陳儀興尚潮樓 (英皇道)

Open Now

Now Closed

朋友約咗我去北角食飯，食咗呢一間裝修都幾靚既，食物水準都唔錯餐廳。食咗幾樣唔同嘅經典潮州菜。1. 潮州蠔餅：陳儀興尚潮樓的潮州蠔餅讓我回味無窮。這道菜以新鮮的蠔肉為主，搭配精心調製的麵糊炸至金黃酥脆。蠔肉鮮嫩多汁，與酥脆的外殼形成了完美的口感對比。每一口都能品嚐到潮州蠔餅鮮美風味。2. 潮州凍大眼雞：這道菜以嫩滑的大眼雞肉為主，經過特殊的調味和冷藏處理，賦予了肉質獨特的口感和味道。大眼雞肉鮮嫩細膩，入口即化，肉汁鮮美。潮州料理擅長突顯食材的原味，這道凍大眼雞正是其中的經典之一，給人一種清新爽口的感受。3. 鹹菜鮮豬肚湯：這碗湯是潮州菜中的經典之一，以鮮豬肚和鹹菜為主要材料。湯中的鮮豬肚切片薄嫩，入口爽滑，與鹹菜的鹹香味道完美融合。湯的口感清爽，帶有微微的酸味，喝起來非常開胃。4. 瑤柱春菜煲：這道菜以瑤柱和春菜為主要成分，炮製而成。瑤柱是潮州菜中的珍貴食材，質地鮮嫩，口感豐富。春菜的清香和瑤柱的鮮味好夾，帶來了一道清爽菜式。絕對是潮州菜愛好者不容錯過的一道佳餚。總結來說，陳儀興尚潮樓以其正宗的潮州菜出名。餐廳的用餐環境舒適，服務親切。如果你想品嚐正宗的潮州美食，陳儀興尚潮樓絕對是一個不

呢間絕對係我食過既潮州菜裡，最好食既一間餐廳，陳儀興尚潮樓有多間分店，今日就來到鰂魚湧分店,店內環境裝修似去左酒店级高級食府一樣，每個餐桌位置分成半獨立房一樣。今日我地四個人叫左兩條潮州打冷凍魚凍馬友魚 $398馬油魚獨特既魚油同魚既香味，不添加任何調味料，都滿口魚味，必叫凍大眼雞 $398魚身細心切件，整齊排列上碟，就咁睇都得覺得好食，魚味鮮甜肉質滑嫩鵝三寶 $298一上桌便能聞到陣陣鹵水香味，鵝腸爽脆，鵝肝細膩，鵝肉細軟，味道不會偏鹹，讓人嘗到鵝肉的真味。咸菜胡椒台山蠔 $268台水蠔總共大概有十二隻，每一隻都好大隻，食落去蠔味足，加配胡椒同咸菜呢個組合好惹味，真係連湯都飲埋呀鹹菜花甲湯 $78湯每一隻花甲都好有鮮味，裡面有番茄同咸菜，飲落好好鮮味乾貝春菜煲 $128鋪滿瑤柱嘅春菜煲，開胃潮洲魚丸肉碎煮仙頭白 $228湯頭奶白色，這道菜的特色是魚丸和肉碎的口感和味道，以及汕頭白的細滑和清淡。魚丸和肉碎有著濃郁的鮮香，彈牙而不柴，入口即化如果想同屋企人食餐好既潮州菜，真的推介來這裡試一試

