Rice Paper (已結業)

係好肚餓既情況入去，睇左好耐菜牌都揀唔落手，因為樣樣野都幾貴...係貴得黎唔多值~但係太肚餓，唔理得咁多~揀左咖哩雞，拼盤同生牛河~生牛河其實ok既，黎得呢度都唔預佢係正宗架啦~所以冇咩要求~個法包伴咖哩汁就好好味~反而對o的雞冇咩興趣~我地坐係近溜冰場o固便，可以睇下人溜冰，但係o的服務生成日睇唔到我地，搞到冇水飲~

這店裝潢非常雅致, 食物的份量較普通越南菜館少很多。一圍桌十多人於房內一點擠逼感覺也沒有, 非常舒適。由於嘗試太多菜式, 不能盡錄。記得大概有湯、飲品、小食拼盤、春卷、軟殼蟹、粉卷、羊架、牛肉粒、魚、菜、甜品等。要說出最好味的餸菜則沒有, 食物質素尚算平均。不過, 感覺席上的人吃完主菜後並沒有飽的感覺, 好似意猶未盡。有些餸菜是一式兩樣, 可見每碟份量不足多人食用。最後想講是甜品, 一向對甜品有要求的我覺得此店的cheese cake 不行。Cheese cake 沒有芝士味, 完全失望。幸好黑糯米挽回不少分數。喜歡此店的黑糯米不太甜, 賣相一流。黑糯米上放了杏仁和糖漿弄的擺設, 蠻有心思。猜這頓飯一點也不便宜, 有其他選擇下未必會再試。如果大家想與數位朋友於又一城找落腳點傾計食飯, 可一試。

復課後的第一個工作天。心情麻麻卻有點肚餓，不如放工去食少少野先再回家吃飯。叫左兩碟Snack意思意思算數。一個係六吋長既蔗蝦，一個係越式春卷。至於Service嘛,其實唔算好好/好差係倒魚露時整到我隻筷子都係有少少......*算係還可以既。

首先講環境暗暗地幾好情調但一埋位我個位隻碟竟然有幾粒炸粉向上面摸落仲係油既個餐紙上面亦有油漬好失敗坐低左差唔多五分鐘都無杯水serve下坐左成十分鐘都無人主動appraoch我地點菜餐牌都識背喇菜色味道好一般是但搵一間越南茶館都好過佢叫左個小食拼盤$116 但食物就得幾件粉卷X 2串燒X 2蔗蝦X 2蝦餅x 2... 係咁多極唔抵食&唔好食期間仲上錯野唉無下次

朋友聚會約響呢到食, 好啦試下佢! 姐姐安排我地去好似房仔噤既地方, 房內有兩張大同一張細, 加埋都可以容納十五六人, 但係就一個waiter都無. 每次都要我地行出去”邀請”姐姐哥哥入先有人埋下我地, 真係可憐!食物方面簡直就係天價, 你地想像一下大快活鮑汁荷葉飯都大過佢好食過佢, 但係佢收$86, 痴x線! 所以我地最後都退貨! 姐姐重黑面禁話“要個廚師試左係咪有怪味先可以退喎!”結果係“廚師話個味係禁, 係黃薑味, 一係炒過一碟比你, 一係轉另一樣!”黃薑?!?! menu無寫有黃薑喎! 苦喎! 另一個飯有寫用黃薑炒, 但係唔苦喎! 唔通呢d叫crossover???我地食左禁多樣, 樣樣都油到死, 而且又唔新鮮, 尤其係炸蔗蝦. 可能多人啦, d好似炸定禁! 上菜好快又有咩用?一定無下次啦! 唔單只我無下次, 其他5個人都唔會再去. 下次食之前都係曬下openrice食評先.

