Second Bite Bar & Grill (已結業)

呢排打得邊爐多，今晚就決定食西餐。友人食過呢間話唔錯，餐廳位於長沙灣，小店規模，更有特色。店內位置唔多，幸好係平日，即使walk in都有位置，裝潢偏工業風，水泥牆、雲石枱，半開放式廚房。近門口位好似酒吧形式，氣氛悠閒。餐牌選擇不少，有海鮮、沙律、小食，主食有漢堡、意粉、墩飯等，一律單點，價格同一般西餐廳差唔多。見隔離枱仲點左新鮮生蠔，可惜同行友人唔喜歡，我又唔想獨樂樂。蟹肉牛油果蓉沙律 $168最近都好鐘意牛油果嘅料理，點左沙律，份量不少，面頭嘅都係蟹肉，用料實在，蟹肉有鮮味。牛油果蓉分佈碟邊，果蓉幼滑，已經熟透估唔到墊底仲有西瓜，好甜呢。味噌花雕蜆 $138煮法幾特別，一於試下，店員幾細心，仲俾埋個兜仔裝番啲蜆殼。大蜆大隻，肉質雖然唔算好飽滿，但乾淨無沙，仲有種鮮甜味。味噌底都幾濃郁，唔會太鹹，花雕嘅部份比較低調。蜜糖紅椒雞翼 $88其實友人就推介咸蛋黃雞翼，但我就想試下呢款，味道都唔錯啊，一份六隻，上枱時色澤較深，外皮炸到超香脆，而且有蜜糖甜味。雞肉唔會太死實，作為雞翼控，就好滿意。大頭蝦扁意粉 $238大頭蝦名符其實，大隻都不得了，開邊煎起，方便起肉。蝦肉結實而爽口，唔需要多加

年尾加人工又出花紅，要好好慶祝一下！相約好朋友到位於長沙灣既second bite大吃一餐！位置有一點偏遠，離地鐵站10分鐘路程左右。跟住google map行，終於見到啦！係OpenRice 訂枱時擺左烏龍，訂左一位所以剛到時只有高枱available，不過staff 們好貼心，一有坐位就馬上幫我地轉位。一坐底就開左枝甜酒先，朋友同我都不是好酒之人，不過開心嘛，點都要飲返一兩杯既！環境不大，但是雲石枱同裝飾都好靚！入少少仲有一張大長枱，相信一大班朋友餐敘，second bite都是一個不錯的選擇！得2個人，所以叫左3樣野就收手。很驚喜！所有食物都好高水準！真係估你唔到呀！第一道上枱既係芝士流莎粟米Staff 會問你洗唔洗影張相先，影完相就會拎返入去幫你地切好先再上枱，服務好貼心！叫個陣都好奇點解叫流莎，唔通d芝士溶曬所以叫做流莎粟米？原來唔係！係因為佢加左咸蛋黃芝士粉，芝士醬加上咸蛋黃蓉，同粟米真係好夾！同友人好快就KO左佢好快另外2道就到了，不得不贊這兒的上菜速度。噹噹噹！龍蝦nachos！龍蝦已幫你起埋肉，一粒粒龍蝦肉混著各種醬同墨西哥脆片一齊食，好吃！ 2隻大龍蝦鉗入面有肉架，

長沙彎深水埗真係非常多野食，之前已經食過返尋味，適逢聖誕節，老公話同我去食好西慶祝下喎！我緊係唔洗諗，揀呢間second bite啦，之前我就已經話過一定要再食呢間！超美粉紅色既聖誕樹！靚到不得了！裝修好有格調！今次一定要揀呢個手抓海鮮二人分🦞青口，大蜆，大蝦，小墨魚，秋葵，粟米，西蘭花！量多，鮮甜，經典香辣汁夠哂惹味！食手抓好貼心，有圍巾，手套等等，方便大家大快朵頤！自家肉餅漢堡必食！一試難忘！要再食再食！水準保持良好！夠Juice！熱辣辣！配料多！芝士忌廉海鮮燉飯，芝士夠哂濃郁，忌廉夠香，調味一流！配以洋蔥，雜菇碎，青口，蜆肉！一口接一口不不了🤤完全無諗過一間咁有水準既餐廳會開係不算是大街大巷既地方！雖然係咁，但都無影響到佢地煮既食物味道！裝修亦放足心機！非常欣賞呢一點！價錢雖然不是最平！但我認為這價錢絕對值票價同對得住師傅所煮食物既價值！讚

