎講唔算平，但意大利地道、正宗意粉真係好少見！而且老闆娘好熱情，佢會同你分享下煮食心得咁，好好人呀。 原來呢度可以包場，人頭收費，老闆娘話除左意粉仲有其他野食，例如牛扒。如果想學煮，仲可以一齊入廚房煮，聽完勁心動！！！

之前係淘寶買咗野，今日去咗觀塘啲工廠大廈度提貨，發覺原來觀塘嘅工廠大廈，好多已經變咗一啲叫做特價倉，同埋有好多食肆係工廠大廈下入面，提完貨見仲有時間就去醫肚，行咗一個圈見到一間食意大利菜嘅餐廳竟然開係工廠入面，仲要係正宗意大利廚師，價錢又唔貴梗係要試吓啦帕爾馬火腿配蜜瓜，香甜新鮮蜜瓜配風味嘅帕爾馬火腿，味道啱啱好 手工菠菜芝士雲吞配黑松露忌廉汁，侍應好好呀會問每一位客人使唔使加芝士，如果要嘅話佢會即場磨啲芝士係面好貼心味道可以因人而異黑松露嘅香味加濃郁嘅芝士，真係意大利風味十足，而且佢個雲吞入邊嘅菠菜餡都好有特色之後同老闆娘傾計，原來個大廚係意大利人，佢朋友嘅家族幾代都係整意大利粉，呢度嘅意大利粉係意大利直送，最特別嘅係佢嘅意大利手工薯仔，香港係好少餐廳有架，下次要試埋呢個

喺倫敦返黎之後就成日心思思掛住啲意大利雲吞同pasta 尋日咁岩要去駱駝漆買啲野可以順便去埋bookmark左pasta zone試下佢啲pasta喇🤗 呢間係觀塘做野既朋友介紹既意大利餐廳 佢癲到一個禮拜黎食3日lunch 有好多唔同類型既自家製pasta 一坐低就送上餐包食住先 法包配欖油黑醋係冇得輸既配搭意大利手工菠菜芝士雲吞配黑松露醬汁 $75 😋: 7/10相比傳統意菜 呢度份量都唔少 上枱之後店員會攞舊芝士喺您面前刨 加埋白松露油 成個味道即刻提昇左好多 呢個意大利雲吞都唔錯既 建議菠菜既比例可以多返少少 不過$75冇加一跟餐有餐包有野飲其實性價比算好高！意大利手工紐紋粉配車厘茄蕃茄汁 $68 😋: 6/10未食過呢隻紐紋粉 略嫌硬左少少 唔夠彈牙 加上醬汁比較稀 呢隻粉既面積又唔多 掛汁能力弱左少少 有啲汁還汁 粉還粉既感覺 相比起雲吞呢個比較遜色 不過跟餐檸檬汁就有驚喜 好refreshing!

約咗朋友食lunch兼俾手信，又想搵間靜靜地嘅餐廳。經一輪搜尋之後，決定去觀塘嘅Pasta Zone。餐廳座位不多，但餐廳位置於駱駝漆大廈，非常易搵。一入餐廳，店員馬上送上麵包兩塊附上特別嘅醬油，點嚟食為麵包添上開胃嘅味道。我哋二人叫咗”番茄汁豬肉丸意大利手工麵”同”貓耳朵配鯷魚橄欖汁(附水果茶)”圖上為同”貓耳朵配鯷魚橄欖汁(附水果茶)”，上菜時店員會問你加唔加芝士。貓耳朵麵麵質較硬，不過啲香料同芝士碎令到貓耳朵麵嘅味道提升，幾好味！而水果茶茶味大於水果味，我都幾鐘意飲茶，所以我都幾buy！另一個”番茄汁豬肉丸意大利手工麵”，我試咗一粒肉丸，味道有啲似宜家傢俬嗰種。環境上都唔錯，只係比我想像中嘈。不過推介度都有70%㗎！😊

