R&Y's International Cuisine (大尾篤村)

營業中

休息中

上網睇其他人嘅食評非常高分， 今日結婚紀念日專登去試一試，但我只能夠評語為四個字‘’不過不失‘’ 。首先，餐牌寫咗話干色龍蝦湯， 但侍應完全冇提及冇龍蝦湯，換來嘅係大蒜椰菜花忌廉湯， 價錢似乎有距離。 另外，菜餐牌上寫住鵝肝係配無花果， 但上碟時係配蘋果片 。味道偏鹹 ，蟹肉球同意大利飯都比較鹹 。我一行四人，四個都叫deluxe tasting dinner， 但鵝肝及牛扒的份量 ，四碟份量相差幾大。 我碟鵝肝同我太太碟相差最少三份一份量 ，牛扒 最大同最細嗰件我估都有接近三分一嘅差異， 廚師刀功可能需要改進一下。最後，自稱提供fine dining 嘅餐廳， 但居然將starter放喺最後先畀我哋， 依方面極為唔掂。

🎈家庭式經營 • 人情味滿分🎈精緻西式料理 • 新增人氣Set Dinner🎈有室內及室外座位 • 可免費泊車-- 𝐷𝑒𝑙𝑢𝑥𝑒 𝐷𝑖𝑛𝑛𝑒𝑟 𝑇𝑎𝑠𝑡𝑖𝑛𝑔 𝑀𝑒𝑛𝑢 (𝐻𝐾$498@)🌷Amuse Bouche 開胃餐前小點🌷House Favourite Appetiser 精選頭盆大蝦配紅菜頭油醋汁蘇格蘭煙三文魚配青芥茉忌廉及法國黑魚子醬🌷炸蟹肉球配自家製蛋黃醬🌷香脆鵝肝配焦糖無花果及砵酒汁🌷黑松露磨菇濃湯🌷野菌黑松露醬意大利飯配香煎北海道帶子🌷和牛牛柳配辣根醬🌷茶或咖啡基本上枱枱都叫呢個set🤣 唔計第一個餐前小食Parma Ham同自家製蒜蓉包及脆片嘅話, 其實都有6️⃣個course‼️當中最喜歡嘅就係炸蟹肉球, 炸到外脆內軟, 入口滿滿蟹肉絲🦀 鵝肝配埋無花果都好夾, 無花果中和咗油膩感之餘, 仍然能夠食到鵝肝嘅油香味同滑滑口感🤤

今日同朋友係大埔踩單車，到晚飯時間朋友提議去大尾篤食飯，所以就揸車過咗嚟呢度，大尾篤一帶有各色各類嘅餐廳，有泰國菜，越南菜，意大利菜，客家菜，印度菜等等，最後朋友決定食西餐。餐廳距離巴士總站步行十分鐘就到非常方便，如果揸車嘅人仕，餐廳門口亦都有車位可供停泊。麵包籃內兩款餐包都好正，蒜蓉味同蔥油味都相當突出而且又夠脆口，另外仲配搭 Parma Ham 作為餐前小食。煙三文魚魚子醬配Parma Ham : 將三文魚捲成花朵形狀然後配上矜貴嘅魚子醬，口感層次豐富。炸蟹肉球配蛋黃醬 : 蟹肉球相當有驚喜，切開後發現全部都係鮮甜嘅蟹肉 😍 食過返唔到轉頭。鵝肝配焦糖無花果 : 鵝肝煎至外脆內軟，入口油香滿溢，脂肪膽固醇都要放埋一邊唔好諗，好彩配碟有無花果，等自己嘅罪惡感無咁大。帶子配黑松露意大利飯 : 帶子相當大粒應該係珍寶級，野菌同黑松露香氣撲鼻同意大利飯係絕配組合。扒和牛牛柳配辣根醬 : 睇落以為煎過火，但切開後先知內有乾坤，內裏豐腴多汁，口感嫩滑，真係估佢唔到。非常滿意呢次晚餐，可以一次過食盡魚子醬、鵝肝、牛柳同其他海鮮都只係呢個價錢，係出面真係食唔到，唯一美中不足係當晚無龍蝦湯提供，轉左

等埋一齊飛的入大尾篤chill下每碟菜式都色香味俱全值得推薦😊👍🏼餐前小點一口parmaham上碟時用咗打卡器皿所以都食得開心🥳影得興奮🙃蒜蓉包好驚喜，香脆蒜香濃仲有兩塊脆脆香蔥餅（唔知點叫）勁吸引 同個湯好夾呀炸蟹肉球真係有好多蟹肉，配埋自家製蛋黃醬，完全提升刺激咗味蕾嘅享受🤭香煎鴨胸，大廚後來介紹番真係北京填鴨嘅鴨胸；但又整得好香滑嫰口Juicy西冷牛扒，好高水準😳煎得四面夠香濃牛味，成功鎖住肉汁

