神虎麺商店

Open Now

Now Closed

灣仔有好多拉麵店見呢間有蝦湯底就走咗入去試海老虎 $108蝦味增湯好濃郁，面頭有一堆櫻花蝦🦐，聞落已經好香另外有兩粒自家製豬肉丸，一塊叉燒，少量木耳同埋紫洋蔥🧅叉燒軟熟入味，算係食過數一數二好食嘅叉燒！（個人偏好冧瘦叉燒）麵質反而普通，少咗啲韌勁神虎精選 $140精選有好多料：味付筍、叉燒、豚腩肉、豬肉丸、溏心蛋、紫菜濃郁豬骨湯底，塊豚腩肉大塊到嚇親😱整體嚟講有啲膩，比較啱重口味派🤔唔洗排隊嘅話，可以一試！

喺隔離排完Bakehouse 又有耐無食拉麵，就等佢開舖食。我叫左以下嘢食- 海老虎拉麵- 溏心蛋- 炸雞蝦味十足，湯底好味但偏咸，雖然唔係死咸，點都扣少少分雖然我偏好幼麵，但湯味幾濃，中等微曲嘅麵有啲彈牙，掛湯效果合格。叉燒同肉丸無咩亮點，但係做到應有水平溏心蛋，我少廢話，睇圖啦好正啦，唔洗補充有網友話炸雞好正，真!!!但如果可以落多少少檸檬平衡番雞肉嘅油脂就好，不過我諗你問侍應攞，佢唔會唔俾嘅。但由於好大份，只建議有兩個人嘅時候食。我下次都係試番原味，唔排除係海老加重左個咸味。

好日都唔經過灣仔，所以唔知有咩好西食，上openrice尋覓下就見到呢間過江龍拉麵，一試之下，果然係有啲料到😎叫左兩款拉麵，拉麵嘅份量唔係特別多，肚餓黎食嘅話，可能要加個底先夠飽。男朋友個碗叫左神虎，有隻溏心蛋蛋，兩粒肉丸。最值得欣賞嘅係佢個湯底，一睇就知好濃郁，但佢濃而不膩，男朋友成碗湯飲哂咁濟。拉麵好彈牙，唔會煮到好淋一pat野咁。我呢碗叫左海老虎。一上枱就聞到好大陣櫻花蝦味，多左啲櫻花蝦就少左隻溏心蛋蛋，不過個陣咁勁嘅蝦味就補番數。第一啖飲左個湯底先，一個字：鮮！但飲左幾啖就有啲重味，食哂個拉麵覺得有少少頸渴🙈但佢個湯底係真係值得一試咁好味🤤叫左兩個小食：炸雞塊同埋神虎餃子真心講，呢個炸雞可以話係我食過咁多炸雞入面最好食！熱辣辣食嘅時候勁juicy勁香，雞肉唔嚡口，非常之滑。每舊炸雞都有番咁上下大舊，我嘅1/3隻手掌嘅size。$45呢個價錢有4舊呢隻size嘅炸雞，真係值回票價。呢個餃子多汁juicy，皮薄肉多。餃子皮煎得夠脆身，一咬啲汁就湧出黎，好似人地食小籠包咁🤣 啲餃子都ok大隻，好食😋三百蚊左右埋單，灣仔食晚飯呢個價錢，有番咁上下嘅食物質素，十分ok😌

灣仔區食拉麵嘅地方多的是，唯獨呢間係我嘅心頭好，午餐想食拉麵一定嚟呢度，不過最近中午等位要等好耐，天氣又熱，企響條街度等真係好辛苦。每次我都係食佢地嘅招牌麵神虎拉麵，麵𥚃有糖心蛋，叉燒一片，肉丸兩粒，配料有洋蔥、蔥，木耳，湯底係豬骨湯，奶白色有D黏口，我覺得個湯底做得不錯，面質彈牙掛湯呢度係open kitchen食客會見到自己碗麵嘅製作過程，煮麵嘅師傅係日本人感覺正宗。店員服務態度非常好環境方面，整潔又唔會坐得好迫夾，食得安心又放心。

