影片
開飯介紹
以烹煮出食材鮮香原味為宗旨，配合主廚的精湛手藝，使從日本直送的優質時令食材化身成獨一無二的、精緻的鐵板燒料理。
繼續閱讀
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
以上資料只供參考, 請與餐廳確認詳情
有關獎賞計劃
相關文章
出去食飯想食得啲特別啲會去日式鐵板燒，一頓享盡色香味🥰係銅鑼灣、觀塘都有分店嘅板神鉄板燒日本料理就係不少人食鐵板燒嘅不二之選😎趁住五周年，佢哋會推出超級抵食嘅套餐！價錢因牛肉選擇而定，揀美國牛肉薄燒，最平$555起就食到15品料理，有南非鮑魚、鵝肝、刺身等，全部食材都好高質，性價比極高🤑🤑銅鑼灣店環境具氣派，部分位置仲有海景😻🥗時令蔬菜沙律、季節前菜沙律係甘筍汁沙律，比較特別。清新酸甜嘅沙律菜加上大量蟹籽、炸春卷皮、櫻桃蘿蔔、蕃薯等，開胃又好食。🍣刺身三款隨餐附送3款刺身，每款都厚身又鮮甜。牡丹蝦尤其爽彈。🖤南非鮑魚不需過多調味，單純食南非鮑魚本身嘅海水鮮味，已經夠煞食。鮑魚爽彈，中間保持嫰度，口感一流。🦐大蝦天使麵口感特別豐富，將大蝦煎至剛熟，食落特別彈牙，如同蝦肉係口腔彈跳一樣。蝦頭煎至香口，裡面有滿滿甘香蝦膏，令蝦肉更添香濃。底下配襯脆口嘅天使麵，脆卜卜嘅口感同大蝦相映成趣。🤎鵝肝鵝肝亦係上乘之作，煎到剛剛好，外面香口，內裡僅僅熟，滲出油花，食落滿口甘香。食嘅時候夾上脆脆地嘅麵包，口感一絕。🥩牛舌芯下一道菜越趨邪惡，呢度牛舌芯口感極其彈牙，咬嘅時候中間爆出油花，好食。🫑季節野菜四款係食其他牛之前，先嚟少少蔬菜隔一隔，特別清甜嘅野菜令味蕾可以稍為平衡一下。🥩和牛A5薄燒 $755見師父使幾道板斧，兩三下已經整好呢道牛肉薄燒夾蒜片。和牛軟滑富油香，中間香口嘅蔥蒜正好中和牛肉嘅油脂。🥩澳州和牛厚燒 $705厚燒則更著重牛肉口感，牛肉有咬口之餘充滿肉汁，肉味濃，果然係澳州和牛。🦪生牡蠣 +$68叫呢個套餐可以優惠價追加更多海鮮，食得更滿足。呢個牡蠣超級大隻肥嘟嘟，簡單配以柚子醋啫喱，生蠔一放入口隨即滑入喉嚨，口感極其滑溜，而且富有海水嘅鹹鮮味，高質。🤍帆立貝 +$68帆立貝亦不輸其他海鮮，煎到僅僅半生熟，食到帆立貝本身嘅鮮甜味。🍚炒飯、湯、漬物除咗海鮮、肉類，其實炒飯都可以睇到鐵板燒師傅嘅功架。呢個炒飯就炒得好好，飯粒粒粒分明又香口，味道豐富。🍌香蕉煎餅平時唔食蕉嘅我，居然為呢道看似平平無奇嘅香蕉煎餅而覺得十分驚喜！見師父好有耐心咁將煎餅每邊慢慢煎脆，餅皮酥香，香蕉餡幾近融化，好似cream狀，冇咗香蕉本身嘅味道，我自己更喜歡。🍮甜品／咖啡是日甜品有抹茶椰子奶凍，抹茶味甘醇，奶凍超級滑溜，為呢頓晚餐劃上完美句號。推介指數（10分為滿分）：8分
繼續閱讀
