阿荔車仔麵

Open Now

Now Closed

平時謙謙等我放工多，今次到我等佢打完波食晚餐了， 就佢近近地係荃灣廣場對面食阿荔車仔麵， 🥲🥲終於等到晚上8點半先有得食，我地都太餓了，所以叫了兩碗份十足的車仔麵。✡️ 米粉 ～ 秘製牛筋牛肋腩、古早黑糖豬手、香滷豬大腸、、炸腐皮豬肉卷、香滷雞翼、清甜蘿蔔、辣沙嗲魚蛋、韭菜、加芫荽山。✡️ 鮮製油麵 ～ 炸厚切15mm餐肉、炸腐皮豬肉卷、雪花肥牛、潮汕牛肉丸、粒粒墨魚丸、豬皮、豬紅、辣沙嗲魚蛋、芋絲、支竹、紫菜。我鍾意呢間的豬手炆夠入味咬落去滿滿骨膠原， 牛筋口感q彈牛肋腩層次分明， 豬大腸和雞翼滷汁味香濃，蘿蔔清甜可口。謙謙就鍾情丸類， 魚蛋夠香辣，牛丸夠彈， 豬皮支竹紫菜呢d 掛湯佢話咁樣食先係正宗車仔麵。

好耐之前都食過一次，我記得味道都還可以，今次完全中晒伏，完全唔值加18蚊，裏面全部一大半都係筋，腩肉我都唔知食到有冇兩三舊。完全未試過食車仔麵叫類似呢個餸個比例係咁大分別。仲有裏面啲座位比較細小，如果出入去廁所都比較麻煩

同朋友一齊嚟咗呢間車仔麵店諗住簡簡單單食啲嘢醫吓肚🤣我哋叫咗幾樣嘢share嚟食🤣$81「自選車仔兩餸湯麵|幼麵|硬啲啲|秘製牛筋牛肋腩| 古早黑糖豬手|香滷雞翼|炸厚切15mm餐肉|菜心|多蔥」：基本係兩個餸，其他嗰啲餸係我哋自己加嘅🤩；牛筋牛肋腩同豬手都煮得夠腍，雞翼滷得好入味，午餐肉厚切炸得香口，基本上成碗車仔麵都幾好食🤣$20「A惹味沙嗲三寶」：有魚蛋、魷魚、豬皮，辣辣哋，好惹味🤣$20「每日靚時菜|通菜|全走」：通菜幾爽脆，「全走」咁樣食又健康啲啲🤣$28「黑松露醬炸單骨雞翼5隻」：炸雞翼就梗係香口好食啦，加埋黑松露醬又香啲啲🤣$15「樽裝冷泡茶 - 人參烏龍」：小小甘，幾好飲🤣$11「鮮檸檬茶 - 凍•少甜•少冰」：幾清新🤣

在荃灣其實唔算多車仔麵店，但在荃灣廣場對面有間格局新淨又多款既車仔麵，同老公可以入去試下，因好耐沒有食過車仔麵了。自選兩餸黑蒜油撈手工拉麵+多三個餸手工拉麵有點像油麵，但勝在吸收了黑蒜油和醬油的味道，是不錯的選擇，每個餸都非常入味，到最後點了秘製牛筋牛肋腩：好有舊式的味道，每舊牛筋都夠軟淋又入味。香滷豬大腸：車仔麵必選，夠入味又夠彈牙。蠔皇冬菇：雖然不算大粒，但好厚身，又夠香。日本溏心蛋：口感彈牙，蛋黃呈現濕潤的膏狀。通菜：好新鮮，夠爽口，又不會煮過淋。自選車仔兩餸湯米+多四個餸湯麵加了四款餸，湯底方面落了腩汁再加沙爹汁，味道非常突出，沙爹汁都算辣。古早黑糖豬手：炆得很腍，可以一口咬下。辣玻璃魷魚：質地彈牙好咬口，點沙爹汁一起食非常一流。胡椒豬肚：帶有一股清香和濃濃的白胡椒香氣。豬紅：嚼起來口感粗糙且有韌性。豬皮：正常不過不失。生菜：菜都算多，車仔麵點都會必叫來食。樽裝冷包茶-白桃烏龍配搭香甜白桃，帶來清新優雅的享受，令又熱又辣的麵解油膩感。

