陳儀興尚潮樓 (英皇道)

Open Now

Now Closed

估唔到相隔一星期，又回到太古食飯，今次選了同一幢大廈的陳儀興尚潮樓食晚飯！陳儀興已經有幾間分店，對佢嘅出品一直都好滿意。因為都係二人小聚，所以點得不多。坐低先送上了功夫茶，清一清味蕾。20年老菜甫燉鮮豬肚我想飲的湯，望落好清，但味道好濃，豬肚唔乾好好食！咸菜花甲湯花甲好鮮味，配番茄、咸菜的配搭好清新，咸咸地又酸酸地，好開胃。滷水鵝片件件都厚肉又肥美，好有鵝味，點少許醋已經好好味。底下的滷水豆腐都唔可以錯過！凍大眼雞擺盤好精美，原條去骨切開一塊塊，好方便。肉質結實有彈性，咸鮮味好突出，再點上豆瓣醬，送飯和白粥都一流！乾貝春菜煲份量好多，菜夠嫩，加上滿滿的乾貝絲鋪面，簡單又好食，個菜湯都好飲！清心丸綠豆爽福果甜芋泥足料的兩碗糖水，尤其鍾意其熱辣辣。清心丸煙韌，芋泥細緻幼滑，好好食！

去開鰂魚涌，諗住搵間中菜，於是見到呢間陳儀興尚潮樓有咁多好評，所以就嚟試下晚餐兩個人食潮州嘢真係好難叫餸，今晚叫咗凍花甲，超級肥美，醃料嚟講有好重嘅羅勒味，唔會太鹹，好味再叫咗一個護國菜，初初以為係上湯煮番薯葉，點知原來佢係打咗獻，好似一個湯羹嘅質地，上面有啲金華火腿絲，味道係好嘅，不過我覺得稍稍有點鹹咗少少另外再叫咗一個糯米釀雞翼，冇諗過佢係會有用炸漿炸，呢個比較油，另外糯米飯又好重酒味，同我所期望嘅糯米釀雞翼味道有少少距離，可能呢個係潮州版本，不過我比較鍾意港式版本嘅糯米飯普寧豆腐係菜單上面寫明每日由普寧新鮮直送到港，豆香味好重，一定要趁熱食，另外佢同出面嘅普寧豆腐有啲唔同，佢唔係點鹽水，佢係點一碟綠色嘅嘢，其實點咗我都唔知係乜嘢，不過就係鹹鹹地，最後當然係唔少得我每次食潮州菜都一定要食嘅芋泥啦！

陳儀興飯店 (嘉悅) (將軍澳).唔同分店，唔同廚房做出黎味道都有分別今次呢間多左好多菜式我係無食過.▪️潮洲凍馬友▪️.馬友本身就醃製過偏鹹，佢有跟普寧黃豆醬但個人覺得已經好鹹可以唔洗沾配埋潮洲白粥啱啱好！.▪️滷水鵝片▪️.食潮州菜必叫滷水鵝片！配酸甜汁，下面有滷水豆腐墊底！.▪️潮式魚丸肉碎煮汕頭白 ▪️.津白湯再配上魚蛋，魚蛋有八粒，粒粒彈牙！津白索湯汁，好食！.▪️ 護國菜 ▪️.就咁聽個名真係唔知係咩菜式，一上枱係碧綠色嘅湯，原來係有故事嘅湯由蕃薯苗打成汁，係有淡淡蕃薯苗味但唔濃郁，配埋乾瑤柱一齊飲，係好特別嘅菜式！.📌 陳儀興尚潮樓 (英皇道) (鰂魚涌)鰂魚涌英皇道1001號7樓1號舖.環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️

