影片
港鐵尖沙咀/尖東站 J 出口, 步行約2分鐘
繼續閱讀
電話號碼
27628822
開飯介紹
文青風Cafe，採用大落地玻璃窗、木系為主的裝修配襯植物擺設，非常舒適。自家製作部分食物，如每日新鮮製作的手工意粉，是和閨蜜共聚、約會及假日放鬆的好地方。
繼續閱讀
營業時間
今日營業
11:30 - 21:30
星期一至日
11:30 - 21:30
*最後截單時間21:00
以上資料只供參考, 請與餐廳確認詳情
有關獎賞計劃
相關文章
見到最近都幾多人食呢間窩夫，今次為左個麻糬窩夫而去到K11 Musea😂就去試下好冇食～今日過到嚟係lunch time，我哋叫咗個set lunch～另外散叫咗啲小食同埋甜品～～今日嘅餐牌午餐係羅勒醬忌廉汁 虎蝦手工意粉，佢嘅意粉係同平時出邊食開唔同，都幾特別～意粉比較粗身，而且粗幼係不等，睇得出應該係手工意粉～都幾有趣❤️羅勒醬都幾多，由於意粉粗幼不等，意麵上可以掛起左更多醬汁，再配搭埋芝士片，成個意粉都唔錯，幾香幾好食！跟餐配左杯咖啡❤️熱Latte，餐廳嘅咖啡都唔錯，每一杯咖啡都係親手拉花～～之後我哋叫咗個All Day Breakfast～佢入面嘅慢煮雞胸肉煎得啱啱好，表面煎到金黃色，都幾香❤️配菜係黑松露日本本菇，都幾香黑松露味～炒蛋就同平時炒蛋差不多🤣自家製烤芝士酸種麵包🥯幾有咬口，煙煙韌韌，配搭2款芝士啱啱好，唔會太漏👍我哋叫咗個小食唐揚脆雞，唐揚炸雞平時係配沙律醬，不過呢度係配柚子汁，炸粉都算皮薄，炸雞新鮮熱辣，個口仲會熱到出煙😂😂😂然後就係必食嘅窩夫❤️今次我哋叫咗海鹽焦糖比利時朱古力麻糬窩夫🧇如果鍾意食麻糬嘅朋友仔應該幾開心，因為有一大塊麻糬撻喺窩夫上面❤️基本上每一啖都都有麻糬～～～～見到基本上每一台嘅客人都會叫一份！可以見到大家都係為咗麻糬而來🤣個人覺得都幾好食，窩夫非常香脆，外脆內軟，夾雜着微微嘅朱古力味，如果唔夠味仲可以點朱古力醬同埋朱古力雪糕，一份有4塊夠晒飽🫶🏻🫶🏻兩條友食咗呢幾份嘢已經飽到飛起🫢不過嘅體驗都唔錯，特別係個環境都幾清幽，窗邊的落地玻璃非常廣闊，食飯嘅時候都幾chill❤️仲可以望住對面公園啲花花草草，都算幾寫意～～～
繼續閱讀
打風Lunch🤭做完嘢同朋友係尖沙咀食飯見到餐廳木色日系咁靚，加上落地大玻璃環境舒服，已經加分！而因為自己減肥嘅關係，好注重餐廳有冇嘢啱我食😂佢居然有個all day breakfast 居然係三文魚同椰菜花飯，仲有唔同嘅沙律！感覺上係一個貼心嘅小棉襖，就決定係佢啦😂🍴All day breakfast 三文魚set $188西京三文魚|胡麻菠菜|牛蒡漬| 蘿蔔漬 | 紅芝漬 | 玉子燒 |自家製酸種麵包|椰菜花米| 黑松露日本本菇擺盤好靚打卡able三文魚煎得焦香，其他配菜正常水準👍比較驚喜係個胡麻菠菜😍啱晒我口味！🍴龍蝦汁配大蝦三文魚籽手工意大利寬帶麵 $188寬帶麵比較厚身掛汁，香濃不錯。