▫️汕頭煎蠔烙 呢個價錢嚟講 咁大份好抵食 蠔餅炸至金黃色 邊位好脆口 餡料十足 蠔好新鮮同大粒 忍唔住食完一塊又一塊👍🏻▪️普寧豆醬煮海魚 總共有2條海魚 分左2碟上 海魚係沙追魚 第一次食呢隻魚 平時食魚好怕多骨同腥 但呢個唔算多骨 而且易挑 最重要係唔腥 仲食到魚鮮味🥰▫️鵝片 鵝片新鮮 片得薄身 肉質嫩 皮的脂肪不多 所以食落唔會膩😆😆▪️潮州魚丸肉碎煮汕頭白 潮州出名魚蛋彈牙 一試確實彈牙美味 湯內有汕頭白 菜很甜🥬▫️頭抽鷹倉魚片有6片 呢道菜確實驚豔 魚外皮沾滿頭抽醬 很入味濃郁 又不會鹹 魚片厚肉 肉質嫩滑 ▪️胡椒鹹菜鮮豬肚湯 採用新鮮豬肚 豬肚好夠味 湯既胡椒味再濃啲就十分好！▫️厚菇芥菜煲 芥菜苦中帶甜 厚菇大大粒😍

陳儀興尚潮樓係香港有2間分店 分別有太子同鰂魚涌 今次到訪鰂魚涌分店 坐得好舒適 一坐底就有功夫茶飲 夠哂風味 食物質素高 店員亦很有禮ʕ •ᴥ•ʔ✨頭抽鷹倉魚片(6片) ($488)使用頭抽封煎鷹倉 好香口惹味 帶外脆內軟 魚肉好厚身 肉質嫩 無腥味同無魚骨✨汕頭煎蠔烙 ($128)食潮州菜必食蠔餅🥳蠔餅超大份兼香脆！可以食到大量蠔粒 粒粒脹卜卜 鮮甜又新鮮✨鵝片 ($188)鵝片約有8片 厚度切得岩岩好 肉質不會鞋 鵝片滷水味出 底下仲有3-4片油豆腐✨潮州魚丸肉碎煮汕頭白 ($228)潮州魚丸有8粒 並加以肉碎、汕頭律白煮成 魚丸好彈牙 食落有啖啖魚香味 湯底鮮甜✨普寧豆醬煮海魚 ($398)是日海魚係沙錐魚 比較多幼骨 但容易挑出 魚肉好嫩滑 無腥味 使用普寧豆醬烹調 令味道更惹味香口！✨厚菇芥菜煲 ($128)厚菇份量足 點潮州辣椒醬食一流 芥菜苦苦地好正！煲內加入蝦米煮用 令湯底更鮮✨胡椒鹹菜鮮豬肚湯 ($78)鮮豬肚大約有3-4舊 爽口厚身😳湯略鹹左少許 如果淡一點會便好～

又到送出手信時間，友人知我食咗無數咁多日本嘢，今晚一於轉口味去食潮菜，近佢屋企附近嘅呢一間。裝潢走古典路線坐底無耐，侍應送上”歡迎茶”，先飲兩杯再慢慢睇下食咩。未開飯先飲湯，有請護國菜 ($68) 出場………………..成碗賣相有點似開心果露，面頭再加少少乾貝絲。入口首先食到菜味 (菠菜?!)，之後再到魚肉味，感覺相當有營養及幾飽肚。另一客湯係聽個名覺得應該有D料到嘅二十年老菜脯燉鮮豬肚湯 ($78)入口熱度十足，個老菜脯已變成黑色及質感軟腍，咸味依然; 豬肚就燉至軟滑，再飲埋啖湯，味咸鮮，係溫和版嘅胡椒咸菜豬肚湯。要食魚飯，唔一定要馬友/烏頭嘅，呢客係大眼鷄魚飯 ($398)，原條連皮用鹽油水浸熟再放涼就食得。都唔細條呀，魚肉已有咸味，比起馬友/烏頭呢D就無咩魚油，仲可以配埋個普寧豆醬點食，用嚟食潮州粥岩岩好。潮菜中不能缺席嘅滷水鵝片 ($188) 上枱啦………………以滷水豆腐放底，薄身嘅鵝肉片舖上面。大部份都係肉，只有頂邊嘅鵝皮，點醋蒜水食可增加食慾。侍應推介呢客潮式魚丸肉碎煮汕頭白 ($208)，以湯浸住D食材，有點似金銀蛋莧菜D朋友。肉碎中有埋方魚碎，加埋個娃娃菜跟芹菜，啖湯都清

