西餐大排檔 (Closed)

今日放工約左友人食飯，問佢想食乜，佢就話要試吓間「西餐大排檔」！咁究竟係食「西餐」定食「大排檔」呀！餐廳位於銅鑼灣嘅渣甸中心7/F!一出𨋢門已經覺得餐廳霸氣十足！牆上嘅壁畫為餐廳增添幾分懷舊感。餐廳座位數量唔太多，但環境舒適，燈光柔和，空間都好足夠。霸氣紅色餐巾紙非常搶眼！坐得一陣之後，侍應為我地遞上餐牌，最後我哋嗌左三個前菜兩個湯同兩個主食！先嚟黑毛豬脆包！熱辣辣脆卜卜嘅麵包夾住沾有蜜糖芥茉醬嘅黑毛豬，非常開胃！再嚟黑松露煮日本年糕。汁醬嘅味道有d似黑松露忌廉湯，質感偏稀；日本年糕口感非常煙韌，兩者味道好配合！之後就係焗法國連殻食田螺。所謂嘅「殻」口感有d似雪糕筒，脆卜卜；田螺味道不過不失。呢個海鮮肉骨茶係我全晚覺得最好味嘅！肉骨茶散發住啖啖藥材味，入口甘甜，並附上一隻大鮑魚，鮮味！之後就係友人嘅黑松露蘑菇湯。蘑菇湯的蘑菇超多，湯的中間放咗一匙黑松露，非常香。之後就輪到主食：烤牛脷！牛脷的口感有軟有實，有少少騷味；配菜方面我較為欣賞露筍同蕃茄，非常fresh !之後就係美國安格斯牛扒（7成熟）。安格斯牛扒牛味超濃，肉質鬆化！粉紅色的牛扒，真的好好吃！

結婚周年紀念，當然要帶老婆大人食餐好慶祝一下啦。出門口前仲同佢講去大排檔食慶祝周年紀錄，佢仲面色一沉。試問我又點會唔知老婆大人鍾意食西餐鋸扒喎，係佢估唔到我搵到間食西餐鋸扒嘅大排檔啫餐巾繡上「西餐大排檔」字樣，氣派十足。首先出場嘅係乳酪蝦仔蛋沙律--用爆珠黎做沙律都相當創新，加上新鮮蝦肉，非常爽口。推介這個黑毛豬熱脆包--包身是暖暖的，夾著充滿肉汁的黑毛豬，咬著有種溶化的感覺。記得食埋啲菠蘿呀，好清甜架!!打開熱脆包可看到黑毛豬不比麵包小呀。而且諗到用黑毛豬黎做豬扒包真係唔簡單啊。老婆大人本身都愛喝蘑菇湯，再加入黑松露，香氣撲鼻，味道提升。由於滲入了魚蝦等海鮮的鮮味，海鮮肉骨茶的湯底清香鮮甜。牛脷夠厚，口感較好，爽口有嚼勁但又唔韌，而且充滿牛味。還在回味剛才的黑毛豬熱脆包，侍應就奉上這個燒西班牙黑毛豬肉眼蓋。黑毛豬嘅特質有點像和牛。脂肪會滲入肌肉中，入口柔軟，所以特別美味。我本身係超愛食牛，但今晚食黑毛豬，第一次有個感覺其實豬係可以好食過牛囉最後甜品叫左菠蘿雪葩，菠蘿味香甜，似雪糕得黎又有啲似沙冰。而且雪葩無牛奶，如果唔加糖直頭係低熱量甜品，食多D都唔怕肥啦。

老實講：當初係俾佢既名吸引既大排檔食得多，但未試過食西餐既大排檔餐廳門口係靚靚會變色既招牌，好靚好有氣勢雖然佢喺銅鑼灣黃金地段，但座位亦好舒適，食得舒服頭盤：艾廸乳鴿肉質好嫩，夠juicy, 相信要醃幾個鐘先會咁入味，讚乳酪蝦仔蛋沙律好fresh好特別既salad,有粒粒類似益力多味既珠珠黑松露蘑菇湯好香既蘑菇味，唔會好「漏」，剛剛好朋友點肉骨茶，心諗「西餐廳喎！」上枱時居然聞到陣陣馬拉風味，仲有大大隻鮑魚，嘩主菜：燒西班牙黑毛豬肉眼蓋黑毛豬是近年最愛，呢度亦煮得夠出色，切開是粉紅色嫩嫩既肉，好香肉味，大愛食甜品有另一個胃，食埋呢個lemon tart就大滿足了

