The Night Market (又一城) (已結業)

見佢個食評都幾好 今日同老公睇完戲專登過嚟試 我哋總共叫咗四個餸 一個滷肉飯 一個台南擔仔麵 豆醬A菜同埋三星蔥油餅 個魯肉飯一叫就即刻上枱 但個飯好濕好爛 滷蛋仲有少少流心 魯肉味道尚可 個豆醬A菜真心咸同好油 份量好少 最唔掂既係個台南擔仔麵 個麵底淋到爛 個醬淡而無味 係唯一一隻蝦係好食 碗野真心食唔落 唯獨個三星蔥油餅係好食 外脆內軟 蔥既比例同味道岩岩好 但值錢係貴左D 上枱時岩岩整起熱辣辣 整體黎講真心失望 唔會再去

要去又一城訂蛋糕，我地訂完蛋糕順便係又一城食埋晚飯。我地上到2樓Food Court 搵食，超級難等位，最後放棄左再去搵其他餐廳。我地經過見到 The Night Market 好多人排隊，細看之下原來係食台灣菜，價錢亦合理，我地排左一陣就好快有位了金牌小籠包（$52）小籠包皮薄湯靚肉香，小籠包入面包住熱辣辣的湯汁，夾起來都不易穿雙色饅頭（$28）饅頭好軟熟麻糬三杯雞球（$32）麻糬煙煙韌韌，外脆內軟，麻糬包住三杯雞球，估唔到咁好食，夠創意灌湯牛肉煎餅（$32）煎餅煎得香脆，一啖咬落去澎湃既湯汁流晒出黎，口感超正。鳳梨咕嚕肉（$88）每次見到都會必食，用上新鮮鳳梨，鳳梨鮮甜多汁，咕嚕肉肥瘦適中，咕嚕肉色澤明艷，酸酸甜甜，酸甜度剛剛好凍水蜜桃紅茶（$42）大大杯，蜜桃味非常濃郁，仲有一片片蜜桃肉食，最緊要不會太甜

Summary:1. 菜式特別，唔同千篇一律嘅台式食店2. 但價錢偏貴，份量少3. 味道中上(係幾好食嘅有啲)4. 但飲品中晒伏...1) 腐乳通菜$88細碟，但夠味，菜夠爽，係新鮮嘅但...都係as expected nth special2) 小籠包$58夠熱多汁皮薄，合格嘅！可試可不試都得3)黑松露鮮蝦餃$58 好食啊，黑松露味好strong，配落蝦餃到好夾係皮有啲厚4)必食！新竹炒米粉哇，好好食！睇落無特別，得蛋啊椰菜但好香，好夾好夠味！雖然係炒但一啲都唔油膩！5)芋頭雞煲$108(?)芋頭好食過雞😆雞無乜味，但芋頭好冧好入味有椰奶嘅香，有少少漏，但share係ok嘅都推介啊啊啊啊啊！6) 冬瓜茶$38好難飲sorry 用糖水沖，仲要好淡......芋圓好細粒，無味7) 珍珠奶茶$38叫7分糖... 變到好似3分糖咁🙈奶又淡水鬼尿咁 bad bad難飲有切餅費$80要提先比刀...野食食晒又唔醒水上蛋糕$80價值在哪?????Conclusion:唔計切餅費人均 $170

收工去咗又一城行街街。行完街街梗係要搵間好野食吓！見到呢間餐廳裝修幾特別！原來係食台灣野咁就入去試吓啦！餐廳外觀給人一種好relax 既感覺。古早魯肉飯。配咗半隻糖心滷蛋，魯肉唔會太咸好入味，糖心蛋既蛋黃控制得岩岩好半熟半軟好味道夜市鹽酥雞。新鮮炸起再配埋個甜辣醬。真係prefect match牛氣小籠包。surprise 牛味好重，岩哂我呢個牛魔王，不過食果時要小心熱㷫㷫既肉汁。孫悟空琥珀啤酒。飲落口好純好滑有焦糖味同麥味好易入口唔會太苦正呀。最後食埋個手工水餃🥟就大滿足啦

今日有朋自遠方來，我就約佢去又一城下午茶，專登揀左間台灣餐廳，因為我忽然好想食三杯雞😁。餐廳在又一城頂層， 半露天，地方開揚。餐牌選擇繁多， 正頭痛應該點揀， 忽然見到佢有門神孫悟空琥珀啤， 於是立馬叫一杯先😍。朋友就點了珍珠奶茶， 因為平時少飲呢！既然有啤酒， 所以必點助酒小吃， 我揀左香炸蚵仔酥， 蚵仔雖然細粒，但炸得酥脆， 送酒一流。一份小籠包，皮薄餡多，豬肉餡調味唔錯，肉汁香膩。主角三杯雞，估唔到份量幾多。佢應該是用了雞腿部份，所以啖啖肉，嫩滑彈牙，加上酒香同九層塔嘅香氣， 送飯送酒兩皆宜。難得見到餐廳有台灣白苦瓜，於是就點了一份嘗嘗， 用麵豉醬汁蒸，清得嚟又有味道。苦瓜夠新鮮厚肉，選料有心。最後嚟個主食， 係朋友喜歡嘅牛肉麵。湯底夠濃帶微辣，麵質夠哂彈牙。牛肉夾了牛筋，同樣煮得好入味。餐後時間尚早， 我們就在附近逛下才分手。