觀塘區工廈內食肆林立，新的店來得快，舊的都去得快。今次食評寫的是一家主打意大利手制意粉的店子，位於人流暢旺的駱駝漆大廈三期。想不到店子開了沒多久，午市也頗滿座，所以等了約10分鐘才能進。烘麵包配意大利黑醋及橄欖油、熱水果茶吃意菜的時候，麵包當然是配黑醋，而不是牛油。看來在這些細節位上，店家都沒有忽略。除了基本款飲品，這裏還有提供熱水果茶和自家調的檸檬水，有誠意。Potato Gnocchi with Nduja spicy sauce意大利手工薯仔糰配辣肉腸西西利辣汁在香港吃意粉，絕少能遇到gnocchi這樣特別的款式，一般都是spaghetti, ravioli這類。Gnocchi是一款以薯仔作原料的糰子，吃下去帶點煙韌，沒有餡料。而Pasta Zone的gnocchi，吃下柔軟而不爛，有些少黏口，頗像在歐洲吃到的正宗口感。Nduja sauce辣肉腸辣醬濃稠，辛辣程度不惹少，當中亦帶有切碎成粒的蕃茄肉，整體相當不錯。排隊等候時閱了一下門口貼著的雜誌訪問，原來店子由香港人女老闆和一位意大利人合夥的，有意將正宗的手工意麵帶來香港。趁著手上沒什麼工作，他們也在場親自詢問客人意見，此舉可見

今日去左呢間係觀塘工廠區一間上門意大利餐廳，現場環境光猛陳設都比較簡單，感覺舒服既。老闆娘好主動熱情招呼外，亦好詳細咁介紹餐牌內每款食品，呢度賣點係比較家庭式既意大利菜式。最後我就叫左幾款老闆娘推介既主打既意大利手工菠菜芝士雲吞餡配黑松露忌廉汁、焗辣汁八爪魚薯仔配麵包、檸檬水及朱古力雪糕。首先頭盤有個意大利包配黑醋，呢個陳年黑醋都有成廿幾年，入口有的酒味，配埋個麵包，味道非常之好。跟住到杯檸檬水，味道好清新，甜度剛剛好亦唔會太酸，飲完唔會好口乾。跟手到主菜啦，上枱時已經聞到好香既黑松露，意大利雲吞入面的肉餡好新鮮、份量又夠大，兩個女士叫一碟就剛剛好。而老闆娘見我第一次食就送左兩塊煙火腿配橄欖油既雲吞，個火腿好香好好味。之後到個辣汁八爪魚配意大利薯仔，八爪魚大大隻配埋辣汁好開胃，另外意大利麵包加上茄醬好新鮮，不過最驚喜就係意大利薯仔，煙煙韌韌，唔似普通既馬鈴薯咁樣一咬就散晒，口感似麻薯。最後，就係到朱古力雪糕配齋啡，雪糕融左後加上齋啡就變成cappuccino，口感好豐富啊。另外係餐廳入面corner位有的現成產品，例如有黑、白松露、雲吞皮、釀左成幾十年既陳年黑醋、意大利火腿等都係意大利

觀塘區確有好多工廈西餐，日日lunch time出去搵食，久而久之有時都會覺得選擇大同小異，但最近發現駱駝漆開左間食意大利手工意粉嘅西餐，仲要有我鍾意食嘅意大利雲吞菜式，今日一於同同事去試試。一攞起餐牌，除小食甜品外，主打係手工意大利雲吞及唔同形狀嘅pasta，有紐紋粉、貓耳朵粉、手工薯仔等，淨係意大利雲吞都有五款之多選擇，我今日目標係意大利雲吞，所以揀左牛肝菌意大利雲吞，同事就揀蕃茄汁豬肉丸意粉。所有pasta都會先送上暖暖嘅麵包兩塊，附上店家混好的黑醋及橄欖油，怎會唔好味呢？！主菜pasta一上桌，店家會攞舊芝士問顧客需唔需要加，要就會即時喺顧客面前刨喺pasta上，我嘅意大利雲吞係大size雲吞，唔好睇佢好似得幾塊，其實食落真係好夠飽，味道亦好好！我都試左少少同事叫嘅肉丸意粉，食得出個豬肉丸真材實料，而個手工意粉並唔係平時一般嘅圓條形意粉，咬落食得出係方形嘅意粉，好特別！個手工意粉加埋豬肉丸食落感覺好足料，同事讚好味。餐飲揀左水果茶作結，呢一餐好滿足，因為好難得喺觀塘區有一間以親民嘅價錢(每個餐約$68-75)食到足料又特別嘅pasta嘅誠意小店，值得encore, 下次會再嚟試