鰂魚涌美食太多，同事前排lunch去食陳儀興，佢打包咗啲嘢返嚟，又真係幾好食😋所以我決定今晚約朋友去呢度食生日飯！6:30時段，係冇乜人，真開心，靜靜地唔使嘈！一座底，就有功夫茶俾你飲🥰茶味甘醇，回甘。今日我哋食嘅，有湯有飯有粥，有冷盤，有熱食，等我介紹下先。。。大眼雞魚飯唔好以為有飯，其實係冇嘅！意思係，魚肉多到似食咗碗飯咁解😂賣相滿分，師傅好細心，切埋一舊舊俾食客方便進食！肉質鮮嫩雪白，又唔太咸👍🏻滷水拼盤(大腸，生腸，墨魚，腩肉，元蹄)滷水好入味，大腸，生腸都好爽滑，乾淨！墨魚切到好薄片，入口好爽脆！腩肉肥瘦適中，又爽口！連底塊豆腐都好軟滑！潮式魚丸肉碎煮汕頭白魚丸彈牙又夠味，一啲都唔腥。二十年老菜脯燉鮮豬肚湯個湯夠哂火喉，好清甜！豬肚爽又夠滑！最後叫一碗潮州粥+一碗白飯超滿足😍

有朋自遠方來，應該幫佢洗塵，食個晚飯見見面。友人從加拿大返港，對中菜非常懐念，所以訂了一間潮州菜館聚一聚。先來一杯工夫茶，回味甘喉，醒！潮州凍馬友魚骨不多，啖啖肉，有少少鹹味，跟白粥一流。二十年老菜脯燉豬肚湯聴講老菜脯非常有蓋，可促進益生菌在腸內繁殖，當然要試吓。湯底清甜，不是老火湯那麼種濃稠，比較喜歡。肚肉苦瓜煲有苦瓜，冬菇，炸䔉和肉排，所有材料吸收到苦瓜嘅甘苦味，清熱，好味。芋蓉原隻帶子好大粒啊！外酥內軟糯，芋香滿溢，帶子嫰滑，滋味。

之前已經食過陳儀興幾次，依然念念不忘。除咗一般潮州菜館嘅海鮮同小菜，仲提供咗好多特色菜品選擇，難怪總可以見到好多年輕人光顧🙆‍♀️𝗕𝘂𝗯𝘂推介🔥👍 招牌鵝三寶滷水鵝三寶係我呢餐最鍾意嘅菜式，自己一個人就食咗大半盤🤭滷水鵝肉質鮮嫩，鵝肝口感細膩，鵝腸彈牙有咬口，淋上滷水汁，每一口都可以品嚐到正宗潮州風味。👍 普寧豆醬煮海魚豆香滿溢嘅豆醬同鮮美嫩滑嘅海魚完美結合，醬汁濃郁可口。唔會太多骨，大人小朋友都啱食。👍 潮式魚丸肉碎煮汕頭白潮洲經典菜式，將魚丸同肉碎煮埋一齊，口感豐富。加上汕頭白嘅清香，係一味清新又充滿層次感嘅菜式。👍 二十年老菜脯燉鮮豬肚湯湯品係潮州菜嘅一個重要部分，呢味二十年老菜脯燉鮮豬肚湯，鹹香適中，胡椒嘅味道恰到好處，令人回味無窮。📍陳儀興尚潮樓鰂魚涌英皇道1001號7樓1號舖

今日放工後相約朋友吃個晚飯我們都有點久違潮州菜的味道在公司附近就找到這間陳儀興一坐下店員便為我們奉上功夫茶做法和舊式潮州菜館無異茶味濃郁回甘為晚飯揭開序幕我們點了大眼雞魚飯魚飯者乃潮州人以魚作飯用鹽水蒸煮的大眼雞保留了魚肉的原汁原味開了邊的魚身啖啖肉再沾上普寧豆醬更提鮮不少再點了招牌鵝三寶三寶包括鵝件鵝腸鵝肝豆腐鵝件肉味濃且不會死咸鵝腸新鮮爽脆鵝肝嫩滑再點了乾貝春菜煲簡單煮法帶出春菜獨有的清新我們都點了胡椒咸菜鮮豬肚湯微辣的胡椒配上咸菜豬肚的惹味味道剛剛配合到恰到的好處再加上兩碗潮州白粥為這頓飯畫上完美的句號

