影片
開飯介紹
來自北京的人氣烤鴨店，餐廳環境舒適並坐擁維港海景。招牌烤鴨即叫即烤，創出嶄新的八寶盒吃法；另外亦供應川、魯、淮揚等各種風味菜品。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
以上資料只供參考, 請與餐廳確認詳情
有關獎賞計劃
相關文章
好耐之前已經同朋友試過呢間片皮鴨好食, 最近另外一位好朋友又想食, 我當然介紹佢黎呢間食啦! 餐廳位於尖沙咀LCX近海邊位置，有室內和室外用餐, 今次因為下雨, 就坐室內。如果天氣好, 日頭同夜晚都有個靚景陪伴一齊用膳呀, 超正! 呢到環境舒適, 很欣賞佢既藝術圓形設計隔開餐桌之間~*馳名烤鴨 （半隻）烤鴨即叫即燒，會係客人席前展現刀工, 一邊切片見到熱氣上升, 熱辣辣的烤鴨十分吸引。還包括了八寶盒配料及薄餅一份, 薄餅都好多塊。一鴨有三種吃法，脆鴨皮、鴨腿肉及鴨胸肉，首先加了爆炸糖的脆鴨皮吃法特別，食落甜甜地, 不會感到油膩。建議要快食, 因為爆炸糖接觸到水份好快會變硬呀。薄餅皮皮薄, 小小煙韌, 夾埋鮮嫰鴨肉, 醬汁和配料, 味道好有層次, 口感豐富! 鴨腿肉就可以點芥末來吃, 刺激味蕾! 個人就比較喜歡傳統吃法，不過同一時間又可以吃出三個不同味道, 又十分滿足開心, 哈哈!*松子桂魚松子桂魚賣相已經很吸引, 魚身炸到香脆可口, 魚肉好滑, 加埋酸甜醬汁, 十分開胃, 又係一味送飯的好餸~*金沙海膽蟹肉滑豆腐 $168海膽蟹肉好鮮甜，份量比預期多, 再配上滑滑的豆腐，送飯真的一流, 十分喜歡, 推介！*京式小籠包小籠包皮很薄身, 入口湯汁滿滿, 豬肉鮮~*薑茶湯圓（位）薑茶味道濃，小小辣，配上我喜歡的流心芝麻餡湯丸，很美味, 為這頓晚飯畫上完美句號~朋友十分滿意我的介紹, 下次想試下佢呢到的下午茶, 襯埋個靚海景~
繼續閱讀
朋友介紹有一間餐廳食片皮鴨超好食，而且佢位於尖沙咀海港城，餐廳座位好舒服，重點係你可以望住個靚景，超正🤩♦️馳名烤鴨（半套）+八寶盒(青瓜條、京蔥絲、甜麵醬、山楂條、紫洋蔥、藍莓醬、爆炸糖、羲和秘制芥末醬) +薄餅♦️師傅會喺你面前片鴨，好有儀式感😍而且隻鴨熱辣辣，佢一路切啲香氣就一路撲埋個鼻度，真係超吸引！師傅切出嚟分別有三碟…第一碟係鴨胸皮：佢話係全隻鴨最香酥的位置，店員建議不用包薄餅，先蘸藍莓醬、再蘸爆炸糖，放入口中兩至三秒，爆炸糖在口中跳動，這就是會跳舞的烤鴨。第二碟係鴨胸肉：佢係肉連皮，皮脆肉嫩，店員都係建議不用包薄餅，蘸黃芥末即可，大家一般認識的「黃芥末」刺鼻及帶辣，而羲和秘制芥末醬與別不同，入口酸中帶甜，委婉解膩。第三碟係鴨腿肉：係全隻鴨的精華所在，店員就建議包薄餅享用，佢哋建議有兩種吃法第一個傳統吃法：包薄餅，加入青瓜條、京蔥絲、甜麵醬；第二個新式食法：包薄餅，加入山楂條、紫洋蔥、藍莓醬兩種食法都好好味❤️新式食法食落會fresh啲！除咗烤鴨 ，我哋仲叫咗張氏獅子頭 （位）、三色皮蛋(例)、青梅小排骨(例)、羲和小肉餅（4件) 、荷香鮑魚雞粒燜飯(例)、手撕糖油餅和薑汁紅棗小桃膠！個人好推介以下三樣🥰建議嚟到可以一試，我寫包單真係好食！♦️青梅小排骨♦️佢排骨大小剛好，肉質好好，而且因為佢排骨有炸過，所以整體好香，啲汁完美地包住每一塊的肉，而個汁調得剛剛好👍🏻♦️手撕糖油餅♦️我覺得佢比我嘅感覺好似牛脷酥，如果你鍾意牛脷酥，相信你都會好鍾意食佢👻👻👻♦️薑汁紅棗小桃膠♦️薑汁夠🫚，桃膠軟硬度剛剛好，整體甜度剛好，女孩子好啱飲🥰