數天前和同事在午飯時間外出吃飯，為了健康，多數吃飯也是在公司吃，這天沒有帶飯，才跟同事外出覓食。在云云的食店中，實在難以抉擇去哪一間才好，記起之前常常聽到別人說神虎拉麵是灣仔很不錯的選擇，一直都很想試，但午飯吃拉麵真的太奢侈，剛好同事也不抗拒，才想試試。不看餐牌也不知道，原來神虎除了在香港有分店外，在中國也有分店，在原產地大阪更有足足5間分店看來日本人也挺喜歡神虎的，自己也去過大阪，但好像也沒有發掘過這間食店，也許是錯過了吧？🤔不少拉麵店的餐牌都屬簡單易明，拉麵種類不多，除了本身有的拉麵外，又加了一項「精選拉麵」，大概是原有拉麵的進階版。中英文對照，如果有外國人的朋友或同事想試，也沒有問題呢。如果不乏吃拉麵經驗的人，相信也很容易便會理解到黑虎即是黑蒜油拉麵，赤虎即是辛辣的拉麵，還有神虎就是傳統經典的款式。店內環境也是一貫拉麵店的作風，有一般的桌子和椅子，也有較高的桌子和椅子，人流太多的時候也不輪到自己選擇坐那一種了。最近竟然有一款香港限定的海老虎拉麵，「期間限定」這種概念不知是什麼時候開始流行的，部分拉麵店會在一些時期推出「期間限定」的菜式，而理所當然「期間限定」的菜式會比其他菜式昂貴

聖誕節又到啦，同男友行完利東街之後，肚餓要周圍搵飯食，突然遠處望到一間外觀設計如日本🇯🇵風格既店，我就要求男友食呢間！入到店內，有高枱、有2人枱等等，我地選擇坐2人枱啦。初時覺得有點逼，後來店員好細心地提示牆上有個勾，好讓我們將個袋掛上去，會坐得舒服很多！我叫了黑虎，材料份量都充足，黑蒜味，麵條無得選擇硬度，由師傅拿捏控制。我都滿意最重要叉燒不太肥！男友叫左海老虎，中意食櫻花蝦既必叫湯底濃郁最後我們仲叫神虎餃子🥟 正常味道總括，此拉麵店值得再黎，師傅很用心製作，食物質素中等，味道很有日本風味！十分欣賞

由大阪起家既神虎麵商店，除左香港，原來內地都有分店喔！今日同事興致勃勃話想食拉麵，我就提議一齊試下灣仔附近既拉麵店，真係好有驚喜啊！（不過豬肉丸出現喺拉麵度，感覺怪怪的，而且味道也很一般，口感比較粉沒有嚼勁，或許這是特色吧？）同事叫左個“神虎”（$98），湯底用魚介、野菜同豚骨熬成，係呢度既“基本款”。而最抗拒唔到海鮮既我，就叫左個“海老虎”（$98），蝦油同櫻花蝦好鮮味，不過熱量都唔少，食到人好熱哈哈！睇住師傅切出一塊塊完整既豬肩肉超級治愈，遞上拉麵既時候笑容仲鬼咁親切嘿嘿！外加的餃子都唔錯，不過女仔食量黎講，食完個拉麵已經好飽，所以其餘三隻餃子需要男士來完成。店內其中一個亮點，就係好多店員既漫畫啊！睇下幾似師傅！見到咁活潑可愛既漫畫人物，朝早工作煩躁感盡消啊！謝謝你們！

早兩個月真心太熱了，完全把拉麵的興趣放下了。現在秋風起，涼涼地，吃碗拉麵剛剛好話哂第一碗開齋麵，梗要好好揀下！左挑右選，我決定去呢間灣仔黑馬—神虎。雖然豚骨出名，但太「行」了！第一碗要點新鮮感重的！來一碗海老虎（蝦湯拉麵）鎮鎮場。等了陣子，海老虎到了！紅紅蝦油，大堆頭的櫻花蝦，好不吸引碗裡還有雲耳、紅洋蔥、兩粒肉丸，頗豐富的，事不宜遲！馬上要食食先梗係飲口湯先，一飲之下，果然鮮味十足，蝦🦐的味道遍佈口腔，難得的是它不會有令人難受的鹹味。加上滿滿的櫻花蝦乾，除了加強蝦鮮，更添一份脆口咬感，令人忍唔住飲多兩口。飲完靚湯，梗係食麵啦仲等咩呀這裡的麵粉是走「味千」路線，中等粗幼，而非「一蘭」幼麵或「烏冬」粗麵。一吃之下，掛湯但未感彈牙，麥香普通，中規中矩。再食叉燒，不會膩因其選用較瘦的腿肉，肉質較多纖維，不是入口即化類型。而肉丸雖下了筋鍵及爽口香菜作材料，口感確是豐富了，但嫌肉香、味道欠奉，普通的質素。到我心中的主角，溏心蛋。店員很細心，在廚房幫我們整齊分開兩半（打卡一流）。蛋汁確是豐富，同時未見蛋黃旁有熟掉的痕跡，可見烹調時間不多不少，完美！一吃之下，𠵱！冇味既，有蛋汁沒蛋味，好淡好淡，加上