R&Y's International Cuisine (大埔)今日同朋友黎到大美督諗住打下卡，點知落大雨，所以就搵間cafe 食下，見到呢間環境唔錯，就入黎試下🤣蘑菇湯🫕好重蘑菇味，好好飲🥰法式麵包同脆片🥖配埋個湯食真係一流！凍檸茶好解渴☺️Roasted beef salad $230 (燒牛肉沙律) 🥩🥗前菜就叫個沙律試下，呢款沙律菜嘅種類都有好多種，而且食得出d 菜好新鮮，唔會老😋配埋燒牛肉嘅口感同味道真係一流🥰Free Range Roasted Chicken (燒走地雞) 🍗 $230見到係走地雞，好似幾吸引咁，所以就叫個燒雞試下🤣走地雞嘅肉果然係嫩啲，完全唔柴，口感好好，而且雞肉味好出😋Crispy Salmon (脆皮三文魚) 🐟 $230脆皮三文魚塊皮真係好脆！！！塊皮係成個菜嘅主角，又脆又香🥰塊皮將三文魚昇華左，三文魚本身亦都好新鮮，好好食！呢個菜真係必叫😋Seafood Fettuccine with tomato sauce (蕃茄醬海鮮闊條麵) 🐠🍝 $180個蕃茄醬調得好好🥰完全係成個菜既重點，闊條麵硬度煮得都啱啱好！仲有銀鱈魚同帶子，睇得出餐廳真係落足本😍

一直都想試試這間餐廳，今日決定突訪試食環境寧靜舒適，服務細心貼心沙律： 誠意及賣相滿分，紅菜頭，木瓜，南瓜，紅腰豆，鷹嘴豆，土豆，沙律菜，小蕃茄，好味道，營養滿分，誠意滿分餐湯及麵包： 蘑菇湯，自家製蒜蓉包及蔥油餅，同樣好味道，誠意滿滿主菜燒盲曹魚拼北海道帶子墨西哥汁味道一流，分量十足慢煮燒走地雞味道不錯，還拆去骨頭，值得一試最後，還送兩個特飲，蝶豆花凍飲及洛神花熱飲十分滿意的一餐，值得一去再去

🌟這家遠離煩囂位於村屋住宅區中的西餐廳, 外型及裝修可以講有啲似私房菜✨但賣相及食物質素,真能媲美五星級大廚👍🍽️Lunch Meun $178-218🥗每日新鮮沙律🥣是日餐湯🍴主菜（有6款選擇）☕咖啡或茶🍞麵包藍內蒜蓉包, 超有蒜香有咬口感蔥油脆餅, 濃厚香蔥味又脆口🥣忌廉蘑菇湯菇香味濃郁入口順滑🥗生菜片,蕃茄仔,木瓜,紅菜頭南瓜及薯仔新鮮食材原粒製上碟,配酸酸地嘅沙律醋汁,令胃口大開顏色鮮豔,好睇又好食😍😋💢慢燴橙香鴨髀拼香煎鵝肝及焦糖無花果 $188煎到外脆內軟嘅鵝肝, 入口油香四溢, 有回甘口感去咗骨嘅鴨髀肉好厚身, 入口軟嫩 juicy伴碟嘅菜好新鮮, 配甜甜地嘅醬汁, 一啲都唔覺油膩💢蘋果酒燴盲鰽魚柳拼香煎北海道帶子配墨西哥辣汁 $188香煎帶子口感軟淋有油香煎香嘅魚皮下是肉厚兼滑口嘅魚塊肉, 勁多伴碟菜蔬,口感豐富🌸蝶豆花茶（熱）薄荷葉,青桔仔,蜜糖酸酸甜甜口味清新, 入喉回香, 飲完還感覺舒喉消滯😋店員仲耐心溫馨介紹出品的所有手製花茶, 都有藥膳功効, 全部材料用新鮮蔬果製造🥰有明目,清理腸胃,消脂去油膩...多飲無妨😃🍹蝶豆花青檸梳打🍋賣相勁靚又好飲😍後記：見到隔離枱嗰

