魚眾不同酸菜魚 (紫荊樓)

Open Now

Now Closed

個人對酸辣情有獨鍾，知道元朗有間以酸菜鍋為主打嘅小店，就決定試試！😋🌶🌶酸菜金湯鱸魚片萵筍豆腐薯粉$70湯底用雞湯熬成，色澤金黃。酸菜特多，夠酸之餘辣味後勁凌厲。魚片滑口、厚身，盡吸湯底精華，而且份量得多一碗吃到底仲撈到好多塊魚片😋 萵筍爽甜，配上滑溜嘅木薯粉，食到不同口感。🌶🌶🌶青花椒酸菜湯墨魚片豆卜旺菜米線$79青花椒嘅麻辣味好重，辣度比酸菜金湯強勁，喜歡麻味朋友值得一試。墨魚片肉厚、彈牙、細嫩，不會入口難嚼。豆卜同旺菜很掛湯，吃下去充滿椒香辣味，十分過癮。食店分樓上樓下兩層，地方光猛闊落，洗手間都好乾淨。多人同枱食可以叫佢哋嘅大鍋酸菜魚，人少可以分開叫一人系列，自行選配湯底、主食(鱸魚片/生魚片/山城毛血旺/龍利柳/墨魚片/肥牛)同兩款配菜，值得一提有黃喉同毛肚兩款其他食店較少有的選擇，下次再食一定要試。😋

任君選擇一人套餐酸菜魚一人份系列🐟鱸魚片$70麻辣濃湯🌶🌶🌶贈送美食兩款 金菇菜、娃娃菜贈送主食一款 軟滑米線最吸引嘅係上菜嘅時候竟然係湯同米線分開咁上，完全唔會因為浸得太耐而令到啲米線林晒，首先個湯底完全湧現晒麻辣嘅香味，再加上配送的美食真係好足料，就咁湯底加埋配菜真係可以食到你飽晒，首先一啖湯底嗰種麻辣味真係衝擊你嘅味蕾，再加埋軟滑米線撈埋一齊食，慢慢滲出嚟嘅濃湯嘅配合真係冇得彈！慢慢一路食嗰種辣味慢慢滲入米線同埋配菜，真係越食麻辣越興奮！🐂精選肥牛$66青花椒酸菜湯🌶🌶贈送美食兩款 白蘿蔔、豆卜贈送主食一款 軟滑米線另一個就係青花椒酸菜湯，佢嘅酸味比較重反而辣味就係小辣程度，配菜揀咗白蘿蔔同埋豆卜呢兩個都係入味嘅精選，蘿蔔已經淋晒入晒味，今次我反而鍾意成個米線倒落去，每一口嘅米線都充滿着酸菜嘅小辣味，真係至高嘅享受，如果再想食辣少少可以夾埋去嗰個粒粒嘅青花椒一啖咬落去，包你酸辣嘅感覺即刻衝上頭！跟餐飲品：🥤可樂 $6🍋凍檸茶 $6📍魚眾不同酸菜魚 (紫荊樓) (元朗)元朗教育路61號紫荊樓地下K號舖任君選擇一人套餐酸菜魚一人份系列🐟鱸魚片$70麻辣濃湯🌶🌶🌶贈送美食兩款 金菇菜、

由於同友人好耐冇食過酸菜魚，於是今日走黎元朗試吓呢間「魚眾不同」。我們點了兩份一人套餐，我點了一份是不辣老壇酸菜墨魚片（配豆卜、薯仔和薯粉），朋友就點了檸檬酸菜鱸魚片（配腐皮、黑木耳和薯粉）。之前都沒有試過酸菜墨魚片，今天一試發覺原來酸菜湯配墨魚片也很夾，墨魚片不單新鮮，而且切得厚度適中，不會有韌的感覺，而且浸在酸菜湯裏面也頗入味。另一份檸檬酸菜魚，在原本的酸菜湯上再加入檸檬，好像又進入另一個層次，十分醒胃，而且鱸魚片亦新鮮爽滑，鮮味十足，另外我們亦跟餐各加6元點了兩杯飲品。

