心夜來潮 (Closed)

想食潮州野，天氣咁熱又唔想坐地踎鋪，又唔想坐街邊發現原來旺角有間樓上鋪，開到深夜之餘，地理位置又方便喺正旺中對面，一出地鐵站行幾步就到__________________________🔹黃金一口炸饅頭 $38/9件👰🏻:🌕🌕🌕🌕🌑🤵🏻:🌕🌕🌕🌕🌕其實呢個係飯後甜點黎，但太好食，講左先❤️一客9件，大小剛啱好，一口一件炸得好酥脆，連個芯都係脆點埋甜滋滋既煉奶，堪稱一絕.🔹醬鹵雙拼 $68👰🏻:🌕🌕🌕🌕🌘🤵🏻:🌕🌕🌕🌕🌑揀左豬大腸同豬耳仔個底default 有鹵油豆腐，唔使特登叫👍🏻👍🏻豬耳好有趣，外面嗰層淋到食豬手咁入面軟骨位就好脆豬大腸個皮有啲咬感，唔係淋啤啤鹵味一開頭食唔重，但越食越有味.🔹白果胡椒豬肚湯 $88👰🏻:🌕🌕🌕🌕🌑🤵🏻:🌕🌕🌕🌕🌑勁大盤，個人覺得係3,4人份量湯裡面有海量配料，豬肚，白果走唔甩，仲有白蘿白，芹菜同個樣好似咸菜粒既薑白蘿白索哂湯汁又夠甜，完全提升哂成煲湯胡椒味勁重，正！.🔹傳統鴨蛋煎蠔烙 $86👰🏻:🌕🌕🌕🌗🌑🤵🏻:🌕🌕🌕🌗🌑唔知係咪因為用左鴨蛋，脆到核爆除左好香蠔餅味，都幾重莞茜味不過蠔既份量唔係特別多，扣啲分

以為打冷一定係食蠔餅、蠔仔粥同滷水鵝？咁你就錯啦～心夜來潮嘅餐牌選擇多好多，除咗傳統嘅打冷食物，呢度連刺身海鮮都有，小菜嘅選擇亦都好多。而且餐廳仲睇中星期日係父親節推出左父親節套餐！我哋今晚食咗胡椒豬肚湯、蠔餅、潮式小食同埋薯仔牛柳粒。胡椒豬肚湯幾重口味，胡椒味好出，食完個人熱辣辣！蠔餅炸得好脆，不過可能因為落咗鹹蛋嘅關係，味道鹹咗少少薯仔牛柳粒係推介！！一上枱已經聞到好香牛油味，薯仔粒炸得好香，牛柳粒又夠味，呢個餸送飯一流小食雙拼可以自己揀，我哋揀咗炸大魚蛋同埋牙籤雞！牙籤雞好香口，一啖一件，送啤酒一流！見到隔離枱食砂鍋粥好吸引，可以自己揀材料！不過好大兜，下次多幾個人嚟試吓

喺旺角行完街，買到成手都係戰利品嘅時候，淨係想搵返間就腳嘅餐廳食，咁啱又會比我遇上你嘅！原來呢度開到好晏㗎，去到凌晨4:00自己就未食過，潮式嘅醃製食物，見到有鮑魚食，試吓你先！凍凍哋，有少少甜味，又帶啲酒香咁，唔錯喎又勝瓜鮮甜白蜆湯好多蜆肉丫，味道鮮味。爆炒醬啫秋葵，離遠已經聞到陣香味啦，份量勁多丫，好夠鑊氣！超鍾意食鱔嘅我，見到鱔一定唔會放過！果然係令我失望呀！食落鱔肉好軟身，又夠味！一定一定要趁熱食丫！所以一嚟咗無耐就清晒啦！

行完旺中突然心血來潮想食滷水野。咁岩對面街就有間「心夜來潮」。 仲要上樓， 行幾高樓梯下， 試下就試下。 出到黎見倒都出煙既熱辣辣滷水鵝件， 滿意！ 仲要啖啖肉， 少骨。 好好食！ 佢地上菜都算快手， 未食完d鵝， 其他都好快擺滿張台（大前提係都幾多客食緊野）心夜小炒王， 不過不失， 冇太乾太老， 咬落仲係好爽口。 鴨蛋蠔仔煎， 超多蠔仔係入面。 咬落脆脆又爽口， 蠔又冇腥味。 送酒送飯都一流！金沙寶寶寶！ 即係咸蛋黃炸鮮魷 好好食好夠味又爽口， 上台個陣仲出住煙， 因為太好食， 又簡單， 基本上我地係搶食！香辣炒花甲王， 花甲大大隻， 冇沙， 又唔炒得老， 仲好鮮甜。 比起外面d細細隻冇乜肉既豉椒炒蜆好食好多。 石板燒汁茄子，不過不失， 都係出晒煙咁上台， 好食！ 如果可以少d油更好！最後仲叫左個黃金炸饅頭做甜品。 雖然係周圍都有既普通野， 但誠意加分， 脆得黎唔油唔硬！ 好食。今次冇機會試佢地海鮮軍艦， 因為要預訂。 不過下次可以一試！