1)金桔蝶豆花薄荷熱飲，青桔化痰潤喉碟豆花有抗氧化、加入天然蜜糖調配而成。2)碟豆花芒蜜桃凍飲，飲落感覺好清新。3)大蝦配紅菜頭油醋汁，大蝦彈牙再沾醋汁，好開胃。蘇格蘭煙三文魚配青芥忌廉及法國黑魚子醬，三文魚比較味淡配青芥忌廉，味道好夾 ，上面再放入法國黑魚子醬，食落幾種層次。4)香脆的法國蒜蓉包，特別好食😋5)蝦球配自家製蛋黃醬香脆蝦球可沾自家製蛋黃醬或佢放上嘅檸檬片，我鐘意檸檬汁，酸酸的味道有清新感覺。6)香脆鵝肝配焦糖無花果及砵酒汁🤓點解食鵝肝會冇油膩感？將煎香鵝肝加入砵酒變成一個汁，無花果煎香，佢嘅果糖同鵝肝配合，就唔覺油膩，重有香嘅感覺。7)秘製慢燒走地雞用有機走地雞配合有機嘅椰菜菠菜，走地雞好嫩滑，配搭新鮮有機菜，食得健康。8)干邑龍蝦濃湯係用大量蝦頭同殼炒香再焗然後慢慢磨煮而成，干邑調味令到湯更加濃郁，原來咁講究，唔怪之得咁好飲。9)野菌黑松露醬意大利飯配香煎北海道帶子。野菌有抗氧化，意大利飯獨特天然淡淡飯香和甜味，配合香煎帶子，好正。10)扒和牛牛柳配辣根醬用日本和牛整成牛扒再以慢煮煎香上碟，配搭辣根醬，唔沾醬都一樣好食。

食性價比高又好味既野, 去遠啲啲是常識吧﹗上次食過lunch 真係一試難忘，今次試埋個晚餐更滿足$498 既set dinner 有6道菜, 仲要樣樣高質, 去邊搵 開胃餐前小食擺盤非常精緻的Parma Ham + 蒜蓉包呢個蒜蓉包真係超正, 塗上蒜蓉醬先焗, 脆邊加軟熟既包, 真係想食多幾塊 頭盆：大蝦配紅菜頭油醋汁 +蘇格蘭三文魚配青芥茉忌廉及法國黑魚子醬隻蝦真係好大隻, 好爽口, 新鮮, 紅菜頭油醋汁好清新, 大自然的紅色令人更醒胃三文魚同黑魚子醬都唔錯 炸蟹肉球配自家製蛋黃醬擺盤好精緻, 蟹肉球係勁足料, 每啖都係蟹肉, 配上蛋黃醬都唔覺得膩 香脆鵝肝配焦糖無花果及砵酒汁鵝肝煎得好好, 外脆內軟, 油香充滿口腔, 配埋無花果一齊食好balance 干邑龍蝦濃湯真係超濃郁 每一啖湯飲落去都有幾個層次既味道, 充滿龍蝦味同淡淡酒味 野菌黑松露醬意大利飯香煎北海道帶子帶子煎得岩岩好, 外脆內軟, 唔會過熟, 意大利飯份量剛好, 味道充滿菇菌香 扒和牛牛柳配辣根醬最後一道菜完美作結, 和牛柳肉質腍滑, 完全無渣, 令人再三回味另外再散叫羊架同招牌沙律🥗，同樣好味😋

店子位於大尾篤村公所旁，店主出身自五星級酒店，店名R&Y代表店主和媽媽的名字。雖然才於去年7月開業，但很快已儲下一班熟客，而OpenRice更是清一色好評，可想而知此店必有其過人之處第一次來時正值第五波疫情爆發，只有午市堂食，終於等到疫情緩和，可以試試晚餐了，馬上致電訂座因為惡人下午茶吃得有點飽，所以只點了一份焗魚，我當然要試試那豐富的Set Dinner啦～等候期間店員送上【麵包籃】，那片自家製香蔥薄脆是我的最愛套餐的【開胃餐前小點】是Parma Ham，肉質軟嫩【精選頭盆：大蝦配紅菜頭油醋汁、蘇格蘭煙三文魚配青芥苿忌廉及法國黑魚子醬】我不愛吃三文魚，所以只是淺嚐，大蝦爽口但略欠蝦味【炸蟹肉球配自家製蛋黃醬】外脆內嫩，裡面是滿滿的蟹肉店員說是他中午人手拆的蟹肉，辛苦了【香脆鵝肝配焦糖無花果及砵酒汁】雖未至於入口即溶，但甘香可口，焦糖無花果酸甜解膩【干邑龍蝦濃湯】質純濃郁【野菌黑松露醬意大利飯配香煎北海道帶子】帶子煎得金黃，肉質鮮甜嫩滑【扒和牛牛柳配辣根醬】一刀切下看到我最怕的半生熟牛柳狀態，試一口以為會馬上放棄，誰知咬下卻是肉嫩多汁，沒半點血腥味，讚！惡人點的【焗海鱸魚】魚肉嫩滑鮮甜

