生記茶餐廳 (Closed)

幸運地只等兩張檯而已叫了一個蜆+膏蟹粥,炸八爪魚丸,炸雞軟骨,炸春卷(呢餐非常熱氣),同蒜蓉菜芯再加支大歌啦粥先到,黃黃杰杰,顏色同質感對辦,再吃,很鮮味,蜆味爭先搶閘跑出,之後再有淡淡蟹既餘韻滲出來不過...點解隻蟹...似肉蟹多D喎之後炸物一齊上場...八爪魚丸同雞軟骨普普通通而已蜆肉春卷味道就不錯看版友的食評非常兩極化,未知是否水準不穩所至,不過呢餐我好滿意,俾個笑瞼啦

等了又等, 我成日都會去紅磡, 估都估唔到,呢間生記會上openrice...估唔到咁多人讚好,小妹跟王子很喜歡食蟹, 故到此一試,去過幾次都見勁多人, 噚晚行過終於無乜人,但都等左半個鐘, 裡面勁細,d伙記好生手, 環境同一般茶餐廳沒分別!我同王子兩個人叫左一個蟹粥, 一碟炒麵, 一碟八爪魚丸,蟹粥, 好普通的蟹, 鮮味不足, 佢d蟹洗得唔乾淨, 有陣味,八爪魚丸, 好普通, 同o係百佳買的差不多, 無特色, 唔明點解賣咁貴,$25得6粒,較為好的, 係碟炒麵, 但係一碟咁細o既炒麵都要$28, 會唔會食水深左d?總之, 唔值得去食, 唔值得嘥咁多時間排隊,真係好普通

睇過呢到不少前人推介，一於決心來試，點知出事。話說當日八點半左右去到，仲見可以有位，於是想坐低食飯，之後有職員同我哋講所有蟹賣晒，冇蟹食。冇蟹食？點算？於是決定走過隔離街間大光燈食麵。可惜大光燈食唔飽，而心痕痕想食回頭草，至少想試其他食物。於是拿拿淋扒完碗麵後，再走返轉頭。好彩仲有位，個職員仍然同我哋講冇蟹食。OK，冇緊要，可以諗諗其他東東。突然從廚房傳來天籟之音：「仲有兩隻蟹！」當然立即同伙記講唔該一鍋蟹粥，再加八爪魚丸。八爪魚丸很快出場，很熱！但其實味道冇咩特別，只是即叫即炸，如凍了一點，可能不堪入目。到主角出場，蟹粥是也！但立即傳來陣陣燶味。反一反鍋內，鍋底更有一層的燶物。好彩有雲吞麵頂肚，呢鍋嘢都當係測試品，今次唔同你投訴。可惜後天雖燶，望先天可以有所交代。但先天亦真有缺憾，蟹不鮮，羔亦冇，完完全全係一煲無味的燶粥。同場另加：話說當晚坐在我們對面的夫婦，叫了八爪魚丸和清湯蟹烏冬。八爪魚丸同樣好快出到，但烏冬遲遲不來。我看見你催促了三次有多，但坐了不少於45分鐘還沒有見影錝。他們笑說如果知道烏冬要如此時間，就不如轉粥。我忍不住口對他們說：「粥是燶的」他們回應：「我聞到。」來來回回

粥這食品一星期總會吃上一兩次,無論是生滾的、潮式的早餐吃或晚餐吃也可,是喜愛的食物之一,但想起吃蟹粥就總是只想到澳門.近日有食友吃過此店的蟹粥後讚不絕口,覺得大家也應來一試!於是便出現了這晚的"粥局".此店的外形比上次在旺角的新水記更不起眼,完全是舊區內的一間殘舊茶餐廳,衛生環境只屬麻麻,空調也是弱冷!夏天吃砂鍋熱粥......蜆肉春卷----其實不看餐牌知道名字的話是不會聯想到與蜆肉有關.偏少的餡料份量味道本已無甚特別,吃到中間有些韌韌但無味的東西才知是蜆肉. 炸八爪魚丸----有些墨魚粒在內尚算彈牙,但這丸未炸前是交來的雪藏貨吧!椒盬豆腐及椒盬白飯魚----椒鹽的味道本已不濃,兩款食物也犯上同一錯誤,就是脆漿完全不脆!只像一層韌韌的黏膜包裹著食物,就算內裡的豆腐有多滑也彌補不了油炸功夫不到家的失敗.膏蟹粥----第一煲粥出場!顏色並沒有想像中金黃,蟹的質素不錯肉質不鬆散帶甜味,粥底是煲得不差米粒也有爆花,但就是吃不出蟹粥鮮甜的味道.冬蔭湯膏蟹伊麵----溫和版本的冬蔭湯是有下香芧及蕃茄但味道較為薄弱.伊麵質感沒有煮得太淋依然非常咽韌有咬口.膏蟹蜆粥----想不到第二煲粥加了蜆入內後