🐷🎈元朗一個人都可以平食酸菜魚😍🐟💥老壇酸菜湯鱸魚片 配米線 $70好食指數：🐷🐷🐷🐷🐷🐷🐷7/10回頭率：🐷🐷🐷🐷🐷🐷6/10平時食酸菜魚都要搵齊幾個朋友，叫個至少200幾300蚊嘅超大碟酸菜魚，突然想食又唔係咁易約到人一齊食喎！而呢間餐廳就主打一人份量套餐，$70就可以食到份量十足嘅酸菜魚啦🐟🐟除左魚之外，湯底都有好多選擇架，單單酸菜湯效面都有檸檬酸菜湯、老壇酸菜湯、青花椒酸菜湯、酸菜金湯、不辣老壇酸菜湯，亦有辣度之分。套餐仲跟主食另上，可以揀白飯🍚、米線🍜、薯粉。亦可以揀配菜🥗，例如有豆腐、萵筍、白蘿蔔、金針菇、娃娃菜等等。我揀呢個老壇酸菜湯，辣度只係最低級，不過就唔係好食到辣味。但比想像中唔夠酸，就咁食啲酸菜都唔太有酸味。湯底整體而言較重味，有幾香蒜味🧅。但配埋米線食亦唔會覺得太咸，而且其實送飯幾正🙌🏻魚片方面份量都唔少，至少有10塊以上，值得一提佢完全冇腥味，調味亦可以，但唯一不足係我搵到有魚骨🦴。配料揀左豆腐皮同萵筍，味道都唔錯。整體份量都好大份，主食幾乎一半都食唔哂🙈💥麻辣濃湯精選肥牛 $66好食指數：🐷🐷🐷🐷🐷🐷🐷🐷8/10回頭率：🐷🐷🐷🐷🐷🐷🐷7/10比起酸菜湯底，小

餐廳專做酸菜魚類別的食物，足足有八款湯底：香辣、酸菜、檸檬味、青花椒、老壇、麻辣、香辣和蕃茄味任君選擇。一碗米線嘅價錢就可以食到好正宗嘅酸菜魚。🤩當日叫了招牌老壇酸菜牛肉和不辣酸菜魚，以陳年老缸酸菜配上特製濃湯，再加鮮甜美味嘅魚片，酸酸辣辣口味，一食上癮。😋而每碗都可選擇兩款餸菜，再贈送主食一碗，可以選擇米飯，米線，手打薯粉，份糧十足。酸菜魚普通版用的是龍利魚柳，亦可加錢升級版食生魚。根據店員推薦點了生魚片，肉滑厚實，魚肉比起牛肉更有驚喜。現在百物騰貴，原本以為幾十蚊一碗酸菜魚份量不會多，點知無論主菜和配菜份量很足，味道亦不錯，魚肉很滑，難怪晚市坐滿人。👏🏻其實以單一的店舖來說，專做酸菜魚，所以味道方面都有一定水準。店員亦很友善，會關心口味是否適合，場內冷氣亦十分足夠，怕熱既朋友都需要怕。喜歡食酸菜魚的朋友不容錯過!✅推薦3.8/5味道3.8/5環境3/5服務4/5價錢4.5/5

本身諗住落元朗食生蠔嘅，但係冇訂到位，點知一去到嘅時候門口就10分多人，咁好啦諗住食其他嘢啦，點知戇居居咁樣行到去呢間舖頭嘅門口，俾佢嘅香味吸引咗入嚟，諗住試吓啦點知一食個湯底係超正

放工屋企無煮飯, 所以搵d平價d既餐廳食飯, 見呢間價錢都幾OK, 而且比較少見有一人份量既酸菜魚食, 就入去試下!簡單既裝修, 空間幾大, 仲有2層, 坐得幾舒服!睇餐廳名都知呢間主打食魚, 當然叫個酸菜魚食下!叫左個老壇酸菜湯鱸魚片薯粉 ($70), 另外會免費配2款配菜, 我揀左豆腐皮和金茹。老壇酸菜湯有少少辣, 主要酸菜多, 個辣度可以揀唔辣, 少少辣或者正常, 我就叫左少少辣。呢個辣一開始食無咩野, 但愈食愈辣, 好耐辣個種, 唔知點解明明好辣, 但愈食愈上癮。因為愈食愈辣, 所以叫左2杯飲品, 紅豆冰同蘋果咸梳打。蘋果咸梳打好解辣, 幾岩夏天飲!另外佢既魚都好滑, 而且無骨, 好岩我呢d懶人食!不過雖然無骨, 但個人認為食任何魚都係要小心d!花膠濃湯雞煲 $68$68黎講算幾抵食, 仲要有花膠, 雖然唔可以話係好貴價既花膠, 但呢個價錢算係唔錯!雞件都幾多, 大約有7-8件。個湯有d杞子, 幾好飲, 飲完又唔會口渴, 送飯食幾好。餐牌都幾多選擇!