放假行開荃灣見好耐冇食，有啲掛住佢地個豬手除咗車仔麵，我最愛佢哋個黑糖豬手除咗撈麵，車仔麵，仲有小食古早黑糖豬手雞翼麻辣撈麵黑糖豬手軟淋又夠哂入味，充滿骨膠原 雞翼大大隻，都夠嫩滑揀咗手工拉麵，配藤椒麻辣汁少辣手工拉麵偏粗，都幾掛汁藤椒麻辣越食越辣，好滋味另外仲加左隻糖心蛋朋友叫咗個車仔麵豬紅，通菜，魚蛋，牛筋，酸齋，豬腸幼麵麵質彈牙份量幾多，試咗佢啲豬腸同牛筋好入味，下次都會再叫。凍飲叫咗凍檸茶，茶底都夠濃又夠解渴

平時傳統口味嘅車仔麵就食得多啦，今次嚟到位於荃灣嘅呢間阿荔車仔麵，餐廳主打新派嘅車仔麵，有好多唔同花款嘅麵食！而招牌嘅古早黑糖豬手同埋秘製柱侯牛筋腩更加係40年嘅傳統味道～胡椒豬肚嫩雞絲湯麵+ 秘製柱侯牛筋腩💰HK$78雞髀肉肉質好嫩滑！豬肚亦非常之有口感！牛筋腩係半筋半腩，口感十足！湯底同平時嘅胡椒豬肚湯與別不同，除咗有濃濃嘅胡椒味之外，仲比到人一種係藥膳湯嘅感覺～自選兩餸特濃沙嗲沾麵💰HK$65自選兩餸就簡咗古早黑糖豬手同埋潮汕牛筋丸，古早黑糖豬手聽個名以為係甜嘅，其實唔係，煮得好入味！潮汕牛筋丸爽口彈牙！最特別嘅就係特濃沙嗲醬，帶有好濃郁嘅花生香味得來味道又唔會咸！手工拉麵麵質彈牙，掛汁能力高！整體好有日式嘅感覺～蜂蜜雪梨茶💰HK$11鮮豆漿💰HK$15

一碗麵原來可以撈倒咁多野出嚟...原隻曱甴 + 幾條眼睫毛定唔知曱甴觸鬚(見倒腳毛..100%確定係曱甴睇翻過往嘅食評都有講衛生問題相信我遇倒嘅 唔係個別例子...雖然好嘔心 但碗麵我有繼續食出街食飯 預咗眼不見為乾淨而且佢衛生咁樣 就算捭我換另一碗相信都只係睇唔倒嘅污糟平心而論 碗麵個味道唔差辣度要咗小辣覺得夠 (平時食開譚仔3小玻璃魷魚爽口彈牙 咖哩魚蛋都入味下午茶有8折但換嚟反胃嘅用餐體驗再平都唔會有下次【有圖慎入】..........

聽講荃灣有間40年傳統味道既車仔麵，放假一於約朋友黎試試。店家就係荃灣廣場對面街，一出黎，即刻見到好大個阿荔招牌，朋友見到即刻話咩而家d車仔麵門面咁新潮嘎咩😂入到去裝修好新潮，一d都唔老派，但味道就係40年傳統既味道，新時代裝修crossover舊時口味，值得一試。選擇困難症既我，一黎就點左：❤️經典八寶嗱喳麵 $58入面有晒8個餸，黎食車仔麵，我一定點最愛既油麵。玻璃辣魷魚，爽脆彈牙；魚蛋好有口感，魚肉彈牙；豬紅、大腸好入味；蘿蔔清甜，豬皮淋得黎爽口，時菜係我最愛既生菜，夠新鮮。朋友點左：❤️自選車仔麵［4餸］+$3 藤椒麻辣汁 $61玻璃辣魷魚、牛柏葉爽脆有咬口；順德魚皮餃，皮薄餡料足；枝竹有嚼勁索晒d醬汁，勁入味。*車仔麵可選 免費 腩汁，辣汁，沙嗲汁。*加11蚊凍奶茶每碗份量都好多，好大碗，中意食車仔麵既我地，食完好滿足。😋阿荔車仔麵荃灣大壩街41號地下6號舖#荃灣 #荃灣廣場 #荃灣美食 #荃灣美食推介 #食好西 #美食打卡 #香港旅行 #香港美食 #車仔麵 #港式 #港風 #foodie #hongkong #hongkongfood #noodles