上網見到生記茶餐廳竟然俾人放上Open rice, 覺得好奇, click入去睇下, 都好多人讚喎! 我本身住紅磡, 之前幫襯過佢地, 都只不過係一間普通茶餐廳, 夜晚就做火窩, 唔上網都唔知佢地轉左型, 即管搵日同honey去試下, 可能係星期五嘅關係, 去到都要等位, 等位唔緊要, 但d伙記就安排得好鬼混亂, honey塊面當堂黑哂, 點知班伙記塊面重黑過佢, 完全好似唔憂做咁! 等左成粒鐘, 卒之坐低左, 我地叫左蟹粥同炸八爪魚丸, 講真, 蟹粥冇特別, 個八爪魚丸亦都冇特別, 完全係街市貨色, 再加少少粉炸兩炸, 肯定唔係自製, 上年喺隔兩條街間快餐店嘅下午茶餐已經食過, 都唔係咩創新菜式, 雖然帶左相機, 但係連舉起相機嘅興趣都冇, 食完埋單, honey塊面重黑多兩錢重, 肯定以後唔會再去!

陪朋友嚟試食呢間openrice 咁多位人兄讚好既餐廳~! 點知出晒事~!!雖然舖面裝修同環境都好麻麻...但無所謂啦..最緊要d 野好食啫~! 7:10pm: 攞飛, 見要等成20幾個no#.. 索性去行下街再番嚟! 8:20pm: 回來問亞姐到我地未.. 點知阿姐超緊張..好驚咁答非所問 <今日好多客等喎!!!.........> .. 佢講左去邊呢 ?? 再問多次..佢先話..下張枱比我地! 等位期間...亞姐已開始四圍同客講...炸白飯魚賣晒啦!! ..嘩...好早咋喎!??!8:40pm: 終於有枱.! 坐低叫野...叫左3..4次...先有伙記得閒落單!! .等食時間好漫長..見好多人都係係度等...仲未有得食~!! 心知不妙..!! 留意到有2個人(比我地早到)...佢地等食之際...傳菜亞姐攞住碟餸& 叫左個枱號!! 見佢地大聲回應..但阿姐聽唔到..求其將佢個餸比左另一枱!! 佢地超無奈!!到第2次...亞姐又攞佢地D 餸出嚟.. 佢地趁阿姐一行出嚟..即刻超大聲叫住..先避免左案件重演!!...9:15pm: 我地要既<炸墨魚丸>

我同男友兩個人6:10pm到, 等咗一個鐘, 伙記問我地介唔介意同另一對夫婦搭枱, 當然冇問題!個menu真係冇咩揀, 求其叫咗:1. 蟹粥2. 蒸茄子3. 炒菜心4. 椒鹽八爪魚仔7:45pm: 同枱夫婦已經上咗蟹粥同白灼菜心8:10pm: 我地終於有碟菜食下8:45pm: 我催下伙記幫我跟跟單, 佢話:'係咁耐ga, 等下啦'. 哥仔, 你好野.9:00pm: 我真係想放低$30走人, 好彩佢即上咗蒸茄子9:15pm: 上椒鹽八爪魚仔, 同枱夫婦食飽埋單, 仲同我講話下次唔會再幫襯, 我極有同感9:40pm: 終於上埋最後一煲蟹粥10:00pm: 埋單個阿姐話唔知我地食咗咩, 叫我地逐樣講返, 講講下佢又行開咗, 又話唔記得d價錢, 擾攘一輪先搞掂... 姐仔, 你都好好野.4道菜一食咗3個鐘, 我真係以為自己食緊法國餐...坦白講, 食物一般, 唔係話好好食; 服務態度差; 我唔會再來呢度食, 辛苦多一次. 永別啦, 生記...

