52C Medium Rare (Closed)

那日同朋友去左佐敦試一間新開既餐廳主打牛石頭燒採用了自助販賣機型式既點餐機即係入座前要自行係部機到點菜, 好似日本D拉面店咁但都有個店員係隔離幫你同埋介紹不同牛扒既分別點左個封門柳食打邊爐我食開封門柳, 因為牛味好濃, 想試下石頭燒係點黎到都幾厚, 食落口牛味亦超濃不過唔算林可能燒得太耐我諗起打邊爐時封門柳係烚3秒....另外仲叫左杯菠蘿百香果冰茶, 幾好飲, 可以一試呢間餐廳都值得試, 不過唔好叫封門柳下次想試牛小排, 應該會好食

下午三時左右去到，無需等位。餐廳環境衛生，整潔，唔會油淋淋，抵讚。餐廳同時提供 Stone Grill 同網燒，但係分開兩層的，有選擇困難症嘅，去之前最好諗定食哪邊先 😅點餐都係以自助形式，接受八達通、信用卡等電子支付，都算方便。不過得一台點餐機，人多時可能要等一下嘞。今次試咗石燒，食物方面，點咗牛肩、封門柳，兩件都揀咗 250g，另外叫咗檸檬薏米水。跟餐有湯、沙律、飯（飯量自選），唔夠食可以 Refill 一次。肉質方面，封門柳係好腍，但牛肩性價比更高。調味方面，有岩鹽、黑胡椒、日式醬汁，隨便落。其實簡簡單單加一點鹽己很好。薏米水就有啲「澀」，應該係啲檸檬皮處理得唔好，要留意改善啦！

封門柳(180G)跟餐湯，前菜，白飯$158好味指數：9/10好濃嘅🐄牛肉味，肉質比較淋，切落去好Juice💦，適合鍾意牛肉味較濃🤤嘅朋友，180g份量適中，唔係食肉獸可以叫呢個份量。嚟到鐵板都夠熱🔥，跟餐仲有珍珠米嘅🍚白飯，芝麻醬汁🥗沙律。羅宋湯🥫甜甜辣辣好開胃，入面仲有洋蔥🧄蘿蔔🥕青紅椒牛腩好足料。牛肩(180G)跟餐湯，前菜，白飯$118好味指數：9/10性價比超級高🌟，雖然呢個冇封門柳牛味咁濃，但係都好好食，牛扒上面見到有啲筋，但係食落口好得意，好似食緊雲吞麵舖啲🐮牛筋咁好淋，個人比較喜歡呢款。自家製竹蔗茅根水(400)$20好味指數：9/10用透明樽🫙裝好精緻，仲要清晰見到馬蹄，蔗同埋🥕蘿蔔，飲落去清甜解渴，甜度適中。

地段同環境上都唔錯，張枱就細左啲啲，但都可以接受既😊自助點餐都不錯，感覺去左日本咁。個度係有分石燒定係網燒，我哋揀左石燒。牛就一般普通，唔係話太好味，但有湯有沙律有飯，咁都好好睇睇都叫一個set。

近年都好流行食石燒牛🐮，一人一份套餐，又唔使食咁多肉，又可以比你過下手癮同口癮。今日嚟到大角咀試下呢間文青簡約風嘅52°C Medium Rare試下。 呢度係自助購票，先喺門口買飛，揀咗你想要嘅牛，之後職員會送上嚟。我哋揀咗一份牛肩套餐同埋一份封門柳套餐，分別有3個大細嘅份量可以揀，180g，250g ＆ 320g，我哋揀咗個最細份嘅，都已經好夠食。 個餐有湯🥣、沙律🥗、白飯🍚，店舖仲好細心安排咗一次性圍裙，咁就唔怕會整污漕件衫。 牛肩比我想像中大塊，提提大家要盡快切開，入面只係1成熟，所以一定要用熱石整熟佢，等舊熱石凍晒都未切完件牛，食到尾入面就會好生㗎啦。 食落油花都幾多，受熱後油花與牛質熔為一體，汁多味美、入口即化🤩。 另一款是封門柳，肉味同牛肩差不多，但肉質比牛肩仲要再腍啲，佢嘅肉汁好豐富😋！不過以性價比嚟講，一定係揀牛肩，因為牛味食落其實差不多😛。 樓上嗰層仲有網燒牛㗎，有機會下次可以試埋先。

