生記茶餐廳 (Closed)

此羔蟹粥真乃人間極品... 羔蟹粥, 我不知吃過多少次, 但從未吃過如此極品... 粥底軟棉, 蟹夠新鮮. 瓦煲上桌時, 粥夠滾而蟹則剛熟, 翻開蟹羔, 內裡還有絲絲羔油滲出... 翻一翻粥, 你可以感覺到粥和蟹羔混為一體的鮮香緩緩攀升... 沒有依靠任何味精或味菜等帶出虛假的味道... 反而有數隻新鮮嫩滑的小蠔增添色彩, 粥, 蟹份量成黃金比例, 兩人份量則洽到好處... 過多則失去色彩, 過少又不夠填肚... 硬要你吃完後一再回味... 那種心思思的感覺, 要不要多來一煲? 越是思考... 那鮮味越是難以忘記!!! 從未試過如此震撼心靈, 令人感動的食物... 此粥只應天上有, 人間那得幾回嚐...P.S. 另外, , 都是值得推介!

今日同女朋友去睇JOEY CONCERT所以PLAN好睇之前黎「生記」品賞下「蟹粥」間野6:00先開門 不過我地5:40就到左建議大家如果想食第一輪就要5:45左右到因為6:00黎到既人已經要等位而且佢一開始會做晒鋪頭入面既單先再開出面既台比你坐(大約6:40之後)一開始淨系叫左2樣野「蟹粥」($88)「蜆肉春卷」($25/4條)本身想叫「蠔仔春卷」不過$29/2條又唔想太熱氣所以叫住2樣食住先出去附間士多買完野飲之後春卷就黎左即叫即炸 好食得黎個感覺幾fresh平時酒樓果d都食到厭晒不過個蜆肉真系食唔到有咩味又唔會好韌 1人2條都食到「舔舔脷」-.-見到隔離台有嗌「蠔仔春卷」原來大條好多 不過諗住下次先試所以叫多左個「炸八爪魚丸」($25)期待已久既「蟹粥」終於出場恕我直言 隻蟹極少膏-.-可能小弟近排黑仔-.-不過都吹佢唔漲由得佢 即刻試啖粥先粥底岩岩好唔會太多水 又唔會太棉味道一流 加上天寒地凍 更添美味不過feel到有d痴底食食下個「炸八爪魚丸」就黎左點知失望到極點完全系街市貨色咬開入面系好實好有咬口囉真心唔明白有咩好食-_-食完1粒已經唔想食-_-同樣價錢之下 蜆肉春卷好食+

等得耐，因為位少。不過OK，因為6:00開始等，唔太肚餓。人手唔夠，所以點菜/出品/埋單，樣樣都比一般慢。所以心急人勿去。另，一路食，一路望住架停咗喺前面的棺材車，對某啲人嚟講可能唔係咁舒服。講返嘢食，蟹粥係OK嘅，亦唔係太多味精。同海皇比，海皇多過佢好多好多...蜆仔春卷...蜆仔本身會有少少"UN"，所以我覺得蠔仔春卷好食啲...不過又唔係話好考手工/高難度...所以貴咗少少....一試OK，再食就唔大機會。蜆仔炒面，啲面好碎，面亦濕。蜆仔連売，所以食起上嚟都有啲麻煩。需要再改良吓至可以做招牌菜。結論，蟹粥係OK嘅，但其他嘢配合唔到。

因為AUNT睇到報紙介紹, 於是專登由香港開車去紅磡試一試......但好失望, 見到噉多人等, 我只覺得係報紙,雜誌的效應, 加上地方好細得四至五張台, 要人等位都正常.....我地ORDER咗蟹粥, 佢特別註明糕蟹, 但完全無糕, 而且ORDER大SIZE都只得一隻蟹一煲......最唔鐘意的就係食到我條脷好痺, 即係好重味精, I HATE IT!!!!!!! 另外, 又ORDER佢出名的炸蠔仔春卷, $58共4條, 但講真無特別, 只係把張春卷皮包住幾粒蠔仔去炸, 好油, 無特別, 所以$58得4條, 好貴. 去飲茶時的炸春卷比佢重好食.....最離譜個油菜, $38唔係貴, 但一定唔算平, 竟然和一碟在粉面店叫的油菜沒有分別, 只是白灼+蠔油, 原條菜上, 什麼都無去cut, 真係夠纖維, 但收得人地$38就比少少心機去炒一下啦! 原棵上, 就好似返大陸食白灼油菜一樣.......唯一ok的, 就係個鑊仔蜆, 無沙, 個冬陰功湯底ok, 唔算太少.......anyway, 我地都覺得無下次, 亦唔會介紹朋友!