之前一直聽過灣仔有間有個”虎”字嘅拉麵，原來都有兩間，不過神虎就剩係得呢一間，終於比我地行吓行吓見到佢，餓虎要食嘢啦我哋叫咗兩個拉麵，一個係海老虎，另一個黑虎。呢兩個本身都冇雞蛋，所以我哋加咗隻雞蛋，另外想食多啲菜，所以一人加咗一份黑木耳。呢一間其實喺日本見過，不過每一次經過都已經食飽，所以今次好開心可以喺香港試到。終於嚟到喇，湯底夠熱，不太「杰」，但湯底濃郁，海老虎裏面有好多櫻花蝦，最緊要要睇吓個叉燒，好juicy時好有咬口，只得一塊不過都幾大塊。唯獨是原來裏面沒有筍，下次要記得加。至於黑虎，蒜蓉味很重，但卻不太油膩，剛剛好。至於加一份黑木耳，也不馬虎，用小碟另外上，非常大份，還加上少少麻油嘅香味，爽口好吃。另外通常拉麵店員工都係比較瀟灑，至於這一間，不斷聽到有多謝嘅聲音，員工也非常有禮貌，值得一讚！地方也沒有油煙味，很企理。知道有呢間拉麵，下次去灣仔想食拉麵就知道要去邊度啦

餐廳地方都幾大，一張長抬面向拉麵師傅，靠牆同門口都有４人或多人坐位，位置寬敞舒服食到主要有６款拉麵，但都係由元虎做Basic由豚骨精練而成每款拉麵都可以＋＄３２轉做精選，會多左溏心蛋、豚腩肉、筍、紫菜我就直接叫左神虎精選＄１１８湯底都是豚骨湯，用上西班牙豬肉，灸燒過既豬腩肉，油脂豐富一層層咖，每一啖都好邪惡但濃郁既豬肉香真係會令人食上癮；裡面仲有一片叉燒，食個油脂分佈均衡，唔鐘意食肥既人可以食叉燒豬肉丸都係餐廳自家製，蓮藕加豬肉打制而成海老虎＄９８同樣係豚骨湯底再加左大量櫻花蝦 同 蝦味噌，湯底更加鮮味濃郁，麵質爽口輕易做到掛湯效果，啖啖都係精華神虎餃子＄４２餃子係餐廳每日朝早自家製作，比一般既餃子大隻，餡料都係豬肉炸雞塊＄３８依個炸雞真係超好食😍超好食超好食😩講左3次就知真係好好食，無骨雞一咬d汁爆哂出黎，非常嫩滑既雞肉，一定會為左炸雞而再黎呀😃

天氣涼了，又係食拉麵嘅季節😛放工黎灣仔食個拉麵先返屋企位置稍稍僻靜，位於內街嘅大阪過江龍只有5款拉麵，拉麵硬度，湯汁濃淡都無得揀，由師傅一手包辦有人話，咁先係一間麵店該有的執著要左海老虎，個名好有霸氣外加精選配料，和神虎餃子坐在吧枱，可以看到師傅在包餃子現場制作，不是預製的餃子，一定新鮮好多！餃子先上煎得好香脆皮薄餡料岩豐富！餃子汁更是精髓，黑胡椒香味突出，好味！海老虎登場先試未搞拌的蝦湯不算特濃，但也吃得出蝦湯鮮甜拌入櫻花蝦，蝦味更濃郁！叉燒不肥，但也不會鞋口，不錯！豚腩肉超肥，但入口甘香，油質在口中溶化，比叉燒更美味！流心蛋做得很好，入味非常👍難得過江龍店竟然唔駛排隊，水準又咁高，值得多點來幫襯🤫

拉麵雖然各家各店唔會太大差異，但湯底同配料不同嘅配搭永遠令人躍躍欲試。今次嚟到利東街隔籬嘅神虎麵商店，呢間拉麵店嚟自大阪，香港只此一家，由日本師傅主理。叫咗黑虎（黑蒜）同海老虎（蝦）兩款。我食嘅海老虎係香港限定，即使喺日本總店都食唔到架～湯頭蝦味濃陏，但唔係因為櫻花蝦仔，而係特製蝦油帶出鮮味。選用偏向東京風味嘅曲蛋麵，掛湯力高。整體比較鹹香，貼近日本人口味。薄叉燒係用西班牙豬肩肉整，肉腍而味濃。豬肉丸係我第一次見嘅配料。肉丸幾彈牙，入面有爽口蓮藕粒。細佬一如既往揀咗黑蒜拉麵。我哋亦加咗$12，share溏心蛋食。蛋黃流心，蛋白剛熟👍小食方面我哋較為推介餃子。煎餃子比常見嘅大隻，內餡鎖住肉汁但肉本身並唔肥膩，仲有唔少蒜粒。特別係皮造得稍帶黏韌，更加可口。必須趁熱食先夠脆！炸雞睇得出絕對自家製，大件嘅雞塊用上嫩滑雞脾位，炸皮有葱蒜絲，更加香。拉麵店喺油、麵質等等地方都冇得按個人喜好揀，特別在叉燒同豬肉丸，適合鍾意濃味湯底嘅人。