「魚眾不同」聽人講就講得多，在脫牙前終於去試左～酸菜魚都有4款味揀，有老壇酸菜魚、檸檬味酸菜魚、青花椒酸菜魚及金湯酸菜魚！一分錢一分貨是硬道理，所以加了十多元升級生魚片套餐（$69）配青花椒酸菜魚，青花椒湯底以新鮮的青花椒和秘製湯底製成，麻味突出，最堅嘅係增送的配菜兩款，我選了萵筍及豆腐皮，份量極多，大碗內的全都是餸，米線薯粉白飯三揀一是另上的，真心覺得好抵食！不過我更喜歡金湯酸菜，酸味出d開胃d! 呢碗我哋揀左牛肉（$66），金湯以28種香料製成，麻鮮兼備，湯味濃郁！配飯配米線都不錯！不過我都係鍾意生魚片多d!+$6凍檸茶 +$10 凍鹹檸七整體都係性價比高，街坊飯堂之選呀！

超抵食！與眾不同的「魚眾不同」酸菜魚！天時越來越熱容易無胃口，想食「重口味」少少嘅嘢，酸菜魚一定唔可以錯過啦！酸酸辣辣十分開胃！😉我同朋友都係十分鐘意食酸菜魚，今日特登入元朗嚟食呢間酸菜魚。🐟魚眾不同 係同事推薦嘅，酸菜魚十分出色，咁我哋就試下酸菜魚到底有幾與眾不同啦！😝餐廳環境唔錯，乾淨闊落，坐落都幾舒服，仲有二樓。Menu見到都有好多唔同嘅菜式，每一款都好吸引😍見到一人份量系列，有一款主題+湯底+贈送兩款美食+贈送一款主食，好豐富。仲有辣同唔辣可以揀，就算食唔到辣都可以食到酸菜魚！😊🐟鱸魚片+老壇酸菜湯+白蘿蔔+黑木耳酸菜魚真係好大碟呀！有辣椒與花椒等辛香料，辣度適中，唔會辣到食唔到😄最緊要係份量十足呀！！除咗有鱸魚片同酸菜之外，仲有其他配菜，白蘿蔔好腍，黑木耳爽口，裡面仲有萵筍爐魚片魚肉十分嫩滑，而且幾乎食唔到魚骨，亦完全沒有魚腥味酸菜魚一定要飲酸菜高湯，又酸又辣亦飲到鮮甜滋味，好好味呀！😆🌶️山城毛血旺+萵筍+金針菇除咗酸菜魚之外，毛血旺亦都係特色川菜之一，毛血旺份量都好多！😱係麻辣口味，辣度會比酸菜魚再辣少少裡面有大大塊又爽口嘅毛肚、嫩滑鴨血、芽菜、肉腸，加埋送嘅萵筍同金針菇，

不嬲都超鍾意酸菜魚！今日試左元朗開左冇耐既魚眾不同, 有一人套餐 自己一個突然想食酸菜魚都得🤩 食物質素有驚喜, 坐得舒服, 整體cp值好高！！🦁️ 湯底｜✅ 老壇酸菜湯 | 青花椒酸菜湯雖然睇落唔係成堆辣椒 但兩個都夠酸又夠辣🤩 後者多d花椒麻味 更惹味🦁️ 主菜 ｜✅ 生魚片｜肥牛魚肉夠嫩滑, 肥牛都唔錯～🦁️ 配菜✅ 金針菇｜豆腐 ｜大豆芽｜肥腸｜毛肚蔬菜類份量都幾多～ 肥腸夠晒肥🤩 毛肚爽口🦁️ 主食｜白飯 薯粉我自己鍾愛薯粉多d, 份量好多 吸晒湯🤩 不過比白飯會辣d!🦁️ 飲品｜菠蘿梳打特飲｜利賓立梳打特飲兩個都好fresh 解辣, 比較鍾意菠蘿！-🦁 魚眾不同酸菜魚元朗教育路61號紫荊樓地下K號舖天水圍天秀路8號天一商場2樓2060號舖九龍灣沐寧街8號啟德一號(II)1樓A號舖🦁 人均消費：<$100｜推介：❣️❣️❣️❣️/5

媽咪一向都幾鍾意食酸菜魚，所以間唔中都會同媽咪去唔同嘅餐廳試吓佢哋嘅酸菜魚有時食酸菜魚都幾貴，因為通常都好大盆，要多人一齊食，呢度嘅酸菜魚有一人份量，仲有好多款唔同嘅湯底可以揀，而且主類都有得選擇，除咗原來仲有墨魚、肥牛同埋毛血旺媽咪就叫咗個鱸魚配老壇酸菜湯，價錢仲可以選擇2款配料，我地叫左豆腐同埋蘿蔔！個酸菜湯底味道好濃，辣度都適中，至於魚既份量呢個價錢黎講都叫OK個手打薯粉既口感Q彈另外仲叫左個口水雞飯，唔算好辣另外加錢可以配飲品，整體黎講都可以

