Second Bite Bar & Grill (已結業)

睇睇下IG，見到同事食海鮮意粉好似好正， 一問之下原來係長沙灣既second bite，所以就立即約人黎食！ 不過同事已經溫馨提示話間餐廳唔多近地鐵站，果然真係，係長沙灣C2出去地面之後都要9-10分鐘。我地大約19:00到左，人唔太多，一入都有位，環境都算幾大。店中裝修很有心思, 別具藝術氣息,暗黑灯光下可以放鬆情緒, 舒服吃飯~最貼心是OPEN KITCHEN ，可以望到廚師煮野食同埋D野食既香味飄曬出黎!好餓呀!Menu 選擇超多,  海鮮係呢度既主打..有點花多眼亂, 我同朋友什麼都想點呢~由於愛吃海鮮的關係，所以點了大蝦濃汁意粉(HKD 168)：意粉雖然冇乜特別擺盤，但好有內涵。海鮮扁意粉咁有大蝦、青口同大蜆，加上濃汁，好好食。海鮮全部都好新鮮，扁意粉好多汁，帶濃郁蝦味。睇圖都知好正個汁真係無得輸!好細心有兩款醤可以簡，分別係KETCHUP同CREAM，另一個係蛋黃芥末醤，待別係蛋黃芥末醤做得好出色!一點再點!另外叫左個秘製手打肉餅脆蛋漢堡  雙色薯條  沙律( HKD 138): 個漢堡一啲都唔講得笑！個包鬆軟香口，夾著蛋、蕃茄、醃青瓜、芝士等配料，而主角手打肉餅亦厚度十

長沙灣起咗好多公屋之後就多咗好多唔同餐廳嘅選擇，今日嚟到呢間裝修好似幾有情調嘅西餐聽。試咗好多地方都有嘅龍蝦包又出奇地覺得幾滋味！龍蝦包用上焗到鬆脆嘅牛角酥，上碟時成隻龍蝦咁又幾有睇頭，龍蝦肉爽嫩，唔會太鹹。令人一啖一啖咁將佢K.O.配上薯條同埋番薯條，俾人感覺又有多一種味道。另外試咗香鱸魚燴飯，個皮煎到脆波波嘅鱸魚冇腥味，燴飯好濃郁，加上唔同嘅菌類，令到口感多層次。之後飲埋杯冰凍嘅水果茶，為呢餐幾驚喜嘅晚餐畫上句號

朋友介紹左呢間西餐廳俾我，雖然位置唔係太方便但都想去試下。見到餐牌上既手抓海鮮覺得幾特別，就揀左幾款試下，醬汁方面揀左2nd bite招牌辣醬，非常香口同海鮮好夾，亦都唔會太辣。最好味既係藍青口，食落juicy有咬口，膏蟹肉質比較結實，有好多膏但因為炸左所以冇左平時嗰種膏既味道。虎蝦都好好食，似避風塘炒蝦。香煎BB羊架唔會好大陣’蘇’味，肉質幾淋，點少少薄荷醬更加帶出到羊既味。芝士流沙粟米幾特別，粟米爽口，配上類似蓮蓉蛋黃醬鮮蜆忌廉意粉有驚喜，用牛油煮意粉，意粉粗身有咬口荔枝白桃梳打清爽既味道，荔枝既味道濃啲，幾好飲整體黎講食物質素好好，海鮮、肉同意粉都掌握得好，特別推薦佢既手抓海鮮。

在長沙灣的住宅區，有一間頗有情調的小店，名字叫Second Bite。店內裝修走輕工業風，還注入了一點藝術元素，牆身和天花都掛滿不同的畫作。7-up & Asahi $15, $38咁嘅環境黎講，飲品定價唔算貴，幾好！秘製手打肉餅脆蛋漢堡  雙色薯條  沙律 $138價錢唔貴，但份量十足，漢堡疊得高高，底下是雙色薯條，旁邊有沙律菜。個漢堡一啲都唔講得笑！個包鬆軟香口，夾著蛋、蕃茄、醃青瓜、芝士等配料，而主角手打肉餅亦厚度十足！蛋煎至皮面香脆，但內部仍是流心的，濃郁的蛋液咇晒出黎，配搭可口的肉餅真是一絕！雙色薯條配雙色醬汁。大蝦濃汁意粉 $168除咗大蝦之外，仲有青口同埋蜆，全部都一樣新鮮好味！個汁真係唔講得笑，係特濃嘅龍蝦汁，每一條扁意粉都掛滿龍蝦汁，啖啖都咁香咁鮮味！

