VV尾線

營業中

休息中

***未有享用餐廳提供的用餐優惠, 全自費***路經幾次都冇試過, 因為對面就係祥發.見社交平台有介紹幾吸引, 見OR的食評好壞參平, 以試伏的心情挑戰一下.為免排隊, 大約1:40到達, 有1張檯冇人, 其他檯有1人-4人不等, 果然有"一陣味", 酸菜酸荀味之類充斥於空氣中.入座, 冇長髮惡姐姐, 年輕小子送上一紙QR code.  上OR做定功課, 試信心之選麻酸辣, 牛或豬, 原來仲有個係牛內蔵.  堅持一下, 試豬可以同其他米線店比較.  熱飲+8蚊, 凍飲+10蚊幾分鐘就上菜, 一飲湯, BB辣的辣度似三哥的10小再多少少.  酸度唔多, 椒麻味反而霸道左D.豬腩肉5層分明, 但被湯頭搶去了其真正的味道.豬大腸夠肥美入味, 夠軟易入口, 唔多洗趙豬肚食落同豬大腸差不多味道, 都係炆到軟淋淋.其他配菜夠多夠味, 正常發揮.75呢個價去連鎖會平D, 不過應該冇咁多料, 同佐敦荃灣幾間人氣米線比又可能次一班.   有機會比多次機會, 試下其他湯底

見到網上推介，賣相都不錯，就一於外賣試吓。因為唔係好餓，就揀咗自選麻酸辣米線。湯底唔係太有味，同埋配料唔多，湯底肉碎痴埋一大舊，做唔到每啖都食到肉碎🙂‍↔️另外，雖然欣賞店家外賣分湯底。但係打開時，米線糊埋一餅，久久未能攤散。自選餸方面，豆卜同牛丸都係幾好食，豆卜索晒汁同牛丸都有鮮味，值得好評。最後，環境店內有陣味，唔知係咪湯底既酸味？但係整體氣味令人不適。總有，味道不過不失，但下次未必幫襯。希望好好改善。

話說都食開墨墨送芫荽米線，唔算平，但好食既。咁諗住早少少11:55去，唔駛lunch time 咁多人。見佢門口寫11:30開，但又掛住休息牌。但入面又有外賣整好，咪以為店員唔記得轉返牌。都好有禮貌問佢，係咪未開。見佢係廁所洗緊野，以為水聲太大，再走過去問多聲。黑住面，好冇禮貌咁答我：咩事啊！我都好聲氣話：係咪未開！（心諗，未開我咪走嚕，唔阻你囉）金馬尾店員：你可以坐住先！嘩，嚇死我，我都係想食個野啫，都係走先，一陣係我碗野度加料都唔奇。

Bookmarked this noodle shop for a while and went here with my sis for dinner as our parents had sth else to do. .I ordered Beef Intestine Spicy & Numbing Maysin plus Ox Tongue. The ingredients included beef brisket deckle, beef bone marrow, sliced beef, pickles, tofu puffs, beancurd sheet, sprouts, braised pork and leek. Personally I found the beef brisket deckle interesting. Despite its fatty-like texture, it was chewy and crispy, which was sth I have never tried before. The ox tongue was thic

第5/6次嚟食，中午12:45嚟到唔使排隊？之前好多人，其間都冇咩人龍，不過之前食多次都好似質素下降左，冇咁好食，今次嚟再試埋招牌蝦多士～🍴你蝦多士呀 $48 (6/10)份量比較少，得細塊去皮多士size，蝦肉好少，冇咩蝦味，食落香脆唔油膩，正常但貴。🍴蒜泥白肉 小辣 $32 (3/10)份量好少，6塊，白肉薄過紙又細舊，冇口感，得少少蒜蓉辣椒油調味，都係好淡，不了不了。🍴 牛魔王麻酸辣米線 小辣 加竹笙 $76 (7.8/10)揀左多湯多底，同正常好似差唔多🤔有肥牛，牛肚，牛俐，酸菜，韭菜，腐竹，肉燥，芽菜，豆卜，每樣牛都要5舊份量好足！湯底比起之前冇咁濃郁，麻味同酸味輕輕帶過，小辣唔辣，比較好柔和嘅湯底OK嘅！米線好滑粗身大條煙銀，份量幾多，肥牛正常比較碎，牛肚一絲絲好腍，牛俐腍身厚切（比之前食差左 之前再彈牙牛味濃啲，整體口感都豐富足料，無味精唔口渴，無味精，都好食但冇之前咁好食！🍴凍檸茶 走甜少冰+$10 (5/10)正常冇乜茶味。推薦指數: 7/10小食一般唔使叫，米線味道ok，但好似冇以前咁好食，質素下降左，同lunch time 冇乜人排隊😂😂