《正宗潮式風味😋》———————————————-#陳儀興尚潮樓 ✨-早排同公司同事聚會，喺太古坊附近搵咗呢間正宗潮州菜😙 店面裝潢典雅，地方寬敞，而且店員服務好，餐前餐後都會提供功夫茶，清清腸胃😋-🍲 鹹菜花蛤湯花蛤鮮味十足，湯底帶有番茄同鹹菜嘅味道，入口清新，咸咸酸酸，十分開胃😆-🎣 頭抽煎英䱽魚肉起哂骨，啖啖肉，頭抽煎香完帶出魚肉嘅鮮甜，肉質肥厚嫩滑，感覺惹味，好啱配個白飯或者潮洲粥嚟食💕-🦆 滷水鵝片滷水汁香濃，帶有微微嘅五香味道～鵝肉亦好嫩滑唔鞋，再以豆腐墊底，吸哂啲精華😝 鵝肉切片均勻，一口size，好貼心😘-💚 乾貝春菜煲春菜煲又係另一個潮州菜必食嘅菜式，熱辣辣原煲上，春菜爽口回甘，而且非常有益，有清熱解膩嘅功效😙上面仲有滿滿嘅乾貝，認真足料☺️-⭐價錢參考：（另收茶芥加一）頭抽煎英䱽：$488滷水鵝片：$188乾貝春菜煲：$128鹹菜花蛤湯：$78🍌抵deal 指數：7/10💰人均消費：$450

平時聽到潮洲菜都麻麻地，今餐跟胡總打機見坐得舒服就GO！一坐低我地就獵人上身係咁屠龍，店員識做自動斟茶遞水之餘仲推薦埋菜單, 胡總一聲「好」就等食。一上菜真心令我驚訝，估唔到擺盤咁靚仲超好食，完全打破咗平時對潮洲菜嘅印象。其中我最鐘意馬友，切好晒一件件唔怕哽魚骨，而且滑捋捋入口化開滿口魚油香，眾獵人都讚不絕口！【Monster Hunters屠龍小隊晚餐】1️⃣凍馬友魚 398HKD2️⃣凍大眼雞 398HKD3️⃣鵝三寶 298HKD4️⃣咸菜胡椒浸台山蠔 268HKD5️⃣潮州魚丸肉碎煮汕頭白 228HKD6️⃣乾貝春菜煲 128HKD7️⃣二十年老菜甫燉鮮豬肚 156HKD x28️⃣鹹菜花蛤湯 156HKD x29️⃣鐵觀音 15HKD x410%服務費

今次去咗鰂魚涌食潮洲菜，呢間餐廳食潮州菜都幾有名，竟然俾我發現港島區都有分店，咁緊係要去試下！頭抽煎英䱽英䱽煎得十分香口味道，入口外脆內軟，感覺似食緊燒鰻魚，非常吸引。芋蓉原隻帶子賣相似傳統點心蜂巢芋角，但裡面包住一隻帶子，帶子厚肉大隻，咁樣配搭又幾特別。潮式魚丸肉碎煮汕頭白 魚蛋配搭肉碎、瑤柱絲、芹菜同生菜，魚蛋爽口彈牙，非常清新嘅配搭。二十年老菜脯燉鮮豬肚湯 豬肚新鮮軟嫩，湯汁清甜，不禁一口接一口。

