四季椰林海南椰子雞 (MOKO新世紀廣場)

Open Now

Now Closed

今日同老best食the best餐廳 一直知旺角有分店 終於得閒可以嚟食 椰子湯依舊咁出色 佢啲雞都好鮮嫩 二人套餐份量很足 配上姜 辣椒同青檸真係好好味 下次肯定會再嚟食多次～

椰子雞湯清甜可口, 散發著椰子的香味, 另外, 上菜時文昌雞排得整整齊齊, 雞肉鮮甜, 有濃鬱的雞味另外散叫了一鮑魚及花蚌, 味道十分鮮甜, 擺設十分精緻脆鯇魚片, 收費58蚊, 但是份量十分足夠三人吃用, 另外味道也很先甜, 肉質十分嫩滑

食材新鮮，湯底椰味濃厚清甜，材料十足😋👍🏻整體服務非常之好，牛肉好新鮮，服務態度又超級好，彈牙仲有魚蛋都好好味，響鈴3秒鐘就食得，新鮮雞味濃，環境清幽舒服😌

今天和朋友去旺角Moko逛街和食飯，無意中發現一間港人經常北上光顧的餐廳—四季椰林海南椰子雞。這餐廳國內已經超60間分店，現在不用北上都可以品嚐到，實在太好。 原味椰子雞鍋鍋中四顆鮮嫩椰子與肉質鮮美的上海南文昌雞共伴而煮，完全不加1滴水，散發著濃郁的椰香。湯頭清澈透亮，入口甘甜不膩，回味無窮。澳洲M5和牛雪花牛肉肉質細嫩如絲，油花分布均勻，入口即化，肉香四溢。中山翠鯇魚片翠鯇鮮嫩多汁，口感爽脆。「非遺」鮮龍須筍口感脆嫩彈牙，清香四溢。鮮珍山菌拼盤拼盤匯聚了牛肝菌、繡球菌、雪山松茸等珍稀菌類，每一種都有其獨特的口感和風味。牛肝菌滑嫩爽脆，繡球菌清香脆爽，雪山松茸更有一股撲鼻的野趣。雞樅菌質感出眾。香辣文昌雞胗入口嫩滑，帶有一絲彈牙，配上香辣醬汁和青瓜絲，回味悠長。椰林心型粉巧妙運用椰子製作，心心造型可愛，為整頓豐富的菜肴畫上完美的句號。

第一次黎呢間食，因為屋企人未可以準時係預定時間到齊 ， 好彩係冇限時既，黎到店員都有禮貌地講解d事項～又會有店員黎幫手落雞煮～湯亦都好清甜 環境亦都好乾淨企理 值得黎食一次

適合四季品嚐嘅椰子雞鍋，係不少港人到深圳必食之選之一，位於Moko4/F新開張#四季椰林海南椰子雞 。其著名椰子雞鍋更是街知巷聞，於國內更擁有超過六十多間分店，而家進駐香港，終於唔洗北上就食到喇。🥇椰子湯底X「海南」文昌雞椰子湯底以「4個椰子1鍋湯，不加1滴水」，經過5分鐘過後，先品嚐椰子湯，清甜，飲完一點都不涸喉，配上海南文昌雞，雞肉厚結實，雞味濃郁，甜而不油，椰子嘅清香伴隨著雞肉飄散出來!旁邊附有配料豉油，指天椒，沙薑，青檸，亦有助提鮮。🥇香辣文昌雞胗以青瓜絲作墊，表面有點細碎雞腎，入口酸酸辣辣，系一道唔錯開胃菜。🥇中山脆皖魚片薄切鯇魚片，選材新鮮，肉質結實彈牙。無需調味亦嚐到鮮甜。🥇火山肥牛火山肥牛切片薄而嫩，肉質細緻，入口即溶，帶有微妙點香氣，令人回味。亦為火鍋增添了味道。🥇鮮珍山菌拼盤鮮牛肝菌，雞拟菌，雪山松茸，绣球菌，只需涮煮3分鐘即可入口，尤其鮮牛肝菌，草藥味濃，養生之選!🥇鮮活水培菜新鮮水培菜色澤翠綠，煮熟後保持著脆度，加埋佢超甜嘅椰子湯底，真係一個好開胃嘅選擇。🥇椰林心形粉呈現扭紋型，經一番烹調後，隨即發脹，口感軟錦，味道相當獨特。總括而言，食物質素確系唔錯，新鮮食材