今天在灣仔那邊放工， 同事話好想食拉麵， 好近喜帖街那邊開了 神虎拉麵。 大有來頭 嘅拉麵店沿自日本大阪， 材料，口味，湯底都繼承大阪 原店嘅味道。神虎拉麵要豬骨湯底 為主。有神虎，元虎， 赤虎，黑虎，海老虎。 款款都好想試。我哋選了海老虎($98) 再加上精選配料 ($32)。 海老虎款式是香港限定。 表面鋪上大量櫻花蝦， 味筍和丸子。 當然少不了豚肉叉燒。湯底好濃厚， 感覺到有少少膠質黏著嘴唇， 店員講解 在本店用豬骨淆製八小時。 同時亦多了一重鮮蝦嘅味道， 加上香脆嘅櫻花蝦， 湯底味道有層次。 拉麵本身冇軟硬嘅選擇， 不過比較有彈性煙韌， 店員解說麵粉重量比其他拉麵店更為有份量， 亦非常掛湯， 食到最後個湯已經 被吸得七七八八。 粒丸子都好犀利， 內有乾坤。 除咗手打功架之外， 仲加入櫻花蝦， 好味又有口感。 叉燒夠腍滑有肉香。睇番個精選配料， 成碗麵再豪華地upgrade。 極叉燒(豚腩肉)。 好誇張成塊豬扒咁厚。 腩肉又腍又入味唔會過鹹。 肥瘦相間好鬼誘人。 仲有隻味付玉子， 好滑好流心。味付筍 好入味， 啱曬重口味人士。 我哋仲試咗神虎餃子。餃子每天人手包製， 即叫即煎，

突然心血來潮想食拉麵，望望灣仔區有咩拉麵選擇，千揀萬揀最後選擇了神虎中午12點，店內不算多人，或許是剛剛才開店的關係，幸好不用排隊，直接入內。心想了一陣，比較喜愛蝦湯底的香氣，二話不說就點了海老虎，而溏心蛋是到拉麵店必食之選，加錢都要食。海老虎$98，加溏心蛋$12一上桌，香氣撲鼻先嚐一口湯底，果真不失所望，香氣直衝腦門，再來一口麵，不錯不錯，唯一有點失色就是麵質較軟身以致沒有掛湯的感覺，只能一啖麵一啖湯。不得不提麵中的配菜：豬肉丸子。一咬下去滿滿的肉汁中夾上蓮藕的爽口，這是在日本食到中華料理的味道，真是意料之外最後到我最最最喜愛的溏心蛋正宗的溏心蛋，不用多說！當然是好味味道剛好不會過咸，咬下去蛋漿湧出，再望望蛋黃的顏色，是橙黃色不是黃色，這點很重要咬一啖後就整顆放進口裏，滿滿幸福感在口中爆發，濃稠的蛋漿加嫩滑的蛋白慢慢融化，簡直是一級享受

健康主義的弟弟食嘢非常挑剔，而且又要揀地點，平日寧願做宅男，都唔願意出來陪我覓食，真係唔係咁易請到佢出門！今晩竟然例外，隨意 call call 佢，餓老虎原來逼不得已要出門，因為媽咪外遊，雪櫃存貨已被掃清，身型高大的他其實非常擦得，既然有家姐請客，飛撲過來懶得自己整，而且是大阪過江龍、重現香港的神虎拉麵，本就是日本迷的他，正中下懷！ 灣仔橫街對我來說並不陌生，因為早已有眾多特色小店設址，在電工材料及五金行附近有一家拉麵店，並非什麼奇觀。 門外石磚場貼上若干宣傳單張，方便路人了解產品，強調關西流、博多豚骨及巨型湯麵圖片，不難想像是一間豬骨湯頭的麵店。 店舖並非太細小，可容廿多人。 雖然有幾款麵，但實際上所有湯底都是源出一轍，以豚骨湯加蔬菜熬至少8小時至成，見到大阪師傅坐鎮，知道功夫唔會省，足本製作。 神虎、黑虎、赤虎、海老虎、元虎分別是原味、黑蒜味、辣味、蝦味及走蛋的神虎，最後一款神虎精選是超級加料。 有餓老虎同行，我們點選了海老虎及神虎精選各一，神虎餃子、炸雞及辛辣大豆芽菜，非常大食！ 這間拉麵店的做法不同，餐單上沒有仔細的個人選擇，例如麵的生熟度及油、蔥的多少等，我們亦