繼續閱讀
今日喺尖沙咀海港城行街，面對維港靚景,梗係要搵一間舒適嘅餐廳，望住靚景食飯，舒適又開胃。嚟到呢間餐廳，面對維港360度全海景，無遮擋，除咗室內座位，外面仲有露天雅座，非常舒適又寫意。今日兩個人嚟食午餐，首先嚟一碟「青梅小排骨」，原來個碟都唔算小，大碟又抵食。排骨非常嫩滑，酸甜味道配合得非常好。接着係小菜「一品賽蟹黃」，鮮嫩記嘅炒蛋白配合非常鮮味嘅蟹膏，製作認真又美味。主菜「老北京貝勒爺烤羊肉」，在呢味菜式嘅盤子非常特色，這就是貝勒爺的風味，烤羊肉鮮嫩又香滑，味道香濃，非常推介。除此之外，我哋仲揀咗兩款靚湯，其中一款係「椰皇花膠燉雞湯」，原個椰皇上，入面充滿新鮮湯料，大大件花膠，非常滋補養顏。另一款湯係「酥皮酸辣湯」，酸辣湯非常香濃，而且用料十足。整體食物製作非常用心，賣相好靚，而且好美味。
繼續閱讀
尖沙咀海運大廈2樓203號鋪，羲和雅苑，我們慕名而來，享受最高級的中華美食。😋😋🍽️ 馳名烤鴨，金紅色澤誘人，皮脆肉嫩，香醇撲鼻，一口咬下，醬汁四溢，驚豔味蕾！絕對是餐桌上不可或缺的經典美味。🐟 黃扒魚肚，燙熱的魚肚如黃金般靚麗，搭配鮮美的濃湯，輕輕一啄，豐腴軟綿，滿口鮮香，魚肚的滑膩與雞湯的濃郁相得益彰。🍗 張氏獅子頭，肉質細膩緊實，每一口都是絕佳的口感體驗。外皮綿軟，內裡鮮嫩多汁，香料搭配湯汁更是無與倫比的美味。🍖 貝勒爺烤羊肉，選用上等羊肉，經過孜然等特製調味料腌制後，再用火候恰到好處的烤製而成。外皮微焦內裡鮮嫩多汁，香氣四溢，讓人一吃難忘。🥗 蔥燒海參，海參軟綿入味，大蔥的香氣與海參的鮮美完美融合。每一口都帶著濃郁的海鮮風味，簡直是海洋風味的極致享受。🥣 黃扒湯浸窩筍，清新的窩筍在黃金湯汁中滾燙過後，更加鮮美爽口。湯汁濃郁而不膩，入口即化，讓人一喝就愛上！這一桌美食佳餚，不僅僅是味覺的盛宴，更是視覺與心靈的享受。快來一品這道道經典好味吧！
繼續閱讀
今日帶個外國朋友一日遊，甘當然要食下d 特色美食啦！揀左黎羲和雅苑，因為佢個烤鴨好出名，岩曬招呼朋友！點左半隻馳名烤鴨，分別有鴨胸皮，鴨胸肉及鴨腿肉。鴨肉係即場有員工片比你，可以欣賞到佢既刀工，鴨皮焗得好靚！仲附近一大盤配菜及薄餅，店員亦都會好用心講解食法，服務好好！個人最中意點藍梅醬加爆炸糖甘食，食法好新穎之餘又估唔到甘好味！芥末沙律蝦球，一份4隻，底有層炸米，香脆好爽！蝦球配芥末醬估唔到甘好味，好滑而蝦球爽口彈牙，水準一流。青梅小排骨，排骨炸到表皮香脆，醬汁酸酸甜甜，加上青梅又加解膩，唔錯！羲和小肉餅係好有特色既小食，小肉餅卷到正正方方，面頭仲有一枝細細既黑醋比你擠入d 肉餅度，好新穎！味道黎講都唔錯，外皮脆脆地而入面啖啖肉！荷香鮑魚雞粒燜飯，睇相完全唔知佢甘大份！！一份應該夠4~5個人吃，用料好足，有大量既元貝及雞粒，仲有隻大鮑魚，好味！京式小籠包一定要趁熱食！岩岩上菜既時候會有蓋，一打開熱氣騰騰，好正！每個小籠包都有用錫紙碟裝住，乾淨又衛生！配埋黑薑醋食真係一流！整體黎講好滿意，朋友覺得烤鴨食法多變好特別，味道亦都好好！下次有機會吃埋其他菜色！
繼續閱讀
您可能會有興趣的...