✿╮❤╭✿✿雜感女生   好味日記✿˚*•✰。陳儀興尚潮樓．正宗潮州滋味。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤朋友好中意食潮州菜今次就去到她公司附近的潮州菜館 說起陳儀興尚潮樓很多愛吃潮州菜的人都推介這裡地點方便易搵特別多一家大小一起到此開飯的幸好我們也預訂了桌子所以入內就有安排 先來功夫茶我喜歡這種微甘的滋味似人生，一定有回甘花生米是潮州人飲茶也會吃上幾粒的配菜 乾貝春菜煲翠翠綠綠的入口帶甘香，清爽好飲春菜好吃，乾貝絲又添加了海洋的香氣所以飲起來非常舒服  鵝三寶這個三寶好正，包括鵝肉、鵝腸、鵝肝以豆腐做基底滷水入味好香鵝腸非常爽口鵝肉極有彈性鵝肝香滑軟身最正一定係鵝肝是白飯的誘惑朋友   普寧豆醬煮野生黃魚野生的口感非常鮮香彈牙的肉質香滑好吃以普寧豆醬加魚汁送飯好正架！  鹹菜花蛤湯花蛤巨大，肉質鮮甜鹹菜的香氣令湯非常好飲咬入口好好食所以，既飲得，又食得此湯非常推薦！ 人間煙火氣，最撫凡人心潮州菜中的功夫茶既清醒又撫順或許是人生的一種慰藉 

同好朋友試咗呢一間位於鰂魚涌嘅潮州菜館，好耐未嚟過鰂魚涌，估唔到而家開咗好多新開嘅餐廳，我哋一於就走咗去樓上鋪試吓！餐廳好靚 環境舒適 每一張枱劃分晒 間隔分明 十分有私隱度 咁耐冇食潮州菜 一於叫啲特色潮州菜食下先！🥰首先要咗每人一人一碗熱湯胡椒鹹菜線豬肚湯本人其實唔係咁鍾意胡椒嗰種辛辣度，但係佢又落得恰到好處 令我唔鍾意胡椒嘅人都覺得幾好飲 👍少少辣之餘又令到更加暖肚20年老菜脯燉鮮豬肚湯呢個真係飲得出好鮮甜 ～菜脯嘅清香 飲落去好舒服❤️凍大眼雞 🐟呢個係潮州菜必食嘅凍魚！已經起晒肉 方便進食 魚肉分明 好鮮嫩 鵝三寶 分別有鵝肉、鵝腸同鵝肝 鵝腸非常之爽口彈牙鵝肝估唔到咁好食 非常肥美 配上啲滷水汁 仲有啲豆腐係底🥰潮州魚丸肉碎煮汕頭白🥬食咗咁多肉 係時候要返啲青菜 魚丸大大粒 魚香味十足 配上煮得淋身既汕頭白 再加上肉碎調味 健康又有益 🫶食完之後再飲功夫茶，去去油膩，又係一個開心嘅晚上🫰

爸爸最鍾意食潮洲菜，今日生日就book左位於鰂魚涌（陳儀興尚潮樓）食返餐正宗潮州菜。餐牌上的菜式樣樣都好吸引👍普寧豆醬煮海魚普寧豆醬是一種具有濃郁口味的調味醬，搭配煮海魚非常美味。豆醬的鹹香味能夠增添魚肉的鮮美，魚的肉質亦都好鮮嫩。滷水鵝片鵝片切得好薄，每一片入口充滿滷水的鹹鹹香香味道，豆腐亦都好滑好入味，配上白飯一流。潮式魚丸肉碎煮汕頭白菜魚丸是潮洲特色小吃，以新鮮魚肉製成的魚丸具有彈性和鮮嫩口感。搭配肉碎和汕頭白菜味道好夾好好食😋白菜煮得夠淋帶有清爽口感。鹹菜花蛤湯鹹菜和花蛤加入湯中能夠釋放出濃郁的海鮮風味。鹹菜的鹹香令人食唔停口，花蛤大大粒好肥美，湯的口感清爽可口。最後食埋一碗潮州白粥，呢一餐好滿足！

