影片
開飯介紹
主打新派越南菜，菜式創新精緻，把不同元素融入越菜中，如加入海膽製作越式小食；而招牌菜則有椒鹽軟殼蟹、生牛湯河粉等。
繼續閱讀
附加資料
可以 WhatsApp 54268991 落單
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
搞咩搞到火燭？上次食啟德嘅”越男仔”比較似food court格局，雖然啲嘢食已經吸引好多目光。但今次嚟到沙田店，既然Menu更多選擇，就揀一啲更吸引目光嘅嘢😂 - “原隻太平燒雞”。原隻太平燒雞 $188 - 視覺效果夠晒震撼，今次唔止附近嘅枱，差唔多全店嘅人都望過嚟😂。當店員倒了酒後，一點火，真係好誇張…跟住店員就會拎去切。味道上佢係飲宴嘅炸子雞升級版。除咗有專屬嘅醬汁，咬落去嘅脆皮仲會滲出南乳味，非常濃郁美味。唯獨要留意份量相當多，我哋最後要打包😅。三色檬紙卷拼盤 $138 - 呢個由三文魚、牛炸醬、手撕雞組成嘅六件裝紙卷，咬落去味道同清爽兼備，做開胃菜又得，填下個肚又得。落埋醬汁，更勝一籌。越式生蝦沙律5隻 $128 - 原本只係想當普通沙律前菜，點知原來嚟到咁大份。咁我心諗都冇嘢啦，五隻蝦啫，生蝦沙律可以有幾飽肚？生蝦本身新鮮大隻，但原來真正嘅核心係個蝦頭度，佢唔只係炸，仲釀咗好多料入去原本好多蝦膏嘅蝦頭度。所以味道豐富之餘都幾飽肚。椰香漏漏啡 $31 - 其實就係滴漏咖啡，個底係有甜嘅椰汁，所以最後撈埋一齊係有甜味。不過個人認為個椰汁味道可以再濃啲。今次嚟到沙田店”越男仔”，比較有越式氣氛，周圍都貼咗越南嘅相同畫，仲有以前領導人嘅相。另外服務員亦都非常殷勤，我覺得今次有驚喜，絕對值得再嚟！
繼續閱讀
❤️香茅豬扒冬蔭功湯檬粉 餐冬陰功湯底係成碗粉麵嘅靈魂 冬蔭功味道濃郁 夠酸 帶少少辣 而且椰汁味係偏濃 飲落真係好正 而且檬粉煮嘅時間啱啱好 唔會太淋身 亦都吸收晒冬陰功嘅精華 好正 而香茅豬扒夠晒大塊 而且係即叫即炸 好脆口 亦都好Juicy 而且香茅醃製嘅時間亦都好夠 香茅味道重配手絲雞沙律雖然手撕雞沙律係前菜 但係都非常之大碟 手撕雞煙煙韌韌好有口感 雞嘅味道重 配上佢秘製嘅醬汁，再加埋沙律菜 成個感覺好清新亦都好開胃 呢個真係好好食配春卷春卷係即叫即炸 脆卜卜 好香口 十分足料 裏便有木耳絲蘿蔔絲粉絲 加埋酸甜汁 真係好夾 自己一個食晒成碟都冇問題配椰香漏漏啡椰香滴滴啡，啱晒鍾意飲咖啡嘅朋友 咖啡用咗蒸餾壺嘅一滴一滴滴出嚟將咖啡撞落去一個裝滿冰嘅冰杯上邊 再加上椰奶 飲落去 除咗有好濃郁嘅咖啡味之外 仲有好濃郁嘅椰香 值得推介❤️至尊拼盤 芝心蝦多土蝦多士即叫即炸 超足料 蝦多士啲蝦膠嘅份量十足 蝦膠裏邊 放滿流心嘅芝士 有拉絲架 真心好食 呢個應該好食過咁多嘅蝦多士最好食嘅一個煙三文魚檬紙卷煙三文魚新鮮 亦都好大塊 估唔到佢係咁夾呢個檬紙卷 加埋越南嘅酸汁 真係新鮮又好食嘅配搭下龍灣蝦餅呢個蝦餅亦都係即叫即炸 如果呢個蝦餅唔切開，應該有成個手掌心咁大舊 蝦餅厚身 真係好足料 絕對係誠意之作 蒜香牛油雞翼牛油雞翼 真係唔使講嘢 食越南嘢一定係必點嘅 雞翼即叫即炸皮脆肉嫩 蒜香牛油味亦都超濃郁 ❤️生牛雙蝦椰汁酸湯檬粉椰汁酸湯喺呢間餐廳嘅招牌湯底 點可以唔叫 椰汁味超濃郁 但係又唔會搶咗酸湯嘅酸味 真係要一定試吓 生牛肉新鮮嫩滑 牛嘅味道亦都好重 而蝦佢亦都係用咗兩隻好大嘅虎蝦 蝦膏爆棚 蝦肉彈牙爽口 食得出兩款用料都係非常之新鮮 大家一定要試吓📍越男仔 (沙田)沙田沙田圍路1-7號勵城花園地下1號舖
繼續閱讀
很少來沙田圍路，一場嚟到就試吓越南仔，食個下午茶。走進店裡，裝修風格非常鬼馬抵死，例如請勿拍照😉。讓人感覺玩味甚濃。因為天氣炎熱，我決定點一碗涼的撈檬，下午茶價錢CP值高。這道菜的特點在於它的配料豐富，竟然有四種不同的餸料，讓人感到驚喜，唔使自己煩惱食咩，真的是無得輸。除了撈檬，我還搭配了一杯凍馬拉茶，這也是一個明智的選擇。馬拉茶的香濃香料味道和撈檬的清爽酸甜味道形成了很好的對比，值得推薦給大家。
繼續閱讀
超級失望，食物普通，吹大左，價錢太過overpriced，夜晚三個人食咗四百幾蚊，只有兩個主菜一個小食， 最後仲發現咗收貴咗我,話明當日有優惠嘅主菜佢收咗我正價， 返到屋企睇單先發現，冇咩事都唔會再去。 中午幾十蚊一個lunch set都可以去下，晚市就咪搞了
繼續閱讀
越男仔勵城花園食野泊車真係好方便紅番茄火車頭煲，火車頭檬粉就食得多，用個打邊爐鍋上都係第一次，一路煲住一路食，唔怕d野會凍哂，牛肉，牛筋，牛丸，牛柏葉當然有齊哂，個底仲有牙菜豆角係底，唔使怕食得太多肉唔夠菜海南雞飯起哂骨啖啖肉又夠滑，黃薑飯粒粒分明，配埋個汁已經食哂個飯椰汁拉茶紅豆冰，三樣野出奇地夾，好味龍眼梳打，味道清新消暑芝士流心蝦多士大大件，外面香脆，面頭佈滿芝麻，內裡更有濃郁芝士，層次豐富
繼續閱讀