今次喺朋友推薦下去左佐敦52C Medium Rare食石燒牛，因為知道依度d牛質素高而且價錢貼地。我哋order左2個石燒牛扒餐，分別係西冷牛扒及封門柳。😍西冷牛扒肉質鮮嫩而且肉質脂肪分布平均，好有牛香味道。封門柳牛味比較濃郁又有咬口，而且一隻牛有封門柳嘅部位不多，所以比較矝貴。經過石板燒烤過後同樣香口。😋除白飯外，2個套餐都有麻醬沙律，都好fresh好新鮮。仲有羅宋湯，蔬菜材料十足，好有田園味道。😋飲品選咗自家製的薏米檸檬水同埋竹䉀芧根，清熱解渴。😋

請媽咪去佐敦攞嘢，順便搵埋嘢食醫肚，佢話唔想食茶記或者中式嘢叫我安排。上網搵到依間覺得幾靚感覺會坐得幾舒服嘅牛扒店。我哋食石燒牛套餐，首先揀咗自己想食邊款嘅牛，再去售賣機度買飛，牛扒有分6款唔同嘅種類，唔同嘅級數，同唔同嘅重量，果然係有得揀先好呀，起碼你知道自己想食幾多同你想食咩部位嘅牛。有牛板腱，牛肩，下腰西冷，我哋揀咗牛肩同埋下要西冷，每個套餐包括羅宋餐湯，沙律同白飯一碗。其實兩款牛都好正，牛味濃郁，兩塊都完全無根，肉質都好幼嫩，而且厚切，配合飯一起食，相當飽肚。依種牛係美國400日穀飼牛肉，以高營養榖物飼餵養至400天以上。為確保牛牛攝取均衡的營養，穀物飼料有五種以上的穀麥成份，令肉質特別柔軟，一百二十蚊左右一塊咁好質素嘅扒加沙律同餐湯，性價比好高呢！

零差評的日式燒肉專門店，無論食物、環境、服務都非常好，推薦！餐廳裝潢呈簡約風，以香色及木色為主調 餐廳有兩層 空間大，環境乾淨企理，座位寬敞舒適，氣氛很好，是聊天的好地方，適合約會或朋友聚會🍻食物方面提供多款肉類套餐，套餐配白飯、前菜、餐湯，質素很不錯，可選網燒及或石燒，價錢偏中等，份量正常，性價比高☺️晚市二人消費：$276 🫧不設加一服務費🫧═ ═ ═ ═ ═ ═ ═ ═💖💖💖食評💖💖💖𝑨𝒑𝒑𝒆𝒕𝒊𝒛𝒆𝒓 🥗麻醬沙律 (套餐$Free)✨蔬菜新鮮，夠爽口餐湯 (套餐$Free)✨有驚喜的羅宋湯！味道香濃，蔬菜配料十分豐富又大件，好好味🥰𝑭𝒐𝒐𝒅🥩下腰西冷+封門柳 網燒套餐 ($138/150g)✨牛肉好新鮮，厚度適中，肉味十分香濃，配上燒肉汁一流🤤👍🏻 下腰西冷油花分佈均勻 有嚼勁，封門柳牛味特別濃郁😋 白飯用上珍珠米，粒粒飽滿又煙韌，好飽肚😚🥩下腰西冷+牛舌 網燒套餐 ($108/150g)✨牛肉好新鮮，厚度適中，肉味十分香濃，配上燒肉汁一流🤤👍🏻 下腰西冷油花分佈均勻 有嚼勁，特別推薦牛舌，易燒又爽口😋 白飯用上珍珠米，粒粒飽滿又煙韌，好飽肚😚 𝑫𝒓𝒊𝒏𝒌𝒔🥤冬瓜茶 ($15)

