PHO 24 (已結業)

同兩個fd黎試下iSquare的食肆，見呢個越南野裝修幾靚就試下。叫左：素米紙卷：唔記得左詳細叫咩名，呢個係完全無味既，連個醬都無味，三個人一致認為呢個小食不知所謂，千祈唔好中招。雞絲湯河粉：好普通，好淡炸豬扒飯：豬扒有D乾，成碟一D汁都無令個飯好難入口椰汁眉頭糯米泥：成餐最好食呢樣。我地食到一半，個侍應已經想收我地碟豬扒飯。當時豬扒飯的豬扒都未食曬，而且仲有D飯，佢問到無問就將另一個碟疊上去，我地同佢講未食完，佢話：「係咩，我見你地將碟野擺埋一邊。」但我地碟野明明係枱既正中間，完全無法理解佢邊隻眼見到我地將碟野擺埋左一邊。唔出聲收碟都算，仲要將個責任卸落顧客度，呢D叫服務態度？之後好幾次D侍應都完全唔問你就收碟，好趕時間咁，咩心情都無曬。雖然呢間野唔係好貴，但野食唔得，服務態度又唔好，不去也罷。

I square 的食店愈開愈多,到現在也未試得勻!上次行過見到這店,生牛河及春卷一向是喜愛之物,當然優先排位處理!晚上七點半來到看見人客不足一成,心已感不妙!抱著唔會又係我呀嘛的心態,2人依然照樣坐下.落完柯打後侍應放下一碟芽菜、青檸及辣椒粒和插了數款香葉的杯.心想-咁開心?似樣噃!特別牛肉粉----材料有牛丸、栢葉、牛肚絲、牛筋、牛腩片及牛肉,分別是無味、無味、韌、嚡及無味!問題是調味下得不夠當是清淡,但食材的原味也消失得無影無踪這才叫人不解.湯底倒是不錯,河粉不像常吃到是滑身的那種,而是入口感覺比較嚡及有點咬口.牛筋河----牛筋=無味香口膠.魚露炒韮菜花----四十元換來半紥份量的韮菜渣,菜老得過份,調味亦咸得過份.豬肉春卷----吃完其它東西後等多十分鐘終於出場,一客四條未及手指公長度,生菜細片得可憐,包一條春卷也不夠!碌冧味道淡如水,實心嚡烚烚黑椒味豬肉餡料,其中一條炸燶半邊翻轉擺當無事發生,照樣奉客!四十多元一客!中年女侍應可能聽覺及身體協調有點問題,說話聲音非常大聲及放下任何東西也非常有氣勢!收走湯碗後要用手掌當碟用食春卷,侍應看見也不會主動派碟或碗.加一已覺不值但原來

带一家老少来香港购物消费，多来名牌汇集的尖东，既然来到尖沙咀，当然吃完饭才回深圳。走过弥敦道，看见有家新开商场，上到三楼有各式各种的餐厅；由于时间较紧迫，找了一间像快餐店的餐厅坐下来，问问服务员，原来是越式河粉店，怪怪的名字叫PHO 24????由于我们人较多，各样食物都品尝一下，原来是没啥要求的。吃下来那个招牌河粉汤底不浓不淡，小孩们都喝光，送上的芽菜都混在一起吃光光。再上来咖哩牛腼跟饭，香茅猪扒，鸡扒，九菜，还有那鸡翅膀，对我们来说，不算是贵的材枓，但吃过来还是挺有气氛的。最重要是服务员挺热情的，菜单不了解还是给咱们说明白，怱怱忙忙的一顿晚餐，给我们的印象还是蛮不错的。埋单结帐消费每人用不到一百块钱，在尖沙咀地块旺地，我想也不算贵吧？！下次一定带朋友来这消费一下！