平時行行下街都會想飲返杯香濃順滑嘅珍珠奶茶，今晚喺又一城行完街，決定要坐低慢慢享受，嚟到呢間台式料理The night market.呢杯珍珠奶茶，奶滑甜美，珍珠又夠煙韌，絕對無令我失望。新竹米粉($88) 米粉夠幼細，炒起軟硬程度恰到好處，加上其他經典配菜，想唔好食都難啦。脆皮豬扒($88) 豬扒外層炸得很透徹，內裏肉質卻保持粉嫩，很有質素。灌湯牛肉煎餅($32) 餅皮煎成金黃色，一口咬下湯汁馬上澎湃湧出，牛肉鮮味特出。麻薯三杯雞球($32) 麻薯炸得香脆，包裹着三杯雞，很有風味。

老婆放工去九龍塘學車，所以就去了就近的又一城食飯，這間台式小店有台式人氣麵食及點心外，還有多款小菜。牛氣小籠包；以牛肉餡為主的小籠包，外皮帶牛肉的啡黑色，皮薄餡靚，而且肉汁豐富，不過有點牛肉騷味。三星葱油酥餅：油餅餅中間放了很多的葱，香葱味道直達味蕾，而且酥餅鬆脆，不過就比較油膩。招牌牛肉麵：牛肉麵份量不多，用了爽口的幼麵配上酸菜配味，湯味是濃郁牛骨湯，味道鮮甜有肉香，牛肉炆至入口鬆化。大腸蚵仔麵線：每次去台灣都必食，這個麵線的蚵仔都很多，但大腸就較少，不會太糊口，加上醋汁更香更好味。

這間位於又一城頂層的The Night Market，固名思義以台灣夜市為名，以台菜為主。金牌小籠包小籠包皮薄帶點韌性，裏面湯汁豐富，味道有味鮮甜，配上鎮江醋，為湯汁提鮮。原味醉香雞醉雞已去骨，酒味香濃，浸得入味，雞味有淡淡酒香而且肉質嫩滑。新竹炒米粉新竹米粉爽口彈牙，而且十分幼身，配上蛋、椰菜及蘿蔔絲等炒在一起，簡單又不油膩。魯肉蛋拌麵拌麵用了幼麵，麵質爽口但略久彈性，魯肉份量頗多，肥瘦均勻，而且入口完全不油膩，有豬油甘香，加上糖心滷蛋。

[📍香港篇🇭🇰] 黑松露野菌素餃[📍Hong Kong🇭🇰] Steamed Black Truffle & Mushroom Dumplings好似一個小袋子造型既野菌餃🥟餃子既頂部鋪左少少黑松露，感覺名貴左🤣🤣個水晶皮唔算好厚，尚可以接受～有少少煙煙韌韌既口感，而且唔會蒸過左火喉👍🏻👍🏻咬開餃子入面有d 菇同菜做餡料，咸度適中，但就無乜水份💦一籠4隻盛惠$52 (未計加一服務費)💸💸如果以前菜價錢比較，普遍差不多，但以點心就比較貴了😩

好耐無來九龍塘，今晚同朋友剛巧在又一城遇上，就即興的一齊吃個晚飯，朋友介紹呢間台式餐廳，等左一陣就有位，真好啊😆原來有好多食物選擇，本menu印得好精美，經過多番考慮，終於決定了叫個炒米粉同幾個小食😂食物上的速度都算快，首先是小籠包😌金牌小籠包：一籠4粒，好靚的樣子，皮薄多汁，熱騰騰的，一咬就有好多肉汁流出來，肉嫩又鮮甜，真是好好吃的小籠包新竹炒米粉：暖暖的米粉，炒得甘香，配有蛋絲、肉絲、香菇絲、椰菜絲、甘旬絲... 配料豐富，量比米粉還多罐湯牛肉煎餅：一碟兩件，雖然迷你，但好重身，牛肉餅兩面都煎得香脆。煎餅包住牛肉餅之餘，還有些牛肉汁流出，好美味，不油膩花枝脆春卷：春卷就食得多，花枝春卷就第一次，外表同普通的春卷差不多，裡面是花枝絲，口感特別，非常香脆核桃椰棗糕：店員推介的新品，很特拉的甜品。暖暖的糕點，外皮軟綿綿，有點南瓜同椰棗味道，裡面有核桃粒，麥芽糖漿同芝麻粒黏住，甜甜的，脆口的，不錯不錯！