聽朋友講，官塘新開左間意大利菜既小店，而且好超值，所以今日Lunch去試一試地點位於駱駝漆，走廊行到差唔多最尾位置會見到了店舖裝修非常簡單，有一個大大logo,一個貨物既角落，左右2部電視(不停播住食材來源同製法)，客人除享受食物之餘，更可以加深對食材了解枱同枱之間有充足空間，坐得幾舒服。食物選擇貴精不貴多，主要係唔同配塔既意大利雲吞，Pasta,意大利小食，甜品等。不過就樣樣都想試，決定等老板娘推介吧。點餐後，會先上麵包配黑醋橄欖油個汁非常不得了一般意大利餐廳只係將一樽醋同油放枱面由客人自己倒，而Pasta Zone會幫你調配埋，而且加左少量黑白紅胡椒，除左醋既酸味，仲加添左胡椒既香同辣，感覺到用心之處。好快之後，就到主菜出場。《方型煙火腿餡配牛油橄欖油》雲吞上枱之後，侍應先會係客人刨芝士及加上黑松露橄欖油，香氣四溢一碟有十幾隻餡，Size約一啖一隻。餡料係豬肉混合火腿粒，餡皮煙韌 ，調味唔多，完全依靠黑松露，豬肉，火腿自身既味道。睇落唔多，不過食完都幾飽。最後老板娘都建議我食一個意大利雪糕，口感好似sorbet,用士多啤梨打碎做成，試一啖無加醋既，好甜同清新，再試一試有醋既，醋既酸

觀塘食lunch選擇真係多，本來諗住食m記，跟住突然見到餐廳嘅易拉架，睇到餐牌啲價錢好似幾平，60幾包主食,同埋冷熱野飲，所以就入左駱駝漆去試下。 唔洗點等已經有野食喇，上菜速度都幾快下。意大利雲吞入口唔會太厚身，而且醬唔會太多，份量亦都好足唔會太小，岩晒我地呢啲打工仔。另外最緊要廚師整得真係好有意大利風味。之後我地仲同老板傾左陣偈，係呢個涼涼地嘅晏晝咁樣食下野傾下偈都真係幾開心下次lunch hour等我都要帶同事再去食，試下呢度嘅意大利風味

老友係附近番工，出開黎觀塘，諗住揾佢食個lunch。聽佢講駱駝漆大廈都幾多野食，所以特登過黎食好西～工廈有間意大利餐廳，對於鍾情意大利菜嘅我地，梗係要試下啦！先黎個頭盤先～巴馬火腿配芝士、車厘茄&火箭菜，加左d黑椒，好能夠帶出所有配料嘅味道。火腿嘅咸味完全可以俾其他嘅配料帶出黎！另外，橄欖醬、黑松露醬&蕃茄醬加埋餅乾，都幾正。一次試哂3個味，係開心嘅！我特別推薦黑松露醬！個醬香得黎，口感幾豐富。2個人，我地揀左2個主菜。我一直鍾情意大利雲吞，但有時出去食，係覺得好味，食2-3粒就會覺得好滯。呢個小店嘅意大利雲吞，大大粒，我食左4粒都唔覺得好滯好膩。反而覺得口感好好，菠菜餡同個汁好夾。食開好西嘅好友都話有d驚喜！貓耳朵👂～呢隻粉唔係間間餐廳都會有，係香港d cafe間唔中先見到。個西西里汁微辣，配上煙韌嘅貓耳，口感幾特別。清清地之餘，有腸嘅香味咸味，配搭幾好！食飽飽，我叫左杯花茶。而愛啡之人就要拿鐵，仲配埋2塊餅乾🍪。工廈嘅意大利🇮🇹菜，係有少少驚喜架！仲可以買意大利雲吞同火腿等等番屋企自己煮添～黎緊Christmas party一於試下煮先😆

