越南老街

Open Now

Now Closed

{越南老街風味 - $282}社交平台突然提醒原來5年前今日本麻甩身處越南旅行，正在回味當日越南之旅嘅快樂時，就行到黎呢間越南小店，都係一間好有驚喜嘅小店wo!♦️火車頭河粉要食就要食得盡興啲，火車頭可以一次過滿足嘅食越車嘢嘅慾望！生牛肉、熟牛肉、牛筋、牛丸、牛柏葉！樣樣都係本麻甩最愛！牛筋好腍又香，牛柏葉好有咬口，牛丸亦好香牛味！♦️生牛肉河粉呢度先講返啲牛肉，生牛肉河用料真係好緊要，唔靚嘅牛肉喺呢個狀態下真係會無所遁形！但呢度用嘅生牛肉真心正，半生熟嘅牛肉帶着濃郁嘅香味，無論係味道至到口感都係一流！♦️蝦餅呢度蝦餅都做得唔錯，熱辣辣，絕對係即叫即炸！除左食到細細粒嘅蝦肉，仲食到幾粒墨魚！睇嚟係兩種食材溝埋揸出嚟嘅！所以有蝦嘅香味，同時亦有墨魚餅嘅口感！♦️蒜蓉牛油香茅雞翼真係爆蒜，裡裡外外都係蒜！熱愛蒜香嘅麻甩最啱食，即叫即炸熱辣辣，濃濃牛油味，實在係爆發性嘅越南風味！美味程度：😋😋😋😋😋環境指數：🎇🎇🎇🎇番食機會：🦍🦍🦍🦍📍 #越南老街 (筲箕灣)筲箕灣南安街93號鯉景大廈地下A號舖

🍱餐廳：越南老街🏫地址：筲箕灣南安街93號鯉景大廈地下A號舖聽地道朋友講咗好耐，話呢度嘅河粉好滑，終於今晚和亞仔嚟食，水準真係掂！感覺係我哋品嚐了一餐正宗嘅越南菜😆～生牛肉湯粉材料豐富，有很多半生熟的牛肉片，有芽菜、洋蔥等配菜，牛肉嫩滑，河粉非常爽口，不會太淋，牛肉湯鮮甜，我飲咗D湯也不會口渴，誠意推介俾大家😄～豬頸肉沙嗲串碳燒豬頸肉份量足，四大串每串都有四、五粒，上枱熱辣辣，烤得不會過時，肉質鮮嫩，彈牙又不韌夠香口，花生醬調配得恰到好處，值得一試😊～墨魚餅非常美味，調味適中，口感彈牙，每一口都充滿墨魚海鮮味，美味之選❤️～馬拉盞炒芥蘭味道鮮美，既有芥蘭的香脆，又添了馬拉盞的醇香，芥蘭新鮮口感佳😋總括嚟講，呢間餐廳定價合理，而且食物水準不錯，值得再次回訪！

這間越南餐廳，由於近屋企已光顧了好幾次，午餐、晚餐也試過，價錢OK，味道都正正常常，今次說說這個二人晚餐，價錢二百幾蚊，有小食兩個、菜一份、兩碗麵，如要飲品可以半價加購。小食米紙卷2件 - 淋上雪凍的酸汁幾惹味，紙卷餡有米粉、紅蘿蔔絲、沙律菜等配料。 牛油雞翼4件 - 雞翼都算大隻和炸得香脆，味道較濃，上面散滿應咳是炸蒜粒，由於蒜粒偏硬，吃上去口感麻麻，要撥開蒜粒吃才可。翡翠苗 - 不太好咀嚼有渣，之前吃過芥蘭都OK，早知叫返芥蘭。熟牛肉湯河 - 牛肉軟熟，湯底食完沒有口渴，不過湯底的温度可以再熱點，之前食過是熱辣辣的好正。燒牛肉扎肉撈檬 - 揀這個是因為午餐試過覺得好吃所以再叫，但今次燒牛肉不是一粒粒的， 上次是類似串燒牛柳粒，口感好好多，今次應該是用返熟牛肉河的牛肉來整，配合撈檬來食口感無咁好，扎肉味道OK。整體來說我覺得這間鋪頭價錢合理，味道都OK，不過有改善空間，因為之前食過幾次都不錯， 但今次再食有小小落差；街坊的會再幫趁，價錢不貴同埋呢頭沒有越南菜，要去到東大街或太安樓先有。