朋友果然冇介紹錯，好耐之前朋友提過呢間食石燒牛一流，今次終於黎食下佢哋既套餐，餐湯配有羅宋湯，有蕃茄洋蔥等雜菜，酸酸甜甜幾開胃，飲品我就揀左巨峰玉露因為好耐冇飲，有一粒粒好好咬，中意清淡啲既話可以揀檸檬薏米水，健康之選，主角我點左牛板鍵，因為自己好中意食筋同瘦肉都有啲既質感，所以呢樣就啱曬我啦，牛板鍵肉質偏厚實，牛肉中間帶一條筋，帶點彈牙口感，食燒肉當然要配埋特製燒肉汁，呢款燒肉汁相對上較清淡，唔係一味得個鹹字，沾埋一齊食依然食到主角個種濃郁既牛肉味，真係鍾意行啲嘅朋友仔都可以加海鹽同黑椒，生熟度自己燒，推薦七成熟，朋友則嗌左牛肩，呢個部位相對上較多油脂，所以口感嫩滑軟身，易啲入口，一啖牛肉，加啲燒肉汁淋落白飯到，mix埋一齊真係超好食，餐廳選用既白飯仲要係珍珠米，非常有嚼勁😋😋

最近好似幾流行食石燒牛，開多左好多呢類型既店！今日黎呢間都係新開無耐…所以同朋友去試吓☺️☺️舖頭唔算好大，但係坐位都幾舒服😌我哋點咗兩份石燒牛☺️一個牛肩一個係西冷，share食😋份量岩岩好😋下次可以再去試網燒牛肩套餐 $118牛肩肉肉質細嫩香濃☺️☺️而且180g份量都唔細，夠曬食！自己鍾意燒到幾成熟就幾成熟😍😍完全可以自己control🤤🤤我最鍾意❤️下次必encore🥰下腰西冷套餐 $148西冷肉質較有咬口，但係一d都唔會覺得靭，而且都好香牛味！加埋椒鹽食用，好正😳多d人食就可以share多幾款🤭另外佢哋跟餐有湯有飯有沙律🥗飲品就另加😉或者有個自助*水吧*可以自己斟水飲😊📌 52C Medium Rare (佐敦)佐敦廟街269號華興大廈地下#平價石燒牛 #抵食自選 #抵食推介 #佐敦美食 #美食推介 #石燒牛 #牛肉控 #bbq #beeflover #hkblogger #hkfoodie #foodie #igfood #teamhappyfoodies #thefoodieinitiative #globaleats #thefoodiesinternationalchat #fo

朋友又帶我試新野，超愛既我哋最鍾意周圍搵牛食😍哩間係佐敦既小店只係得幾張枱，自助售賣機點菜付款的。都有唔同牛既部位選擇，亦有網燒/石燒選擇。😋封門柳 250g $218封門柳： 其實都等於牛柳，比較林，石燒可以自己控制生/熟既程度，封門柳油份比較多，所以都相對多油，所以石燒上既時候好多油彈出黎。外表好似好熟但其實裡面仲係好juicy架，但牛味唔夠出。😋牛肩 180g $118平時打邊爐多數都叫手切手肩位置，我覺得比較好食。今次都叫左黎試下，份量冇封門柳咁多，但睇落都唔細舊，有肉汁，但都係牛味唔夠出。😋套餐包埋白飯，沙律，餐湯。不過唔係任食果隻。沙律： 都係新鮮既沙律菜+日式沙拉汁餐湯：羅宋湯，唔辣果隻，偏甜日式口味白飯：日本米，日式飯我比較鍾意加飯素，即係有d芝麻紫菜肉鬆就最好，所以我就問姐姐有冇，佢另外比一碗紫菜飯素比我，就窩心❤️以哩個平民價錢食哩個質素都算抵，唔洗加一。雖然店鋪細細，但都有好幾位靚女姐姐貼心招待，裝修亦以白色為主，感覺好乾淨舒服。食完都唔會有太油煙味係身，證明通風做得唔錯。除左牛，都仲有豬同雞既選擇，值得一試。⭐️⭐️⭐️（5星為滿）52C Medium Rare (佐敦