🧭美食體驗：北角好味米線，譚仔以外好選擇📸攝影打咭：佢室內有好多貓貓的漫畫故事，係講主角貓仔點搵材料整米線，我幾鐘意🍳食物質素：記憶中係80左右一碗米線，個湯底係真係好食的。材料都好鮮。我叫左個辣湯底反而食唔到鮮味🍴推薦搭配：有個主打魷魚、海鮮的米線。好味既。辣果隻我覺得唔好叫，就算叫都唔可以叫太辣，真係辣到食唔出其他味。🚗交通：北角站 B4 出口, 步行約2分鐘💰人頭費：90左右

北角七姊妹道近書局街周圍都有好多美食，而其中一間係今日推介的隱世川式米線店VV尾線。首先店舖名唔似係食店，而中間的貓咪Logo令人以為係寵物店多過似米線店，所以唔為意就會經過Miss左，不過好彩係食飯時間會有排隊人龍，就會知道VV尾線原來係食店黎。講番食物，呢度主打有兩樣野，第一係呢度唔係平時雲南小鍋米線，由於店主阿輝係主打川菜，所以呢間係川式米線店，係根據唔同辣度選擇唔同種類的辣椒。另一主打係米線的靈魂湯底，呢度的湯底同其他店舖唔同，首先以肉骨同肉做「二湯」打底，之後就以海星、鯊魚骨及螺頭去用上八個小時精心熬製而成，全程唔會落味精。當你飲啖湯的時候，會同平時飲開的味道好唔同，首先你會感到香辣的味道，但之後會感到「老火湯」的味道，加上海味的加持，所以會有清甜舒服的感覺，呢個係VV尾線獨有的味道。配料方面都唔錯，牛肉唔鞋、雞肉亦都入味嫩滑，如果大家有選擇困難症，佢都有唔同特色的選擇，例如牛魔王等基本上包晒所有牛的配料。另外呢度維持即叫即煮，以免米線會煮得過淋，所以要預多少少時間等待美食，但我覺得係值得的。

北角超多款配料米線，大大碗好滿足😋🔻牛脷牛胸爽酸辣米線 💰62 ➡️7.5/10本身有牛魔王麻辣酸湯米線餐(牛肚、牛脷、肥牛)，但係覺得會食太飽，所以都係直接揀返最想食嘅餸🙈牛脷好厚切，有成4-5大舊，啖啖肉，食得好滿足☺️好少食米線有得揀牛胸爽，通常打邊爐先有，一於揀黎試下，牛胸爽其實係胸腔肋骨中間嘅軟骨部位，唔係肥肉，食落好爽口彈牙😋湯底本身已經有豆卜，吸曬啲湯，酸酸辣辣好好味👍🏻👅味道：7.5/10💡性價：7.5/10📌環境：6.5/10——————————————————————💸價錢：人均$60📍地址：北角七姊妹道34號兆年大廈地下A號舖

琴晚收工同朋友特登搭車去食，望見餐廳嘅選擇都幾多下，有一人邊爐特色餐，湯底選擇都多，係出邊米線店冇嘅，配菜亦都好多元化。叫咗個海星螺頭鯊魚骨湯底。湯底味道一般，有陣奇怪海鮮臭味，湯冇乜味。朋友叫咗個一樣嘅湯底，佢都覺得個湯底嘅味怪怪地，米線食落不過不失，餸嘅份量比較少，而且唔太新鮮，米線量幾多下，配菜都多。小店貓貓裝修係幾吸引，店員收銀倒垃圾上菜沖嘢飲開門一腳踢，好好招呼，不過食完第二日就肚痛，好彩好快好返。

VV尾線的湯頭就算是酸辣口味, 也是相當柔和及舒服. 喝起來就是海鮮和魚骨的鮮味, 奶白色的湯底就見到餚製的火喉, 麻度, 辣勁及酸度也是點綴, 想吃得辣一點, 爽一點, 就可以添加其自己製的辣椒油, 但平時川菜已夠多赤油麻辣, 這樣的做法可以吃到食材本身的味道, 少少酸辣就是有點趣. 米線配以魚腐及夠肥美的腩肉, 食材沒有雪藏味, 不是最好吃的米線, 但吃過幾次, 口味如一, 依然舒服.無論是酸菜魚還是米線裡的魚片, 都是在急凍包常見的黒魚, 其實就是我們想說的生魚, 因外皮黑色而得名. 生魚口感爽實但不韌, 魚肉甘甜, 同樣沒有雪味, 而且充滿食療效用, 吃多一點也不會內疚. 蒜泥白肉看起來很辣, 但吃起來就是蒜蓉和炒辣椒的辛香, 不刺激也不麻痹, 同樣吃得舒服.The food soup of VV May Sin is the soul of this restaurant with extremely fresh and unami taste. Using shellfish, fish bone and fish meat without other additive,