🔖飛天炒芥蘭 HKD58食落少少辣，但十分惹味，而且芥蘭爽口之外，亦十分重味，整體味道不錯🔖碳燒豬頸肉配扎肉撈檬 HKD68豬頸肉有別於泰式，並非燒得香脆，而係汁燒，少少香口之餘，豬頸肉甜甜地，好好食。扎肉亦唔似平時啲廢廢扎肉，厚切、扎實、美味。而檬亦煮得恰好，唔會散晒碎晒，十分美味。整個撈檬評價不錯🔖素菜米紙卷 HKD68十分健康且清新嘅選擇，唔會因為太多肉/太油而過滯，饀料都係甘筍絲、菜、米粉、薄荷，再加上魚露汁，酸甜清爽，十分開胃，令人食指大動🔖雞肉沙嗲串(4串) HKD68不得不提，沙嗲醬非常好味，味道香濃，唔會過鹹，灑有唔少花生碎，花生味更香，更有咬口。而且雞肉不會醃得過鹹，再灑有花生碎，沾醬十分美味🔖椰青 HKD24非常清甜嘅椰青，夠晒消暑解渴。而且椰青肉好嫩滑，十分高質

碳燒泰式豬頸肉 $98⭐️⭐️極度推薦⭐️⭐️豬頸肉經過碳燒的處理，軟嫩多汁。外表香脆焦糖，內裡卻保持著豬頸肉嘅鮮嫩，肉汁澎湃，而且充滿碳香🤤加埋泰國醬汁酸酸甜甜自己一個可以食晒成個飯‼️蒜蓉包（4件） $38大大件同好多醬🫶🏼牛油果香芒大蝦米紙卷 $118⭐️⭐️極度推薦⭐️⭐️牛油果🥑同大蝦都好新鮮，芒果超甜😚清新開胃菜💛米紙卷煙煙韌韌，好有口感👍🏻飲品方便▶️夏天整杯冰涼鹹檸梳打（$38）超正😍另外椰青（$48）都好大個，入啲椰青水鮮甜，椰肉一刮走甩非常新鮮😆

🍜碳燒豬頸肉配扎肉撈檬(💰68)扎肉係厚切既所以咬落非常有口感👍🏻豬頸肉肉質一啲都唔柴，碳燒味香而且有啲葱油作調味🤗撈檬既酸汁係雪櫃攞出黎，食落夠涼爽，好啱大熱天時食😉🍜生牛肉湯粉(💰78)生牛肉嫩滑，最有驚喜係個湯底，清清甜甜將牛肉嘅鮮味提升咗一個層次。河粉份量足夠，加上青檸🍋‍🟩、洋蔥🧅、辣椒🌶️等配料，整體嚟講相當不錯😋🐙燒原條魷魚筒(💰68)直接原條上，煮得熟度剛好所以非常彈牙😆🧇臨記格仔餅配芒果藍莓忌廉(💰48)難得見越南茶有甜品梗係要試埋😂格仔餅外脆內軟😆有埋藍莓同芒果幾fruity🥰🍹柑桔梳打、青檸荔枝梳打(跟湯粉半價後$19)兩杯都唔會太甜，夏天好解渴🤣埋單先知原來dinner都唔收加一，非常抵食而且食物質素高☺️

呢排天氣又熱又焗，放工得別想食越南嘢，俾我搵到呢間好多街坊推介嘅越南餐廳，位置在舊區，附近比較多車房，所以感覺比較隱蔽。餐廳環境和氣氛都幾舒服，背景音樂都幾有越南風格，朋友留意到有周杰倫音樂做背背景音樂🤭🍗 蒜蓉牛油香茅雞中翼（HK$68/4隻）．雞翼面頭放咗超多炸蒜粒，配搭埋超薄脆的雞皮，雞肉嫩滑多汁，也滿滿蒜香和牛油味．我哋一致認為這是今餐的最愛🫶🏼🥙 越南老街小食拼盆 (HK$138)．一份拼盆可以食到6款小食，正是滿足樣樣都想食嘅我哋😁．春卷 — 薄薄的脆皮包住超多餡料，味道很好👍🏼．雞串和牛串 — 各2串，燒得美味，只點些少沙茶醬就好正啦～．素菜米紙卷 — 睇見已經爆多料，配搭店家新鮮自製嘅秘製魚露，特別清新美味😋．柚子沙律 — 酸酸甜甜，醒胃又可以解除炸物嘅膩🥬 馬拉盞炒翡翠苗 （HK$58)．第一次食呢個組合，翡翠苗口感清脆，多汁，不過感覺不夾馬拉盞醬，下次食配通菜苗好似夾啲🍋🍹 青檸荔枝梳打 (HK$38)🌹🍹 玫瑰荔枝梳打 (HK$38)．2杯嘅味道調教得很好飲．我嗰杯仲有埋一片青檸㗎，玫瑰嗰杯就粉紅色，好靚呀！