一晚, 7時多才到, 當然冇位啦, 好, 叫外賣, 點知, 佢地上都要30分鐘先有我叫左三樣既蟹粥, 炒麵 + 炸春卷. 老老實實, 在場無一人唔等到火起, 佢地做野既人又得一個, 叫外賣係佢, 打包係佢, 堂食落單係佢, 收$係佢, 叫人入座係佢, 聽電話都係佢........真係火都黎, 啲野食好唔夠架, 都要有人做野先得.

幫襯完圓方隱蔽乳酪店，再逛不了很久，又是時間出發往紅磡生記，去完成上次未竟的蟹粥心願。一早致電了雷太留位，又乖乖的早在六點就抵達小店，果然還未出現人龍，更重要是，蟹粥仍然有貨!　之前也寫過這裡就是茶記裝潢，環境方面是乏善可陳；至於食物，看到食評也有擔心小店走紅後味道走樣，幸而當晚的出品仍然令兩口子十分滿意!首先當然是介紹是晚最大目標的蟹粥($88)。雖只要了二人份的，但份量已是十分的巨大，暫不考慮味道，純以量計也是超值了；何況味道又硬是要得? 粥蓋揭開，看到滾燙起泡的金黃粥底，還有原隻鮮美巨大膏蟹，我的心情也一樣激動! 趕緊筆一碗來吃，由於實在夠真材實料，粥中不難發現蟹膏處處，縱然沒有MSG的存在，仍是十分鮮甜動人，加上軟棉粥底，與粥底微量的薑絲，更顯美味。一煲粥約可分出八碗，首次吃粥吃得如此滿足!除了收盡蟹鮮味的粥好食，煲粥後的膏蟹本身也肉質鮮爽不霉，蟹拑部位尤其好吃；至於蟹腳部位，總帶有大量蟹膏，生記能買到這等優質膏蟹，實在值得一讚! 可恨是自已吃得蟹多會敏感，當晚已經破戒吃了不少，而且是一邊擔心一邊受不住美味誘惑吃；真真羨慕身邊勁食無憂的老公啦!其實也怪想念鑊仔冬蔭公煮蜆，還有更

好趕的晚上, 要七點到達世界彈追思禮拜. 早開始有樣好, 就是早完, 未夠八點就能食晚餐. 一直未有機會來這店一試, 來到附近, 當然就行過來. 店子人客不少, 不過還有位子, 就馬上坐低, 甚麼也不講, 就先要個蟹粥. 再慢慢揀, 要個炸八爪魚丸, 也要個文迪喜愛的炒麵吧. 兩個人, 應該都夠了.要了兩支忌廉, 有杯連冰跟上, 幾好.銀芽豉油王炒麵 $28: 8分, 最快來到的就是炒麵, 幾大碟, 兩個人分也足夠. 炒得香口, 加上面頭的芝麻, 是好易入口的一味.生滾膏蟹粥 $88: 9分, 當然來這裡就是為了這個膏蟹粥, 用上砂窩奉客, 一上臺時是極之熱辣辣, 大大窩, 賣相吸引. 粥夠綿, 蟹味已入到粥入面, 吃落口是有蟹的鮮甜味道. 只是這個窩是夠大, 但是有相當多份量的蟹, 粥就好像不太夠分, 吃多幾啖已吃光, 實是令人回味之作. 至於蟹方面, 用上了膏蟹, 蟹肉鮮甜, 真是有不少膏, 最滋味的吃法是把膏挖出, 加入粥內. 這個生滾膏蟹粥, 實是值得為此專門而來.炸八爪魚丸 $25: 8分, 又是新鮮熱辣炸起. 是晚在此店叫的每一道菜也是即叫即做, 有誠意, 也更能反應食物的

