鳥元炸雞專門店

Open Now

Now Closed

每次經過見到鋪仔細細，賣炸雞！仲要係KFC隔離，會唔會做唔住！為左保住尼間出色小店！我要寫返個食評！因為佢既炸雞係我食過既最出色！！我叫既係下午茶，炸雞一件架三粒章魚丸，加一罐可樂（不過我加2蚊飲日版CC lemon).價錢30蚊，比隔離下午茶係貴DD, 份量上係較少。不過味道真係好出色（炸雞）先講章魚丸，食落好熱既。唔會係放到凍晒淋晒，當然章魚粒冇日本大阪個D咁大，味道都唔錯。特別灑係上面既木魚絲！好味（本人最中意食）整體上叫唔錯，不過細粒左D, 入面有少少菜，同埋較脆身。炸雞！！ 真係好好食，第一下咬落去！脆！！ 再咬深D, d雞汁標出黎（係皮脆肉嫩）！雞肉入味，唔洗點任何調味！食落唔油，一定唔會食滯！ 唔會有脆漿炸粉（似係生炸），但係較細件！ 真係食完一舊唔夠！想再食！為左支持小店！ 要出一出食評呀！有質素！大家經過要支持下！同埋見老闆好似接外賣，可以打去落單，因為堂食係冇咩位。

元祖鳥元炸雞 $38性價比極高，4件大大塊炸雞只係$38，仲要即叫即炸，熱辣辣等一陣都值得啦，炸過都好多肉汁勁 juice 又嫩滑啖啖肉👍🏻👍🏻真係好好食🤤值得推介！！芝士蝦餅 $22蝦餅中間有芝士餡，分開兩邊芝士仲可以拉到絲，鐘意芝士既要來試下啦！當然芝士蝦餅都係即叫即炸！記得要等下啦！😆另外仲有支自家制日式冷泡茶可以解下油膩，食得多炸嘢飲一啖即刻舒服曬！大家不妨都可以一齊試下，味道似焙茶，唔會太濃，都唔錯！間舖我之前都有經過，岩岩新開無耐得企位，依家就多左D高身枱櫈，可以坐低慢慢食

已經好耐冇行過悦來坊，發現原來尼到開左間食炸雞嘅鋪頭。其實尼間鋪賣嘅野食同隔離嘅KFC有少少似，都係主打炸雞，然後有d飯同小食。我地兩個人叫左兩個餐。一個餐有炸雞，有飯，仲有汽水都只係38蚊，幾抵食。咖哩飯同忌廉雞皇飯正常，但冇咩特别。醬汁同料都幾多，而且飯嘅份量比想象中多。炸雞的確幾出色，因為係落單先炸嘅，所以食嘅時候一定仲係熱嘅同脆嘅，而且調味岩岩好，真係幾好食，如果再大件少少就好啦。但芝士春卷就比較失望，4條細細條，裡面嘅芝士算多，但吾溶亦吾係拉絲嘅，芝士味吾重。因為係小店，兩個人要負責曬廚房、收銀、出餐同樓面嘅野，所以大家食完最好自己執枱。

夜晚想食KFC 條隊排好長 就試下隔離呢間野 ，我地兩個人叫左忌廉雞皇飯同免治牛肉飯再加炸雞🍗先講講免治牛肉飯- 一定好味過大家樂唔係太鹹，剛剛好，幾好送飯.至於忌廉雞皇飯-外表似kfc 嗰個，不過足料好多，值得一試最後炸雞-招牌菜 外面脆入面好juicy ，一個餐有兩件，都幾大件，野飲包可樂，可以加錢要其他.支持平價小店大家不妨試吓不過唯一唔好就係啲櫈唔係幾好坐可能我自己又大住個肚，坐高櫈唔係幾舒服同埋坐位比較少不過方便快捷

行到邊食到邊～荃灣。約朋友吃晚飯。還未人齊便四處走走。忽然肚餓又不想吃太多。便四處找找有沒有輕食的下午茶☺️看到鳥元門外宣傳海報有炸雞下午茶。便決定試試。-HK$28鳥元炸雞（1件）+章魚燒（3粒）配可樂～全部即點即做，全部新鮮熱騰騰。炸雞外層炸至薄如紙而脆卜卜又不太膩，咬第一口🐔肉汁滿瀉，肉質嫰滑，味道不太鹹。味道與日本地道居酒屋的感覺一模一樣🤩。章魚燒三大粒，一口咬下去，與醬汁融合起非常惹味，內帶點香糯又彈性。-HK$24鳥元炸雞（1件）+北海道南瓜餅1件另加HK$2配冷泡茶～北海道南瓜餅金黃色的外層，脆脆酥酥,蜜糖甜的南瓜又保持濕潤感覺👍🏻。冷泡茶的茶色是清澈明亮，茶味更清甜沒有苦澀味，炎熱夏天呷一口冷泡茶那種「透心甘」感覺令人趕走悶熱感。-餐廳是立食概念，方便食客速食速決或外賣自取。另外有高櫈給客人坐。最可愛擺設有熊本熊及仿真度極高炸雞裝飾品。還提供免費叉電🤩。店長非常🈶️禮兼又高大威猛又靚仔又男人味。背面便是靚仔店長😚。如果沒有時間去日本走一轉，來這裡也吃到🇯🇵的味道😍。-🍗:鳥元炸雞專門店📮：荃灣荃灣街3號悅來坊商場地庫一層B 108-