就快到聖誕，已經好想食聖誕大餐好多餐廳已經開始有聖誕裝飾啦，好開心呀而呢間餐廳門口既聖誕樹相當吸睛呀🎄係粉紅色既聖誕樹呀😍😍😍______________________________🔹波士頓龍蝦脆片 $298Second Bite唔止deco靚，連食物擺盤都好靚啲龍蝦肉已經起晒出黎撈入脆片中間但會用返龍蝦既霸氣外型黎上枱龍蝦鉗入面都有肉架，重好飽滿添脆片除左龍蝦肉，重有勁多焗芝士同芝士醬加埋少少橄欖同青辣椒，真係汁都食乾淨3種蕃茄醬，牛油果醬，同酸忌廉都好高汁.🔹肉餅脆蛋漢堡 $148🍔漢堡好足料，有埋薯條同沙律，份量相量之多切開時小心啲🍳雞蛋係流心肉餅又大又厚，入口唔會乾爭爭包幾厚身，口感鬆軟🍟薯條唔係勁脆，少少淋，咬落中間啲薯好似薯蓉咁棉棉地，好好味

Second Bite is a cafe/restaurant with fancy modern art as interior decoration which got my heart immediately once I entered it.Facing this picture of cutey cat, my first thought was, what a nice reminder! Focus on your meal instead of your phone. Mindful eating. Shortly after that I realized why this picture was placed deep inside the restaurant, it's because there is really weak signal reception! You can't upload an IG story nor receive/send a whatsapp message...So forget about your phone while

🎏風味水牛城辣雞翼 $88醬汁嘅酸味同辣味都比較濃烈喜歡濃味嘅朋友仔可以一試.🎏手打肉餅脆蛋漢堡 $148肉餅因為手打嘅關係肉質唔會鬆散 比較有口感麵包用牛油烘過好香口 脆蛋係流心嘅半熟狀態 Burger底下有雙色粗條薯條 可惜偏腍唔夠香脆.🎏香煎海鱸魚燴飯 $168鱸魚煎到皮脆肉嫩 唔會腥燴飯做得不錯 飯粒煮得剛好 軟硬適中 每粒米飯都可以平均地沾上好creamy嘅醬汁.🎏荔枝白桃梳打 $38.🎏黑松露野菌意粉 $128份量比想像中多 足夠飽肚適合素食者 黑松露味道唔算好濃

今日同老婆都放假，決定提早去食聖誕大餐，但我地2個都唔想去大遠地方食，所以就決定去屋企樓下呢間second bite肉餅脆蛋漢堡：呢個漢堡十分出色，用料足！芝士、番茄、菜、大大塊蛋，巨型肉餅。肉餅食落肉汁勁多，好好味薯條分兩種，正常薯條同埋南瓜條。2種都不錯手抓海鮮；材料有蝦、青口、墨魚仔、大蜆、粟米、西蘭花、秋葵等等⋯⋯配上招牌辣醬，十分野味芝士忌廉海鮮燉飯：汁勁香，海鮮新鮮，食落濕濕地，開胃又好味荔枝白桃梳打：桃味十足，好飲呢餐我同老婆都好滿足

Second Bite已經變左我其中一間飯堂，因為無論餐廳格局或者食物質素我都好喜歡。雖然Second Bite喺長沙灣，但係非常適合駕車人士去，因為餐廳門口或者附近都有好多地方泊車，所以好方便。重工業風既裝修加上一幅幅裝在牆上既璧畫充滿左文青既氣息，有舒適自在既感覺。餐廳基本上分兩部分，一邊係享用食物，如果淨係想飲杯酒餐廳都有酒吧部分。餐廳食物質素非常之高，今晚order左美國頂級牛板腱同手抓海鮮總匯。先講個牛板腱，7成熟我覺得反而啱啱好，因為呢個部分太生會食唔到juicy既口感，餐廳處理得好好，食落好有口感，牛味勁重但又唔會韌，牛肉質素非常高，配菜既茹都好香口，強烈推薦。令外手抓海鮮總匯，包括虎蝦，大蜆，青口，墨魚仔，秋葵，西蘭花同粟米。首先份量都好多，虎蝦同蜆都勁大隻，檸檬蒜蓉汁非常夾呢道菜，令海鮮既香口又保留鮮味，好好味！