九月十九日 (星期日)已差不多是一個月前的事一天老公仔查看我們的"為食"電郵,發現有一間食店的老闆邀請我們去試食為食的我們,當然不會放過這個機會生記位於紅磡甚少人想去的地方但就是因為有了生記,附近的人流多了以前只賣普通茶餐廳食品年輕老闆決定作一改革,在晚市加入膏蟹食店等作招徠我們準時六時到達,只見老闆正在忙錄地招呼客人每每聽到的第一句就是"有無訂位"若是否定的,老闆會殘忍地告之今晚再也不用等了我們聽了,覺得萬分榮幸但又有點擔心阻礙人家做生意云云...向老闆表露了我們"獨特"的身份老闆立刻為我們安排了坐位店內沒有精緻的裝潢佈局,一看便知是走"實力派"路線老闆忙於為其他食客落單,我們當然不便打擾耐心的等...沒多久,邀請我們的老闆娘也回鋪了想不到相貌如此年輕....滿腔熱誠的!我們先謝過,然後看看餐牌點菜來這裡,當然要一試膏蟹但天氣實在太熱,我們點了膏蟹湯烏冬膏蟹是老闆每朝從香港仔漁市場新鮮選購用的蟹不可以太大隻,而且要選雌蟹出來的結果實在令人讚嘆大大碗的膏蟹湯烏冬放在眼前足足可以讓我們倆吃過半飽因用了雌蟹,蟹膏特別多,溶入湯底,而烏冬就將這些精華吸收....美味極了蟹本身也很鮮甜,老闆每

哩排出左名既生記...終於可以試下..其實我一向都唔係好鍾意出街食蟹...因為覺得好麻煩..但係講到咁吸引...唔試好似唔係幾對得住自己..先黎個蟹粥...係黃色架..甜.再黎係上湯蟹伊..個麵底就唔係太好...麵還麵..蟹味就留左係個湯度..不過...隻蟹就鮮味過蟹粥果隻喇...仲有不得不提既係個八爪魚丸...一定要食

是次係另一完善計劃底下plan好既為食之旅....餐廳位置幾''離島'',問地鐵職員或警察都話無聽過呢條街!不過原來由MTR行過去,都唔算遠,15鐘到啦,由c出口一路沿天橋行,經過一d殯儀既鋪頭,都幾於於迥架,不過深信尋找美食就要向''虎山''行!今次坐左在餐廳既外面,有一把強烈大風扇吹住,再加上天氣清涼,係舒適既,朋友一早坐定定,洗定碗筷等我地,洗左既水我地自己倒左去街邊既渠口,真豪邁!叫野食叫左3次到先有人睬,個阿姐仲要話枝裝汽水得可樂,焗住叫兩支啦,點知見到人地飲cream soda,無奈!首先上場既係我覺得成晚最好味既....炸八爪魚丸($25/6粒)!一咬落去,雖然見唔到八爪魚肉,只係feel到好彈牙好實,但都好真材實料咁既感覺!我覺得完全唔到撈粉整個d丸感,呢隻真係啖啖肉,因為撈粉個d唔爽架ma!味道就唔會話有海鮮既甜味,不過點下個d泰式chilli醬係幾好既頭盤小食,重點係唔油呀!!我只係覺得可以多d八爪魚肉囉,因為佢一粒丸入面既八爪魚肉只有呢條____底線咁長,真係牙縫都sip唔到!跟住就輪到主角膏蟹粥上陣($88/例鍋)由阿姐新鮮捧出,上到台仲滾緊有氣泡,份量一d都無

oct 03, 10去完戶外活動...........當然同友人食埋飯先啦........已經早去,只剩下2張細枱.........好彩早來1步咋.........慢多些少,就要等第1輪食完先啦.....3人叫咗 : 1) 鑊仔冬蔭功浸蜆 (hk$65)- 叫咗小辣-廚房要清下其他大枱嘅單先到我哋.......所以要等咗好1個時間先有第1道菜食......嘩,好肚餓呀.........-個湯唔辣,帶有溫和嘅香茅味,又有番茄,芫茜,又甜,個湯最正 (令我好想試下佢嘅冬蔭功膏蟹烏冬/伊麵)-蜆肉細少,所以只喺小腳式而已 2) 自家製蜆肉春卷 - 2件 (hk$18)-熱騰騰..........裡面都多料,不過就鹹咗少少-可以伴以醋汁同食 3) 生滾膏蟹粥 - 例窩 (hk$88)-主角嚟啦-原來建議比2人用,其實3人食都唔少-望見粥面有蟹膏-我哋都喺先食粥............入口綿,都有米花..........食到有自然嘅鮮味滲出,但甜味未夠........外+調味唔多,以食原味為主-蟹肉亦有好多膏-賣$88/窩,已收貨有餘 4) 炸8爪魚丸 - 6粒 (hk$25)-中午喺吉澳食到