見 Openrice 咁多人嚟食過，我都嚟試吓佢嘅虛實。七點鬆 D 嚟到，已經有堆 Openrice 食家嚟等位試菜，要等成廿張枱咁多，唯有行吓黃埔再返嚟，八點九返嚟，發覺開多咗幾張枱係街，堆人群消失咗好多。經詢問後，下張枱俾我哋，係等緊位之際，阿姐出嚟同 D 食客講: 「春卷無哂 !! ｣，叫人改其他嘢，我哋心諗咁快有嘢無得食 ?!?! 在場有個阿姐一腳踢，超級忙，噗嚟噗去，我哋見有張枱走咗人，即刻唔等阿姐叫就坐抵咗。我哋嗌落單都嗌咗好多次先至落到，等咗好耐先至嚟碟炸八爪魚丸，味道一般，無乜驚喜，唔係新鮮手打嘢嚟，比較實，唔彈。係等食期間，佢哋 D 單勁亂，又唔跟張單送俾人，是但求其俾咗人，攪到等咗好耐嘅無嘢食，出菜又慢，真係要改善吓。等咗成粒鐘，要係人哋張枱搶返屬於自己嘅膏蟹粥，唔攞返就無架啦，因為粥都停埋，如果等咁耐都無得食，真係會爆炸 !!膏蟹粥 : 粥底偏淡，稀咗 D，好咗 !! 膏蟹都好食，鮮甜。最後，炸雞軟骨又幾好食喎 !! 可能係因為我鍾意食雞軟骨嘅關係，不過我哋明明係叫芝麻雞軟骨架 ?!?!係我哋食緊之際，仲有好多人嚟等食，仲有 D 話自己 book 咗枱，咁晏嚟到

都係人地介紹, openrice同報紙宣揚過佢地既蟹粥之後, 就被吸引左去幚襯, 睇左另一位食家Miji 既食評, 真係都要寫下經歷!我都係23/9(紅日) - 我地8pm左右去到, 要等30+張枱, 真係因為佢地地方唔大, 同番枱既速度真係太耐, 所以我地等左1個鐘, 都叫唔到3個 No., 唯有放棄, 去吃其他! 但當中見到有人話之前打黎Book 左位, 佢地都比Book 左既時間等多左半個鐘, 後尾有個 No. 到, 無人認, 佢地又嚮度嘈, 就叫佢地嗱嗱聲入去! Book 左位都要等, 咁 Book 位黎做乜呢?第二日我地星期六一早打去 Book 位, 佢當初話要9點先有位, 後尾又話9:30, 算啦, 指在有位有野食姐, 咁我地都一家大細有老有嫩提早到去到, 等左都幾個字, 先比位我地, 入到去即刻點晒所有出名既野啦, 佢居然話乜都無, 喂, 我地打黎訂位時, 已經同佢講要訂乜乜乜, 佢而家居然話乜都無? 有無攪錯呀, 我地專登嚮沙頭角出黎, 黎左兩日不特止, 仲要訂位, 訂食物, 佢咁樣做生意, 就算幾好食都係假啦, 我唔會再幫襯家啦!

自從係openrice同報紙宣揚過佢地既蟹粥之後, 就引左好多人去幚襯, 包括我.真係可以話三顧草蘆呀, 23/9(紅日) - 未夠7pm去到, 要等30張枱, 因為佢地地方唔大同番枱既速度真係太耐, 所以放棄, 去吃其他. 24/9(閒日) - 咁啱7pm行過, 門口又係同23/9咁多人等. 到25/9(sat) - 諗住早d去, 可以等少d時間, 6:20pm去到, 已經唔太多人, 亦都係等8張枱, 所以就等, 諗住都唔會好耐........點知都要等成粒鐘, 因為起菜唔快, 同d人都要時間去食, 所以就算坐低, 叫得黎都成半個鐘要有野食, 因為佢地又要招呼外賣既order, 所以delay左我地既order.........重有, 我都唔明佢地都唔係第一日咁多人, 但仍然都係咁鬼混亂, 唔整理下佢地既運作. 一方面又話四人至有得訂, 另一方面又成日問咩小姐或咩先生2位到未, 咁即係點先??? 一時又話兩位冇得訂, 但又有兩位留左位同又可以優先入座, 咁我地呢d2位又話唔訂得, 而d吉枱又留晒俾人, 咁只會越等越多人...........最後因為太混亂同等太耐而流失晒d客人.

crab congee1 whole crab and it has "go", very yummy, the crab is not small and hv meat too, very tasty....congee base is very smooth, with ginger, the taste is very sweet~ but i recommend that ppl should eat it in winter coz the congee is very hot....freshly boil..fried optopus ballfreshly fried, very hot and cripsy, lot of optopus meat inside, but taste is ordinary, not very special...fried bak fan fishfreshly fried too, but not dry enough, a little bit wet so that it's not cripsy.....there's s

就係睇openrice介紹至專誠嚟試吓...喺9月24日晚1930時，我到達上址現場，一見佢個排場已心知不妙....鋪細坐唔到30人，呆喺鋪外等嘅仲多過坐喺入面食緊嘅....伙記得3個...以3敵80真係唔多掂當...但亦都係因為咁...我以為係佢嘅美食引致到呢個場面...所以我愚蠢到選擇咗等....一等就係個半粒鐘....辛苦了我旁邊的那位....等到2100至有個哥仔問我哋介唔介意坐出面....頂....你唔好等收爐至問....阿哥仔齋開咗張檯俾我哋，繼而用9秒9嘅極速消失於空氣中...如果嗰度唔係人氣盛，我真係會深信自己見到污糟嘢...講吓食咗啲乜先： 蟹膏粥>>粥真係粥水，我唔識欣賞...係咪要咁至襯托到啲蟹肉？ 啲蟹真係有似嘅，膏都有dd...唉...嗌乜冇乜...冇春卷冇茄子冇汽水....冇招呼....可一不可再...唔會再嚟...