今日朋友約左我去九龍塘，帶左我去食呢間台灣菜晚餐。牛肉麵係呢餐最喜歡既食物，第一眼就見到濃郁既湯底，食落都一樣，喜歡重味啲既牛肉湯底應該都會幾鐘意，然後麵質結實幾岩我口味，少許偏硬唔會太軟淋淋先好食，至於牛肉有四、五舊，食落好淋好入味，仲有陣牛肉味香。仲有嗌左鹽酥雞，佢炸得好脆，鹽酥味唔算好重，有個醬汁可以點，酸酸甜甜，但如果入面啲肉可以多啲就更好。最後仲有咕嚕肉，個汁酸酸甜甜幾好食，肉質都幾有咬口幾軟身，外面有少少係脆既，整體黎講都唔錯。佢呢度環境優雅，開放式廚房好靚，外面睇都會覺得好華麗，地方都幾實用。佢食物選擇好多，總有一款岩你食。

黎到又一城食野🤤，平時會覺得呢到個價位一個天一個地，最平嘅野食會係food court，其他又一城裏面嘅餐廳都係貴野。🤔今日俾我發現原來都有中位價，好味之餘，食得又舒服嘅餐廳。🤯😍呢個night market 係food court 個層，今次冇意之間發現左佢，因為佢有個好靚嘅燈牌。見到都幾多人食同等位。😏🌃環境幾好⭐️魯肉飯魯肉飯呢個飯大部分台灣菜餐廳都有，而每一間都會有自己獨特嘅味道。呢一間嘅魯肉同其他店相比，佢有撈埋冬菇，所以食個陣冬菇味比較濃。除左魯肉飯，伴菜有糖心蛋同青瓜，好食之餘更為碗飯添上色彩，賣相加分。🤤⭐️醬油炒飯❤️呢個炒飯用石鍋盛住，能保持溫度。而個飯都加左臘腸同炒蛋一齊炒，好好味。💪🏼⭐️腐乳空心菜⭐️三杯雞雞肉嫩滑，三杯雞嘅味道好好，有足夠嘅香料。⭐️仙草奶茶🥤食台灣野點少得佢個奶茶！🤗⭐️珍珠奶茶

成日出街食飯都好濃味或者重味精，如果見到冇味精嘅餐廳我一定會去試，今次就黎到the night market😀同朋友兩個人點咗一碗竹笙排骨湯，濃湯高山菜， 新竹炒米粉，刈包， 一杯仙草奶茶加雙圓 (即係兩款芋圓) 😋竹笙排骨湯係燉湯咁一盅盅既，好清甜唔油膩，味道剛好真材實料👍濃湯高山菜係娃娃菜黎，仲有唔少嘅瑤柱，幾清淡， 就算索咗啲濃湯都唔會太鹹😁新竹炒米粉都好夠味，配搭埋啲冬菇絲，紅蘿蔔絲，椰菜絲，蛋絲等等，口感豐富，色彩繽紛，仲好有營養😍刈包係我好中意食既台灣菜式之一，岩岩整起外層嘅麵包皮熱辣辣好軟熟， 裡面有啲豬肉既鹹香味同入口即溶口感，又有花生甜甜地既味，配埋芫茜一齊好香好正🤤🤤朋友嗰杯奶茶佢就話幾香茶味同啲芋圓好煙韌，仲勁多仙草👍👍呢間台灣餐廳人手充足，服務效率好高， 我既“冇味精餐廳list”又可以多一個選擇lu～～👏👏👏

我落單點兩杯水蜜桃紅茶（$42）要求小冰，黎到係全杯都係冰。我要求可否拿回水吧撈起部份冰，服務員話減左冰我都係比咁大杯你，我要少冰唔係要你比大杯d，而係我唔要咁多冰，我唔想好似乞兒咁，我叫佢比個杯我處理一下。冰是起碼有半杯的！你可以話不能少冰，但你不能夠跟我說「減左冰我都係比咁大杯你！」

餐廳位於又一城頂層, 即使平日夜晚到, 都幾多人在內進餐, 長期keep 住110%滿, 頗墟撼。 室內裝潢簡約，以湖水綠色為主調，燈光柔和，餐廳中間一排排組合式二人枱，方便按人數變動，而兩側又有卡位, 人多人少黎都得。 黎到呢到當然要食招牌的台灣菜。 先黎一個值得推薦的小炒: 三杯雞 三杯雞是指一杯醬油、一杯米酒及一杯麻油, 雞件爆炒得夠香有鑊氣, 食起黎既滑且嫩, 雞件酒香味濃, 味道濃郁惹味，無煮過火嘅跡象。 烏魚子炒飯 個炒飯做得又幾好，烏魚子和炒飯炒得金黃，粒粒分明唔會黐埋一嚿嚿， 烏魚子烤香煎成美麗的金黃色, 香氣十足, 讓炒飯充滿烏魚子的海味, 香酥彈牙，滋味誘人 又夠入味。 灌湯牛肉煎餅 牛肉餅外皮薄，餅內牛肉餡肉汁一切開就feel 勁澎湃，帶點油香。再者，牛肉刴得鬆化有咬口，唔會太散，口感剛好, 的確有D似係台灣夜市食果D。 茉香珍珠奶茶 濃濃茉莉奶茶搭配Q彈珍珠， 茉莉綠茶大杯, 帶有茉莉花茶香氣，滋味清新，珍珠有黑糖香, 完美融入。