TC Bistro

營業中

休息中

熊貓作為牛的粉絲，一直到處去希望發掘新的牛迷好去處！在偶然的機會下，需要到新蒲崗一轉，辦完事後竟然發掘到一間食牛迷秘點🐮🐮這間餐廳位於新蒲崗Mikiki對面，作為牛粉絲的我，我剛巧路過的時候，就被這間餐廳吸引了。都門口大大隻字寫住STEAK，而且裝修也很有心思，所以就決定入去解決今天的晚餐。這裏果然是牛粉的勝地，連餐碟也有牛的圖案。這裏的招牌菜是威靈頓牛柳，平常熊貓比較鍾意肉眼，不過既然牛柳是招牌菜，今晚就食牛柳吧！這裏的牛柳非常特別，是包上了酥皮再去焗。這樣的煮法好處就是可以保存肉汁👍🏽👍🏽果然沒有令我失望，一切開牛柳，我已經聞到美味的感覺。而且牛柳非常厚，肉質亦非常嫩，絕對不容錯過。小小提示，威靈頓的牛柳每日供應數量有限，最好預先預訂，幸好熊貓今天幸運不用預訂也能吃到。這裏除了牛牛出色，其他食物也有很高的評價。先介紹這個大啡菇焗忌廉蟹肉，鮮甜的大啡菇，上面加上厚厚的蟹肉，好味但絕不肥膩。除了牛扒外，熊貓亦喜歡龍蝦，所以亦都點左龍蝦意粉。這道菜也超出我的預期，估唔到呢度牛扒出色之餘，海鮮也同樣出色。吃完豐富的晚餐後，建議大家亦可以點這裏焦糖燉蛋，加上花茶作為飲品，可以為這段晚餐畫上完

朋友介紹新蒲崗有間高質西餐廳，趁今天要到新蒲崗見客，便相約朋友到來試試。餐廳環境不算很大，但每個座位都很寛敞，坐得很舒服。餐廳裝潢以暗色系做主題。配上暖色燈泡，顯得非常有格調。餐廳食物款式不算很多，反倒有種簡而精的感覺，點了一份美國安格斯肉眼，加$50轉套，有餐湯沙律及餐飲。巴馬火腿沙律，有兩大片巴馬火腿，火腿咸香而鮮甜，配試清新的沙律菜味道剛剛好。餐湯是西蘭花忌廉湯，將西蘭花拌爛煮成，每啖都非常濃厚，陣陣西蘭花味，有點像分子料理的感覺，看不到但味道非常濃郁。肉眼點了八成熟，火候控制的很好，牛肉還有淡淡嫩粉色。肉質軟稔，香濃的牛肉味；最值得一提的是用上原顆蒜頭做配料，再烤熟而成。非常特別，味道不嗆反而很香甜。朋友點的是大蝦海鮮意大利飯，配料都製豐富，有魷魚、青口、帶子等；喜歡意大利飯有咬口的口感，每口飯都吸收了濃郁鮮甜的海鮮味道，非常惹味。整體而言，餐廳的製作是非常用心及有誠意，每份料理都非常足料而又美味，以這質素來說非常對得起這價錢，下次會再來！

最近發現左呢間喺新蒲崗嘅西餐小店，出名係食牛嘅，仲要有威靈頓牛扒，不過要先預約。餐廳位置喺miKiki附近，都幾容易搵。-蟹肉忌廉焗蘑菇$68先叫一個頭盤，熱辣辣嘅焗蘑菇。-我哋分別叫咗兩個晚餐，沙律係無花果沙律，沙律醋好開胃！紫薯忌廉湯，係一個好新鮮嘅組合，多數紫薯都係用來做甜品，好少見佢會喺湯度出現，估唔到又幾好飲喎！-威靈頓牛柳$298+$50轉套餐第一次食威靈頓牛柳，一人份都好大份，酥皮焗到金黃色，切開之後見到五成熟嘅牛柳，好juicy，可以同旁邊嘅蒜粒一齊食，增加口感。伴有海鹽，不過我覺得就咁食可以食到牛嘅鮮味，都唔需要特別調味。-扒波士頓龍蝦配白菌忌廉汁扁意粉$248+$50轉套餐龍蝦扁意粉肉質彈牙，白菌忌廉汁食落去唔會覺得膩！-套餐加$12可以轉花茶，叫咗一個草莓荔枝綠茶同埋伯爵茶。食完仲要送甜品，今日嘅甜品係焦糖燉蛋，食埋個甜品真係一餐圓滿嘅晚餐。