一直都好想試陳儀興，終於試到啦，覺得好滿意😆無論食物質素，餐廳環境，及服務態度，都非常讚👍🏻本時食潮州菜，個環境都係一般般，但呢度個裝修就好唔同，裝修得橘子，坐得舒服😌見到佢有個湯好得意，叫「護國菜」，睇字面解釋係好難明白，原來係潮州特色嘅菜式，係用幾種菜煮成的，上枱果下見到好驚喜，食落都好好味，口感細滑，又唔會有草青味，推介👍🏻另外都試咗鹹菜花蛤湯，都好飲，好香胡椒味，花甲又大大隻幾厚肉👍🏻潮州凍馬友都好出色，淡淡的鹹味，再配合軟綿綿嘅魚肉，好鮮味，可以配豆醬一齊食，夾埋潮州白粥一齊食，食到停不了😌招牌鵝三寳(鹅肉、鵝肝、鵝腸)，個滷水汁滷得好入味，鵝肉好軟滑啖啖肉，鵝肝好柔滑，識落好似食緊芝士咁，鵝腸爽脆，條條都清得好乾淨，非常好味😋方魚炒芥蘭，芥蘭苗柔嫩，配左好香嘅酒味一齊抄，食落爽脆最後忍唔住叫咗反沙芋頭（8件），啲芋頭好靚，好粉滑，個糖又好脆，令我食過不停🥰

「陳儀興尚潮樓」以古樓設計為元素，用刺繡及多幅山水壁畫作裝飾，薄紗屏風為座位間隔，環境舒適又具私隱度，也令食客感受到濃厚的中國古雅風格用餐前先由店員奉上功夫茶==========🔹大眼雞魚飯魚飯意思指魚肉多得可當飯吃魚尾位置放上雕花青瓜，賣相滿分廚師用心的將大眼雞分成小件，方便食客進食，做到一絲不苟，細節位盡見誠意以鹽醃過的大眼雞鹹鮮十足，肉質雪白細緻，蘸上普寧豆醬令味道更濃厚推介指數：8/10==========🔹招牌鵝三寶包括鵝肉、鵝肝、鵝腸鵝肉緊實富鵝香，外皮細滑鵝肝軟滑甘香，細膩淡雅，齒頰留香，毫無腥羶味鵝腸粗身而清理乾淨，入口爽口彈牙附以嫩滑滷豆腐，豆香不錯推介指數：9/10==========🔹潮式魚丸肉碎煮汕頭白加入方魚及芹菜等配料魚丸彈牙帶不錯的魚香；豬肉新鮮爽彈富肉香；汕頭香吸湯後非常鮮甜推介指數：8/10==========🔹胡椒鹹菜鮮豬肚湯鹹菜鹹香適中，豬肚爽滑厚身湯品熱度十足，調味恰到好處，油份不高推介指數：8/10==========🔹護國菜非常具特色的潮州食品用葉菜配以草菇及上湯燶製而成，再以瑤柱絲鋪面，為素食者之選煮成糊狀，入口細滑而清香味美，毫無膩感推介

食潮洲菜😋想坐得舒服又食得正宗，即刻諗起呢間傳統老字號潮州菜《陳儀興尚潮樓》！一坐低店員即刻送上功夫茶🍵凍馬友魚$398食潮州野當然唔少得點條魚啦，新鮮清洗去除內臟，蒸煮再冷藏，放上枱已經連骨都去埋，進食好方便之餘，味道亦特別鮮甜！鵝片$188份量唔算多，但鵝肉鮮嫩亦好入味，底層重有豆腐，吸收哂所有精華，好好味😋！汕頭煎蠔烙 $128蛋味濃，內裏蠔仔好飽滿又足料，加上潮州魚露，鮮味又再提升！潮州魚丸肉碎煮汕頭白 $208清甜又爽口的魚蛋和白菜，簡簡單單加點配料，口感特別有層次，連湯都可以飲埋😋😋！護國菜 $68這碗是南宋時期，讓流亡皇帝充飢的湯羹，把番薯葉洗乾淨，灼熟後剁成蓉，與上湯煮滾，感覺特別健康😌！