老壇酸菜魚生魚片 $69唔知點解我覺得食酸菜魚一定係生魚片先好食，所以我揀咗生魚片，當然生魚片冇令我失望佢可以揀兩款嘅配料，我揀咗我最愛嘅萵筍同埋薯仔，重點佢唔會浸到林晒，偏爽口🥰🥰。雖然佢好多辣椒但係我食落唔會話超級辣我接受到,而且有我最愛嘅蒜係入面，個湯底唔算話好油👍香辣牛肉 $66碗湯一嚟都睇到好紅，但我覺得佢都唔算話真係好辣，想食得更加辣好似可以叫佢加辣。呢個我哋揀咗萵筍同埋豆卜，佢個紅薯粉分開放我覺得值得表揚，因為平時食呢啲嘅時候多數會放埋碗野入面，但薯粉浸左落湯好快就會脹，變得冇咁好食，所以我覺得佢分開放幾好 ，俾我呢啲食得咁慢嘅人食幾多落幾多都唔會脹曬💕去嘅時候都幾多學生，可能咁啱我撞正放學時間。而且啲店員都幾nice,絕對唔係平時啲阿姨嘅態度，仲同我哋講話如果辣嘅話可以俾啲水我地過，好窩心🥰🥰🥰可能我講嘢太大聲，咁啱好似見到老細行過黎同我傾偈，佢同我講話嚟緊會出餐牌多好多唔同嘅嘢食，我竟然第一下係俾佢個餐牌吸引咗，佢話我係第一個見到餐牌嘅人🤣🤣 但我真係超級鍾意佢個餐牌，雖然呢度食嘅嘢唔係話好高級，但個餐牌係俾我覺得好用心同變得高級。下次我想試佢個炒飯同埋煲仔飯❤️❤️

⭐️老壇酸菜魚 $56好驚喜！好好味！酸味辣味都好平衡，魚塊幾滑而且都唔少。性價比超高，重可以揀兩款配菜，我揀左豆卜同娃娃菜，試左豆腐都好味。薯粉少少煙韌，有口感。加一杯咸檸樂，完美！

📍 魚眾不同酸菜魚（元朗）位於元朗嘅一間酸菜魚價錢十分之平民😙一碗米線嘅價錢就可以食到好正宗嘅酸菜魚，啲姨姨仲有啲譚仔阿姨feel添😆〰️ 佢嘅舖頭裝修都好有大陸舖頭嘅感覺，好清好簡單😂令我未食都覺得係超正宗嘅味道🙏🏻———————————————————🍜 老壇酸菜魚 $56佢原本酸菜魚嘅套餐就係龍利柳，但我揀咗轉生魚片套餐$69～可以揀兩個配菜，揀咗萵筍同埋娃娃菜配手打薯粉～呢個食落嘅味道就係酸酸帶少甜嘅酸菜魚湯底，其實我一心係好掛住太二嗰種酸菜魚湯底嘅味道而來，但係我唔知嗰種湯底叫咩所以就慢慢試啦～ 講返呢個湯底先，雖然冇咩麻辣味道，係一種辣椒乾嘅辣味，但係都好夾酸菜魚同埋個薯粉，因為我嘅習慣每食一啖魚同埋薯粉都要飲一啖湯😂 佢雖然辣但係唔會搞到我係咁咳🥵 薯粉好有彈性！而且一放落湯就咁夾起食都好索湯，其實基本你唔特登不多一羹湯黎送佢都好夠味道～啲生魚片唔腥又完全冇骨食落超級安心😙💪🏻不過魚片嘅數量好似有啲少😭不過萵筍同埋娃娃菜嘅數量都十分之多😆〰️🍜 青花椒酸菜牛肉 $66呢款就配左薯仔片同埋豆卜😆 呢個湯底就係有啲麻辣味同上面嗰個湯底完全唔同，青花椒嘅麻辣味會重好多，食落都辣好多

突然好想食酸菜魚，叫外賣試下！嚟到仲係好熱辣辣，嗌咗4隻唔同味，全部跟薯粉！青胡椒酸菜生魚片: 辣得嚟唔係得死辣，食得出胡椒粒嘅香味，再加埋酸菜嘅酸，勁開胃，魚好新鮮，冇晒骨啖啖肉，高汁！金湯酸菜生魚片: 特登上網 check 咗咩係金湯，見好招牌感覺，食落感覺油過青胡椒，麻味冇咁重，但多咗其他種類嘅鹹酸菜，多咗小小酸，整體係好食嘅，中意偏酸嘅人可以試下！老壇酸菜生魚片: 呢個較失望，佢似淡化版嘅青胡椒，但冇咗胡椒味，酸菜又唔多，食落好油膩！麻辣酸菜生魚片: 睇餐牌呢個似乎係最辣嘅，但食落佢反而冇青胡椒咁辣，麻辣味好香，食落似火鍋湯底，睇落頗油膩，食就唔係好覺，整體係好食嘅，中意食麻辣火鍋一定要試！總括嚟講，酸菜魚高汁，cp value 高，經過不妨一試！