餐廳位於著名嘅鰂魚涌怪獸大廈隔離嘅一動全身嘅商廈入面，餐廳嘅裝潢帶啲中國風，環境舒適。鐵觀音，一坐低職員即刻送上鐵觀音功夫茶俾我哋歇一歇腳，很是窩心。頭抽煎鷹鯧，鷹鯧屬於鯧科，係出名嘅上價魚，為香港常見3種鯧科魚中體型最大，全年皆有，並無人工養殖，所以街市見到嘅必定係海魚，體型由10両至5斤不等，價錢當然係愈大愈貴。鷹鯧肉多而肉質結實，魚味香濃且魚油豐富，係鯧中之王。廚師將厚身嘅鷹鯧起肉，每一片煎香咗嘅魚肉都同頭抽充分咁融和，加上面頭少少紅青椒粒作點綴，絕對係必點嘅項目。潮州凍馬友，呢度嘅凍馬友賣相精美，堪稱係我食過嘅潮州菜入面最靚嘅一條，馬友肉身細緻，嫩滑肥美，配合上恰到好處嘅鹹鮮味，我個人覺得連普寧豆醬都唔需要點，淨係用佢本身個鹹鮮味道嚟餸粥已經係極品。招牌鵝三寶，三寶分別有鵝腸、鵝肝和鵝肉，呢度嘅鵝腸同埋鵝肉真係做得非常出色，鵝腸新鮮，口感爽彈，每一口嘅咀嚼都係鮮香嘅鵝油脂肪味道；鵝肉極其嫩滑，滷得非常入味，淨食本身都已經係一個極致嘅享受，點埋個打冷醋同埋個潮式辣椒油簡直係如虎添翼。豆醬炒通菜，豆漿同通菜呢一個組合唔係咁常見，但係今次佢地嘅合作完全沒有違和感，配合住新鮮爽脆嘅通菜

今日帶大家黎試下e間出名嘅潮洲菜館☺️最近佢地係太古開左新分店，座位同裝修都好闊落😍同埋有大圓枱同卡位😆店員奉上功夫茶，茶香撲鼻🤭最後食完飲都會有功夫茶做結尾😆睇下菜式入面都有唔少傳統手工菜🥰🌸大眼雞魚飯，大眼雞肉質香滑，店家已經起左骨，所以啖啖肉🥰點埋秘製醬汁更野味👍🏻🌸滷水鵝片，鵝片香噴噴又入味，重點係片得簿簿🥰口感唔會膩，果然係招牌菜😆🌸方魚炒芥蘭，芥蘭苗帶香香蒜味帶魚香🌸鹹菜花甲湯，花甲湯係由大花甲烹製而成，味道帶鮮甜，鹹菜份量剛好令到味道更上一層

坐低先奉上了功夫茶，為一餐飯做好預備~ Menu 都有好多嘢要啲時間慢慢揀下~精挑細選咗以下幾味:鵝三寶（鵝肉，鵝肝同埋鵝腸），呢個滷水好食~鵝肉唔鞋又夠曬入味，鵝肝好香好絲滑完全唔會一口粉，鵝腸爽口唔太肥但依然甘香，連墊底嘅豆腐都唔錯。點少少點醋相得益彰汕頭煎蠔烙 好脆卜卜，份量十足啊！而且鮮味唔油膩蠔仔方魚肉碎粥 蠔仔飽滿，加埋方魚嘅調味令粥底更加鹹鮮然後我哋想叫個菜，春菜未食過就問下姐姐係咩嚟，之後佢話係苦苦哋澀澀哋㗎… 咁我哋怕苦就要咗沙茶牛肉炒芥蘭，個芥蘭雖然爽脆但係都係苦嘅 😂 成個蔬菜menu 苦瓜， 春菜， 芥菜，芥蘭都係苦嘅… 唔知係咪佢哋嘅潮州特色啦。沙茶牛肉幾好食而且都多料但淨食就就有太鹹口（配飯可能好啲）===========吐糟分隔線============食物都正常，但埋單時一開始碌錯咗 card... 幾百蚊變咗二千幾，睇到眼都突同嚇到個心到離一離，食飯如果唔 check單同碌card單嘅就大鑊啦。依家越嚟越多分店，食物 Ok環境係靚咗 （敗筆係要去店同層個商場廁所，然後個廁所係沖唔都水 -___- 但呢個唔關間舖事嘅）但反而個感覺無以前新蒲崗嗰時咁開心，