無意中喺yt睇到有人介紹呢間西餐講緊6個course都係498 條片介紹到好好食咁 等我親身嚟試試先位置好易搵 大尾督巴士站行2分鐘就到揸車嚟嘅話 可以直接泊喺餐廳門口Amuse Bouche每人都有一口巴馬火腿配開胃酸汁Bread basket店家自製嘅蒜蓉包超正 又脆又有咬口 氣孔超完美蒜香又出食完呢個包我已經對呢餐充滿期待House Favourite Appetiser三文魚煙熏味唔太重 唔會蓋過矜貴嘅黑魚子醬香味煎過嘅大蝦好鮮甜爽口 加上紅菜頭嘅甜好matchCrabmeat Popper炸到好香脆 入面全部都係一絲絲嘅蟹肉 好鮮甜加少少檸檬汁同蛋黃醬更好食Crispy Foie Gras with Caramelised Fig外脆內軟嘅鵝肝 入口充滿油香加埋焦糖無花果中和番油膩感Lobster Bisque with Cognac超濃郁 龍蝦味同酒香都好出Wild Mushroom Risotto with Hokkaido King Scallop勁大隻帶子 意大利飯有咬口充滿菇菌香Grilled Wagyu Beef Tenderloin用上澳洲M6和牛 油份唔重 肉

Went there yesterday with my wife and a friend of ours. All of us had the Deluxe Dinner Tasting Menu and, of course, it was great. Our favourites were the "Fresh Prawn Salad with Beetroot Vinaigrette" and the "Crispy Foie Gras with Caramelised Fig & Port Wine Reduction".

睇完食評 期待咗好耐今日終於有機會食喇🤩🤩🤩🤩🤩因為疫情關係 無開沙律吧但都有大大碗沙律 有菜 有生果 今日個餐湯係黑松露忌廉蘑菇湯 好香松露味 好滑😋前菜揀咗烤羊架同和牛羊架要咗7成熟 唔會太重騷味 西蘭花吸哂啲肉汁好香😌和牛係薄切牛扒唔鍾意食和牛嘅人好多都係唔鍾意佢會食到成口油但佢依隻嘅油脂相對無平時食開嘅和牛咁勁雖然menu話有薯餅 但唔知塊薯餅收咗喺邊和牛下面有一大片洋蔥 吸哂肉汁 好邪惡😆😆😆😆😆飲品揀咗一杯cappuccino 一杯latte

星期日約咗朋友去大尾篤行下，先去食個lunch ，一行三人去咗呢間小店食西餐。嚟之前已經決定去呢度食。估唔到已經full，冇book 位之下，好彩可以坐室外，室外都係得兩張二人枱可以坐，我哋三人都包咗室外了，其實食得仲安心過坐室內。提提大家嚟食，最好book 枱，因為枱數目小，地方都較細。個lunch set 包一個前菜，松露忌廉湯，一大盤麵包，自助沙律吧和飲品。前菜係蜜瓜火腿，個食物盤好別緻。個湯好濃菇味，幾好。自助沙律吧有幾款撈好嘅沙津，全部都係水準以上，仲有啲大路嘅沙律菜。我哋叫咗個走地雞餐，鴨胸配鵝肝，比目魚配帶子。個雞餐我叫嘅，唔記得影相😅，好好味，燒得剛剛好，隻雞都好肥美，比目魚同帶子都係煮得合到好處。係食物本質靚，廚師煮得啱啱好嘅情況下，呢啲西餐一定令人回味。

難得一日放假，就入下郊區行吓，見大埔大美督近近地，就搭75K巴士入去享受一個lunch之後，就去附近行吓睇吓影吓相。呢間餐廳位於斜路一間村屋嘅地下位置，一入村口靠右邊行就見到，紅色門面裝修都幾搶眼。之前見到朋友網上打卡影出嚟嘅走地燒春雞相片實在太吸引，雞迷點可以錯過，見到餐牌上lunch Menu有呢個套餐選擇，二話不說order先出面有一個自助沙律吧，仲有我最鍾意嘅鮮木瓜，加一點蔬菜認真開胃。先每人一份巴馬火腿配蜜瓜，一啖食落口咬幾啖，鍾意佢外層薄薄地嘅巴馬火腿，包住甜到漏嘅蜜瓜，好想再encore幾件。然後就是餐湯黑松露忌廉湯，雖然份量唔太多，但係黑松露味出色，唔會太鹹，味道剛剛好。本身已經好鍾意食雞煲，所以這一份蒜香慢燒走地雞配新鮮入口菠菜好啱我胃口，有滿滿的菠菜鋪底，一切開雞油及肉汁滲透晒出嚟，但油分就頗多，但係雞肉肉質非常鮮嫩，而且味道好新鮮好有口感，食落去唔似冰鮮雞嘅味道。而烤紐西蘭羊排外皮燒得好香好脆，不過就生咗少少，幸好可以再煮熟少少🤏，煮出嚟就啱啱好七成熟了，如果怕騷旁邊仲有醬汁可以點，不過我鍾意佢嘅羊味夠濃郁，而且口感好軟口。而且套餐仲有餐飲附送，我一杯凍檸茶、朋友