平日去旺角新世紀廣場  MOKO 主要購物同飲中西式下午茶.  今日特別來有兩個目的,  先睇奧運直播, 同 Q 版運動員打個卡.   而另一主要目的是去  四季椰林海南椰子雞 食火鍋.  此店源自中國, 國內已有 60 多間分店,  今次第一間剛駐進香港 MOKO新世紀廣場.    我們最喜歡食椰子雞火鍋, 感覺食在香港更方便. 店鋪門面闊. 面積大, 座位設計不俗.  有兩至四位的廂座,也有適合聚餐的大檯. 服務員招呼有禮, 安排座位後迅速送上一壺白開水, 內有薄荷葉和青檸, 味道清新. 餐具也好美觀,  仿青瓷的用具, 大方高雅. 落單後, 服務員送上湯鍋及調味料,  湯鍋底......不加 1 滴水  4 個椰子一鍋.  椰子是從海南入口, 比一般椰子更厚肉和清甜.  調味料有沙薑, 辣椒和海南野生青金桔, 服務員說把全部混在醬油用來沾雞, 帶出酸酸辣辣很好吃,  有助開胃生津, 提升雞肉的鮮味.   等候火鍋 的時間,  店員送上小食  海南香辣文昌雞胗,  文昌雞胗有點咬口, 配有青瓜絲,  混合麻辣醬油,  開胃前菜. 接著所有食材配料也一一送到. 主角 海南文昌雞半隻 

有驚喜, 好耐冇食椰子雞喇！又有雞又有牛, 過椰子湯底好香~一開始食啲雞好香濃嘅椰子味!所有嘢放落呢個湯底入面都好香椰子味值得一讚仲有啲椰汁都好好飲~真係鍾意椰子嘅朋友真係唔可以錯過

久仰大名左好耐，國內超過60間分店嘅四季椰林海南椰子雞終於係香港有得食！一望入餐廳有個類似拱門隧道嘅設計，中意呢度光猛明淨，有梳化卡位，環境舒適！大大隻字寫住「不加1滴水，4個椰子一鍋湯」，百分百天然確係非常吸引嘅賣點！👉🏻原味椰子雞 $208(半隻)先滾起純椰子水，再放入上海南文昌雞，用漏斗計時5分鐘，就食得啦，先飲頭啖湯，好清香清醇，鮮甜味越飲越突岀！再食雞肉，皮薄爽脆而且骨細，肉質嫩滑，肥瘦適中！👉🏻原切和牛雪花牛肉 $198係澳洲M5上腦和牛，雪花紋理好吸睛，肉質唔老唔嚡，肉味香！👉🏻「中山」脆皖魚片 $58魚肉結實又爽脆，最重要係鮮嫩脆滑！👉🏻鮮珍山菌拼盤 $78共四款，分別係牛肝菌、雞樅菌、雪山松茸同繡球菌！好特別，味道全部都好鮮嫩清香！👉🏻嫩雞毛菜 $28(中份)好爽口，鮮綠，而且吸收晒湯嘅精華，超級入味！👉🏻椰林心形粉 $48散發出淡淡椰香，質地煙煙韌韌，入口綿軟滑順！👉🏻鮮龍須筍 $58係峨眉非遺特產人工採摘，無係第二度食過，筍身細長，外皮脆嫩！👉🏻海南香辣文昌雞胗 $38呢款特色小食可以即食，微辣好惹味，肉質緊實彈牙！

環境都幾舒服晚巿過來食 都幾多人2個人過來食 有2個2人餐選擇最後選擇左個有煲仔飯既餐服務來講 係香港既食肆也是一流的服務會介紹湯底 教埋煮幾耐主要是會主動問你要不要加湯還有會幫你整個煲仔飯 要不要加香菜值得一讚👍👍👍👍👍味道椰子湯底幾香幾甜雪花牛肉 脆肉鯇魚片擺盤睇得 味道食得 十分推介下次會再來食

人氣椰子雞品牌，四季椰林海南椰子雞係國內有超過60間分店而家登陸香港旺角Moko，唔洗北上都食到喇！餐廳裝修典雅有格調，空間感十足而且價錢唔貴，仲有套餐，性價比高▪️原味椰子雞4個椰子1鍋湯，不加一滴水清甜又足料，加入雞肉後，更為鮮甜，記得要飲多兩碗湯！而雞隻是選用海南文昌雞，雞肉緊緻有彈性，充滿雞肉鮮味，配湯一流▪️中山脆皖魚片魚肉脆嫩無骨，魚鮮味濃▪️雪花牛小排牛小排油花分明，油香充足，牛肉味濃郁▪️非遺鮮龍須筍是峨眉非遺特產，由人工採摘，非常珍貴集合鮮、嫩、脆，配上椰子湯底更為鮮美▪️鮮野生菌拼盤集合4種時令野生菌，最喜歡是鮮牛肝菌，菇香味十足，加入湯底後會令湯底更香濃▪️嫩雞毛菜新鮮翠綠，同椰子湯很夾椰林心形粉▪️心形麵很可愛啊！椰汁製成的麵條，口感Q嫩，帶有椰香，很特別啊！▪️海南香辣文昌雞腎爽爽嫩嫩配搭惹味醬汁，非常開胃