荃灣廣場出黎成條食街, 搵左間食車仔麵醫肚, 見到門口好大個牌, 秘製牛腩 招牌豬手 重現40年老味道好似好專咁同埋望落裝潢好光猛又乾淨😎幫襯下先😛用QR code 落單, 上菜速度好快💫經典八寶嗱喳麵(油麵)玻璃辣魷魚, 魚蛋, 大腸, 蘿蔔, 豬皮, 豬紅, 冬菇, 時菜魷魚香辣又爽彈, 蘿蔔甜淋無渣, 冬菇, 豬皮, 魚蛋, 大腸, 生菜夠哂入味, 麵條柔韌度煮得剛好, 每條掛上腩汁, 口感豐富, 好有滿足感🥰💫兩餸黑蒜油撈麵 (香滷雞翼, 辣沙嗲魚蛋)黑蒜味非常濃郁, 麵條經過撈拌後, 掛上大量的黑蒜油, 好滋味, 雞翼肉質鮮嫩, 滷到非常入味, 魚蛋帶有丁點辣味, 咬落嚼勁彈牙👍🥤鮮豆漿 🥤凍檸茶 - 夠凍又解渴 對於間唔中就有鋪車仔麵癮嘅我非常止到癮😁

車仔麵係香港特色美食之一，由細細個時食街邊推車仔檔到今時今日可以舒舒服服坐向鋪頭嘆住冷氣慢慢食。所有既車仔麵店都有佢既獨特之處，阿荔既車仔麵創新得黎又重現返老味道。第一次黎食，今次就貪方便要左經典八寶嗱喳麵，有八個食車仔麵必食既餸 - 魚蛋，大腸，蘿蔔，豬紅，豬皮，冬菇，時菜，同魷魚，啱晒我呢d有選擇困難既人。所有餸都好入味，特別係玻璃辣魷魚，辣得黎好惹味。一如自己食車仔麵既習慣，湯底我會加牛腩汁，少辣。但原來少辣都好辣，好彩有叫埋玻璃樽支裝忌廉，即刻解辣，正！

1. 已經來了多次這車仔麵店，它們是用QR code 下單，可以選擇多蔥，但每次選擇多蔥都只有4-5粒.2. 提供的是紙飲管，每次使用紙飲管飲用汽水都出事， 汽水會湧出來. 今次轉飲豆漿，但飲管極短根本使用不到.3. 由於飲管太短，問眼鏡女員工取杯飲用豆漿，她第一時間極度惡劣地說沒有， 但這店是有檸檬茶飲用杯. 為什麼不能取. 再三追問後，她立即說收兩蚊個杯. 極度孤寒表現態度其差.

今次食嘅餐廳係位於荃灣嘅阿荔車仔麵，主要原因係見門口寫住新派港式車仔麵，門面裝修又企理乾淨。估唔到入到去姐姐話佢哋嘅豬手、牛腩等係有40年傳統味道喎。🥢🍜餐牌上面麵類有特濃沙爹牛沾麵同黑蒜油撈麵，餸又有頭抽蠔皇花膠扒、黑松露醬炸雞翼，果然真係好新派。身為沙爹牛愛好者當然唔好放夠特濃沙爹牛沾麵啦，用出前一丁麵沾上超濃沙爹沾醬，沙爹醬非常濃郁。用出前一丁輕輕沾一沾沙爹沾醬就已經充滿香濃嘅沙嗲味道。麵上面除咗肥牛之外仲有豆卜、魚片頭同埋溏心蛋。豆卜同魚片頭本身經濃湯煮過，再吸沙爹醬沾醬就非常入味。非常鮮甜，配上沙爹沾醬食一流。想食牛食到底所以再加咗個秘製牛筋牛腩，牛筋煮得非常軟糯，入口即溶；牛腩非常入味，每一口都係濃郁嘅肉香。😋另一個我哋食咗黑糖豬手黑蒜油撈麵。豬手，入口即化，黑糖嘅甜味加上豬手嘅膠質。黑蒜油撈麵嘅香味非常特別，蒜香味十足，食完齒頰留香會想再食。仲加咗滷豬腸同蠔皇冬菇，豬腸滷得軟腍，柔軟入味。而冬菇吸收咗蠔皇汁，口感非常飽滿。🥢🍖🍄正值小暑三十幾度點可以無野飲呢?飲品叫咗一支車仔麵少有嘅白桃烏龍茶同一支樽裝可樂，加個冰底消暑一絕!