臨近父親節，帶左爸媽黎到呢間位於旺角西洋菜南街的「心夜來潮」，係一間主打潮汕菜的餐廳。餐廳內以傳統木枱櫈為主，別具風味菜單上以潮汕美食為主，種類繁多，仲有店舖主打海鮮砂鍋粥，作為晚餐就啱哂涼瓜黃豆排骨湯天時暑熱當然要飲d可以下火嘅湯水，所以媽媽揀左呢個湯。$88有一大鍋，都幾抵飲，內裡用料絕不馬虎，有大量豬肉排骨同苦瓜，所以湯頭都幾夠味，鮮甜中帶有苦瓜的甘苦，好好飲！清熱降火就最適合不過秘製花膠豬手墨魚脯煲個煲上枱時仲係熱辣辣，香噴噴，煲內既秘製醬汁好鹹香美味，送飯就啱晒！豬手份量多，炆煮得軟腍，入口富膠質有彈性，骨膠原感覺豐富！而花膠同墨魚都唔少架茄子豆角醬炒豬頸肉同樣係非常香口既一道菜，茄子同豆角都用蒜頭爆香左，所以特別惹味！豬頸肉半肥瘦適中，肉質香軟，沾滿左鹹香滋味的醬汁，好好食，送飯一流！方魚炒芥蘭食咗咁多肉，梗係要叫返一道健康的炒芥蘭~ 廚師炒得好有鑊氣，芥蘭碧綠鮮甜，加入左方魚塊碎，別具風味

開心星期五同朋友睇完午夜場之後要去搵宵夜食，發現呢間位於旺角新之城附近的心夜來潮營業至凌晨四點，就去左呢度同朋友打冷啦！餐廳除咗有各款潮汕美食，仲有不少時令海鮮可供選擇芹香紫菜汕尾馬鮫魚丸湯湯底係清湯，所以感覺清淡。湯內充滿紫菜絲同芹菜，好足料架！我地第一次食汕尾馬鮫魚丸，口感結實得來帶點彈性，有魚肉香，味道有啲似魚皮餃的內餡~方魚炒芥蘭芥蘭菜大大棵，好新鮮，加入了方魚一齊炒香，使到芥蘭散發着陣陣方魚鹹香味茄子豆角醬炒豬頸肉事關有男友人，當然要叫返個豬頸肉，滿足一下佢地食肉獸嘅口味！豬頸肉炒得好香口呀，吸收左蒜頭同埋醬汁嘅精華，特別美味！不過就略嫌油膩左少少花膠豬手墨魚煲屋企好少會整豬手，所以我叫左呢個花膠豬手煲。個煲都幾足料，有唔少豬手架，肥美又彈牙，仲炆得好入味添，女士補充骨膠原必點啊

原來南記樓上有間好味既潮州菜，而且價錢唔算貴，值得一試！2個人食叫左個滷水小碟，有豬耳，豬大腸，牛脷，腩肉同紅腸，份量幾大份又好入味，多人少人食都一次過滿足到你既需求最鐘意食豬耳仔夠爽口，豬大腸無異味，平時唔食今次都食左幾件。跟住叫左份XO醬炒腸粉，呢個真係好好食！有蝦米仔，芽菜，豬肉絲，冬菇，辣椒絲，香蔥炒埋，陣香味遠一遠已經聞到，飽肚之選可以唔叫白飯都得！推薦鮮甜美味蒜蓉粉絲蒸蟶子，新鮮又大隻，四十幾蚊隻係幾抵食，勁多蒜砂鍋個卜卜蜆，隻隻都好大粒，個湯好甜因爲有粟米同金茹仲有粉絲做底，蜆肉都好新鮮，無死蜆