對生記的食評, 寫過一次, 不被通過, 但又不吐不快, 唯有來個自我審查, 目的只是希望想去吃生記蟹粥的人有個心理準備。 一間可以「人吃人讚」的粥店, 按道理, 水準怎樣都一定保證。可惜我去到, 只吃到有燶味的粥。(下文刪去一百字)等了四十分鐘左右, 已經喝了一枝半大青島, 終於有食物來。連老闆娘自己都不知有這味餸更不清楚價錢的蒜蓉蒸茄子, 蒜蓉未免太少, 豉油倒像蒸魚豉油, 係蒸過魚的豉油, 有點甜。聞名不如見面的「炸八」, 還可以, 至少有八爪魚鬚。膏蟹粥+蜆 ........ 一入口, 燶味。(下文刪去一百字)我的意見是:1每張枱加番個枱號牌。2落單用過底紙, 過了底的那張單索性放喺客人張枱度, 埋單時一目了然。3每張枱擺一支泰式雞醬(點炸八用), 反正幾乎人人都會叫, 不會浪費, 反而慳番好多功夫4請多一個樓面, 至少星期五至日嚟幫手。想知道刪去的內容, 大家可以去試試, 希望, 你們比我幸運吧!

去食已經係半個月前，剛看到介紹的時候，約七時，地點有點難找，環境一般。現場得兩個人做野有點混亂！叫左出名既蟹粥、蜆肉春卷同避風塘炒茄子。蟹粥：有D味，粥黐底，不過佢地話係正常，如果接受到便沒問題，而蟹就一般啦，都算幾有肉但冇鮮味。蜆肉春卷：熱辣辣炸出來，真的很脆口，不過就唔覺有蜆味。避風塘炒茄子：亦是熱辣辣的，這個我最欣賞，不過友人嫌冇味。綜觀來說，多了慕名而去的食客，增加了這小店的負荷，八時許蟹粥已沽清了，但係咪值得一試？我就唔會推介。

上星期係雜誌見到紅磡開左間蟹粥店，咁我見好友就黎生日，諗住大顆兒同佢去個度慶生，加上我地成班都鍾意食蟹，所以個個都贊成去。不過去之前都見到D食評話要等好耐先有位，所以都預左要等，希望唔駛好耐啦~!!!近七點去到，等左35分鐘，終於有枱。一入到去即時有侍應落單，我地六個人當然點最出名嘅 “生記膏蟹粥”(特)、“籠仔膏蟹飯”(特)、“春卷”(4條)、 “炸八爪魚丸”(6粒)、 “冬陰公蜆”、同清清地的炒菜心。過左大約20分鐘到先黎個膏蟹粥 (以即叫即整的速度，都OK~)，粥底綿綿的，好有蟹味，蟹肉鮮甜---正~! 我地每個都食完再添! 食食下就跟住黎個“籠仔膏蟹飯”，一來到，個個都 ”嘩”一聲，好香蟹同荷葉味，個賣相好似好好食咁，個個都爭住要，個蟹殼裡面有啲蟹汁比你倒落飯到，GOOD! “冬陰公蜆”係第三樣，其實我係唔食辣，但我都食到，不過我覺得啲冬陰公味可以重啲同辣啲，咁就會更 “野”味。春卷唔錯，驚喜係有蜆肉係裡面架!!! (唔記得影相添) 八爪魚丸真係有八爪魚係裡面，可惜比較硬，惟一這個就相對失色了。整體黎講，無論食物味道、服務都有水準，真係唔錯，不過係環境細左D，我

紅磡咩都有, 但係無好嘅粥舖, 食完"生記"原來自已超錯~~生滾羔蟹粥原隻砂鍋熱辣辣咁上枱，見到煲溶了的蟹羔令粥底黃色一片，好想即刻"畢"碗俾自己~~$88都幾抵呀~ 原隻羔蟹斬大件上，唔會好似水蟹粥咁水汪汪!!估唔到會咁足料~ 隻蟹鉗好大隻~ 原來唔駛等到秋冬呢度都有好嘅蟹食!!籠仔蒸羔蟹飯屋企人習慣有米落肚，叫左個蒸羔蟹飯一試之下，發覺蟹肉好實淨，鮮甜到不得了~ 又彈牙仲好JUICY~個飯更好，炒底夠香口之餘，仲加左薑絲，就算食蟹都唔怕寒啦!! 炸八爪魚丸早輪世界杯，多得八爪魚「保羅」所賜，害得我心愛的荷蘭隊屈居亞軍，一於叫碟炸「保羅」丸泄憤~~