//23 09 24 雨天☔️20:15 銅鑼灣 信和廣場@godofteppanyaki全港コスパ最強の鉄板焼 ☺︎「板神」 ——— 作為一間𝘊𝘗值極高嘅鐵板燒日式料理🏅，佢哋實力緊係毋庸置疑。當高質精緻嘅食材配上無敵華麗大海景，對於我嘅眼耳口鼻嚟講，簡直就係一種完美享受💗！為慶祝開業5週年🎁，餐廳喺9月推出全新「五週年鐵板燒套餐」，最平𝐇𝐊𝐃 $𝟓𝟓𝟓，就可以食到南非鮑魚、美國牛肉、西班牙紅蝦、法國白鱈魚等… 多款時令高級食材。📣號外「板神」5週年激賞優惠💫🔻凡惠顧任何鐵板燒套餐可加𝐇𝐊𝐃$𝟏𝟎𝟎換購𝐇𝐊𝐃$𝟓𝟎𝟎現金卷🔻首張𝐇𝐊𝐃$𝟏𝟎𝟎現金卷，更能即時扣減🔻現金卷可多張使用 不設最低消費限額🔻有效期至31/12/2024嘩💖！姐係等於下次再幫襯，😱唔洗200蚊就食到「五週年鐵板燒套餐」，計落咁著數嘅優惠，大家千祈唔好錯過啊🎉~~*想知更多詳情，歡迎向餐廳查詢🔍𖤐ˊ會有加一服務費🔻五週年美國牛肉薄燒套餐 HKD$555追加 + 日本生蠔 HKD$85ꕀ🔻日本生蠔 生蠔肥美 入口滑潤即化 味道清甜另外 表面仲加咗鰹魚味嘅高湯啫喱做點綴🔻野菜沙律集合咗多款唔同嘅沙律菜 配搭柚子醋後 十分清新開胃🔻南非鮑魚大大隻新鮮南非鮑魚 食起嚟非常軟嫩 而且單食鮮味已經好出不過 如果想味道層次變化更多可以再蘸上微微帶酸嘅自家製海鮮醬 🔻季節魚 用咗牛油將法國白鱈魚煎至金黃色 外脆內軟嘅質感 加埋豐富嘅魚油令口腔香氣四溢 相當驚艷🔻季節野菜其中翠玉瓜同杏鮑菇 最為鮮甜多汁🔻西班牙紅蝦伴天使麵 廚師將天使麵炸成 酥脆輕盈嘅麵餅之後再加上 爽彈燒紅蝦 & 鹹鮮蝦膏醬當撈埋一齊食 無論口感定味道都好有層次🔻美國薄燒 (三成熟)軟嫩嘅牛肉包住大量炸蒜及蔥粒咬落去口感一流 香氣十足🔻炒飯炒飯夠鑊氣 做到粒粒分明 有蝦嘅鮮味之餘 仲要超級香而且配料豐富會有；蛋｜牛肉碎｜蔥花｜紅蘿蔔粒｜洋蔥等…🔻湯 + 漬物🔻甜品 - 焦糖多士麵包面層鋪滿糖碎 煎完之後 香濃嘅焦糖味 配以脆脆嘅多士食嘅時候 嗰種幸福感即時湧晒出嚟 🔻甜品 - 抹茶奶凍奶凍𝘤𝘳𝘦𝘢𝘮𝘺 奶味突出 自帶淡雅杏香跟抹茶醬嘅回甘非常合襯 🔻五週年美國牛肉厚燒套餐 HKD$605追加 + 鵝肝 HKD$85ꕀ🔻美國牛肉厚燒 (三成熟)熟度控制得好好 內裏呈鮮粉紅肉質軟腍 肉味濃郁 會有啲似食緊一口牛嘅感覺🔻鵝肝入口細膩絲滑、𝘫𝘶𝘪𝘤𝘺 充滿鵝油香 襯埋漢堡包仔一齊食 肥而不膩 簡直係絕配ꕀ
繼續閱讀
話咁快「板神」5周年慶啦🥳🥳推出$555起周年慶鐵板燒套餐十五品，咁抵！小吃貨Cola 又係點會錯過😝今次黎到銅鑼灣分店一入門口瞬間被特大LED Screen 及海景吸引，昏暗燈光營造出高級又浪漫的氛圍💕🔸🔸鐵板燒十五品套餐🔸🔸時令蔬菜沙律 🥗新鮮爽脆的野菜配甘筍汁與季節前菜靖魚酸酸的，清新開胃🤤時令刺身三款有我最鍾意嘅拖羅😍南非鮑魚 師傅將生猛嘅鮑魚煎得鮮味彈牙切開細細件，點少少海鹽，好鮮甜😬大蝦天使麵 + $198 升級龍蝦🦞半隻第一次食鐵板燒天使麵，師傅將大蝦及蝦膏叠在脆卜卜的天使麵上吸收了蝦汁的精華，味道好驚喜呀😋我升級了龍蝦，肉質緊實，師傅火候掌握得剛剛好👍🏻鵝肝 🦆厚厚的鵝肝煎得酥脆，入口即化平時食鵝肝多數係配多士但今次好特別係配迷你漢堡包so cute 🤭季節魚 🐟朋友揀左季節魚，當天的是銀鱈魚，魚皮煎得金黃酥脆，魚肉嫩滑又多汁🤩$555 美國牛肉薄燒 or $605美國牛肉厚燒 配季節野菜四款🥕🥦薄切牛肉包裹著蒜片和蔥花，肉香四溢，啱哂我口味！