上年我都已經去過位於銅鑼灣的西餐大排檔，對其用心製作的優質Fusion西餐 留下美好印象。相隔大半年，我又再次重臨西餐大排檔，和老公靜享二人世界的寫意時光。相隔了一段時間沒來過，發覺桌椅也擺放得更鬆動，坐得更舒服。裝潢實而不華，營造悠閒愜意的氛圍，也不像傳統西餐般拘謹嚴肅。侍應服務態度主動有禮，整晚十分勤快地收碟換碟。除了套餐之外，散叫亦有更多款式，既然上次試過二人餐，所以今次就來試試à la carte，可以嘗試到更多不同款式，而且份量足夠兩人飽到捧著肚子離開 XD黑毛豬熱脆包 ($89)麵包烘得外脆內軟，配合芥末的秘製醬料，對於吃不了辣的我稍為有點刺激，不過味道比平時坊間的豬扒包更獨特。新鮮清甜菠蘿肉亦可中和吃得太多肉的肥膩感。黑毛豬肉質豐腴多汁，柔軟鮮嫩，在油份與肉香之間取得完美平衡，吃得出這種軟腍不是用鬆肉粉般人工化，而且切成細件，令女士吃得更有儀態，進食時也不會令到豬扒和麵包分離。焗法國連殼食田螺 ($99)田螺肉帶有蒜香，下面墊底有滑滑的薯蓉，田螺殼其實是以麵條製成的，經烤焗後口感十分香脆，可以原隻放入口，不需挑殼。松露煮日本年糕 ($99)年糕質地煙韌Q彈，口感滑身，每塊

之前晌唔同嘅媒體聽過西餐大排檔，其中一篇報導仲話主廚希望食客能夠晌度輕鬆咁食到高質西餐。呢晚嚟到，裝修係幾親民。大紅色餐巾，有啲中西合璧嘅感覺。店員話一人套餐係近期推出，我見某啲菜式散叫餐牌係無嘅，就叫嚟試試。牛腩羅宋湯，除咗牛腩之外，湯入面仲有甘筍、椰菜、西芹、洋蔥等等，味道濃郁開胃。黑松露蘑菇湯，蘑菇切得細碎又有咬口。蒜蓉多士就烘得外脆內軟，蒜蓉牛油夠香，用嚟蘸湯食都唔錯。鮮龍蝦半隻配燒牛肉眼，用平底鑊載住，賣相吸引。牛肉眼燒得外層微焦，內層色澤粉嫩，食起嚟柔軟，筋位有油香。龍蝦雖然只有半隻，不過個size唔細，肉厚彈牙，同埋用咗黑椒等等調味。廚師仲特登將龍蝦鉗扑開，外殼睇落完整，但就可以輕易拎啲龍蝦肉出嚟。香燒原條是日鮮魚，外皮香噴噴，魚肉綿滑。用原條嘅姿態出場，晌西餐嚟講真係好少見，貫徹咗餐廳嘅fusion作風。伴碟蔬菜亦唔馬虎，薯蓉食起嚟香滑，法邊豆口感爽脆，燒番茄就唔乾身。用嚟點肉食嘅香草汁酸酸甜甜兼有少少辛口感，味道有少少泰式醬汁嘅影子，既可提味又可解膩，我幾鍾意。最後，我哋簡簡單單咁用檸檬茶做總結。呢度嘅食物唔賣花巧、只求實事，如果硬要雞蛋裡挑骨頭嘅話，就係平底鑊邊比一