又到拍拖時間啦，呢間餐廳之前參加朋友結婚晚宴時發現的，相隔差不多半年才來這裡。餐廳位置在商場附近，位置方便容易找到。這餐廳主要是吃牛肉的，碟子上也印上牛的圖案。餐廳格調前衛帶點高雅。是日沙律，煙三文魚沙律，沙律菜和火箭菜好新鮮，食嘅時候係好似食薯片嘅脆卜卜聲咁，車厘茄好甜好多汁，配左少少醋去調味，好正。是日餐湯，南瓜忌廉湯，南瓜打得好溶，無渣，湯味濃郁幼滑，加上烘烤過嘅麵包，好食到停唔到口。北海道帶子香草醬意大利飯帶子兩邊煎過，香脆，肉質鮮嫩。意大利飯唔會太硬剛剛好，配上香草醬感覺清新而且唔會膩，有驚喜。威靈頓牛柳（一人份量）見到多人好評，但無預訂，膽粗粗問下仲可唔可以order，好彩有得食，其實我係第一次食威靈頓牛柳。份量大，如果我自己食一定食唔曬，酥皮焗到金黃色，切開後，牛柳厚身肉質嫩滑多汁，焗到剛剛熟，同酥皮一齊食口感更豐富。我自己鐘意夾埋旁邊嘅蒜粒一齊食，好好食。最後叫咗杯熱檸茶，茶香味甘，大愛。老公話下次再嚟試其他菜式，我已經諗好要試啲咩啦，哈哈。

今晚放工約埋個妹來到TC Bistro 吃晚飯，此店主打是食威靈頓牛柳及各式牛扒，可是我晤食牛肉，不過都有海鮮、燒春雞、意粉等多款的選擇，餐牌分成有頭盤 、小食、湯、沙律 、主菜及特別菜式等.......主菜可以另加$50轉套餐(有是日沙律、餐湯、麵包及飲品)先講下地方環境，四周的環境裝潢都有歐陸小酒館的感覺，牆身畫上牛的結構圖，列出牛的身體各部位，黑色的牆身放置了不少食物圖掛畫、餐具擺設等......天花懸掛了不少燈泡，酒吧有霓虹燈的招牌，再加上了深色硬皮的沙發及木枱，正在播放輕快的英文歌曲，感覺都好輕鬆又舒適。我兩人都各點了一份主菜，也另加錢轉了套餐，先來兩份是日沙律，今日是巴拿馬火腿沙律，除了雜菜沙律，當中加入了車厘茄、火箭菜等......配上了香甜的油醋汁，感覺非常refreshing ，沙律菜都好新鮮，再有一片鹹味甘香的巴拿馬火腿，也是倍感滋味。端上來有熱辣辣的是日餐湯，它是西蘭花忌廉湯，將西蘭花打碎煮成的忌廉湯，湯稠濃郁，質感香滑啖啖都好有西蘭花香的味道，再有軟熟微熱的麵包，塗上香軟美味的牛油，真是絕配。主菜方面我點了一份半隻龍蝦米多(lobster thermidor )

上一次黎食佢既美國安格斯肉眼同焗大啡茹配蟹肉忌廉都好好食。肉眼扒肉質好腍，點少少海鹽就最好食。大啡菇好juicy，配蟹肉忌廉幾夾。今次再黎係想試佢個威靈頓牛柳。威靈頓牛柳要預早一日訂。酥皮焗到金黃色，好靚。切開啲肉係粉紅色既，酥皮同牛柳中間有一層菇。牛柳好嫩，好食。另外，叫左牛油果雞肉墨西哥餡餅，有三款醬: 芒味果莎莎、酸忌廉、牛油果。牛油果同雞肉真係好夾，配埋唔同醬汁有唔同風味。今次既菜色都好滿意，會再黎試其他。

今日又去新蒲崗食飯，其實呢間餐廳都已經黎過幾次，我平時都鐘意試新野，但呢間真係可以keep住！今次黎食叫咗啲乜呢？我地2個人食，叫咗一個一人份嘅威靈頓牛，一碟海鮮意大利飯，其中一份升咗級做set! Set包括一個餐湯，沙律同埋野飲。雖然黎咗幾次，但呢2樣野都未試過嘅🤤先講吓個意大利飯先，就咁望賣相就都係咁上下貨仔啦，同平時食嘅都無乜分別，但分咗碟之後你就發現啲海鮮嘅量都幾多，又有魚，有蝦，有蜆，仲有魷魚！相當豐富，隻蝦仲要係爽口tim! 值得一試另外到牛牛喇，一人份其實都唔細，上碟嗰吓係覺得佢好可愛，平時食嗰啲通常係4人份，大大條咁，但今次呢個呢，就好似迷你版咁。切開賣相都唔差ga,呢個係7成熟！牛嘅質感軟滑，充滿肉汁，一啲都唔覺佢太乾或硬。雖然牛味不太重，但整體分數都係高嘅...最後餐廳送上焦糖燉蛋作結。