無意中發現呢間位於筲箕灣越式小店，餐廳裝修充滿越南風情，平民價錢又有質素。我哋order咗2個主食，飲品均可享半價優惠。碳燒香茅豬扒飯越式蒸蛋 $68香茅豬扒醃得夠味，外脆內嫩，仲有陣陣嘅炭燒味，與普通豬扒相比別有一番滋味。越式蒸蛋，內有粉絲、木耳、D蛋非常嫩滑。(凍)椰子咖啡 (+19），椰子和咖啡都係越南特產，兩種加埋喺絕配，店家調制得啱啱好，夠濃郁好好飲。黃咖哩牛舌牛筋飯 $78牛舌有8件，肉質口感鬆軟。牛筋都唔少，有滿滿骨膠原，非常嫩滑。黃咖哩味道濃郁，配個白飯，好快食曬。青檸梳打 (+19)，用上新鮮青檸制成的，清新又解膩。蝦餅(4件) $48一碟有4件，炸到金黃色，十分鬆脆，蝦味十足，點埋泰式甜辣醬，惹味又好食。臨記格仔餅配芒果藍莓忌廉 $48格仔餅係即叫即做的，賣相吸引，底層放咗香甜忌廉，面層有新鮮芒果肉和藍莓，然後淋上朱古力醬，多重口感。總結:雖然店子細小，但服務員殷勤又有笑容，讓客人感到舒服。📍越南老街筲箕灣南安街93號鯉景大廈地下A號舖

唔係朋友帶路，唔知道筲箕灣內街有間高質素的越南餐廳；唔入去食越南河粉，唔知道餐廳有天后嘅臨記格仔餅。餐廳細細，一眼望曬，可是出品甚佳，價錢還好親民。🏅豬頸肉沙嗲串（$72）🏅馬拉盞炒芥蘭苗（$56）🏅生牛肉湯金邊粉（$78）🏅汁燒牛肉配扎肉撈檬（$68）🏅臨記格仔餅配自家製花生碎煉奶及花生醬（$48）豬頸肉厚切成方塊，爽彈得來帶點嚼勁，本身已好入味，蘸點酸辣的沙嗲醬則更香濃。馬拉盞的蝦米、豆瓣醬、薑、蒜和辣椒結合起來夠曬鹹香又唔會過鹹，芥蘭翠綠爽脆。呈粉紅色的生牛肉夠嫩滑，金邊粉爽滑，湯底夠熱又鮮甜，不肥不膩。撈檬的汁燒牛肉鮮嫩多汁，扎肉是難得的厚切，很好吃。厚身是臨記格仔餅的特色，花生碎很脆，花生醬很滑，還有小碗朱古力醬，抵食。

今日一早拎野去筲箕灣比朋友，朋友知我未食早餐，同我去附近餐廳食。越南老街裝潢簡約，主打地道越南菜。早餐：漢堡扒湯檬：漢堡扒肉味濃，湯底香甜，檬粉爽口。配香脆可口嘅蒜蓉多士和滑蛋七喜午餐炭燒香茅豬扒湯河配越北油條：豬扒係厚切，炭燒至金黃色，食落滿口炭燒香味，肉味濃郁，唔會鞋口。河粉滑溜，酥脆油條吸收湯底味道更具層次，惹味豐富，百吃不厭。越南炸春卷:以越南特有的網狀米紙卷成的春卷，經油炸的米紙帶有脆脆的口感，饀料豐富，食落不會感到油膩。蝦餅炸到金黃色，蝦肉新鮮口感彈牙，再配上甜酸醬夠晒開胃。凍奶茶喝起來茶香味濃郁，喜歡茶味的一定很愛。臨記格仔餅配自家製花生碎煉奶及花生醬：格仔餅即叫即做，十分脆口，塗滿煉奶和花生醬甜而不膩，加添花生碎可增加口感，

好耐冇嚟筲箕灣，今日嚟覓食，發現新開越南餐廳，價格相宜，就入去試下～我地叫左火車頭湯粉，超足料，生牛肉、熟牛肉、牛丸、牛柏葉、牛筋。湯底好濃好夠熱，牛肉份量好多，牛味濃，牛筋炆得好稔，牛丸好彈牙冇羶味碳燒泰式豬頸肉，外面燒得少許脆，中間好juicy，點埋醬汁好惹味越南炸蝦餅，即炸蝦餅，熱辣辣，唔油膩，有口感，咬得到粒粒蝦肉，已經好耐冇食過咁好食嘅炸蝦餅🤤蒜蓉炒芥蘭苗，好清爽，唔會過鹹，唔油膩，芥蘭苗幾嫩幾甜👍🏻玫瑰荔枝梳打，叫湯河半價加配，又幾抵飲👍🏻我實在太貪心😂忍唔住叫多份 臨記格仔餅配 香蕉藍莓忌廉，格仔餅外脆內軟，配香蕉🍌同藍莓🫐➕忌廉，甜而不膩，份量剛好😋整體來講，主食小食同甜品都好有驚喜，又是滿足的一晚😋😋