很久冇來過北區，碰巧有事情喺呢邊做，就約咗朋友係到食飯。夜晚唔太多選擇，選擇一些熟悉的餐廳比較有保證，陳儀興由新蒲崗去到太子都有保證，來到鰂魚涌應該問題不大，而且上樓的餐廳，應該較容易book位。就係鼎鼎大名嘅金峰靚靚粥麵附近，一個完全唔似有食肆嘅商場七樓，完全冇諗過呢度竟然有地道潮州菜，仲要之前請喺街鋪嘅陳儀興。兩個人，先來個湯，我點了正常必點嘅胡椒豬肚湯，呢到竟有護國菜，D先生選了這個，記得今年試左一間私房菜，同樣有呢個菜式，還加上了蟹，今晚就主力以菠菜為主角，可能好多人都會問呢個究竟係乜嘢，護國菜是一道潮州特色傳統特色菜式，廟中僧人為保護宋少帝，係佢哋自己一塊番薯地，採摘了一些新鮮的番薯葉子，去掉苦葉，製成嘅一個菜湯，流傳至今，今天用上嘅係菠菜，而非番薯葉，不過味道好濃，而且呢個菜式真係唔係度度有得食。珠玉在前，當然胡椒豬肚湯就即刻好遜色，不過當然不差的，只不過護國菜太搶鏡。大眼雞魚飯，又係必點菜式，起哂肉，好容易食，加上那個醬汁，魚肉彈牙又有魚香，算不錯。鵝三寶有鵝肉、鵝肝、鵝腸，加上豆腐係底，個鹵水剛好，同太子新蒲崗感覺差不多，質素做到非常之有連貫性，個人好愛鵝肝，同另一間香

餐廳佈置清雅，以屏風作間隔，提升私隱度及檔次，有古典風味。門口已擺放潮式月餅出售，價錢合理。店員先送上功夫茶，茶味清香，入口回甘。二十年老菜脯燉鮮豬肚湯：豬肚湯十分清甜，菜脯還有香味，豬肚新鮮爽脆，而且零味精。頭抽煎英䱽：英䱽十分新鮮，每件都沾上少許粉漿炸至乾爽香脆，再以頭抽汁炆煮，英䱽入口帶脆又有魚肉鮮甜，而且肉質嫩滑。咸菜胡椒浸台山蠔：蠔肉脹卜卜，而且又大隻，用了咸菜胡椒去煮，更能提鮮，入口爽甜無渣，而且份量十足。潮式魚丸肉碎煮汕頭白：魚丸爽彈有鮮味，汕頭白煮至腍身，加上肉碎去提味，更清甜好味。

今次係第二次食陳儀興，記得第一次係喺新蒲崗既火鍋店度打邊爐，估唔到原來佢依間分店係做潮式中菜，食過之後仲另我地一班朋友眼界大開鹵水鵝片…叫左個例牌4個人食份量岩岩好！鵝片厚薄適中又入味，底下仲有幾舊鹵豆腐鹵水鵝肝… 依個真係估佢咁到咁粉嫩！每片都好軟身，鹵得唔會太咸，真係食到肝臟既甘味！花膠北菇湯… 食過兩樣冷盤鹵水野，飲番啖熱湯先~兩碗share岩岩好。我出街食飯除非係叫套餐，如果唔係其實好少叫湯飲，不過朋友推薦我地一定要試依個湯，湯頭真係幾濃郁，每碗仲有兩隻花膠！不過如果可以再膠質d就好喇生醃膏蟹… 輪到其中一個主角出場喇！第一次食潮式生醃蟹，感覺係似韓國醬油蟹，不過就冇醬油蟹咁咸，食到d酒香之餘真係食到蟹味 依度係一隻既份量，可想而知隻蟹真係幾大隻！而且好夠膏嫁!生醃瀨尿蝦…黎到第二個主角！原來瀨尿蝦都可以生食同膏蟹一樣既汁，有d酒香，瀨尿蝦味都幾濃。魚露浸花甲… 我好似係第一次食依個煮法既花甲感覺好似前菜咁，魚露既咸鮮加上花甲既甜，好開胃！芙蓉香酥鵝… 原來係腐皮包住芋泥同鵝肉碎再拎去炸！依個想對比較膩，食一舊已經好滿足古法糯米酥雞… 早一日預訂左依隻「糯米雞」，真係不得不讚

