鵝頸橋四季火鍋

Open Now

Now Closed

🥢銅鑼灣 一秒回到80年代舊香港嘆特級本地手切牛 椰子雞湯火鍋🥢驚蟄經過鵝頸橋，除咗可以感受打小人嘅氣氛，對面在橋底剛剛新開了一間非常搶眼的復古香港風火鍋店，門口有兩邊大玻璃窗，空間感十足，望入去入邊就已經有一個超級大嘅花牌好搶眼，店內由杯碟到環境裝修都係令你1秒回去八九十年代，『彷彿天和地在挑選我跟你...』店內播放著八九十年代香港的流行曲，私心覺得播我男神鄭伊健係加分位❤️🥢點好菜之後店員徐徐推出住點心車過嚟，好有懷舊茶樓感覺，上面放滿了不同的調味料俾你按自己口味調配自選混醬🥢清甜椰子雞鍋 $168清甜的雞湯加上新鮮椰青，店員會先將椰青水加入湯底中，再加慢慢加入鮮雞件，灼到剛剛好就食得，呢度嘅雞真係特別滑溜，細問之下原來佢地的雞係特別用乳酪去醃製，加上椰子湯的清甜特別鮮味3🥢特級本地手切牛（小)$318打邊爐就一定要嗌本地手切肥牛，牛肉軟熟肥瘦脂肪比較適中，口感有咬口而軟熟，並且比較有牛味，輕輕一灼就食得🥢手打梅菜豬肉丸(半份）$42半份有四粒，兩個人食剛剛好，新鮮手打的肉丸味道幾得意有點似梅菜蒸肉餅咁的爽彈丸子版🥢自家製四拼餃(半份）$48四拼餃子入面有雲吞，韭菜餃，番茄餃及松露餃

一間超有懷舊風味嘅餐廳有卡位、大圓枱及摺凳、紅雙喜餐具、茶檔、肉檔打卡味十足呀！火鍋料新鮮 肉都是現切鮮豬潤更是超嫩的！.🔸餐前小食・醬料（$40/位）有鹽水烚花生、四季豆，而醬料係用推車仔裝住，自助混醬。🔸清甜椰子雞鍋（$168）店員會即席加入椰青水、鮮雞件落雞湯中，特別要讚d雞好滑！聽聞係用咁乳酪去醃（印度奶油雞都係咁醃架），難怪特別嫩滑。🔸手打梅菜豬肉丸（$82/份）👍🏻梅菜陣味好突出，豬肉口感似食實淨少少嘅肉餅，唔係溝好多粉個隻，好吃。🔸自家製韭菜餃($82/份）👍🏻通常打邊爐我一定會叫餃，d餃好食其他野都多數會好食（我嘅理論😂），哩間d餃皮又薄又嫩，韮菜中混入沙葛，又濃又爽又甜，推介。🔸本地手切肥牛（$298/大）👍🏻淨係睇個色都知又靚又新鮮，烚完唔會鞋口，軟滑得嚟牛味好濃！🔸鮮豬潤（$78）❤️連唔食豬潤嘅他都話好食！好大塊烚完好嫩，食落有少少薑味、酒香，真心正！🔸油麥菜（$32）菜新鮮爽脆。🔸川椒皮蛋（$48）皮蛋味唔算好濃，但個醬溝得好好食，咸咸辣辣帶少少酸，用嚟沾配菜都正。.🔸青島（$38）

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】鵝頸橋四季火鍋【地區】【類型】【價位】中價位【用餐時段】晚市【餐廳主打】懷舊雞煲火鍋【𝗛𝗶𝗴𝗵𝗹𝗶𝗴𝗵𝘁】以香港獨有的「鵝頸橋」為主題嘅懷舊港式火鍋，充滿香港人數十載嘅回憶─────────────────【環境/服務/衛生】。裝潢走七八十年代懷舊風。由裝飾佈置去到碗碗碟碟。都圍繞住舊時代大排檔嘅風貌.【麻辣雞煲 半隻 $168】。加入洋蔥，大蔥，蒜粒，芫茜等炒至入味。件件雞塊都沾上靈魂麻辣醬汁。吸收左醬汁嘅精華，香辣惹味。收水做得恰到好處。肉厚鮮嫩，完全冇雪藏味。食完雞煲就可以轉成火鍋lu~.【自家製四拼餃 $88】。分別有雲吞，韭菜餃，松露餃及番茄餃。雲吞：滿滿嘅豬肉餡，仲有蝦肉係入面添。韭菜餃：韭菜綠油油的好新鮮。松露餃：豬肉餡加上松露嘅加持，味道富層次感。蕃茄餃：餃餡係粒粒蕃茄，味道清甜.【A級安格斯牛小排 $228】。A級嘅安格斯牛小排果然吾同D。油花紋路分佈均勻，肉質細嫩柔嫩。厚度目測有0.2cm，不薄不厚，口感極佳.【長壽麵 $58】。成盒長壽麵，夠哂氣派😂。比較薄身，可以好好地抓到湯汁。口感煙韌，啖啖都帶到湯頭