今日同朋友去觀塘駱駝漆工業大廈買波鞋，行到噤上吓有d肚餓，醒起第三期有d食店，一於上去尋食先，行到一樓見到有間新開食店係主打意大利食品，見有唔同既意大利粉，又唔係幾貴，就入去坐低試吓睇個餐牌大約有11、12款套餐選擇，有黑醋橄欖油麵包、主餐和一杯食品，都係只需＄68-$75我就選左意大利手工薯仔和辣腸西西里辣汁、飲檸檬汁，朋友就選左意大利手工紐紋粉配車厘茄蕃茄汁、飲汽水，另外叫左二個小食，番茄肉丸配薯條和白酒煮青口。熱辣辣既麵包點左個混和左意大利醋、橄欖油和黑、白胡椒一齊食，真係好好食，唔怪得噤多人會噤食法意大利手工薯仔和辣腸西西里辣汁，第一次食意大利薯仔，原來個口感係唔同一般既薯仔，真係好特别食落似韓國年糕，煙煙靱靱唔似食緊薯仔，配埋個西西里辣汁和辣腸一齊食，似辣非辣，個感覺幾特別檸檬汁，飲落唔似出面賣既味道，聞到好清新既檸檬味，入口酸得來唔澀意大利手工紐紋粉配車厘茄蕃茄汁，我和朋友互相交換來試過，個蕃茄汁好濃酸酸甜甜，而且當意粉送到枱時先刨d芝士在意粉面，另到更嘢味紐紋粉食落口既煙靱度和硬度比較其他地方食到既意粉高，我個人比較喜歡這種感覺，後來問老闆佢話係從意大利一個家族式手工製麵

位於工廠大廈裡面的意大利餐廳，簡潔的裝修，配上即製食物，喜歡的更可即時購買食材回家自己煮。今次試意大利手工波菜芝士雲吞配黑松露忌廉汁，帕爾馬火腿配密瓜，水果茶。首先送上法包配橄欖油醋汁，個醋汁幾特別配上包吾會好膩。波菜芝士雲吞煙韌有口感配上很香的黑松露汁，簡單帶出雲吞的味道。帕爾馬火腿不會過咸配上甜甜的密瓜很夾。最後飲杯水果茶。廚師是意大利人，想食意大利風味又新鮮的食物，重要價格吾高又多一個選擇！

我一向對意大利雲吞沒什麼特別感想、平時亦不會主動去叫、但意想不到的是踏足這間餐館以後我會從此改觀。一踏足店內就受到非常熱情的招待。一坐底、負責人已放底了包和一碟橄欖、她開始對我解說、電視播放著一間意大利的醋廠、正是她們直接向這家廠訂購的。負責人先用醋浸一浸橄欖再叫我試試、我發現橄欖完全沒有平時出面食的苦澀味、變得非常好食、將橄欖的香味發揮得淋漓盡致，她說橄欖只是平時外面隨手買的橄欖、關鍵之處在於這個意大利醋，意大利會把比較次等的葡萄釀成醋，每年換一個木筒，十五後便完成，味道很特別很香醇，我是第一次嚐到的。負責人推介我試試這個手工方型煙火腿餡配牛油橄欖油到來之後，她會滴少少黑松露橄欖油和芝士，就是這個令我的人生從此改變，黑松露橄欖油非常香，但又不會香得很誇張，是清香，完全能把食物的美味程度提升一個層次。雲吞厚度適中，因我不喜歡太厚的，而且裏面的煙火腿碎少少的咸，整個配搭得太完美，加上幼嫩的蘆筍和菇實在太好食，美味的食材根本不需要太多的調味，原始的味道是會最令人難忘。再來試多個意大利手工薯仔和辣腸西西里辣汁像糯米的薯仔，我請問了做法，她說最重要的是薯仔和水的比例，真得很特別，而且辣汁很惹味

由意大利番黎差唔多兩個月，終於有少少癮起想食pasta😛 今日lunch time鬆一鬆黎到意大利人同local合資開既新餐廳，喺開源道轉入駱駝漆大廈、上一樓行到最入就係，全層都幾多餐廳下。兩位老闆都好nice咁介紹自己既招牌菜，仲大推以原個檸檬連皮搾成再加冰糖既檸檬汁。唔會太甜又refreshing，同出面普通凍檸水係兩回事，有驚喜！女仔怕飲凍野既話仲可以走冰，好貼心👍🏻Lunch set只係$68，包一杯飲品同餐前麵飽，飽就麻麻地。我地兩個女仔share兩款唔同pasta，上枱時staff會即場刨少少Parmesan cheese喺pasta上面，如果刨多啲就好啦😛意大利手工薯仔配辣腸西西里辣汁 Potato gnocchi with Nduja spicy sauce - 口感同我喺意大利食新鮮整既gnocchi口感係almost identical if not better😍 有啲咬口又唔會好似中式丸子/年糕咁煙韌，但又幾索汁，啖啖都有辣肉腸既味道！媽呀我簡直搵返意大利既感覺呀，必食🤤🤤🤤意大利手工扭紋粉配車厘茄番茄汁 trofie with tomato sauce & c