唔掂喎唔掂喎睇到fooodie報料影到幾正咁先去食點知中伏laaaaaaaa….應該都係廣告post…..椰子雞煲完全唔入味啲雞話5分鐘食得，計唒時，一食都已經un啦😕😕失望啦⋯⋯⋯⋯🥵🥵🥵煲仔飯還可既👌🏼裝修重國內風間野啲通風都做得唔好，熱同焗🥵忍唔住都要打個負評通知下大家🙌🏼🙌🏼唔掂喎唔掂喎Bad quality and it’s not cheapThere are so many choices This is really not ok😿

和這間店都幾有緣，因為通關之後返內地，吃的第一餐正正就在四季椰林，本身對椰子火鍋湯底情有獨鍾，而且店家門口大字標明：不加1滴水   4個椰子1鍋湯食過之後，味道的確清甜美味，令人印象難忘從朋友口中得知，原來這店大有名堂，國內已經超過60間分店，而第一間香港分店剛剛落戶旺角新世紀moko不久，當然要和朋友來探店店家會先預備一壺冰涼的薄荷葉檸檬水讓客人清清味蕾，十分貼心🥗海南香辣文昌雞胗先來一客海南風味冷盤，雞胗入口爽脆彈牙，香辣惹味，連不愛吃內臟的我，也忍不住吃個不停🥥椰子湯底 聽聞湯底是用泰國椰皇水和海南椰青水，以黃金比例調配。 所以未起筷前，一定要品嚐湯底先，熱騰騰，陣陣清香，椰青味濃鬱，味道非常清甜潤喉， 令人不經不覺一飲到底， 非常滿足若中途要加湯，客人可選椰青水 ($48) 或清湯， 悉隨專便🐔原味椰子雞（半隻）湯滾起，店員會先幫客人放文昌雞入鍋，以枱上漏斗計時，沙漏由上至完全傾卸到底便等於五分鐘。雞肉剛剛熟透可以起動了。店家採用的海南走地文昌雞，肉質細嫩鮮甜，肥瘦適中，就算雞肉一直置於湯中，湯底也不會太油膩調味料有沙薑辣椒柑桔將3種蘸料混和 , 味道清酸微辣，陣陣柑桔香氣，食

邊爐之友約我去吃椰子雞鍋，莫非想約我北上？他連忙話四季椰林海南椰子雞已經開到嚟香港，一定要去餐廳坐落旺角的Moko商場，交通方便。這裏裝修雅緻，座位闊落， 還有大玻璃窗望到窗外繁華景色。四季椰林成立於2013年，在國內已經超過60間分店，堅持不加1滴水，四個椰子一鍋湯當然要吃他們的椰子雞鍋，雞隻是用海南文昌雞，椰子湯滾後，店員會替我們把雞放入，加上杞子，紅棗，無花果。還提供沙漏計時，5分鐘後時間剛好。先飲碗湯，充滿椰香，不油膩，非常清醇。文昌雞夠嫩滑，肥瘦適中原切和牛雪花牛肉來自澳洲M5等級的雪花和牛，鋪在一座冰山上，雪花紋理分明， 肉質細嫩，肥而不膩中山脆鯇魚片同樣鋪在一座冰山上，每一片透亮晶瑩，吃落爽脆鮮珍山菌拼盤有四種不同菇菌，菇菌營養價值高且各具特色鮮牛肝菌，有牛肝味雞樅菌， 有咬口 雪山松茸，夠清新 繡球菌，這個平時好少食，肉質爽嫩鮮龍須筍是峨眉非遺特產，人工採摘，頗鮮嫩鮮活水培菜蔬菜非常新鮮嫩綠心形粉充滿少女心的心形粉，在別處未吃過，放落湯中，索滿椰香又Q彈還點了香辣文昌雞珍作前菜，微辣兼爽口餐廳為各枱預備一壺青檸薄荷水，非常貼心，也提供不同特飲可供選擇。謝謝邊爐之友的好介

大家有無聽過4個椰子1鍋湯，不加1滴水？ 🥥今次到香港旺角MOKO嘅四季椰林海南椰子雞，原來喺國內已經超過60間分店🥥🥥呢度一定要飲湯底！椰子湯底清甜暖胃，雞隻用上海南文昌雞，5分鐘就食得！肥瘦適中，入口嫩滑，沾沾生薑豉油更加好味😆🍖火鍋配料有穀飼雪花牛小排、牛脂分佈均勻，入口牛味濃郁！🐟中心脆鯇魚片：脆滑鮮嫩！滾一滾就食得😆🍗海南香辣文昌雞腎 冷盤，底部青瓜絲帶微辣好彈牙，辣味好正愈食愈想食！🍄鮮形生菌拼盤：鮮牛肝菌營養美味，雞樅菌(鉛筆菇)夠爽口！繡球菌吸哂湯汁，雪山松茸鮮甜！🤍椰林心形粉：煮至半透明就食得，煙煙韌韌咁，幾有趣🧡鮮龍須荀：一條條鋪哂喺碟上面，入口爽脆鮮嫩！🥬鮮活水培菜：人工採摘、好嫩身入口爽！