🔅VV尾線🔅北角🔅米線🔅突然好想食米線，決定（遠征）去北角，一試VV尾線！大大配，好足料，啖啖鮮，個湯底amazing！食完大有驚喜，我同男友立即決定要多多encore，因為個尾線真係超惹味同材料高質！我地兩碗都叫左黑魚片，魚片超滑，難怪係招牌餸！一入口幾乎即溶，有啲誇張～但佢唔會一夾就散～魚肉香亦有鮮甜～兩碗個分別係湯底：🍜 海星螺頭鯊魚骨湯配寬麵我叫左唔辣，個湯好好飲，唔無油，螺頭味好鮮，好似飲緊老火湯～我結果係清左碗湯～我另外加辣椒油，辣椒油加咗櫻花蝦，辣味亦都好鮮，有好香嘅鹹辣味，配個湯底一流佢每碗麵都有芽菜、豆卜、黑木耳、鮮腐竹～鮮腐竹係靚材料，所以煮極都唔溶！可惜豆卜有少少冰鮮味，如果唔係索晒個湯都好正～🍜 無油泡椒酸辣湯配米線男友揀咗小辣，但係我飲咗一啖就已經頂唔順😂🥲個辣係泡椒辣，即係再嗆啲，但係唔會麻～中意食辣就會覺得好過癮！個酸菜亦都好甜好鮮，完全感覺唔係平時嘅平價貨～泡辣無用櫻花蝦，亦都啱食蝦敏感嘅朋友！麵量多亦可以餵飽啲男人，我就大概食左一半左右😂 之後清左個湯🥰男友另外好中意呢間店嘅原因係因為可以揀硬麵、淋麵，碗料、麵量都可以再調教，所以覺得好專業☺️跟麵叫飲品

以前係幾好食，但今次食發現食物質素大跌，賣成$90一碗米線咁嘅質素。湯淡而無味，酸菜魚湯無酸味。米線完全及唔到湯嘅味道，配菜亦都唔夠，得一嚿豆腐卜，以後不會再幫襯！失望。

細佬住喺呢頭附近，咁啱過開嚟幫老細拎嘢就問吓佢呢頭有咩好食，細佬大力推薦呢間米線店，仲話自己一個禮拜食五六次🤔舖頭唔算大，牆上面啲貓樣幾過癮，當時係下午三點幾去細佬話佢個牛魔王米線好好食，不過今日唔想食辣，所以就揀咗墨墨送湯飯，入面都有墨魚頭墨魚丸同墨魚餅三個餸奶白色湯望上去係好吸引，同埋好香，愛荽之人表示面頭芫荽好新鮮🤟🏻(呢樣好緊要！)墨魚頭都幾爽脆，墨魚餅普通，豆卜索湯世一🤟🏻反而佢哋粒墨魚丸真係好好食😳有夠大粒咬開入邊都見到有一粒粒墨魚，而且真係好彈牙，係數一數二我食過最好食嘅墨魚丸個湯真係好好飲，到最後我食唔晒啲飯都飲晒個湯🫨又唔會好口渴，整體嚟講真係幾好食，會再翻啅🤟🏻

喺北角行來行去，有陣時都見到呢間米線嘅存在。間舖頭個名幾特別，所以都記得下。有一日九點幾鐘行過，我想食啲鹹嘢又咁啱見到佢，所以就試一試佢。好似係叫咗一個麻辣湯底，加雞肉？我都唔係好記得咗，淨係記得佢可以多米同米爽。黎到就好大一碗，好多辣椒，但食落去又唔係好辣，啲米線就真係好多，湯底食落就偏鹹，米爽得黎幾好食。睇食評都幾參差一半一半，我自己覺得就可以俾多次機會如果價錢可以平少少少，咁就更加有競爭力。

紹咗呢間好少見人介紹嘅街坊小店，話佢地嘅酸辣米線同蟲草雞湯米線幾唔錯。欣賞佢哋可以揀酸麻程度，同麵條嘅軟硬。不過佢哋人手唔太足夠，等候食物時間有啲耐，建議大家有充足嘅lunch time先去試。🍜 牛魔王麻辣酸湯寬粉 ($68) 👅:87.23分揀唔到食咩餸，最好就係嚟個大雜燴。牛魔王餐有牛肚，牛脷，肥牛，同其他基本米線配料。牛嘅份量都多，味道都不錯，辣度叫左小辣，感覺似譚仔嘅3小辣，酸度可以再加強，但就夠哂麻。寛粉嘅軟硬度適中，好爽口，唔會食到好濟。特登加配兩粒冬陰公蝦丸，都幾重冬陰公味，有興趣可以試下。🍜 蟲草花膠雞魚湯米線 ($68) 👅:92.13分推介！ 呢款米線有蟲草花，鮮冬菇，花膠，雞柳，豆卜，$68嚟講真係超足料，，雞肉好嫩滑，雞湯加埋花膠一齊煮味道超濃郁，無乜味精，全碗湯飲哂。🍜 雲南麻辣酸湯米線（$38) 👅:86.11分+牛脷 $12+竹笙 $8竹笙份量超多，吸晒酸辣湯嘅味道！牛脷係較厚身，煮得算淋，係一兩舊比較難咬。