影片
港鐵牛頭角站 A 出口, 步行約5分鐘
繼續閱讀
電話號碼
36188772
95858500 (WhatsApp)
開飯介紹
裝修以狗為主題，甚至連餐牌、爐頭上也有狗狗的圖案。客人可以享用火鍋雞煲任食套餐，有多款湯底及配料選擇，食材新鮮。
繼續閱讀
營業時間
今日營業
07:30 - 16:30
17:30 - 00:00
星期一至六
07:30 - 16:30
17:30 - 00:00
星期日
17:30 - 00:00
公眾假期
17:30 - 00:00
公眾假期前夕
07:30 - 16:30
17:30 - 00:00
以上資料只供參考, 請與餐廳確認詳情
有關獎賞計劃
相關文章
香港周圍都係火鍋放題，愈來愈多花招✨呢間火鍋一個價錢，就可以任加小食🥗、刺身拼盤🐟、任加雞煲🐥、無限時自助火鍋無限時火鍋為食套餐 $288✅✅套餐有4步曲包以下食物1️⃣任食餐前小食(唐揚炸雞、鮑汁雞腳、炸大腸、甜蕃薯條、蟹籽沙律)2️⃣刺身盛合3️⃣酸菜魚或雞煲4️⃣火鍋放題+海鮮拼盤+牛肉拼盤Round 1️⃣食法係要遂個step咁食，叫左下一個步曲就無得番轉頭食，小食推介雞腳超入味🐔、🐽大腸脆口唔肥膩 😍Round 2️⃣刺身有三文魚🐟、北寄貝、赤蝦🦐，全部都夠新鮮、彈牙，唔錯👍🏻Round 3️⃣揀左雞煲🐓，小辣都已經好惹味，雞件肉質彈牙👍🏻，仲有埋吸味3寶(牛柏葉、魷魚🦑、豬皮)，雞肉可以任加嫁😍Round 4️⃣湯底種類都好多，有泡菜蜂巢豆腐🐝、藥膳牛尾🐂、鮮茄薯仔🍅、麻辣鍋🌶️等，揀左藥膳牛尾，唔會好重藥味甜甜地唔錯，而且牛尾都好食😋🐮牛肉拼盤新鮮而且夠多部位選擇，亦有牛肉味同🐠海鮮拼盤同樣幾高質，有蠔🦪、大蜆、蝦、元貝等，好新鮮，蜆同蠔都漲卜卜好大隻，正❣️配料推介黑牛柏葉、濃汁牛丸🐮、牛骨髓、鵝腸，好味但每次唔會嚟太多，可以俾你盡量試晒唔同款overall:呢間就做到價錢合理、款式多、質素好，仲要無限時，而且地方大唔使晒時間等位，真係CP值好高，所以當晚都見到有幾堆都係公司同事聚會🤣可以一戰
繼續閱讀
呢個暑假各有各忙，好難得先夾到大家時間出嚟食飯🍽️ 因為行程上臨時有變，我哋誤打誤撞嚟到「為食火鍋公司」，嚟個 #雞煲火鍋放題 😚餐廳以狗仔🐶為主題，四周圍都會見到以小狗圖像做擺設，愛狗之人嚟到一定鍾意😚 呢日我哋食豪啲啲，叫咗個$368套餐（每位計另加一），諗住應該都幾豐富啦… 不過就真係有少少失望囉😅#餐前小食 有啲削😅 #甜番薯條、#日式炸雞、#酸甜炸大腸、#鮑汁雞腳 味道同外貌都麻麻，唯一 #蟹籽沙律 口味比較清新，可以encore😚#魚生拼盤 超迷你😅 不過勝在樣樣有啲，無期望就唔會失望啦😅#雞煲 辣辣地帶有啲甜味，味道都唔錯🤤 不過每隔兩分鐘就自己開個煲蓋將啲雞件炒兩炒，對於一個唔落廚嘅我，實在有啲難為😅#火鍋料 都算多選擇，不過 #牛 同 #海鮮 都係限量嘅👀 牛肉併盤好吸晴，#雪花牛、 #牛頸脊、#黄喉、#封門柳.. 樣樣有齊🤤 海鮮方面都好足料，#蟶子、#鮑魚、#元貝 都好新鮮，不過佢哋啲 #蠔 就弱咗啲😅 整體還可以嘅😚不過成餐最敗筆嘅係我哋揀咗個 #泡菜湯 做湯底，味道怪怪的😅 入口冇咗 #泡菜 應有嘅酸辣味道，搞到其他食物都有啲失色😅😅 不過最古怪嘅都唔夠餐廳嘅安排奇怪😅😅😅 問個服務員攞張凳擺袋，佢話全場滿座冇，問佢攞個籃擺嘢都係冇… 但係最神奇嘅係問佢攞多對公筷，回覆都係一樣「今日客人比較多，我哋嘅 #公筷 已經冇晒!」🤣🤣🤣 火鍋館居然連公筷都唔夠？真係好「環保」囉⁉️📍 為食火鍋公司 (觀塘) 創業街15號萬泰利廣場地下C號舖