喺筲箕灣諗唔到食咩好？可以去試一試呢間越南菜，近街市嗰頭，位置會偏少少，但都幾受街坊歡迎！主打傳統越南菜式，米紙卷、檬粉嗰啲，叫主食類可以半價加配飲品，幾抵食，唔怪得咁多街坊支持！------------------------------🌯◖汁燒牛肉米紙卷◗ $98汁燒牛肉甜甜地，每舊都包住幾片牛肉同沙律菜，幾足料！建議淋埋佢哋自家製嘅酸甜醬汁，一啖食落去好滿足！🍲◖熟牛肉湯粉◗ $78揀咗金邊粉底，湯底清淡但更加突顯牛肉嘅味道，金邊粉好食吸晒啲湯汁，但略嫌牛肉嘅份量唔夠～🦑◖燒原條魷魚筒◗ $68大大隻汁燒魷魚筒，食落幾香，味道偏甜口，滿滿醬汁好香！🍊◖柑桔梳打◗ +$19🍋◖鹹檸梳打◗ +$19🌟 Encore指數：8/10

越南老街 • 筲箕灣筲箕灣呢間越南餐廳個人覺得食物價錢唔貴，而款式亦唔少，性價比高，做街坊生意，岩附近住嘅人食。😋😋..✅ 生牛肉湯粉 🐮 $78牛肉即使滾耐左都唔鞋口，仲係非常嫩，少筋位容易咬，湯底香料味濃，較特別的是，加上比較多芫荽，增加一份芫荽嘅香味😙..✅ 汁燒牛肉配扎肉撈檬 🐮 $68牛肉加上醬油汁非常惹味，牛肉肥美，食落嫩滑，扎肉偏彈牙質感，整體唔錯😙..✅ 炭燒泰式豬頸肉 🐷 $98豬頸肉份量超大，目測有4人份量，豬頸肉外層燒至微微焦香，入面仍保留少許肉汁，非常惹味。..✅ 墨魚餅 🐙 $58墨魚餅有6件，墨魚肉爽彈，夾雜粟米粒係入面帶啲咬口。

我寫這篇是因為完全唔明其他post 的賣相，點解可以影到像雜誌一面倒的稱讚昨晚跟朋友二人8pm多入座叫了二人餐，包括素香卷、牛油雞翼、馬拉盞芥蘭仔、兩碗生牛肉河、青檸梳打、咸檸梳打。素春卷很快上枱，裏面只包括一堆很乾嘅粉絲，及幾條蔬菜，完全沒有味道，加了醬汁後也只食哂d菜就算。個生牛肉河真跨啦啦 ，湯只係微暖，牛肉只能浸泡2成熟，仲要係好多肥膏，滑潺潺像毛巾，只食了半碗。咸檸梳打的味比一般都咸及跟平時的感覺完全唔同。牛油雞髀實在太油，我只吃了一隻。只有菜最正常。在餐廳離開個一刻我已覺得肚唔舒服，坐地鐵回家，到銅鑼灣我已衝出車找職員，要衝去廁所！是再遲一個站出車就會在車廂出醜的地步！！！

在筲箕灣有一間越南老街,聽人講非常地道今天就跟朋友一試！裝修有特色,非常有越南風格！店外也有小型露天茶座方便食煙朋友,車放在門口也方便睇車..我們點了幾樣食物：1.生牛肉湯河：-半生熟牛肉肉質鮮嫩,牛味濃鬱,越式湯底加薄荷葉非常配合..河粉彈牙 .. 好味！2.炭燒豬扒配扎肉撈檬-看似像炭燒叉燒,食落嫩口配搭扎肉,檬粉也唔錯！3.墨魚餅：即叫即炸墨魚餅 ,香口好味,墨魚餅有六塊 厚度十足,唔會偷工減料！4.燒原條墨魚桶-原條墨魚炭燒風味 加上爆香蒜頭加蔥花 口感彈牙唔韌 非常匹配！5.柑桔梳打柑桔由越南空運到港,味道真係唔同啲,..喺咁熱嘅天氣飲杯柑桔梳打嘆返下,是個不錯的選擇！兩個人食都唔使300蚊,價錢合理..呢間越南餐館絕對可以encore！