麵偏硬身，朋友鐘意，我個人就一般般😂咖啡☕️一杯white轉soy milk，另一杯Black，Blend 偏酸，或者大家可選Nutty啲，睇口味可以自由選擇喔❤️其他限定仲有個physiogel x UKIYO嘅士多啤梨亮白美肌窩夫套餐🧇本身想食埋，不過真係有啲飽😂下次再嚟食吓！就之前都同邊佑錫打咗個卡🎉整體來講👍價錢符合地段環境，食物水準之上，大玻璃絕對加分好舒服！
繼續閱讀
同朋友去K11 Mesea shopping, 行上去六樓空中花園旁，發現一間日系cafe , 整間cafe 採用落地玻璃, 擺滿了綠色植物，陽光照入室內好溫暖，晚上更可以看到夜景。脆豬面頰肉卡邦尼手工意大利麵整片豬面頰肉好薄脆，咬落鹹香味極重，擺盤精緻，手工麵條好彈牙，亦都好煙韌，忌廉汁Creamy好掛汁培茶麻糬窩夫麻糬窩夫相當特別，份量都幾大，麻糬好煙靭，好似張被蓋住窩夫，口感好軟綿，窩夫新鮮焗起，熱辣辣好鬆軟，焙茶味濃郁，配埋豆腐味雪糕好清新柚子檸檬梳打，酸酸咪咪，味道好清甜
繼續閱讀
尖沙咀K11 MUSEA的Ukiyo有邊佑錫聯成套餐!!!店內仲有唔少打卡位，有得同邊佑錫合照呢!!慢煮雞胸肉｜黑松露日本本菇｜炒蛋｜ 自家製烤芝土酸種麵包 HK$98雞胸肉雖然細細塊，但原來幾好味，咸香咸香的。酸種麵包個芝土如果大塊D就好啦。龍蝦汁配大蝦三文魚籽手工意大利寬帶麵 HK$188意粉好煙韌，比較有咬口的，蝦肉係有煎過，所以好香，肉都係爽的。海鹽焦糖比利時朱古力麻糬窩夫 HK$168仲有得免費加生日牌+蠟燭，非常有儀式感。麻糬超Q彈的，朱古力雪糕超濃，好正!窩夫係比較乾身脆的，配埋軟林林麻糬同雪糕，好夾呀!𝐏𝐇𝐘𝐒𝐈𝐎𝐆𝐄𝐋 𝐗 𝐁𝐘𝐄𝐎𝐍 𝐖𝐎𝐎 𝐒𝐄𝐎𝐊推出「士多啤梨亮白美肌窩夫套餐」由11月7日至28日於Ukiyo惠顧聯乘窩夫套餐，即可獲贈「 PHYSIOGEL醫學級護膚體驗套裝」乙份，包括：-雙效逆齡精華體驗裝-抗敏紓緩面霜體驗裝-低敏保濕乳液體驗裝-產品現金券-品牌代言人韓星邊佑錫文件夾
繼續閱讀
Ukiyo係位於K11 musea. 不嬲都好鍾意呢間cafe. 好鍾意呢度嘅設計風格。落地玻璃，光線好充足，好光猛。木系嘅設計，顏色好柔和。令到成個環境都好舒服今次叫咗三樣食物：⭐️ 慢煮雞胸紫菜窩夫漢堡配明太子蛋黃醬呢個漢堡係用窩夫代替麵包，入面有雞肉、蕃茄、生菜、芝士，配上軟熟嘅窩夫一齊食，好夾。⭐️ 自家製明太子蟹餅蟹餅煙靭彈牙，炸得香脆。⭐️ 海鹽焦糖比利時朱古力麻糬裔夫🧇好鍾意呢度嘅甜品，好大份，好靚又好味。一大片麻糬舖喺窩夫上面，麻糬好煙韌，同窩夫一齊食，好味。食完個甜品超滿足❤️呢度係手機落單，如果生日慶祝，甜品佢可以俾你喺手機度揀加埋生日牌同蠟燭。呢個服務好窩心。同朋友或者自己嚟呢度食個甜品，飲杯咖啡，係好寫意嘅一件事。
繼續閱讀