繼續閱讀
見到觀塘區有呢間火鍋+魚生刺身（一次性）放題 好似好吸引 就到店試下點知…我地5:30第一枱入店 要點鮮蝦 就已經無晒…而我最期待食蝦 所以好失望刺身方面（6/10） 唔會梅晒 但也不是好甜 正常發揮👋🏻👋🏻因為朋友唔食得辣 所以叫左小辣（店員話有bb辣） 最終決定了小辣唔知係咪因為小辣 成個酸菜魚無乜酸味 也無乜辣味 完全唔食辣的朋友都話唔覺得辣 但里面的冬粉是幾好食 魚應是用了鯇魚 都幾鞋口 不過放題就唔好計較差多（呢個都是一次性 不能再加）海鮮拼盤是一次性 我地4個人就有翻4人份咁 大蜆煮完出想好細粒肉 仲粒粒有沙 蝦就爽彈的 但得地是5:30晚市第一台入店 用code點餐時 鮮蝦已無晒…覺得有點失望牛肉同埋米豚都好食 比出面的放題好食！
繼續閱讀
環境乾淨，食物質素唔錯，如果有些少甜品，加上一點簡單熱飲，例如茶，咁就更加好！侍應對客要再加強，清潔方面如果可以做得好一點，例如幫客人換下骨碟，而不是將骨碟倒落啲吉盤到畀返個客，感覺會好啲！
繼續閱讀
平安夜與朋友兩人去到該店，到達時間大概9:30，不需要輪候，現場有幾張吉枱。入到店面，接待嘅女服務員神色非常呆滯、反應遲鈍，佢將我哋帶到去入門口第一張大廳枱。我哋覺得坐喺嗰個位置到完全冇私隱度，唔方便傾偈，所以希望店員幫手安排其他位置。當然，如果現場冇其他位置，我哋亦唔會強求。但係因為時值平安夜，及當時時間已經係夜晚9:30，現場雖然有不少人在用餐，但係亦都有其他靠窗或靠邊嘅位置。我哋禮貌查詢及請求店員安排其他枱給我們。該神色呆滯的女服務員回應說嘗試幫我們安排。過了一會兒，一位男服務員過嚟幫我哋落單。我哋再次詢問位置安排，佢面無表情，正確啲嚟講係黑口黑面，回應我哋落咗單唔可以轉枱。我於是同佢講剛才你哋嘅女服務員話會嘗試幫我哋安排。跟住佢粗聲粗氣咁講：「開咗單冇得轉位㗎喎！邊個應承你？有冇應承過你話係得先！？」我感到愕然，話：「其實一路都同你哋積極溝通話想轉枱，你哋亦都冇提及開咗單唔可以轉枱。如果係，你哋應該處理咗我哋想轉枱嘅意願先。同埋我見到有其他枱，我哋唔介意等多一陣，可唔可以幫手安排？」該男人繼續黑口黑面，粗聲粗氣回答：「冇人應承過喎！落咗單啦！」簡單啲嚟講——你食就食，間嘢唔懮做。雞煲上到嚟是調咗味嘅生雞，需要自行烹飪。雖然需時不長，但係都係需要自己煮。其後其他上菜嘅服務員態度是還好的。講到底：去食雞煲打邊爐，當然唔會期望fine dining 嘅服務水平，但係依家係講緊基本服務水平都冇。食餐飯要俾錢仲要受氣。一個店員係咁，兩個店員都係咁，可能最黑口黑面嗰個係老細都唔定。人哋懮做，我哋亦都唔會去第二次。
繼續閱讀
您可能會有興趣的...