我叫左個北海道芝士忌廉雞皇飯嘅炸雞套餐，再加左兩款小食，芝士春卷同章魚燒。首先講個雞皇飯先，個飯係叫完之後即刻拎到，個飯同d汁嘅份量啱啱好，而且可以聞到芝士嘅香氣。個汁裏面有雞肉絲、紅蘿白、薯粒，全部都煮到好軟熟。再黎係炸雞，炸雞同其他小食都係即叫即炸，所以佢哋會一齊出，而炸雞出面嘅粉漿係薄身嘅，唔會好厚，d雞肉依然係熱辣辣，仲係禁嫩滑，禁多汁，食落一d都唔會覺得乾同柴。之後係芝士春卷，一條大概有一個手指禁長，春卷皮食落好脆，裏面包滿左芝士，咸咸地，充滿奶香。最後係章魚燒，章魚燒裏面放左大大粒的章魚粒同少少嘅菜，配埋沙律醬、燒醬同埋滿滿嘅柴魚片一齊食真係無得輸。食曬之後真係好飽，其實一個人黎叫一個套餐同一款小食就已經啱啱好。總括來講，尼到嘅cp值真係好高。

本身係想係其他地方食飯嘅，但行過見到尼到最平都只係38蚊一個餐，所以就入去試下。鳥元雖然係一間日系輕食立食店，但其實都有少量座位包括吧枱同圓枱比大家堂食。我叫左第一個餐，有兩件炸雞，一碗咖哩飯同一罐可樂。落左單一陣咖哩飯就攞得，但炸雞因爲即叫即炸所以仲要等多一陣。咖哩飯嘅配料幾多，有豬肉、薯仔、紅蘿蔔、洋蔥，全部配料都切成細塊，所以一口可以食到所有的配料。咖哩汁夠多，甜甜地，撈飯一流。炸雞攞到手熱辣辣，吾單止d肉炸到岩岩好，入味之餘，嫩滑多汁，就連外面的炸衣都好好味，脆卜卜又吾油膩，果然係炸雞專門店。我仲另外叫左塊南瓜餅做飯後甜點，尼個南瓜餅真係好有驚喜。因為都係即炸的，南瓜餅外脆內軟，十分清甜。裡面除左南瓜蓉，仲有少少綠色的南瓜皮，令個餅更有口感。我好期待下次再黎試埋個芝士南瓜餅。

係日本旅遊時已勁中意玻璃樽既富士山飲品,呢間店有勁多隻口味,仲要擺係FIGURES旁邊,勁CUTIE,我當然同朋友去左TEA一TEA啦!睇黎呢度出名炸雞,但今日都幾飽,只係想搵個地方飲杯野,所以我同朋友一人叫左一枝飲品,我飲既係GREEN TEA汽水,朋友飲既係山梨縣桃味汽水,有10%果汁的,飲汽水都飲到咁講究,皆因係日本產。哈哈。我叫左個北海道南瓜薯餅,佢係新鮮即點即炸的,正呀!真係好滾燙,南瓜蓉好好味。好欣賞呢度既下午茶餐同環境。真係好抵,有好多唔同既配搭。如果我住附近就好啦!呢度貼心既地方係仲有免費充電,一個人的話真係可以留好耐。樽裝汽水價錢真心唔貴,18蚊就有一支。呢度冇加一服務費,好抵食。

元祖鳥元炸雞+黑豚肉咖哩飯 $38之前係附近實習放lunch 同學話要食呢間 貪佢新開立食同埋夠快🤣 咖哩飯一小碗有d豚肉粒咁 似即食咖哩包既味道 正正常常冇咩特別主角炸雞新鮮即炸 要食住咖哩飯等 一份兩件 外脆內嫩 非常juicy😋 不過整體份量唔多 CP值一般 男仔一定唔飽 最有飽肚感係佢送果罐汽水🙈