大排檔是香港其中一種很受歡迎的街頭露天食肆。大牌檔文化是香港特有的街頭飲食文化，是香港人的集體回憶。西餐即指西方飲食，是兩種完全不同的飲食文化。基於好奇，從openrice搜尋到這間西餐大排檔，決定來一試。大排檔由50至70年代，在香港飲食佔重要位置，是市民主要的飲食地方，一開䢂門，由牆上的油畫已經感受到濃厚的歷史背景。餐廳的裝潢屬簡樸風格，垟上的掛畫充滿中國色彩，枱上的餐具卻是西化的刀叉，中西合璧，極具特色。中間位置是一個小酒巴，更加突出西餐的特色。懷著期待的心情翻開餐牌。一如既往，有套餐、散餐，散餐分別為沙律、前菜、湯類、燒烤類、海鮮類、飯及意粉。海鮮是我的至愛，為了吃法式明爐海鮮湯，決定散叫。看得到的蘑菇粒，的確是真材實料，飲湯之餘，還帶有口感，黑松露更加帶出蘑菇湯的香濃，如果份量可以稍增就更完美了。湯的內容豐富，有海蝦、帶子、鮑魚、蜆和鱈魚，各種精華熔入湯內加上番茄的酸甜，飲一口湯即感到開胃又醒神。海鮮固然鮮味十足，在明爐上不斷保持溫度，吃起來一點腥味也沒有。多士與蝦肉，一個香脆一個鮮甜，食起來的口感層次豐富，蝦肉爽脆多士香口，令人留下深刻印象。其實材料是沒有冬陰公的，冬陰公是

「西餐大排檔」呢個名真係夠晒特別，俾人一種「East meets West」既感覺，帶點中西fusion既感覺之餘又不失「懷舊」呢個近年hit到爆既gimmick！餐廳位於銅鑼灣渣甸街靜中帶旺既一棟商業大廈，由港鐵站F1出口行過去都只係3分鐘左右，講location真係冇得輸呀！食物方面選擇亦非常多，除左由$200幾至$300幾一位既套餐外，更可以選擇$888既精選二人套餐！而我地亦分別叫左一個$298既「燒橡果級黑毛豬肉眼」同埋$388既「美國燒肉眼扒」set。另外，我亦另外加左$65點左一份海鮮拼盤。Portion方面算係啱啱好，如果叫兩份反而可能太多，令到之後食唔落個main course！生蠔雖然較薄身，但整體都算新鮮，鮑魚亦煮到好腍，不過凍蝦就無乜特別！有驚喜既係帶子同埋聖子刺身，配埋自家製既綠色酸汁同埋麵豉汁感覺非常惹味開胃！黑松露蘑菇湯︰中（冬菇）西（蘑菇）合壁呢個idea非常唔錯！由於將打碎既蘑菇混合埋忌廉既關係，整體感覺非常thick得黎之餘亦有層次感，同茶餐廳罐頭湯之流完全兩個層次！牛腩羅宋湯︰同平時既羅宋湯好唔同，整體感覺濃得黎之餘亦有少少偏甜，酸酸地又帶點鹹味非

今晚話就話去食大排擋，但其實呢度係一間高質素嘅西餐廳，食物好味之餘，環境仲好有情調餐廳係一橦商廈的七樓。一出電梯，就見到仿老香港的牆身、椅子和圖畫，頗為別緻。入到餐廳，可能是閑日的關係，人不算太多。餐廳沒有大排檔的吵鬧和喧嘩；反之，有的是西餐廳的格調：柔和的燈光，恬靜的氣氛，加上座位之間有充足的空間，讓人感到很舒適、很放鬆。打開餐牌，見到有唔少嘅套餐可以揀。侍應推介我哋要一人餐，每個餐都有餐湯、餐包、主菜同埋餐飲，另外可以加錢要海鮮拼盤、紅白酒同埋甜品，非常有彈性。特別推介海鮮拼盤＄69就有幾款海鮮，幾抵食，我哋當然唔執輸啦。叫得海鮮拼盤，自然就要加杯白酒啦（加$39就有1杯）海鮮拼盤係冰鎮咁上台嘅，有五種海鮮：鮑魚、凍蝦、生蠔、帶子刺身同埋聖子刺身。老公話鮑魚好食，口感軟柔，而且芯位帶點軟心效果，好正。中間兩個shooter杯，一杯放着秘製辣味醬汁，點凍蝦食幾夾; 另一杯放着帶子刺身，新鮮好味，不過唔夠喉囉我就中意食生蠔，雖然唔算太肥美，但海水味重，幾鮮味（後尾食完飯發現，原來喺度叫一支酒 （一支酒大約三四百左右），就送六隻生蠔，似乎幾抵喎！！好適合幾個friend一齊食飯傾計飲下酒