一行三個女孩子, 到尖咀逛逛誤打誤撞入左越南餐廳, 都唔錯~食左豬扒蛋飯, 招牌牛肉雜錦湯粉, 鮮蝦豬肉米紙卷, share都夠食, 飽飽豬扒蛋飯就係普通既豬扒。蛋。飯! 我鐘意既, 係個蛋, 我真係好鐘意食呢個生熟程度既蛋呀~~~~~~GOOD!招牌牛肉雜錦湯粉, 我仲以為要食生牛肉咁勇, 原本都係半生熟, 個心就定好多啦..仲有香葉, 芽菜任落, 唔錯.鮮蝦豬肉米紙卷, **推介**勁愛蝦既我, 真係超鐘意呢個"蝦米卷", 哈哈.蝦+菜=爽呀!!蝦+菜+汁=勁呀!!好味到傻左................XDDDDDDhey仲有滴滴咖啡, 勁過癮~~千奇唔好俾佢黑蚊蚊既外表嚇親, 佢唔係好苦嫁炸!!最後, 我地飽飽地離開

同朋友行完街,夜晚嚟呢度食飯.3個人叫左生牛肉河,香茅豬扖飯,蔗蝦同柚子鮮蝦豬肉沙律.最鈡意食庶蝦配埋楊桃同菠蘿,夠清新同埋柚子沙律,柚子酸酸甜甜多醒胃,d蝦好大隻,絶對唔係雪左好耐變透明既雪藏蝦

今日同朋友行開尖沙咀， 聽講開咗間isquare 於是順便上去行吓， 見到三樓有間越南菜館叫pho 24 舖面尚算寛敞企理， 朋友話去試吓, 我們叫了: 招牌生牛肉湯河及雞絲扎肉湯河， 湯底很清甜有鮮味， 有芽菜同香葉任落。但越式豬扒太多蜜汁，似豬肉乾多D，唔掂，而香茅豬扒飯就比較好。而我最仲意就係春卷，熱辣辣加啲汁，用牛油生菜包住食，好脆口，GOOD TASTE。蔗蝦大大舊，仲有楊桃、菠蘿及牛油生菜伴住，好靚，連雞扒賣相也不錯。越南滴漏咖啡雖濃，卻沒有苦澀味而且可加水，清補涼飲品真材實料份量足，十分SWEET。個個食到飽飽，整體都算不錯。

上星期一行四人走去IMAX - TST睇阿凡達...不過我個FD因為要平既關係..竟然買左早場...我同埋其餘既2個FD聽完之後都怨聲載道...不過算啦..鬼叫IMAX D飛咁鬼難買..睇完戲之後...就落返商場搵野食..因為我地個個都勁爆肚餓..最後..我地4個人..一致決定去PHO 24試下...之前個FD話想去沙田食好耐..不過我地冇人啋佢..咁鬼遠...叫完野食之後..佢地攞左成杯香葉同埋一碟芽菜...好搞笑....我地班餓鬼叫左~~~ 生牛肉+牛丸粉 - 湯底好味~~ 不過黎到既時候D生牛肉係熟既 不過味道都OK~ 扎肉+雞肉粉 - 湯底好有雞味 XD (個FD激讚) 春卷 - 必試 蔗蝦 - 本身就咁食都好味..佢地原來跟埋楊桃..菠蘿..米粉..等等..夾埋一齊食..勁好味..XDDDDDDD (不過用黎包住食既菜葉就細左D) 蓮子薏米 - 略甜 清保涼 - 幾特別 滴滴咖啡 - 同普通咖啡唔同..D色好黑..但係原來唔係想像中咁苦..最後因為太飽既關係...我地唯有放棄甜品....下次有機會會同屋企人黎試下..XDDDDDD..

係香港我成日都係去銅鑼灣既清亭．燕萍食越南菜。得知 PHO 24 係東南亞係好出名沙田分店好旺﹐ 今日要係 iSquare 去 Imax所以係到睇有咩食見到 PHO 24 原來係尖咀開分店﹐ 就一如試吓啦\叫左生牛肉河豬扒碎米飯+豬肉蛋批 芋頭椰汁糯米泥生牛肉河好大碗,胡一梨﹐香味十足湯底好農谷﹐ 正我其實唔太知碎米飯或豬肉蛋批係咩先試吓賣相唔錯蛋批無想像中咁好食﹐ 怪怪咁唔係難食不過下次唔會再叫豬扒都幾好食我最滿意係個甜品-芋頭椰汁糯米泥好大杯﹐ 好靚都好好味唔錯﹐下次一定再食環景唔差﹐ 坐得舒服﹐ service 好有禮貌