今日朋友又帶我捐窿捐啦搵好嘢食，知我好鍾意食海鮮，仲揀咗間有海鮮嘅小店食飯餐廳位置由長沙灣地鐵站行去，需要10分鐘左右，不過都唔難搵，通常呢d隱世小店都非常之有特色，去完你就會發現係好值得！入面雖然係open kitchen ,但一d油煙味都冇，所以做得好好一睇Menu，就決定叫《海鮮手抓盤》其實係自選海鮮 + 蔬菜 + 醬料，自由mix and match我們揀左扇貝（3隻），法國藍青口（8-10隻），小墨魚(8隻)，大虎蝦(2隻)，蜆(8-10隻)，粟米+炸蛋,配上招牌辣醬大愛招牌辣椒，因不太辣，不會蓋過本身海鮮嘅鮮味 我朋友勁愛隻炸蛋，問店員才知原來係直接打隻蛋落滾油度咋外皮蛋白炸得好脆，但蛋黃依然保持着流心  真係好特別牛油果蟹肉沙拉$168好開胃及清新，用新鮮牛油果打成茸，蟹肉亦都非常之多，配上新鮮嘅沙律菜，最底仲有少少西瓜，真係好清新Second Bite甜品總匯$198朋友見隔離枱叫，賣相好吸引，所以一定要叫  入面有雪糕, 朱古力蛋糕, 芝士餅, 棉花糖, 威化餅, 百力滋, 水果..好似kinda出奇蛋，一次過滿足你幾個願望 🥰最重要成個甜品杯個size大過我個頭飲品

專程去長沙灣搵個喺嗰頭返工嘅朋友食飯 對於係講到返工嘅朋友實在係...友情嘅考驗😂 好彩second bite嘅位置都算容易搵 長沙灣地鐵站行8分鐘左右就到 唔使絕交😂入到去港女心心眼咗🙊餐廳入面有好多古靈精怪嘅掛畫 連盞燈都好靚仔 啱哂同朋友聚會影靚相💡樓底又夠高 唔會好嘈坐得都舒服嘅😛本身睇咗openrice食評想叫海鮮拼盤 但原來要預早訂😱想食嘅朋友就唔好學我 記住提早訂喇🙈我地兩個人食 叫左兩個主菜 一個小食全部都份量適中 一男一女啱啱好夠飽🤓 價錢就唔算係最平 咁都食咗五百零蚊 不過間唔中一次 無所謂嘅😂首先嚟個龍蝦包 賣相好吸引 有雙色薯條(蕃薯同薯仔) 墊底🍟 又用咗龍蝦頭尾裝飾 連手殘嘅我都可以影到廣告相嘅效果😂而且真心啖啖肉 個包又夠酥脆🙊👍🏻另外又叫咗個比較飽肚嘅大蝦意粉 唔係好hea嘅茄膏味 蝦又夠爽口 估唔到嘅係竟然仲有好多蜆同青口 in a way 彌補咗我食唔到海鮮拼盤嘅遺憾(?)😂利申 鹹蛋乜乜乜嘅fan (魚皮!) 所以食到飽飽地都仲係忍唔住加咗個鹹蛋雞翼😂 無失望 啖啖都有鹹蛋黃 夠哂咸香 最後輕鬆食得哂 無做大晒鬼😎其實喺九龍食飯 成日都尖沙咀同旺

朋友在附近長沙灣返工，佢話放工又唔想迫出去油尖旺食飯所以我哋喺長沙灣搵到間裝修幾靚嘅餐廳試吓！門面好靚，好吸睛望上去原來裝修係HollandWindow girl,好特別我哋嗌咗個秘製手打肉餅脆蛋漢堡🍔漢堡一上心諗咁大份同朋友share一齊食，咬落去啲蛋汁流晒出嚟，肉餅好特別，肉餅同雞蛋好夾，牛肉食得多，肉餅真係第一次食！然後我哋嗌左個越南大頭蝦扁意粉隻蝦好新鮮個汁好惹味，原來係店主用龍蝦殼煮嘅汁，每日新鮮炮製怪唔得咁香！本身仲想加小食，但係已經好飽！環境好舒服店員見到我大肚遞上熱水

門口設計優美，店內坐位好舒適，鋪內有不同插畫，顏色及圖案好特別同鮮艶💖💖有愛爾蘭同法國生蠔選擇，好新鮮同好有口感，正呀😍😍鍾意食生蠔嘅你一定好鍾意呀必食加拿大素食白䐁斧頭扒，可以叫7成熟，食落好有口感，好juice 😋😋😋一試難忘，第一次食七成熟嘅豬肉，真係一定要試試小食拼盤，好特別，薯條有兩款，有兩款醬汁選擇大蝦濃汁意粉，海鮮好新鮮，大蜆鮮甜，蝦好爽，意粉有口惑，重點個汁味道好濃好香