銅鑼灣新開既火鍋店以懷舊大排檔裝修為主題 無論餐具,擺設,餐牌等都帶懷舊色彩連醬料都用點心車推出黎再配合埋八,九十年代既金曲😆 整個氛圍都好有特色👍🏻而湯底同食物都有好多款式湯底有十三款當日試左胡椒豬骨沙白鍋湯底用左豬骨熬製而成 加埋鮮甜既沙白同原粒白胡椒椒香濃郁 惹味得黎仲可健胃清熱💯仲有蘿蔔粟米🌽 真俾好足料👍🏻配料方面試左🌟手打鮮墨丸有彈性兼入口爽脆又帶魚香鮮味 加埋鹹鮮既蟹籽更豐富左口感💯🌟自家製韭菜餃呢個真係必嗌 餃子皮好薄而韭菜餡超多 味道鮮美😋🌟本地手切肥牛開放式廚房 見到師傅即切本地肥牛油花均勻 牛味濃且夠嫩滑🌟脆鯇魚片魚片肉質結實又爽脆鮮甜清香 打邊爐必食🙌🏻🌟即炸響鈴用竹簽串住響鈴賣相好得意 口感又好酥脆整體性價比好高值得一試🍲

公司附近開咗間新餐廳，晚市主打火鍋，午市有飯麵餐，今日試咗招牌雞飯 ($56)，飯係雞油飯，唔會好油，雞肉起晒骨，啖啖肉，肉質嫩滑，跟一小碟自家製豉油，味道調較得幾好，誠意之作。我同事食咖喱牛筋腩飯 ($66)，佢話啲牛筋腩炆得剛剛好，夠腍但又唔會散晒，仲有我最鍾意嘅薯仔，我見佢個咖喱汁都幾濃郁，下次要試下呢個。不過唔包嘢飲，要加錢，熱飲加 $5，凍飲加 $8。環境都幾闊落，有卡位，服務員都幾 nice，可以再去。

早幾日同朋友仔行街，12號頸橋開咗間新開嘅港式火鍋店，鍾意打邊爐嘅，我哋當然唔執輸去試吓先！呢間火鍋店嘅裝修風格，用港式大排檔做主題，無論係裝修定係餐具餐牌都好懷舊，配合埋佢哋嘅8-90年代歌曲真係打卡一流！首先我哋叫咗心太軟試吓，佢哋嘅心太軟唔係西式嘅甜品小食，而係將腐皮卷好油炸，外皮鬆脆入邊香軟，配上芝麻醬口感一流。餐廳除咗主打個各類型海鮮之外，另外仲有本地嘅手切牛肉，佢哋另外仲有開放式廚房睇住師傅即叫即切超級新鮮。湯底方面我哋選擇咗椰子雞鍋，店員喺我哋面前將新鮮椰青打開直接倒入鍋入邊，絕無欺場！雞肉方面，份量都幾多，CP值高。由於今次得我哋兩個女仔關係，所以唔係叫咗好多嘢食，我自己推介佢哋嘅大沙巴蜆，隻隻都好新鮮好大粒，入口有海水嘅鹹香，肉質仲好飽滿，絕對係必食之選。另外貢丸入口肉味濃郁，而且有肉汁，我都好推介！我餐廳我覺得都不錯吃，最啱同三五知己一路打邊爐一路傾偈，如果係八九十後既你仲會有集體回憶添，大家有興趣嘅快啲嚟試吓！

鵝頸橋四季大排檔🥘屋企附近開咗間全新嘅打邊爐餐廳，懷舊大排檔裝修！身為邊爐愛好者嘅我當然要去試下😍😍當日七點幾入座，餐廳唔算𝗳𝘂𝗹𝗹 𝗵𝗼𝘂𝘀𝗲不過好熱鬧。全餐廳都係懷舊古典大排檔設計，長期播住八九十年代經典歌曲，幾有𝗳𝗲𝗲𝗹🤣一開始店員推咗架任裝醬油車出嚟，幾特別🤣 有選擇困難症嘅我哋，好快就決定咗嗌「懷舊生鍋🍲」，包含咗𝟭𝟴款火鍋材料同海鮮，一個鍋底同一樽飲品。第一次嚟想咩都試吓，叫依個就最好不過🥰🥰 中鍋二人份量只係𝗛𝗸$𝟳𝟴𝟬。🍲湯底方面，有三款選擇仲可以選擇鴛鴦湯底。但我哋當日就加咗$𝟭𝟲𝟴，揀咗『椰子雞湯底🥥』。湯底好足料，隻雞好滑同份量好多🐥😍 椰子味再濃啲就更好。🥘食物方面⋯- 🥩牛肉有三款，分別係本地手切肥牛、手切牛小排、手切牛胸油。三款牛肉都係我鍾意嘅𝘀𝘁𝘆𝗹𝗲，重牛味得嚟唔會太肥，十分推介🙌🏻- 🦐海鮮有𝟱款：鯇魚骨腩/片、大沙白、海蝦、花枝片、鮑魚。🦐海蝦上到枱都仲識郁，十分生猛新鮮🤣🤣 🐚沙白好大隻無沙，花枝片同鮑魚都極為鮮味😋 - 🍽️ 其他火鍋材料，有我最鍾意嘅貢丸！仲要係振興濃汁版🤣🤣🤣超想𝗲𝗻𝗰𝗼𝗿𝗲！另外仲有汕頭牛丸、自家製雲吞、鮮豬什、豚肉片等等。鍾