北海道香煎帶子香草醬意大利飯，帶子表面煎得香脆金黃，外脆內軟，同香草醬好夾！意大利飯軟硬適中，唔會太硬！朋友叫咗肉眼扒餐，加$50轉套餐，包埋餐湯、飲品同沙律。餐湯配埋脆口焗餐包，餐湯味道濃厚，唔會好希。沙律超級新鮮，驚喜有埋無花果，配埋沙律汁，非常開胃又清新好味！肉眼扒五成熟，好大塊，肉質靚切開果然熟度啱啱好！松露忌廉芝士焗大啡菇，外層松露香，加埋芝士煙煙韌韌，入面鎖住菇汁，大淡大淡大啡菇肉，好味！

可能因為地鐵去唔到新蒲崗嘅關係，小編H我一向都好少喺呢一區活動。不過大家知道工廠區代表多公司，多公司嘅地區就代表多餐廳，難得今日要去接個朋友放工，而佢咁啱又係呢一頭返工，所以決定突破自己嘅框框，發掘下呢一區嘅美食地圖。美國特級西冷又係我呢個牛魔王出動嘅時候喇！見到呢塊扒上枱嘅時候就覺得好巨型，因為佢有我前手臂咁長！牛扒仲配埋薯菜，烤蒜頭同埋燒肉汁，份量好足夠！牛扒點左五成熟，切開咗之後就見得到大廚嘅功力深厚，因為佢真係啱啱好五成熟！但係又唔會有血水滲出嚟，正正係因為佢一開始就用大火鎖死咗四邊，等啲肉汁唔會係烹煮嘅過程流晒出嚟！唔好睇小啲配菜，啲薯仔煎香過，金黃色好香口，平時好少食澱粉質嘅我都忍唔住係咁食👹扒波士頓龍蝦配白菌忌廉汁扁意粉對上一次食大大隻龍蝦係喺紐約，返到嚟香港一直都念念不忘，但你哋都知啦，喺香港地食龍蝦真係有錢人嘅玩意，所以今次喺呢間餐廳見到二百幾蚊有交易，即刻決定試一試佢！首先上碟嘅時候龍蝦比我想像中大隻，龍蝦肉都有我手掌咁長。龍蝦肉一啲都唔un又唔會有雪藏味，反而好新鮮好彈牙。雖然意粉唔係主角，但同樣都好出色。意粉口感柔軟度啱啱好，唔會淥到淋晒，亦都唔會太硬生勺勺咁。

去左新蒲崗接個女朋友放工，經過景福街見到（TC Bistro）門口裝修好有特式，吸引了我們入去，今晚可以食到個美味牛扒做晚餐，真係十分有滿足感。餐具印了成隻牛的部位，可以認識到牛的每個部份的細節，同時好有創意。是日沙律，清新健康。加拿大海膽龍蝦忌廉汁意粉，龍蝦煎得非常香口，蝦膏味濃，肉質爽口，每条煙韌意粉都掛上海膽及忌廉汁，口感到十足。美國特級西冷牛（10oz）叫左五成熟剛好，不會太老，份量十足，西冷粉紅色嫩，肉質軟淋 ，食起時滿口肉汁十分有口感。甜品焦糖燉蛋， 細細杯不會太膩。