雖然位置唔係話十分方便，但都唔算難揾，係長沙灣C2出口行過去都係十分鐘左右。一入到去就會見到兩張bar枱，餐廳都有cocktail提供，俾你同朋友吹下水飲下野，都幾relax。再行入少少就有正常食飯枱，係雲石花紋，睇得出都有用心簡過，枱同枱之間唔會好逼，樓底又夠高，講野大聲少少都唔會驚嘈到人。今次同朋友黎，一人叫左個主菜share黎食，份量都多，一定夠食，味道仲有驚喜添。叫左個波士頓龍蝦牛角包配雙色薯條同沙律。個人偏好蕃薯條，好甜好脆，牛角包仲好酥脆，講到重點既龍蝦，咬落去每啖都食到龍蝦肉，絕對唔係hea你，一個包入面得一兩啖龍蝦肉果D。另外仲叫左個大蝦濃汁意粉，個醬汁有好香濃蝦味，仲有好多海鮮，又有蝦、蜆同青口，唔好睇佢份量好似好少，食落其實好飽肚。兩個主菜都唔錯，超出我預期。

之前睇蘋果動新聞 有一則影片係介紹過呢間餐廳嘅手抓海鮮 難得今日收早 專程同朋友過去一嚐一嘗海鮮種類多達十種， 本地龍蝦兩隻先$200， 膏蟹一隻$168， 扇貝三隻$68…… 其實價錢真係唔貴 好抵食！ 仲有七種蔬菜選擇及三種醬汁提供點選了: 扇貝三隻+法國藍青口八至十隻+基圍蝦八至十隻+蘑菇 (配上招牌辣醬)total $219當點選了手抓海鮮 餐廳職員馬上送上 圍裙，濕纸巾及膠手套……相當貼心的服務， 老闆推出手抓海鮮嘅用義係謝絕低頭族 想人放低電話用手食青口又大又肥美 肉嫩又鮮甜 甜甜辣辣嘅醬汁是靈魂嘅精髓 相當惹味扇貝相當巨型 原隻放入口勁滿足 肉彈鮮甜，整體全部海鮮都夠新鮮 相當唔錯主菜方面叫左個 加拿大素食白豚斧頭扒$288 牛肉嘅斧頭扒就食得多 豬肉嘅斧頭扒就真係未試過 職員仲問我哋想要幾成熟我答咗佢要七成…… 心諗乜豬肉都可以要幾成熟嘅咩相信呢塊豚肉斧頭扒是相當優質的 稍為劣質少少 都唔可以唔熟咁食， 七成熟嘅豚肉中間依然粉嫩 但係食落口完全唔覺得生 相當有驚喜 口感爽脆 肉質細嫩又彈牙配菜有大量蘑菇，蕃茄仔，鮮露筍及原個蒜頭等等，有菜有肉， 細心留意碟底 啲肉汁流曬

呢間餐廳既位置都幾隱蔽，吾係朋友帶我黎我都吾知道呢。當晚餐廳冇坐滿人，直接去都有位的。可是可能較夜去到（八點幾左右）想食的菜式都售完了🙈.後來揀左香煎海鱸魚燴飯 $168，份量算大，可以同朋友share 食，個飯多汁，幾creamy 👌🏻 個鱸魚還可以，如果再滑啲會更好🙊鹹蛋黃金雞翼 $88大大隻雞翼，每隻均勻沾上蛋黃汁！個汁幾特別，味道濃郁，雞翼肉都幾滑，好食呀！🤤2nd Bite雜莓芝士餅 $88賣相吾錯，味道還可以，不過質感有啲似未雪好🙈有啲削。

今日放工約左朋友去飲嘢，朋友話要帶我去食一間有特色既西餐廳～～於是就黎到長沙灣的second bite～咁睇店外裝潢好chic同好relax ～店員安排吧台前既坐位俾我地，見到林林種種既酒排列我地前面～未飲酒已經好興奮！坐低可以見到廚房店員在忙緊出菜⋯⋯我覺得開放式廚房可以拉近同客人距離及多左份無聲的交流，感覺比較親切～～餐廳菜式以西式為主，黑板上亦會寫上Today special 有空運生蠔，仲有秋冬必食既當造大閘蟹菜色，感覺比一般西餐廳高質～雖然我地樣樣都想試～奈何我地只有兩個人⋯⋯只好貴精不貴多！蟹肉牛油果沙律蟹肉肉味濃郁，用足料絕對唔馬虎！配上牛油果蓉同新鮮沙律菜，健康清新！美國頂級牛板腱煎得剛好，見到肉質粉嫩多汁！牛肉入口即化，咬落唔會過韌，嫩滑香口！喜歡可以點少少芥末醬，夠惹味！自選手抓海鮮，可以隨意配搭～我地揀左蝦、青口，配菜有秋葵同野菌 加上餐廳的招牌辣醬，唔太辣，辣醬配埋海鮮唔會搶曬d味，反而海鮮變得更有風味！咁Chic環境當然需要有點酒精調味一下～整體我覺得價錢偏貴唔算大眾化，但勝在菜式多元化及夠精緻！長沙灣有如此高質的西餐廳真係有d估唔到，有要求的朋友食完絕對有驚