紀念日或者一些大時大節，通常都會出現選擇困難症，又想吃西餐又想吃中餐，究竟吃什麼好呢？在 西餐大排檔 就有可能吃到不同的菜式。位於銅鑼灣的西餐大排檔，由店名已經看得出是別具風格的。由佈置開始打造成一間中西融合的餐廳，餐廳已西式的傢俬去裝潢，而牆上的畫或者裝飾物都是比較港式，例如警察的徽章、香港昔日風情等等。當你沉醉於觀賞香港的昔日風情時，西餐大排檔更推出一些具風格的的一人套餐。這天我們點了兩個一人套餐，分別是鮮魚套餐（$299）和蟹肉套餐（$399）。前菜是有餐湯和餐包。餐湯有黑松露蘑菇湯及牛腩羅宋湯供我們選擇。黑松露蘑菇湯跟名字一樣有很多野菌粒在湯裏，而且吃得出是有菌油，喝到的不只是湯，而是惹菌每一粒都在你口中慢慢咀嚼然後溶化，再混入香氣濃郁的黑松露，香而味美牛腩羅宋湯 ：與其他餐廳不同的地方就是加了一個牛腩，牛腩是比較韌性的，可以讓我們在可餐湯的時候慢慢咀嚼。主菜：他們每一道主菜都有焗紫薯配襯，顏色上作了強烈的個對比之餘，味道亦十分甜。燒牛仔骨：是我們另外點擊一個主菜，我哋不得是全熟的，大約可能只有8成，但是軟硬度十分適中，不會過軟或者過硬的。香燒完條今日鮮魚：鮮魚先由廚師烤過處理

大排檔在每個香港人心目中，都有一定位置。隨著時代變遷，就連大排檔也要搞搞新意位於銅鑼灣渣甸中心的西餐大排檔便是最佳例子。難得今天在香港區工作，放工便相約老友一起去體驗一下西餐如何能夠成為大排檔。入到渣甸坊，電梯按7樓，Lift門一開，眼前招牌非常耀眼甫坐下便看到有wifi供客人試用，十分貼心正當我們煩惱叫什麼之際，店員立即走過來介紹了幾款菜式。順理成章，我們點了店員推介的龍蝦餐和呑拿魚沙律、豬扒包和肉醬意粉跟餐加$38便有一杯紅/白酒，抵與朋友分別點了澳洲白酒和阿根廷紅酒🍷🍸叫餐更可加$68 享有海鮮拼盆，嗜吃海鮮的我當然不會錯過生蠔creamy帶淡淡的海水味道。帆立貝沾上獨特的醬汁惹味無比。磯燒鮑魚咸咸地十分醒神燒呑拿魚沙律 $99呑拿魚是一大粒的，不像一般西餐碎上，完全是想像之外而且燒得半熟，咬下去不會太硬，香軟美味！撈埋沙律菜一起吃，太prefect了❤️黑毛豬熱脆包 $89越邪惡的食物越美味，這是永恆不變的定律。選用脆豬仔包，烘後外脆內鬆軟。另外黑毛豬油香撲鼻，呷下夠嚼頭又香嫰，肉味驟然爆出，配上芝士更加光芒四射！黑松露蘑菇湯 (跟餐)每一口湯也有粒粒蘑菇，黑松露味濃。牛腩羅宋湯

難得跟媽媽過海看電影，看完電影時間尚早，決定是日吃個早晚飯，媽媽很愛吃西餐，於是用APP搜尋一下附近有什麼西餐廳合心水。來到渣甸中心7樓，一出Lift，眼前就一鼓懷舊的味道，看來很合媽媽心水，連她也被餐廳外的裝潢吸引，不停在影相。店外牆上掛著長長的惜日香港人力車街頭相片，亦排滿很多張懷舊的木製凳，媽媽還在不停叫我記得影凳呀，還說很久沒見過這些老凳了。哈! 未入餐廳就像去完香港懷舊博覽館，門口亦放有2個中式大花牌及霓虹燈，非常特別。餐廳會播著一些中文或英文的懷舊句，這些歌更是媽媽喜歡聽的，所以是夜見到媽媽吃得很高興，很陶醉於餐廳的氣氛之中。我倆點了一個<精選二人晚餐 $888>，我們都是為著海鮮拼盤反及慢燒牛扒而來。特別一提，每碟菜式端上枱，每隻碟都是預熱過的。<餐酒> & <菠蘿特飲><海鮮拼盤>生蠔4隻、鮑魚2隻、日本帶子刺身2隻、鮮蝦4隻、紐西蘭聖子刺身吃過這個海鮮拼盤，覺得物有所值，食材很新鮮美味。是日生蠔(法國Messy, 法國Pearl)，大大隻肥味爽口、鮮甜海水味。鮑魚是磯煮鮑魚，很入味，媽媽第一次食磯煮鮑魚都