今日去左平時比較少去既地區食飯-新蒲崗！唔去唔知，原來呢區好多野食，係鑽石山行過去行得快都只係10分鐘左右，沿途仲見到一間好高人氣好好食既麵包店今次去個間食店都係朋友介紹，佢話好好食，叫我一定要去食下，知我鐘意食牛，仲提我要訂早預定威靈頓牛柳，話係必試！講到咁，我都無理由唔去，拿拿聲訂檯帶老婆去食好野間店地方位置係新蒲崗景福街，唔近地鐵，不過都好易揾同埋易行，係個大商場Mikiki旁邊。店鋪裝修簡簡單單單，坐得都幾舒服，環境好適合慢慢食傾下偈。間店有本地手工啤提供，如果你鍾意飯兩杯，就岩晒你d酒鬼！呢隻香港品牌既本地啤比較少見，但係口味特別，竟然有茶味啤酒。我點左枝普洱味試下，非常易入口，酒精味不重，推介!!!一路飲啤酒，一路食黑松露薯條，真係咩壓力都無哂！首先，我點左個忌廉蘑菇湯，呢款蘑菇湯絕對唔係出面既罐頭湯，顏色都吾同d，係新鮮用磨菇製作而成。飲落去蘑菇味比較重，應該用多左蘑菇打碎先整到，仲有配埋個包好正，又軟又熱，同出面個d凍冰冰既麵包好吾同。之後仲點左個黑松露炸薯條，真係估唔到份量有咁多，超抵食，睇落都夠4個人食！廚師仲好貼心咁配左甜茄汁同黑松露沙律醬，超級正！黑松露醬勁香！

牛油果控召集🥑📢📢牛油果控召集🥑📢📢牛油果控召集🥑📢📢我一直以為新蒲崗係好遠，所以係香港生活左幾廿幾年人都未去過新蒲崗！因為搬左屋既關係，發現新蒲崗無想像中咁唔方便，係鑽石山行過去都係廿分鐘內，仲可以揀搭小巴添！咁岩朋友介紹左一間係新蒲崗既西餐廳，叫TC Bistro，就決定踏出第一步，同老公入去撐檯腳一入到去，就感覺到裝修好modern坐位好舒服，地方好大，如果係炎熱既天氣冷氣可以大少少會更舒適，除此之外，呢到係要比夠100分！價錢合理，雖然選擇唔算多，有部分食物會賣哂，但係每一樣都好高質，一定唔會失望！作為牛油果控，對於所有牛油果既食物都好心動，可惜今日未試到炸牛油果，下次要試下！首先要介紹牛油果帶子沙律賣相已經100分，勁吸引，色彩繽紛！每一隻帶子都勁大隻牛油果勁香，岩岩好熟！仲有勁新鮮勁甜既無花果，原來無花果可以咁好食呢款沙律真係好特別，好清新，好抵食性價比好高再黎另一款牛油果美食-牛油果雞肉墨西哥餡真心，我好少每樣食物都比滿分墨西哥餡餅好軟熟，熱熱地仲要每塊餅入面都有牛油果，好細緻再加埋3款醬汁，分別係牛油果醬、芒果沙沙醬同沙律醬，3款醬都超好食，同牛油果餡餅好夾！呢款美食既

今晚7點左右去到個場無咩人，服務偏偏叫我地搭枱坐落張四人枱度，叫左個安格斯肉眼同個磨姑飯凍檸茶無冰既，食物都好食既不過位置偏排就不好👎🏿結帳六百蚊要迫住坐好下次訂枱可能會好啲

區區有美食，今晚放工去左新蒲崗覓食，想食西餐，找來食Beef Wellington 出名的TC Bistro。環境蠻有格調的。店家提供薄荷檸檬水。威靈頓牛柳($298/一人份)一般吃這道英國菜都不便宜，也很少有一人份，這裡就有了！烤得很美，酥皮很鬆化酥脆，牛柳也是剛好，粉紅色的肉質軟嫩，肉汁也被鎖住了，包住牛柳的蘑菇泥也很香，可以配海鹽、mustard或燒汁食。配菜也很豐富，有燒蒜頭、焗薯、西蘭花、炸洋蔥圈和粟米，特別喜歡焗薯，口感很好。烤大啡菇黑松露什菌意大利飯($152)，大啡菇厚肉，黑松露味道濃郁，意大利飯不會太軟太硬，混不同菇類吃，味道不錯。店家很好，送上甜點焦糖燉蛋。

自從上次見識到新蒲崗嘅美食潛力，大胃久唔久就到訪新蒲崗，太多餐廳想試喇！今次想舒壓啲坐喺餐廳鋸扒，於是入咗呢間胃民呻今日諸事不順，飲吓茶定定驚下返啖氣先巨峰提子就飲得多，乳酸梳打仲過癮加$50可以轉晚餐，有湯、沙律、包跟。無花果配沙律，感覺有啲肉地又新奇今次係西蘭花湯喎，好正麵包唔點湯都已經超好食，又夠脆今晚壓軸—威靈頓牛柳，配有薯蓉、蔬菜、焗薯、炸洋蔥打開威靈頓嘅心扉，牛肉好嫩好易切天使麵相當出色，帶子又大粒最後，估唔到有甜品送，焦糖燉蛋好好味呀