點解咁多人都講得依間野咁差﹖因為我好滿意﹗有一日﹐我媽咪話好想出去食﹐所以就近近地去佐又一城。我地去佐試依間鋪頭。我地排緊隊果時﹐我突然間要去洗手間。我回來果時﹐個hostess竟然認得我﹐重好好咁帶我回我的座位。環境好正﹐好靚﹗依個價錢可以座係依d環境裡面﹐真係正﹗我地好似叫佐春卷(糧款- 炸的和蒸的)﹐生牛肉粉﹐summer roll﹐同其他小吃。點食物上得好快﹐同好好食﹗都好正中﹐因為我之前個flatmate係越南人﹐所以我果時﹐時時食正中越南菜。有機會﹐我一定會再來試其他菜式﹗

朋友牛一, 帶他來這裡, 原因是環境比較好, 靜一點.沒有RESERVE, 只是WALK-IN, 因為看過其他食友給的食評, 知道打電話來一定會是FULL-BOOKING, 所以不用問了.RECEPTIONIST沒笑容, 這已扣分! WAITERS不主動, 又扣!第一次吃這個VIET-FRENCH FUSION菜, 不敢亂點食物, 我只要了個生牛肉河和SPRING ROLL, 朋友的我忘了.生牛肉河, 牛肉真係勁生, 生得有D恐怖, SPRING ROLL又唔CRISPY又唔熱, 真係凍冰冰, 好似連炸都冇炸過咁.講真, 連最基本既生牛肉河都做得唔好, 試問又點敢叫我試其他野呢? 唔會有番追既理由, 因為實在太差...

一向對m.a.x. concepts系列嘅餐廳亳無好感。"好"評如潮嘅EXP如是，泰國系列嘅simply thai亦如是...來到又一城已係近lunch hour，大部份食肆門外人山人海。Queen's Cafe門口仲企咗成十幾二十人响度，實在係荒天下之大謬也...唯獨呢度仲有大把位。肚餓到咕咕聲，冇辦法，姑且一試....通常小弟第一次去一間未去過嘅越南菜館，例牌菜一定係生牛肉湯河加蒸粉包，每次如是。若ok ge，下次再試第二D嘢，否則，逃之夭夭可也...生牛河連lunch set有杯嘢飲。香茅青檸薑蜜，口味幾清新，味道不錯...一睇個生牛河，湯底顏色深深，一喝，唔夠熱，大忌；D生牛肉若果唔浸耐D，容乜易食死我?牛肉一睇就知唔夠軟熟，不過好在唔係用普通肥牛，如果唔係實叫佢回水...羅勒葉? 欠奉...金不換葉? 亦欠奉..得D生芽菜及一小嚿青檸...唉...更唔奢望有鵝帝葉la...仲唔知點解會有幾嚿油條响度...蒸粉包，仲差過上次响越知味食到嘅，份量亦只得兩小嚿，"撩"牙都唔夠...逃之夭夭..下次冇交易...

Today is Dec the 1st (Saturday) and I went to Festival Walk with a bunch of friends for lunch. We were originally going to Queen's Cafe but my girlfriend was attracted by decorations of Rice Paper. So what the hack, might as well give it a try........The hostess (the lady who arrange the waiting list at the door) was really friendly and courteous. We were looking at people ice-skating and didn't hear her calling for us when our number came up, but she came around and told us our table was read

個次同媽子行街行到好累跟住找地方食晚飯。當初想去EXP，但又想到兩個人無可能食晒一個PIZZA，正當煩惱之際諗起呢間野，咁就走左入去！一早巳知係越南菜但又無想過佢mix up西式既煮法咁勁，搞到似越南又唔係西式更無可能！我媽子仲問呢間究竟係乜黎！但環境同埋待應既服務都幾好！而於食物.......唉！我點了一個冷盤、一個noodle同埋一碟雞！真係奇景！冷盤要自己包d菜黎食，但用黎包個塊野好似紙咁薄？！我同媽子搞左好耐先確定塊野係食得；但一包落去巳斷開兩邊，咁又點包呢.....真係好騎呢！個noddle都okie既但同我係旺角食個30蚊既粉無分別！如果咁比較我覺得呢度勁貴，因為無驚喜個粉！而個雞...其實都okie但送到黎巳涼左---曖雞！咁仲邊有口感！我覺得佢地算係失敗因為裝潢咁好，但食物係奇差！難怪真係有人寧願掃街，起碼有口碑先！