星期六下午去左「52C Medium rare」石板牛燒🐮，店舖裝修簡潔時尚，牛扒非常有質素👍🏻，而且價錢大衆化✨性價比極高，所以當日都要等左一陣先有位。餐廳有石燒同網燒套餐，最平$88已經有牛板腱套餐👏🏻套餐仲包左超級濃郁嘅牛肉羅宋湯，尼個湯真心好味，飲完再想encore😋，另外仲有沙律🥗同白飯，非常超值。下腰西冷套餐$148牛扒上枱時係medium rare，而隨個人喜好將牛扒可以在石板上面繼續燒熟🔥下腰西冷牛味豐富，肉質嫩滑🐂，就算牛扒再熟都一樣嫩滑。牛肩套餐$118較為抵食既牛肩扒同樣好味😋，肉質較實而一樣嫩滑，份量十足，十分滿足。✨

咁大個女第一次食石燒牛，今日約埋朋友仔去佐敦寶靈街附近食石燒牛lunch ，非常期待😎😎😎入到店內裝修簡約，非常之日式設計，店內是用自動售賣機，非常和風，揀選完自己鍾意食嘅餐就可以坐低慢慢等👍👍👍下腰西冷套餐 分三個size 180G $148250G $208320G $258我揀選了180G ，下腰部份是比較瘦的，我比較鍾意食冇咁肥膩的牛扒，所以我通常揀西冷，整體口感度強，肉質都相當淋，口感比較爽勁，有彈性，加埋燒汁一起食用， 十分滿足😋😋😋😋😋朋友仔揀選了牛肩套餐，都係分咗三個size分三個size 180G $118250G $158320G $188牛肩肉非常嫩滑，肉質鮮嫩多汁，在石頭上的時候，香噴噴，令人流晒口水，自己在石頭上燒可以自己調教牛肉的熟成度，隨着自己的喜好而定，總括而言，石燒牛非常好食，下次要再嚟試吓其他牛的品，這裏還有網燒套餐😋😋😋😋😋

佐敦呢頭又開左一間新既石燒牛餐廳， 坊間有間連鎖既我都食過幾次， 所以就好奇下一d 小店舖頭既會唔會有所不同。 餐廳既裝修好靚，光線同採光都好足， 餐廳名都幾得意， 應該係想表達d 牛有52度既熟成度有密切的關係。 食物方面： 今次我就叫左一份封門柳set同埋下腰西冷既套餐。 先講下腰西冷牛味真係好突出， 牛肉的肉質相對比較淋， 刀切落去都相對容易。 而封門柳比較有咬口， 未熟前切開咗嚟睇， 西冷就係上層既脂肪比較厚， 油脂味好香。 套餐就已包一碗羅宋湯、一碗沙律、一碗白飯和飲品。 整體上都好夠飽， 食得好滿足。

今日去左佐敦食午餐，搵左一間石燒牛扒既小店，地方唔大但勝在舒服，而且食物質素都唔差！牛肩套餐 $118下腰西冷套餐 $148熱辣辣原塊石板，搭上香噴噴既牛，非常吸引！熱辣辣一上枱已經係半熟狀態，切開已經見到粉紅嫩肉，牛肩口感比較爽勁，有彈性；下腰厚身肥美，肉份較多。另外有燒汁、黑椒、鹽可以自行調配自己既口味！套餐會配前菜、飯、餐湯，前菜係芝麻醬生菜，餐湯係羅宋湯，都非常足料！餐廳仲有特製飲品，竹蔗茅根，一樽夠曬足料！