嚟到荃灣行下，去到熊貓酒店下嘅商場，見到係連鎖炸雞店隔離有間同樣買炸雞嘅小店舖，佢掂裏邊只有幾張枱幾張椅，主要比客人立食及做外賣生意。見到個餐牌都幾吸引，我哋兩個就點咗一個餐加一個小食去試吓。喺門口有三個大餐牌，可以見到選擇都唔少。下午茶餐會抵食啲，但係我哋剛剛過咗下午茶時段。點左餐，攞住張飛仔，喺旁邊等左一陣。套餐嘅炸雞有三件食落去好好味！佢炸起左冇耐，外皮鬆脆，裏便啲雞肉好滑。唔會感覺到有好大嘅調味品或者味精，好味！有驚喜！章魚燒都好新鮮，配料同埋醬汁都剛剛好，外脆內軟，入邊嘅章魚粒都好彈牙。再嚟有依個牛肉飯。飯唔會好大兜，有個感覺就好似食連鎖店牛肉飯咁。牛肉飯都整得好好味，牛肉份量都算好多。另外佢嘅飯粒都好有飯香！套餐連埋一罐汽水，我哋食嘢嘅時候都係飲自己帶嘅水，我哋就拎咗可樂返屋企。呢間炸雞店整體感覺都好好，店員都服務態度好好。值得再次幫襯！

今日起悅來坊行街 發現竟然開左間炸雞店於是買左幾樣野做下午茶3點幾去到都有好多人食緊雖然話係立食店 有幾張高枱但都有好多凳款款都好吸引2個人決定叫3款野share食元祖鳥元炸雞$38/4件外表金黃香脆 炸得熱辣辣外脆內嫩 肉質滑溜好好食日式章魚燒$16/3粒燒得香噴噴 上面仲有大量木魚咬落有少少爽彈溏心蛋$9@裡面好流心 好正其實佢既下午茶餐同埋炸雞套餐都好抵食但因為有少少飽 所以冇試到下次可以再黎試試支持一下平民小店！

今日去超級市場經過見到有間叫鳥元的餐廳，而且仲要價錢好平，都忍不住在這裡叫一個餐來作晚餐，飲品有汽水和茶，最後就叫了一個套餐A咖喱飯，炸雞2件，加了$22要了冷泡茶，再加了一個榴槤炸彈，坐下等了一會食物就開始來，首先來的是飯，咖喱味好香，仲有不少肉和薯仔都好入味，飯口感不錯混咖哩一起食味道都不錯，份量都夠食，泡茶的茶味幾濃又不甜岩晒我口味，之後炸雞和炸彈就可取，炸雞沒想到那麼大件，皮好脆而雞肉好嫩，而且仲要有不少肉汁，有驚喜。榴槤炸彈不油身而且面好脆口，入面的榴槤幾滑而且好濃郁榴槤味又不假，好好味，必食，食晒之後都已經勁飽肚，好滿足，下次再食其他飯先。

日本輕食料理啱哂唔想食太多野嘅我😛價錢方面都好公道$38 炸雞🍗+咖喱飯🍛+🥤(抵食😬)$16 章魚丸子 (3粒)炸雞個雞肉又幾嫩滑😲想食炸雞又多個選擇了～～～

有時久唔久都會落荃灣，都好多野食，今次黎左呢間就係新既炸雞專門店，仲要開係KXC隔離，正式挑機元祖鳥元炸雞 (HKD 38)炸雞唔會好重調味，但新鮮滾熱辣岩岩炸起，入面好多汁，好滑，真係好脆嫩，而且一舊都唔細，全舊淨肉無骨，我自己個人就鍾意食重口味少少，如果再濃味D就更好！日式章魚燒 (HKD 16)入面唔係全粉漿，都幾足料架，大大隻八爪魚腳，味道都唔錯，唔會燒得好燶，岩哂我突然想食下小丸子過下癮北海道芝士南瓜餅 (HKD 18)最推薦這個！芝士味唔會係好鹹個隻，但成個南瓜餅好creamy，南瓜好蓉，甜甜地，成個口感同味道好豐富，我自己就好鍾意食呢個，好好味！白桃碳酸 (HKD 18)好香甜既桃味，碳酸好有汽，無酒精，拎黎爽一爽好正~

今日行完悅來aeon肚仔餓要搵野醫肚想整個快靚正既晚餐但係餐餐成kfc呀m記果d都唔係好掂咁岩見到呢到新開左間立食炸雞店,梗係即刻幫襯啦簡單快捷既菜單當然唔少得有炸雞啦價錢都相宜店內裝修都幾日系,仲有好多男生至愛既手辦模型日式咖哩飯飯既份量剛剛好咖哩味都幾濃,有少少甜甜地,同埋岩岩好吊到少少味既BB辣,係好正宗既日系咖哩用料都唔頹可以見到有好多肉,紅蘿蔔同埋薯仔另外呢個餐仲有炸雞,同埋我再叫左北海道南瓜餅炸雞即叫即炸熱辣辣而個粉漿薄到幾乎見唔到,成件炸雞99%既體積都係雞肉黎,真材實料炸雞外脆內嫩,咬落去會有D雞汁必出黎因為唔係油而係雞肉汁,所以一D都唔會覺得膩雞肉本身都醃得好入味好高水準既炸雞北海道南瓜餅炸得好香脆,南瓜味好香濃,而且唔會覺得油膩糖心蛋流心效果做得唔錯咬落口有好香濃而唔腥既蛋味