荃灣沙爹沾麵！！沒想到車仔麵舖竟然有好特別既在沙爹沾麵（68HKD）有雪花肥牛，溏心蛋，魚片頭，豆卜。上菜都好快，配一碗沙爹醬沾汁，沙爹醬香濃，都幾襯做沾麵👍另外我地嗌左自選送，蘿蔔，玻璃魷魚，腐皮，蘿蔔有驚喜，又冧又甜而且無渣，玻璃魷魚偏脆口，幾有咬口。店鋪仲有招牌小食拼盤（32HKD），椒鹽燒賣，單骨雞翼配黑松露醬，平價又好食😋另外嗌左一杯冰豆漿一杯凍檸茶，人均消費80左右，非常有性價比！

一試難忘車仔麵今日同朋友在荃灣遊車河，經過呢間聞名的車仔麵店決定進去一試。這間店鋪以各式各樣的特色車仔麵聞名，今天我們點了幾款招牌菜色。首先來說說「秘製牛筋牛腩黑蒜油撈麵」。這款撈麵選用出前一丁麵底，加上店家特製的牛筋牛腩，再配上黑蒜油，整體味道非常豐富。牛筋煮得非常軟糯，牛腩也非常入味，每一口都讓人滿足。接著是「辣玻璃魷魚」。這道小食口感非常爽脆，辣味剛好，不會過於辛辣，但又足以喚醒味蕾，非常適合作為前菜。然後我們點了「黑松露醬炸單骨雞翼炸燒賣」。這道菜色中的雞翼外脆內嫩，黑松露醬增添了濃郁的香氣，而炸燒賣則帶有一種獨特的煙燻味道，非常值得一試。最後，我們點了「惹味沙嗲三寶」，包括沙嗲牛肉、沙嗲豬肉和沙嗲雞肉，每一樣都十分入味且多汁。總體來說，這間車仔麵不但有多樣的選擇，每一道菜色也都非常有特色，值得推薦給喜愛車仔麵的朋友們。下次經過荃灣，記得來這裡一試！

阿荔車仔麵自選車仔兩餸湯麵（粗麵|香滷雞翼|滑嫩雞絲|牛腩汁）自選車仔兩餸湯麵是一道充滿香港風味的經典美食。粗麵的口感剛好，不會過於軟爛，也不會太硬，搭配上濃郁的牛腩汁，增添了豐富的風味。香滷雞翼滷得非常入味，每一口都能品嚐到滷汁的香氣，雞翼的肉質嫩滑，非常適合喜歡吃雞肉的朋友。而滑嫩雞絲則是另一道亮點，雞絲細嫩，口感順滑，與湯麵的搭配相得益彰。這道湯麵不僅味道豐富，而且可以根據自己的喜好選擇不同的配料，真正做到個性化美食。自選兩餸特濃沙爹沾麵（出前一丁|秘製牛筋牛肋腩|炸腐皮豬肉卷|香滷五花腩）自選兩餸特濃沙爹沾麵是一道讓人垂涎欲滴的美味佳肴。選用出前一丁這款經典即食麵，口感彈牙，非常適合用來搭配濃郁的沙爹醬。秘製牛筋牛肋腩滷得非常入味，牛筋Q彈有嚼勁，牛肋腩則軟嫩多汁，每一口都充滿了香濃的牛肉味。炸腐皮豬肉卷外皮酥脆，內裡豬肉鮮嫩，這樣的口感對比讓人食欲大開。香滷五花腩的肉質肥瘦相間，滷汁滲透每一絲肉纖維，入口即化。這道特濃沙爹沾麵讓人可以自由選擇喜歡的配料，並享受豐富的口感和味道，非常適合追求多樣化美食體驗的饕客。📍 地址：荃灣大壩街41號地下6號舖