今天和男朋友在旺角看電影晚飯時間突然好想吃蟹粥於是男朋友在網上找到了這一家 — 心夜來潮潮汕砂鍋粥點了小鍋的砂鍋粥 自選$200配菜我們點了兩隻水蟹、一隻鮑魚和鮮雞件水蟹煮粥就最合適 增鮮又有蟹肉食鮑魚新鮮彈牙鮮雞件嫩滑整鍋粥充滿鮮味又夠軟綿 好味道另上芫茜、冬菜 按自已喜好加入 味道多層次潮式牛肉生菜包洋蔥、冬菇、蒜粒配以鮮牛肉以生菜包著一起吃 清新特別又好味最重要是牛肉份量很多 每一卷都能包滿滿的爆炒醬啫秋葵秋葵質感不會黏搭搭炒得鹹鹹香香 十分惹味唔經唔覺就食晒

嘩今次食呢間潮州打冷真係改變左我對打冷嘅睇法，因為佢係新派嘅潮州菜呢度有好多唔同種類嘅海鮮凍盤食，因為我哋只係兩個人所以就冇叫到好大份試咗呢一份甜蝦，入邊有啲酒味同埋蒜香味嘩超級惹味 完全停唔到口！做開胃小菜一流另外仲叫咗三個小菜送飯呢碟心夜小炒王 超大份超足料！有蝦干魷魚菜甫仲有炸芋頭絲 食落去好多唔同口感 送飯一流！佢嘅菜甫簡直係點綴 食到一粒都無剩第二碟叫咗香辣魚仔炒花甲王雖然我唔係好見到邊度有魚仔 但係佢同豉椒炒蜆一樣好香口 重點係佢啲花甲好大隻 好鮮甜 炒得啱啱好嫩口！最後諗唔到叫咩見好多人都推介爆炒醬啫秋葵一上枱個煲咋渣聲 已經聞到好香！佢吵得勁香勁好食 就算唔食秋葵嘅人都會覺得勁好食而且佢嘅啫啫煲底有好多肉碎同埋蝦乾 因為呢碟餸我叫多咗一碗飯！最後都忍唔住叫咗個炸饅頭 佢啲饅頭細細粒好易入口 雖然有九粒但係都俾我哋清晒！好推薦大家嚟食呀真係勁好食！完全改變晒我對打冷既睇法，佢仲要係開到凌晨添架宵夜真係一流！

位於旺中對面估唔到會有呢間傳統潮洲菜，呢日同朋友嚟到呢間係樓上鋪嘅心夜來潮，內裏店面闊落，最重要係環境乾淨，店員又好熱情咁介紹不同嘅菜色，係個同大班朋友聚會嘅好地方。砂鍋卜卜蜆煲一入到嚟就見到幾乎每枱都有呢個砂鍋煲，我地當然都要叫返個試下！值得一讚嘅係呢度嘅蜆無砂粒，湯底一開頭味道好清淡，煮到尾啲蜆嘅鮮味同粟米嘅鮮甜味就出晒嚟，食完之後都忍唔住飲返幾啖湯底。胡椒豬肚湯一見到呢盤奶白色嘅胡椒豬肚湯就已經流晒口水，內裏夠晒足料，最鍾意佢落左大量嘅黑胡椒，食落都幾辣但係就好好味。方魚炒芥蘭芥蘭炒得嫩而爽口，加上方魚嘅點綴鹹味剛剛好。鴨蛋煎蠔蛒呢碟蠔蛒份量大得驚人，蠔蛒炸得脆口，而且又唔會好油，加上用了鴨蛋嘅關係，味道比平日食嘅蠔餅更加香口，蠔仔粒粒都脹滿而鮮甜，呢碟蠔蛒食落有驚喜！椒鹽一字骨呢碟椒鹽一字骨有齊炸蒜、青椒、紅椒等嘅香料，最特別係佢仲加了炸芋頭條，而且一字骨又夠嫩冧，炒得夠鑊氣食落惹味。

平時好少機會食潮州菜，就問下朋友有咩好推介，佢推薦左我試下呢間餐廳，就立刻同朋友黎試下！我地5個人先叫左個醬鹵六小碟，佢有鹵豬耳，紅腸，豬肉等，味道濃郁而不咸，幾好食之後我地叫左兩個小炒，第一個係醬爆豬頸肉茄子四季豆。佢份量足夠，煮得非常入味同惹味，唔會太咸，加碗白飯就正！另外一個聽講係必叫嘅爆炒醬啫秋葵。平時自己唔太中意凍食秋葵，因為質感好奇怪。但今次呢個爆炒令我太開眼界，一改我對秋葵嘅印象，味道非常之惹味，真係好好食！最後不得不叫嘅當然係潮州菜必食嘅砂鍋粥！我地叫左花甲，蠔仔，咸豬骨。煮起粥底十分濃郁！真係食過翻尋味！！估唔到有咁高質素嘅潮州菜，下次一定要再黎食多次！