今日試左鵝頸橋火鍋，叫左個花膠雞鍋做湯底，火鍋料未到 D 朋友已經飲左半大半鍋湯，好甜，花膠無認真數，大約有十件八件。雞大件得黎仲要好滑入味，老闆話用 XX 醃過，唔知係未秘笈，我就唔起呢度講喇。至於上檯既食料我會咁形容，實而不華，佢地無話好花巧雕龍雕鳳，純粹係樣樣都好新鮮同好高質。如果我食過一定會 ENCORE 既有 > 花膠雞鍋，響鈴，韭菜餃 同埋竹庶茅根，個竹庶茅根超清甜，一飲就知係足料煲出黎。所以整體個感覺好好，會再去的。

小編呢晚同友人又來到銅鑼灣搵食!呢晚特別專訪一間新開張仍處於試業期的鵝頸橋四季火鍋!🍲餐廳全新裝修但有種十分熟悉的親民感覺，未進入大門已好感受到那份懷舊屋邨的當年情懷🥳。外置有當年大排檔常用的鋼板大圓檯，紅潤為主色的餐椅，頭頂放置著已經十分少有的紅罩燈，就連餐具到餐紙盒都充滿喜慶的紅色!特別要一讚店主們在細節上的執著，細心一看就連古董風扇、古董鐘🕰到古董水標都盤放在餐廳的唔同角落，餐廳空間感十分理想，除左出面的卡位大圓檯，更有私隱度較高的細房及大房預訂，背景不斷播着八九十年代歌曲，真係未開餐之前D回憶已經返哂黎!📜MENU懷舊設計尋回當年漫畫級的報紙格式，食物款式非常多，13款湯底! 6款手打丸、4款自家製餃子、10款牛肉部位、10款刺身選擇、多款海鮮、火鍋粉麵配料蔬菜一應俱全!主打3款必點湯底有「金湯花膠雞」、川芎白芷魚頭鍋、胡椒豬骨沙白鍋🍲湯底點左胡椒豬骨沙白鍋絕無味精用料上乘，環境感覺很舒服一開波先來一個任裝醬料車，大大碗調味醬料由你話事點溝點配咪話唔正👍🏼🍻竹蔗茅根水(開張免費奉送) $68推介:⭐️⭐️⭐️⭐️⭐️新張期必選自家煲製清甜竹蔗茅根水!足料可口，潤肺生津清熱下火，打邊邊前先

一睇個裝修就知餐廳係走懷舊路線，我呀媽最鍾意呢啲style。當晚我地7點去到，見有幾枱客食緊野，諗住新開張所以無咁忙。點知過多陣全場坐滿曬咁制，真係好似個牌寫咁客似雲來😂其實好想嗌佢個懷舊生鍋，有2人同4人份量有成18款火鍋配料同海鮮，其實好抵食。可能當晚唔太肚餓，所以無嗌到呢個set。餐前小食同醬料麻辣雞煲(半隻) $168第一次試呢到既雞煲唔清楚個辣度，所以嗌左小辣穩陣啲。雖然唔係好麻，但醬汁夠惹味個辣度岩岩好，雞肉入曬味。仲有爆多煮到腍曬既洋蔥，我最愛😋本地手切肥牛(小) $248細份黎講佢個份量都算多，手切每塊牛既厚度岩岩好。油花比例平均，色澤紅潤，夠曬牛味。手切牛胸油(半份) $68呢個不同於平時食開既，唔會成塊淨係得肥膏，係有埋少少肉，超爽口！正！👍🏻牛骨髓 $68食牛骨髓都係食佢個口感啫。好creamy好滑捊捊😌白鱔片(半份) $584大片白鱔好新鮮爽口，抵食。潮汕牛丸(半份) $48  彈牙，牛味香濃，咬落滲出啖啖油香。皇帝菜 $48純粹鍾意佢個特別草腥味竹蔗茅根水$68清甜

懷舊屋邨裝修有點心思，不斷播着八九十年代歌曲帶領我回到小時候，我們湯底點了花膠雞湯，用的是真正乾花膠，還有很多件花膠不是出面一般火鍋店在魚檔買的一般魚肚，在剝食物前每人先喝了碗湯即時感覺感覺非常滋潤養顏點了一條加拿大象拔蚌刺身非常鮮味，頂級牛肉的肉味也非常濃郁，另外特別有一款是放在舊式漱口盅內的紙豆腐，只放在湯裏2秒就可以吃，送來的時候我還以為是以前的抹手紙雞腸也是用新鮮的，梅菜豬肉丸和餃子也不錯是自家製，這店食物用料上乘，環境感覺很舒服，要比滿分