呢間都可以算係安排一流的茶記! 之前上來見到這麼多人介紹,所以一心來試一下,前日打電話打算去訂位,但接線生說3位不可以訂位,要4人以上!叫我們直接來,算吧,我就直接來!星期5晚6時半walk - in入去,看到有2張空枱就坐下來了, 之後有一個男人(我想是老闆吧),問我們有沒有訂位,我們說沒有,那個男人就說,枱給人訂了,要等位,但我眼看那張枱子不可能容得下4個人吧,那2張枱都是貼牆的...我就很勞氣說"你們又說3位不能訂枱,walk - in有空枱你又話有人bk,係咪3個人唔駛黎食先!"我看見那個男人啞口無言,還說給一張枱我們等,我當然說不用啦,反正那邊又不是沒東西食!如果老闆你有上來看,請你好好安排你們的位置,雖知你們是不憂做,但也不要令客人大老遠來食東西,結果失望而回!

繼Harlan's的失望high tea，接下兩場的質素都叫人喜出望外；先有菓匠茶屋的美味軟雪糕，已寫過暫不重複，後又有電影後的生記美味晚餐! 　位於紅磡老街的生記有點難找，而且去到發現是十分的茶記格局，原來餐廳多年來真的就是做著茶記生意，也是最近才嘗試轉型晚市做海鮮，所以餐廳招牌仍寫著生記茶餐廳。理解餐廳背景後，與老公都沒介意環境一般，何況雷太及其家人親切又誠懇、百忙中也細意體貼，推介多款特色美食，給人很有心的感覺；而最重要的食物的確美味，介紹如下：　炸八爪魚丸($25)-必試名物之一，如圖可見，新鮮炸起的八爪魚粒粒金黃飽滿，難得炸得香脆不油，而薄皮下的丸子用料足又新鮮，故食感特別鮮爽彈牙，點或不點甜酸醬，都很好吃! 原以為不可能吃得完的小食，結果一陣風清光了~~~　蜆肉春卷($25)-正常是一客四條，因甜魔的咸胃納十分有限，同雷太溝通過為免浪費，改為兩條上檯。又是新鮮炸起的春卷皮脆且極薄，而中間是幾近滿瀉的鮮甜蜆肉，滋味豐富鮮甜，又一個美味驚喜! 還真有點後悔減了兩條份量呢~~~　避風塘茄子($29)-炸物quota早已爆棚，可漏漏當天下午才推介完，又怎可錯過呢? 茄子果然外脆內軟

其實我o係早兩個月前已經食過呢度o既蟹粥，o個陣o個陣都冇咁多人，亦都未有咁多周邊小食。不過，佢地o既招牌菜「生滾膏蟹粥」真係好好味。早排亦都經過呢度，見到開始有龍尾出現。估唔到兩個月之後o既今日，竟然要攞籌先入到去。好采我都唔係太遲，都係等o左一陣。事關今日見秋風起，除o左食臘味之外...咁o岩就諗起食蟹，所以我今日再次同老婆仔過黎食多次。我地今日點o左「生滾膏蟹粥」、「炸八爪魚丸」同「自家制蜆肉春卷」。今次為o左突出蟹粥o既出色...我只upload 一張相。首先係蟹粥，瓦煲生滾令蟹的香味更濃,蟹膏令粥底都變了黃色，又鮮甜，又有蟹味。蟹鉗肉係彈牙o既，五個字「新鮮又大隻」~~~ 如果煲底有少少好似飯焦o既物體o話，咁就恭喜囉...因為o個層o野非常好食(唔知點解，真係超超超真真真好好好味~~~你想像一個煲仔飯原理o既話，你就會明)而炸八爪魚丸，裏面o既八爪魚粒很有口感，很香口，很好吃...脆脆的炸皮係佢o既特色之一。最後就係春卷，又係好好食，估唔到春卷涵可以同蜆肉做得咁好食。雖然店內面積唔係大，但係都坐得鬆動。不過，可能人氣升急升o既關係，食客們都慕名而來，店內人手有不足o既情況出