Starry Night

營業中

休息中

生日上網搵好野食，見到openrice訂位有5折，諗住試下拉！！去到老細好熱情招呼，裝修簡單舒服，最重要係環境清淨，最適合傾計，2個人食左好多野，堅滿足！！1.蕃茄水牛城沙律，比較清淡，欣賞佢底既蕃茄凍2.萍果煎鵝肝，外脆內軟，萍果既酸甜減低左油膩感3.芝士蒜蓉包，好重芝士味4.黑松露燴飯，老闆啲黑松露好重手，超惹味5.卡邦尼，隻63°流心蛋就係重点6.心太軟，有少許失色，焗得耐左，唔太流心7.老細最後送多件cake食甘多野都係400有找，堅抵！！可惜食唔到白汁煮青口😩😩😩

🎊🎊🎊🎊🎊🎊🎊🎊🎊🎊新店開張又有6:30入座半價🎉🎉🎉🎉🎉🎉🎉🎉🎉🎉所以就同老公來試下啦🤗🤗個人覺得咖哩薯條最好味，Cesar salad同慢煮豬排都不錯，輕鬆愉快的一餐😊😊

今晚同友人第一次黎呢度食，預約左6:30 有半價優惠，食左青口、肉眼同大頭蝦， 隻蝦仲大過隻手，肉眼好juicy，野食新鮮好味，性價比很高，叫埋野飲同甜品（Affogato 啲咖啡好濃味👍）都唔洗600埋單。

由奧運站b出口行過去大概5分鐘，好方便！輕煎鵝肝好好味$78份。有啲酸酸地既蘋果粒一齊食，唔好太膩，因為太抵食同好味，所以叫左一人一份。主菜叫左肉眼排$290幾，黑松露意大利飯同大蝦。牛排正常唔算太impressive 可能係叫medium 太熟。意大利飯好好食，好像100蚊左右乍，大蝦就一般，肉唔算多，300幾蚊隻有少少貴。另外芝士薯條48，好大碟，都幾多芝士，份量夠4個人食，正！下次想試青口同意粉！

Soft opening期間同我個friend去試菜，叫左兩個set dinner一齊share牙主菜唔駛講，carbonara如果唔好味就大獲啦呢個味道係very good，個sauce creamy得唻又唔流，linguine做到al dente,隻半熟蛋同crispy bacon係錦上添花因為同個friend share, 試左佢order既辣雞, 幾惹味但唔夠辣（個人口味鍾意大辣）雞胸位比較乾好彩有個sauce, 我個friend食左雞脾位，佢讚不絕口話完全唔乾（下次再share的話要搶食雞脾位）chunky chips夠熱夠脆（可惜太飽食唔晒，嘥左）令人驚喜係Impressive既頭盤，估唔到個salad同湯會咁好味，好crunchy既salad, 個sauce一流，水準似係main。我同個friend都異口同聲講左句點解咁好味，因為其他餐廳既set dinner唔會咁注重個salad同湯，所以唔expect有咁高水準另一驚喜是cocktail, 好飲既bloody mary，餐廳cocktail媲美bar的水準，估唔到因為去既期間仲係soft opening, menu選擇

大角咀一向係搵食好地方，同fd周圍行見到新店梗係要試下啦！一入到去已經贏左服務!坐底之後店員即刻成塊Chef Recommend板拎到你面前，我同個fd都覺訝今時今日仲可以有咁好服務態度Menu亦有詳細介紹食材！非常有heart❤️起碼唔洗點完先知有香料/食材唔岩食！頭盤揀左煎鵝肝，外脆內嫩，仲有煮過嘅蘋果墊底，輕微酸甜感覺令我地唔小心好快食曬都完全唔覺膩🤤食完鵝肝即刻食返個沙律清一清口味先！凱薩沙拉律不嬲都係我至愛，沙律醬撈得夠平均！加上片片芝士，夠曬味，面包條亦夠香脆👍🏻👍🏻👍🏻下次要試埋個Parma ham先得！Main course 揀左店主推薦嘅肉眼扒，order左五成熟，身為食肉獸嘅我當然要試清楚原味！唔加汁嘅情況次下咬落去竟然好重牛肉香同甜味，成塊扒食曬都只係點左少少海鹽，加埋少少肥膏😍完全食到牛油香味。旁邊碟汁完全唔需要點👍🏻👍🏻👍🏻 食到胃口大開仲叫左個煙肉蘑菇縲絲粉，不過唔好意思，好食到一試枱就食到唔記得影😂唔飲酒嘅我同朋友都叫左mocktail ,味覺清新唔會過甜！唔錯唔錯！大角咀餐廳好多，不過做得到呢個高質素就第一次食到！價錢又抵食，下次一於encore再試下其他