OT到9點幾，又凍又餓，因為就腳，於是到isquare醫肚。見Pho24已開業，急不及待入去嘆番碗越南牛河暖曖胃，點知，勁失望…Order左雜錦牛河(我想應該同火車頭差不多吧)，一上檯就知唔對路，湯色深黑，芽菜&金不換(九層塔)已經放左落碗湯河裡面，只有青檸辣椒另上。金不換只得一兩片，少得可憐…喝一口湯，竟然同我屋企樓下間魚蛋粉有D似，完全唔覺有牛味，我未去過越南間Pho24，唔知正宗牛河係咪咁味道？？如果呢D先係正宗，我諗我會鍾意食香港既越南河多D囉…講番碗粉，河粉尚算幼滑(但係呢樣野同廚師技術無關)，牛肚無味兼且硬，牛筋亦一樣，牛丸直情係街市貨色，比一般港式粉麵店還要差，生牛肉一般，冇咩特別，最好反而係牛腩，可惜太肥，有幾塊牛腩直情係100%肥膏，點食？最後可以入口既牛腩加埋只得一塊…侍應態度差，食食下有個侍應無端端遞張單過黎叫你埋單，我以為佢搞錯叫佢check下，點知佢反問我:同事冇同你講已經last call同埋叫你埋左張單先咩？我答冇，佢仲要撐話同事已經講左(語帶不耐煩)…其實你想我埋單冇所謂，但可唔可以有禮貌D呢？總言之，呢間野完全係我意料之外…咁差！

住過美國加州越南人聚居的主要地區又到過越南的河內及胡志明市， 一直很期望香港這國際美食都市都能找到比較道地的越南菜，特別是PHO這越南菜的代表。所以抱著很大的期望來嘗嘗來自期越南的PHO24。和朋友點了以下和一致的評語，有些是正宗越南菜有些是香港本地化：生牛肉牛腩河，熟牛腩河- 湯底尚可- 分不出牛肉或牛腩- 沒有一籃香草，生芽菜，青檸，紅辣椒- 枱上沒有是拉差甜醬和辣椒醬總結：沒有以上各樣，已經很不正宗。任放一籃香草生芽菜青檸紅辣椒，拉差甜醬和辣椒醬是不是成本很高？牛油雞翼（香港本地化）- 沒有牛油味總結：沒有味的４件雞中翼，賣HK$48烤雞腿（香港本地化）總結：比任何超市有售的熟食雞腿都比不上。魚露炒貢菜- 完全沒有魚露味道總結：比油鹽淨炒更沒有味道總結中之總結：服務員的態度亦非常之差，碗碗放低都說"牛河"，但我們是點了三種不同的款式。請真的不要浪費大家的金錢和時間。

之前一直只做CD-ROM, 冇寫食評, 但呢間嘢真係好唔得, 忍唔住要出手叫大家千祈唔好去食. 自問自己一直喜愛越南牛肉粉, 因為移民加拿大多年, 養成了喜愛越南牛肉粉 (相信好多人都一樣). 前兩年去過越南, 當地d牛肉粉好食到不得了, 當地Pho 24更是又好又平又方便 (週圍都係)之選. 所以雖然看過沙田分店之劣評, 去到iSquare見到開咗, 都忍唔住試下.各款牛肉粉: 勁差- 湯底, 冇越南本店嗰種清香, 反而好似香港魚旦粉嗰隻湯- 牛肉粉: 牛肉有牛味, 但肉質梅. 牛丸係凍肉鋪打邊爐貨仔重有勁好笑: 我們一行四人, (1) 叫走香葉走芫茜嘅變成走葱有香葉有芫茜, (2)叫走芫茜嘅變成走葱走洋葱, 其餘兩碗ok, 因為一碗冇變, 一碗全走- 春卷: 唔脆- 越南炒通菜: 完全冇味, 好似乜調味都冇落, d菜勁老, 好好細碟- 牛油雞翼: 炸雞中翼5隻, 冇特別- 唯一ok嘅, 滴滴咖啡, 不過俾好少練奶, 同埋得2/3杯....請我食都唔會再去!!!