小妹今日同朋友嚟到旺角行街，行完街之後去咗旺中對面嘅深夜來潮食潮州嘢餐廳嘅裝修幾別緻，全部都係採用木凳同埋木枱，有古代中國嘅感覺Menu 圖文並茂，可以憑圖叫送小妹同埋朋友兩個女仔帶咗一個滷水着加多一煲粥食，諗住唔夠食先再加多個菜<醬滷六小碟$148>成碟滷水好豐富，有紅腸、豬脷、腩肉、豬大腸、豬耳仔同豆腐其中豬腩肉好爽身，小妹平時好驚成舊肥膏林chichi，呢個豬腩肉口感幾岩小妹口味豬大腸同豬脷炆到好淋好入味<膏蟹、黃鱔、雞肉砂煲粥$220>粥好綿好大煲，小妹同朋友分別都食左五六碗，食到妹飽膏蟹足料蟹蓋上面真系食到有膏，鱔好鮮甜，肉質彈牙，幾新鮮<王老吉$18>見到隔離枱飲王老吉，搞到小妹好想飲番罐，係好飲嘅，不過出邊飲抵啲本身諗住睇吓夠唔夠食，唔夠先再叫多個餸，點知最後食淨三份一的滷味份量真係好多，大家叫之前要諗下這個肚皮食到幾多啦

父母是潮汕人，當然要來支持一下潮州菜，這一間心夜來潮就在旺角中心對面，十分容易找到。相比平時吃的潮州打冷店，這裡的菜式比較多，亦都比較地道，打冷店是吃不到的，例如是砂鍋粥，醬油蝦蟹等，比起韓國的醬油蟹更加鹹香這裏的環境很寬敞，裝修亦古色古香這裏的菜色很多，除了潮州菜還有其他小炒小吃等，如果沒有心水可以考慮一下他們的推介菜，如果要吃醃龍蝦的話，記住要在三天前預訂這裏的砂鍋粥粥底煲得很棉，配上自選的海鮮，10分鮮甜，份量也很足，小的也夠六人吃上一碗，而且不會太鹹，令到吃完會有口乾的感覺。凍鮮鮑魚，這個可以一試，吃下去很爽口，而且鮮甜入味，讚👍🏻滷水鵝件，大大件滷水鵝件，肉質10分嫩滑，沾上加了糖和蒜頭的米醋，正宗潮州吃法，送飯下酒一流京燒蝦碌，店家10分用心，預先把蝦腸挑走，而且用鐵板上，保持熱度，陣陣焦香的味道最後一到話梅檸檬魚，平時喜歡吃酸菜魚的朋友可以一試，淡淡檸檬的清香，加上話梅，鹹度酸度適中，魚肉鮮甜，湯底10分好喝

今晚同朋友行完街~  7點幾~ 見到廣告牌 心夜來潮~  幾得意~ 就想試下~間鋪好近地鐵站B / D 出口  , 食完都好方便我地走 XD 呢到冷氣有點大  有點凍~  侍應招呼都幾好~  先黎 藥膳滋補燉雞湯 ~  湯料藥膳充足~ 味道濃郁~   雞件都多 而且好入味 好好食  嫩滑易入口~    養生之選 絕對無誤呀!!!~~然後黎左 蒜蓉牛油燒扇貝~  我自己就好喜歡 蒜蓉牛油配搭~  基本上呢個配塔 燒咩都好食~XDD  燒扇貝就更加好食啦!  超級香口~  放入口 口感好濃烈 好味 !!之後係 混醬雙雞煲 ~ - - 有小小後悔點左呢個~  !不過唔係因為味道唔好食~而係飲左雞湯又食呢個 ~  好多雞XDD    ~不過呢個醬小咸香甜   配上田雞+雞件的配搭~!   好好味呢     (如果怕田雞~侍應話可以轉全雞件!!)  呢個煲賣$138  我覺得真係幾抵~ 份量好多~ 兩個人食實夠~  030 食完絕對會想下次再食  !!抵食 好食嘛!!最尾緊係要黎個中式甜品啦  黃金一口炸饅頭 !!西式甜品 cake? 雪糕? 果凍啫哩?  其實真係食得多~  但呢個真係好好食呀

間野係旺中對面 非常方便入左叫左砂鍋粥（小） 要叫$200以上 配左膏蟹、花甲王同乾瑤柱重叫左赤貝$78 有5片同埋京燒蝦酸砂鍋粥都幾大鍋 兩個人食 每人都有3-4碗材料好新鮮 個粥重有送冬菜、芹菜粒、姜絲同蔥花 食落唔單調赤貝配左個酸酸甜甜嘅汁幾特別 京燒蝦酸 鐵板上 都係酸酸甜甜同少少辣 好開胃