舊同事在大角咀區上班， 順道在這裏吃晚飯聚舊一番。 舊同事說最近開了一家新的西餐廳， 幾個男人決定走去一試。 點了巴馬火腿沙律， 慢煮霹靂辣雞， 安格斯肉眼扒， bb藍青口， 煎鵝肝和薯條。 沙律的醬汁份量剛好，不會吃到成口都是。 bb青口加上醬汁， 配搭幾好，不太濃，不會搶走海鮮味。 慢煮辣雞肉質不乾， 沒有過火，good。 肉眼扒， 五成熟， 肉質嫩， 不會吃到有筋的感覺， 薯條原來加上了咖哩粉， 有驚喜。 鵝肝自己沒吃所以無法品評。 整體感覺食物是有質素的， 有自己特色。 希望餐廳能夠一直堅持， 否則附近競爭激烈， 生存不易。以前只看別人食評，然後去試菜。到自己寫 ，真不容易， 不知會否寫得太長， 口水過多

我在大角咀附近上班，公司鄰近博文街，最近在博文街看到新餐廳Starry Night，於是就和三五知己到內試試！Set lunch 餐牌，贈送餐飲，如想多添沙律、餐湯或另類餐飲就需要加錢了。朋友選擇了黑松露菌燴飯、肉醬意大利粉、熱奶茶、沙律及餐湯。沙律菜、蕃茄及青瓜非常新鮮，爽口度十足！熱港式奶茶，頗滑又口感厚，而且奶茶味道香濃，值得一試！黑松露菌燴飯，剛上枱時已經嗅到濃郁的黑松露香味，而黑松露更平均地鋪滿在飯粒之間，令每口味蕾都嚐到黑松露香味。燴飯除了有黑松露香味，飯粒間充滿了 黑松露菌忌廉汁，令口感更加滑，飯香進一步提昇，同時燴飯中更有 帕爾馬芝士，三者間不互搶香味之外，更可以獨立嚐到其香味。飯粒做到粒粒分明，有嚼勁，而飯粒間更有洋蔥粒及野菌粒，吃下去口感層次更加豐富。肉醬意大利粉，肉醬分量比較多，能夠鋪滿在意粉之間，令整體口感非常JUICY！而表面更灑上芝士粉，令意粉味道更加香濃。同時，意粉熟度更好，夠哂爽口，撈起熱騰騰的肉醬汁時其軟綿度就剛好了！而我就選擇了慢煮霹靂香辣春雞，為何選擇慢煮雞菜式？我覺得慢煮方式可以保留雞的肉汁及油脂，能夠保持雞肉JUICY口感，比起煎炸方式更健康，

同女朋友睇完戲搵嘢食！ Starry Night辣春雞:好好食！另外Carbonara都非常之有水準！ Service 亦都好好。 期待你哋九月嘅Full Menu. 一定返嚟encore

與友人完了畫班，便在奧運站附近吃午餐，一邊走一邊選，看中了這間餐廳的午餐，價錢適中、又有不同款式！餐廳環境也不錯，地方不大卻給我舒適的感覺！還有名畫(星夜)欣賞！三人選了三個午餐，慢煑霹靂辣雞、佰爵三文治和黑松露菌燴飯，另外加了兩位沙律和餐湯，只是20元一位。還有免費飲品，包括凍、熱,飲品，果汁等。我選了番茄汁，凍凍濃郁的是午餐前喝十分醒胃。餐湯、是南瓜湯，賣相好，味道帶酸的，醒胃！頭盤是雜菜沙律，醋酸味……剛剛好，沙律菜……新鮮，不油膩，好喜歡呀！慢煮辣雞，皮香脆、肉質嫩，少許辣、侍應細心给我們講解慢煑雞肉會呈粉紅色，是熟的，可以放心吃。吃了辣後，可加菠蘿沙沙伴吃，減少口腔的辣味。我不想吃薯條，所以沙律加大了！炒雜菌……口感好，又香，真想多吃！上了三文治，好香呀！新鮮烘焙，趁熱吃，嘩……濃濃的芝士、火腿和多士完全溶合為一，實在色、香、味、美！傑出之作！最後的燴飯，飯粒粒煑至剛剛好，黑松露菌、雜菌伴著吃，精彩的配搭！三款午餐各有特色，我們齊聲說要試晚餐，擇日再臨！