今日係長沙灣放工 就諗住係附近食埋野先走~行行下就見到依間西餐廳 裡面啲裝修都好似幾靚就入左去啦好靚既霓虹燈裝飾 i love you to the moon and back~仲有啲唔同既畫係到 幾特別雲石枱真係好靚野食由小食前菜去到主菜甜品都有 勁多選擇呀~小食我地就簡左個2nd bite 風味水牛城辣雞翼 ($88)食落去唔會話太辣 平時唔多食辣既朋友都可以一試~雞翼炸完再淋啲汁上去都唔會浸到淋曬 好好食主菜個邊我地就嗌左兩個burger秘製手打肉餅脆蛋漢堡、雙色薯條、沙律($138)同埋明太子軟殼蟹堡、雙色薯條、沙律($168)兩個burger上枱個陣都真係嚇親~因為份量真係好多呀肉餅脆蛋個感覺好特別 好似食緊中式飯咁但又係個包入面 但又配合得好好至於明太子軟殼蟹堡個軟殼蟹炸得好好食~~仲要非常多既牛油果醬~ 加埋一齊好正burger會連埋沙律同薯條一齊上既真係不得不讚下佢個雙色薯條~有普通薯條同蕃薯條 全部都係岩岩炸起 脆卜卜咖~好正!雖然依間餐廳個位可能有少少入但係cp值好高~ 同埋店員態度都勁好下次會約埋朋友專登入黎食~

今日同女朋友去長沙灣覓食，順便過下二人世界😂收左工後，跟住Openrice 既指示由長沙灣C 出口開始向Second bite 方向行，步行約15mins 先搵到餐廳。係地理位置上，餐廳其實係荔枝角同長洲灣中間，由長沙灣地鐵站行去餐廳位置都算頗遠，不過，行過一次識行後，下次再去時間會再縮短d😄P.S. 發現若果由元州商場行過去，感覺好似會快d🙈✅鳳梨可達 $48鳳梨就個個都知係菠蘿，但鳳梨可達又真係第一次飲🙈菠蘿味夾雜住d 乳酸味，又幾特別同幾好飲波。✅原隻波士頓龍蝦牛角包。沙律。雙色薯條 $228香酥牛角包夾住滿滿龍蝦肉，外面仲淋上芥末醬。食落真係香，酥。脆❗️龍蝦包既香，牛油包既酥脆，好滿足☺️✅手抓海鮮 點左5款海鮮，包括有基圍蝦，小墨魚，膏蟹，四季豆 同 栗米 而source 就揀左招牌辣醬。雖然手抓海鮮係需要等候，但當菜式上枱後，就覺得一切都值得❗️先講下個膏蟹，好正好多膏，大大隻切成4塊，每塊都有滿滿既膏係上面。另外基圍蝦同小墨魚都有約10隻，幾足料👍 栗米切成4~5塊，更易入口。成盤菜式都好入味，好惹味，果然係招牌菜😋店員仲好貼心咁比左個兜仔，可以裝蟹殼蝦皮等。入面仲有濕紙巾同

通常食西餐我都會約朋友去尖沙咀或中環的地區，但今次有個朋友推介我去長沙灣昌華街附近(Second Bite)餐廳交通都十分方便，坐港鐵係長沙灣站落C2出口步行9分鐘就到，餐廳設計十分有獨特風格，好有特式，坐得好舒服，又食到這高質的美食，所以過來這邊食到好嘢，都是非常值得。手抓海鮮，全都煮得好惹味，有少少辣，分別有法國藍青口、基圍蝦、蜆、小墨魚、西蘭花、翠玉瓜，手抓的意思是，用手直接將食物拿起來放落口中品嚐，又可帶出另外一番的味道來。鮮蜆忌廉意粉$148蜆肉郁很多，意粉又煙韌彈牙，十分惹味。咸蛋黃金雞翼$88用鹹蛋黃壓碎再煮成醬混埋雞翼後，再將雞翼炸至金香色，做到外脆內軟仲帶有鹹香味，果然有水準。