等奶奶放工同佢黎到呢到食晚飯，因哥哥就住係呢頭附近佢食完話好正就介紹我地黎食啦！！我地晚上6點多黎到入面已有不少客人在享用晚餐，所有枱都係采用雲石設計，牆上亦掛滿不少壁畫，令到餐廳富有不少藝術感，仲有美美既聖誕🎄裝飾等等，十分有氣氛！！我地total點左3款菜式，包括有一個哥哥推薦的肉餅脆蛋漢堡、呢個係必食之一，第二樣就係咸蛋黃金雞翼！！咸蛋黃金雞翼$88雞翼外脆內嫩，食落勁香咸蛋味道口感一流，咬落去個皮脆脆的肉質又夠晒嫩滑，最緊要係夠晒熱，即點即炸！！👍🏻👍🏻肉餅脆蛋漢堡$148超有份量既一個漢堡，我地想將佢一分為二，剛好就有把刀插住係個漢堡上面，真係有夠貼心的舉動😂😂😂切開左之後還是厚厚的一層，雞蛋還是流心的肉餅又大又厚入口鬆軟，食完已經飽飽滯滯不得了。漢堡底下仲有大大條厚切薯條，有原味同埋蕃薯🍠味，可惜了一些就係蕃薯味偏淋了，無左脆口既感覺！！牛油果蟹肉他他$78就這樣完成了我們今晚的晚餐了

今日放工，同朋友去咗長沙灣一間西餐廳晚餐， 雖然唔係好近地鐵站，但係十分鐘內就到，亦都好易搵，係同事介紹。 間餐廳裝修都幾有格調，一入門有個bar枱位，如果未食飯，都可以喺度飲杯嘢傾下計。牆上仲掛咗幾幅大油畫， 食嘢之餘，仲可以欣賞下！頭盤我哋點左香煎鵝肝帆立貝， 帆立貝好鮮好嫩， 我最愛嘅鵝肝非常吸引，煎到表皮少少脆，入口溶化，仲好香！ 伴碟有沙律菜，加咗清甜嘅醬汁，同鵝肝一齊食感覺一啲都唔肥膩， 個份量兩個人share， 啱啱好。Order左cocktail Pina colada同埋一杯無酒精嘅蜜桃荔枝cocktail, 兩杯都有驚喜感覺，一啲都唔求其！主菜order左個細嘅手抓海鮮盤同埋牛板腱， 海鮮盤有虎蝦，青口，大蜆同墨魚仔，同幾樣疏菜， 我哋揀咗檸檬蒜蓉牛油做醬汁， 檸檬同海鮮一向係絕配 ，個醬又唔會太鹹，可以食到海鮮嘅鮮味，兩隻虎蝦好大隻， 青口同大蜆既份量好足， 兩個人食一定夠。 餐廳準備左即棄圍裙同手套俾我地，用手品嚐海鮮就唔怕整污糟對手，好貼心！ 另外店員加水同換骨碟都好主動，值得加分！七成熟嘅牛板腱處理得啱啱好，肉質鮮嫩，一啲都唔韌。 伴有沙律菜同埋用醬汁烹調左