辛勞工作過後，又是慰勞自己一下的時候。想吃西餐，又不希望要在西餐廳中要保持儀態拘謹的吃飯，朋友推介西餐大排檔，說我一定能自在的吃頓飯。「西餐」、「大排檔」，給人兩極端的感覺，高級對平民，西式對中式，兩者的糅合定當有趣味。上到渣甸坊七樓，牆壁是六七十年代的相片，小桌子上放了懷舊警察造型的小熊；左轉看到發光的餐廳名，還有兩個迷你版中式大牌坊。走進餐廳，燈光幽暗加上桌面的小蠟燭，氣氛柔和浪漫。侍應穿上T-Shirt圍巾，桌子是膠桌欠枱布，對比強烈但散發「大排檔」的感覺。食物方面有一人餐、二人餐、多人餐，食物大致相同，二人餐相對抵食！由餐酒到甜品樣樣俱全，份量都不少。西餐當然以酒相伴，二人套餐包括兩杯餐酒，紅酒或白酒。海鮮拼盤這個巨型豐盛的海鮮拼盤簡直令人開心！海鮮非常新鮮，有生蠔、鮑魚、帶子刺身、鮮蝦、聖子刺身，底下以冰粒保持冰冷新鮮，配上三款醬汁隨意調味。生蠔有兩款，肥大的味道較咸，海水味重，另一款則較為清淡。鮑魚則以帶甜的湯汁煮得入味，彈牙有嚼勁。鮮蝦新鮮，爽口彈牙。帶子刺身鮮甜、聖子刺身非常爽口。黑松露蘑菇湯黑松露稱不上十分濃郁，但仍散發淡淡的香味。蘑菇湯並非滑溜溜的那一種，相反它混入

好友升職加薪，一定要吃得豪爽一點好好大吃大喝慶祝一番，當然，豪爽的部分由朋友負責，大吃大喝這種辛苦活由我來幹。侍應著我們點選二人精選晚餐，論價錢論多樣化來說都非常值得一試，套餐還包括了兩杯餐酒。看在有免費酒精份上，就選擇了二人套餐，點了白酒佐海鮮拼盤。海鮮拼盤雖不算包羅萬有（五款海鮮包括：生蠔、鮑魚、日本刺身帶子、鮮蝦與蟶子刺身），件頭與質素卻帶有驚喜！較令人難忘的，如生蠔鮮味佐以海水咸味根本不需塗抹醬料、鮑魚肉質飽滿具彈性且帶甜味、蟶子刺身爽口鮮甜。配以白酒品嘗優質海鮮，讚！是日餐湯為黑松露蘑菇湯。湯中帶蘑菇粒，口感黏稠猶如湯羹，感覺非常飽滿。黑松露為蘑菇湯提味非常稱職。不要少看這盤子上的料理擺盤單調，我會以「驚豔」來形容這客燒牛脷配蜜糖芥辣。厚切牛脷份量雖然不多，其紋理清晰，肉質鬆軟，用餐刀輕輕按壓即可切開，味道有濃郁油香，略帶肉汁。幾乎整塊牛脷都沒有沾蜜糖芥辣醬，深怕影響原味口感。松露煮日本年糕口感煙靱，白汁芝味很豐富，另配上一小抹松露作點綴，口味甚佳。燒澳洲羊T骨沒有烤至過熟，微帶羊羶香味，經咀嚼滲出肉汁，沒有些微肉渣。整體感覺屬平均以上，可能前幾度菜的驚豔蓋過了主菜的光芒，亦