朋友唔食蔥食厚燒啱哂佢，厚切牛肉保留了肉汁，咬下去滿口都是濃郁的牛肉香氣，搭配岩鹽更顯風味😚😚再食師傅煎得恰到好處的季節野菜四款，清爽解膩炒飯 、味噌湯、漬物 鐵板炒飯粒粒分明，加入蝦粒、蛋花和蔥花，香氣十足當天的味噌湯加入龍蝦頭煮成濃郁卻不膩，暖胃又暖心🫶最後甜品是香蕉煎餅🍌香蕉的甜香與焦糖醬完美融合，仲有甜絲絲的朱古力奶凍🍫幸福感爆棚！「板神」鐵板燒不僅食材新鮮，師傅的手藝更是無可挑剔，鐵板燒吧檯設計簡約大方，師傅們在眼前即席烹調，香氣四溢，視覺與嗅覺雙重享受！👨🍳🔥 座位間距寬敞，適合約會或朋友聚餐，完全不用擔心被打擾，仲可以睇到海景，情價比高，值得一試再試🩷🩷🩷
繼續閱讀
銅鑼灣 ｜ 板神鉄板燒日本料理 知道板神慶祝五週年推出優惠，立即約朋友過來銅鑼灣店品嚐一下，店內環境寬敞，以廂房式設計，每房可容納4-8人不等💫坐下來更驚喜發現每位由$555 就嘗試到 ，絕對讓你稱心滿意💫鐵板燒十五品 $555/位起💢追加 帆立貝 加$68火焰北寄貝 $128五週年鉄板燒套餐（一位） 基本上套餐包括以下所有食物，按牛肉產地區分價錢，自由選擇，套餐以外亦可追加生蠔、刺生等，總之務求食客吃過夠💫▪️前菜時合蔬菜沙律、大根蘿蔔、刺身沙律清新可口，面頭佈滿炸春卷皮絲，配上甘旬汁，新鮮爽脆；刺身有三款，肥美新鮮💫▪️南非飽魚非常新鮮生猛，簡單以鐵板處理，原味入口解嫩，亦可沾點醬汁拌吃，但原味已很足夠，新嫩彈牙💫▪️西班牙紅蝦伴天使麵廚師先將日式天使麵油炸，炸後酥脆可口，再加上爽彈的西班牙紅蝦及獨家秘製醬汁，食時連麵蝦汁一同吃，味道層次非常豐富💫▪️帶子簡單香煎兩邊，外層焦香，中間嫩滑彈牙，而且非常鮮味💫▪️牛舌芯牛舌芯煙韌有咬口，入口爽脆多汁💫▪️鵝肝以小漢堡🍔夾上鵝肝，整個放入口非常美味💫▪️和牛A5薄燒（$755）以5成熟處理，恰到好處，中間包裹着大量炸蒜跟蔥粒口感非常豐富💫▪️厚燒（$805）同樣以5成熟處理，外層微焦，中間保持嫩滑有肉汁，味道一絕💫▪️炒飯米飯粒粒分明，配上雞蛋、牛肉碎、蔥、紅蘿蔔、洋蔥，配料非常豐富💫▪️野菜翠玉瓜，杏鮑菇、紅椒、粟米芯，爽脆多汁💫▪️湯 - 麵豉湯▪️甜品 - 香蕉煎餅、抹茶奶凍香蕉煎餅外脆內軟、抹茶奶茶香滑味美💫餐廳： 板神鉄板燒日本料理地址：銅鑼灣告士打道255-257號信和廣場1樓103號舖電話：2817 7767
繼續閱讀
鐵板燒，$555，15道菜。邊度咁抵食？而家銅鑼灣嘅板神鉄板燒，做緊周年慶鐵板燒套餐，只需$555起就食到15道菜。唔好睇佢價錢平平哋，佢啲嘢食數量好多，而且包括鮑魚、大蝦、鵝肝/牛舌同牛肉等，水平都相當高。當中”大蝦天使麵”係相當特別，天使麵撈埋大蝦嘅汁，應該係創意同味道兼備嘅菜式。另外最後一道菜”香蕉煎餅”，更加係好少地方會見到，實在值得一試。仲未計佢本身嘅前菜、配菜、沙律、甜品(朱古力慕絲)、同湯等等，感覺上師傅一路整，我哋就一路食😂另外，仲可以加錢配唔同嘢食，包括$198可以配伴隻龍蝦尾，感覺更高級。套餐除咗$555嘅薄燒牛肉(師傅會好貼心問埋使唔使走蔥，啱晒我😆😆)，仲有好多多種牛肉選擇，我哋另外叫咗個$605嘅厚燒美國牛肉，更加可以食到佢嘅脂肪感同油香。我最欣賞佢套餐本身已經有唔少嘢食，兼且有好多菜式可以選擇，可以因應個人當日口味揀合適嘅配菜。另外呢度場地高雅，師傅同服務員都表現專業，令人食得好盡興！
繼續閱讀