他說，想吃西餐。地點，長沙灣附近。經過一番搜尋，迅即鎖定了目標 - Second Bite。 原先，不抱太大期望。結果，卻，出乎意料之外…… 餐廳位處昌華街盡頭處，主打海鮮，不過是「手抓海鮮」，鼓勵客人放下電話，騰出雙手，帶上手套，用手慢享佳餚美食。據說海鮮每日新鮮運到，客人可自選烹調海鮮的醬汁，最受歡迎是由由十多款香料製成的招牌辣醬，可選大、中、小辣。 餐廳內，掛有不少新派浮跨的畫作，配上白底襯著不規則黑紋的雲石枱，予人一種與別不同的感覺。 他，是夜竟捨啤酒而不要，點了一杯Cocktails - 鳳梨可達Pina Colada$68。菠蘿汁，混合椰奶泡製而成，椰奶味十分香濃突出 ，且帶有淡淡的菠蘿酸甜味，非常特別。 小妹，則要了一杯清爽帶果香且白裏透紅的Mocktails - 鮮果草莓梳打Mixed Fruity Soda$48。 是夜有兩款空運生蠔，左手邊較細隻是法國生蠔$52/隻，右手邊較大隻是愛爾蘭生蠔$48/隻。吃生蠔要由淡到濃品嚐，侍應叮嚀我們要先吃愛爾蘭生蠔。 愛爾蘭生蠔隻隻肥美飽滿，鮮甜爽滑，其帶子位極甜，有強烈的回甘。 法國生蠔蠔味很濃，帶微微金屬味，肉地豐厚有咬口，

今日朋友约左我請我補食生日飯。問我想食乜，我話食西餐，於是係open rice揾到這間有水準的餐廳。雖然這閒餐廳位置不是坐落旺區，但入內餐廳環境格調高貴，黑白色嘅雲石枱，好有高级餐廳感覺。有兩款生蠔，愛爾蘭及法國品種。爱爾蘭蠔比較大隻，兩款蠔好新鲜及好重海水味。龍蝦包用龍蝦頭尾上碟，中間是牛角酥装满龍蝦肉，真係色香味俱全。咸蛋黄金雞翼，雞翼肉質嫩滑，配合咸蛋黃食，真係好正。芝士流沙粟米，粟米加左咸蛋黄同芝士，食落真係好夾。鮮菓草莓梳打，食完野飲好正。

本身都好鐘意食海鮮, 感覺上又健康D, 見到屋企附近有間手抓海鮮好似都唔錯, 之前食過香港另外1D有名氣D既手抓海鮮, 價錢都比較貴, 而呢間就相對貼地1D手抓海鮮係自己揀自己配搭, 有蝦有蟹有墨魚等等, 仲有唔同蔬菜既選擇, 豐儉由人, 想食幾多就自己決定今次我就揀左龍蝦, 青口, 粟米同西蘭花, 要左胡椒奶油汁。原來龍蝦係小龍蝦黎既, 不過都唔少肉, 幾彈牙, 青口都唔錯, 不過D蔬菜更加索汁所以好入味!另外叫左個蟹肉沙律, 食得出係真蟹肉! 而且下面係有西瓜粒, 好特別, 原來仲幾夾!!

呢間你長沙灣嘅小店真係令人驚喜、平均午餐價錢都係$70至$80 套餐！套餐只去到下午五點半、之後晚上就要係單點價錢亦都略貴！今日就試咗一個旋風蛋雞扒令人驚喜！佢想嘅餐湯夠熱呢個係好重要！熱奶茶亦都係有好香嘅茶味、所以感覺入邊嘅師傅應該係做個大餐廳、其他值得一試嘅有大蝦蘑菇意粉、炭燒燒春雞！喺呢個位置有大餐廳嘅質素的確唔簡單！小店入邊嘅裝修亦都係非常有特色、如果你有行開嗰個位置可以不妨一試！

去開長沙灣想搵間質素好啲既餐廳食飯，上openrice search到呢間就決定要試下。裝修幾有特色，都坐得幾舒服。手抓海鮮(膏蟹, 藍青口, 虎蝦): 一黎到已經聞到好香，膏蟹炸得好好，配上2nd bite既招牌辣醬好惹味，藍青口一啲都唔乾，大隻有咬口，虎蝦都同辣醬好夾，肉質結實。店員介紹左香煎BB羊架俾我地，真係好好味。羊架煎得好香，肉質結實一啲都唔韌，煎到大概5-6成熟，入面仲係粉紅色既。芝士流沙粟米幾有趣，平時都係食開牛油粟米，但今次加左咸蛋黃同芝士，用啲重口味既醬配翻比較清既粟米幾夾。鮮蜆忌廉意粉: 非常重牛油味，配上粗意粉好有口感，蜆既數量好多荔枝白桃梳打幾清新，食完重口味既野食飲就岩哂