1. 環境(Environment)：睇得出有花心思去裝修，可惜部份通道過於狹窄，有d 位置連侍應想上菜加水都難。2. 味道(Taste)：食過七/八次，味道都只係普通甚至麻麻。更甚係最近一次食set lunch 發覺連頭盆都冇埋，有點兒搵笨。一個約$80 既set 唔包小食同飲品，主菜份量亦小，食完連飽既感覺都冇... 同樣價錢係又一城有很多更好既選擇。3. 服務(Service)：普通，部份似乎冇乜工作經驗。4. 抵食(Price)：見(2)，以呢個價錢係又一城一d 都唔抵食。5. 乾淨(Cleanliness)：唯一滿意的地方，不過係又一城其實間間都咁乾淨。

2/8(四) 7:15pm休假日期被一推再搪;再不休假,或會氣絕身亡.於家裏悠然閒躺一整天,一大樂事也!黃昏時分,男友來電相約飯局,玉步懶移;目標鎖定於又一城的Rice Paper.被安頓於室外的二人座,以白色作主調的格局本應不俗;遺憾地環境異常嘈吵,難以交談!還得把焦點著眼於食物上.欽點了乾蔥蝦米米粉卷$45,越式海鮮湯$52,蒜蓉包$18,煎鱸魚拌蘆筍$130及荷香小龍蝦海鮮飯$70作為我倆的晚餐.乾蔥蝦米米粉卷--粉皮厚身,咬落具彈性;包裹著酸蘿蔔絲,蝦仁及薄荷葉,蘸上其自家的酸蝦米花生醬汁;味道也像樣!越式海鮮湯--只吃到魚露及香茅味道;青衣柳,蝦隻,魷魚,車厘茄等材料講不上鮮美.蒜蓉包--迷你蒜蓉包一碟6小件,件件烘得焦香鬆脆,蒜蓉牛油份量及香氣恰到好處,煎鱸魚拌蘆筍--鱸魚難得的保持鮮嫩滑溜;意大利青瓜,蕃茄,蘆筍均新鮮爽脆;咖哩汁香而不辣,椰香味也挺濃重!荷香小龍蝦海鮮飯--飯粒短捷,腍散;卻帶荷葉香.小龍蝦肉地彈牙,鮮度高.反之蝦仁,魷魚,冬菇粒等鮮度欠奉,水準不濟.服務生多為新手,戰戰兢兢的,水平有待提升!AE白金卡主惠顧全單半價,折後$193.若惠顧的話,只限於AE

星期二七點去~ 冇book, walk-in 三位有位(之前打去話booking full哂)野食普通唔在講講貴佢又唔算好貴不過0的service 就認真差!1. 叫極冇人落order, 門口就企左兩個人2. 加水都快~不過你好心放隻杯過去比佢，心諗佢實醒目啦～點知佢可以扮見唔到。2. 食完打算傾一陣～過５分鐘就過黎收野～都好趕住收工WOW!

裝修幾好,舒服. service都幾好,但D食物很垃圾!唔怪得間餐廳沒有其他客人啦! 浪費了一個裝修幾好環境!除非換過個廚啦,如果唔係都唔會再去!

想試好耐, 今日同朋友兩個人0黎dinner. 環境裝修真係超靚... 而見佢標榜法越fusion, 都知道應該expect d 乜水準...- 蒜蓉包(見圖): 份量迷你, 烘得好脆, 中間軟熟. 牛油香唔多夠, 中間甜甜0地咁, 不過整體味道唔錯.- 生牛肉湯河: 湯底好鹹!!! 牛肉幾好味, 河粉一般, 整體麻麻因為湯底唔得.- 蔗蝦rice paper roll: end up 呢個係一個錯誤0既選擇... 一向對巨型蔗蝦無乜好感, 今次0個d 就係巨型的, 一般啦. 店員走埋0黎幫我0地切開晒d 蝦膠, 剩返兩隻蔗- 我寧願佢唔好切, 俾我0地成件就咁咬, 食到d 蔗味. 菠蘿+ 楊桃+ 蝦膠+ 炸米粉條(仲有d 超級酸0既香蕉... 唔0岩我) 捲入鹹鹹0地0既rice paper 入面一齊食, 味道唔差, 不過無驚喜.- banana soy milkshake: 第一啖飲落無得頂, 不過愈飲愈甜, 結果我飲唔晒.- 豬頸肉: 朋友至愛, 薄切豬頸肉肉質幾嫩滑, 口感豐腴, as expected 幾漏; d 汁就唔係咁惹味.Service 都唔係其他comme