話說我係一個混血兒，mix咗1／4潮州血統🤣🤣不過潮州菜比較少食，本身興趣不大，但今次去呢間陳儀興尚潮樓就令我對正宗潮州菜產生好大興趣🫶🏼呢度係一間位於鰂魚涌嘅樓上酒樓，格局好雅致企理，裝修骨子👍🏻姐姐們服務亦好好。呢度仲有VIP房，下次帶屋企人嚟聚餐都ok🙌🏻🙌🏻酒樓出面有魚缸，確保海鮮夠新鮮。單欉、菊花、香片餐前先嚟每人兩杯功夫茶☕️開一開胃，餐後會再次奉上，甘甘澀澀嘅單欉茶好消滯解膩😗😗另外仲叫咗一壺菊花茶同香片。潮州凍馬友潮州菜其中一個特色要數凍食嘅魚🐟凍馬友見到亮澄澄嘅顏色就知魚油豐富😍😍仲要將魚肉切片砌到靚一靚，望落更吸引🤩食落的確食到魚油香，但點到即止剛剛好，仲有香而不腥嘅魚味。魚肉啖啖肉幾滑，唔會鬆散，就咁食或者點少少鹹香嘅豆醬，各有風味😋😋魚骨都唔少要小心，不過唔係碎骨都ok。潮式胡椒鹹菜浸台山蠔一上枱就心心眼😻😻點解蠔肉🦪可以咁大隻飽滿！脹卜卜嘅蠔肉口感好正😚😚蠔味極濃郁，搭配清清地不太濃嘅胡椒鹹菜湯，更吊起蠔鮮味😋豆醬炒通菜馬拉盞／蝦醬／腐乳通菜就食得多，用潮州式豆醬入饌又幾好食😙😙通菜極為爽脆新鮮，豆醬惹味不太鹹👍🏻胡椒鹹菜鮮豬肚湯潮州菜梗要飲返碗胡椒豬肚湯🤪呢碗

這間位於鰂魚涌的潮州菜餐廳，晚市主打多款傳統的潮州小菜及湯，當然不少得最出名的滷味。店員會先送上功夫茶及酸菜。大眼雞魚飯大眼雞很乾爽，魚肉雪白，肉質鮮甜嫩滑，配上普寧豆醬更能提鮮。鹹菜花蛤湯花蛤無沙而且新鮮，帶點胡椒及鹹菜味，十分鮮甜。招牌鵝三寶有鵝肉、仲有鵝肝、鵝腸，下面墊上嫩滑豆腐，鵝肝十分嫩滑，鵝腸爽脆，鵝肉滷得入味又不會過咸，鵝肉有肉汁。乾貝春菜煲很香瑤柱及蝦米香味，春菜煮至嫩腍，而且有菜香。臨近中秋，餐廳有潮式月餅，有幾款味道，甚有特色。

儀興係一個香港潮州菜老字號，上次同爸爸食完覺得味道真係不錯,一於再ENCORE!餐廳佈置走中國古典風 ，牆身有中國山水畫、字畫同中式燈籠。座位非常舒適更設有VIP房。入座後，店員先送上一碟花生同功夫茶☕️茶味香濃回甘，非常解膩。🥘頭抽鷹䱽魚片 $488鷹倉魚厚肉鮮甜，一碟有6件煎得又酥又鮮嫩多汁仲要完全起骨啖啖肉好正😋醬汁的鮮甜同淡淡酒香完全係perfect match🥘滷水鵝三寶除咗鵝件、仲有鵝肝、鵝腸同豆腐滷水汁真係呢道菜嘅靈魂鵝肉嫩滑鮮美但皮肥左d，鵝肝粉嫩甘香，鵝腸既爽口又入味，沾上辣椒油更好味!🥘肚肉苦瓜煲潮汕人夏季愛吃的家常菜，半肥瘦嘅千層豬腩肉，勁大舊又爽口彈牙。苦瓜煲至軟身一點也不苦~我連d湯都飲曬呀，清熱解毒~!🥘護國菜 $68用菠菜煮溶再散上瑤柱絲綠翡翠的色澤，湯好濃稠又冇味精入口留香兼潤喉，好鍾意呢個湯!🥘二十年老菜脯燉鮮豬肚 $78喝下湯頭十分乾淨清爽，豬肚被燉得好軟咬下去軟嫩帶有嚼勁，胡椒和菜脯的鮮味十分match!