正潮樓

Open Now

Now Closed

朋友推介呢間正潮樓食過話幾正宗～看看特別推介餐牌價格定位唔算貴亦有晚市特惠套餐供應。收款處有幅蔡瀾字畫～鵝粉肝 $128有3塊，不過非常大塊且厚度夠，入口有即溶感覺，挺高質！底有豆腐都入味 滷水鵝肉 $138 例 鵝肉無骨，滷得非常出色～ 份量不少是必點的首選！煎韭菜粿 $58/4粒 足料，但口感不是煙韌的沙茶牛肉炒粿條 $148很大碟炒得惹味蠔仔肉碎粥 $70/ 位 除了脹卜卜蠔肉，仲有魚仔乾、肉碎、冬菜等，兩人食都足夠！

同朋友去咗港島區搵野食，高質潮州菜真心唔錯，成個都好旺場！滷水鵝肉 （例）唔好以為例牌好細碟，都係滿潮一碟，食潮州菜必點，滷水味都好足，我自己特別鐘意佢嘅點汁，酸酸地好開胃！入面仲有豆腐Tim芋頭炒香飯都幾大一煲，2-3個人食都好夠！飯香足，芋頭都特別多！ 值得一試脆皮九肚魚魚肉好細嫩，皮炸得好脆，一定要熱食先好食！潮汕鼠穀粿超得別，可能第一次食，好軟糯，甜甜地，有種特別香味，都算係好有特色，我都好鐘意

間唔時都會心思思想食潮州菜，朋友推介咗依間正宗潮州菜館比我，即刻訂位試一試。入座後睇餐牌見到好多少見嘅潮州菜式，不過知自己眼寬肚窄難以一一品嘗晒，就揀咗幾款經典嘅菜式試吓先。暖胃之選老菜脯豬肚湯，湯頭顏色好深，飲落好濃郁胡椒味好出，所以更適合秋冬飲啊。豬肚都煲到腍左唔難咬，可以清埋啲湯渣。潮州菜必食一定係滷水項目啦！滷水鵝片份量都唔少，鵝片軟腍唔柴，皮位帶油脂香。鵝片下面仲藏咗滷豆腐，十分嫩滑呢！川椒雞頸肉好惹味，味道好帶勁，以往食過一啲辣味係比較Mild，依度嘅係好啱我地重口味人士。雞頸肉富彈性仲帶啲脆脆口感，好有特色。糖醋煎伊麵撒上糖及醋，表層好香脆內裡仲帶濕潤，功夫好到家。最後來碗清心丸綠豆爽甜品結尾。清心丸係軟軟QQ的，有啲似軟糖口感呢！綠豆好綿，甜度不會太高，係幾清爽嘅甜品選擇。

有响螺食， 好開心呀！ 更開心是價錢適中， 唔肉尺。 記得從前爸媽話 潮州店食响螺好貴， 要3千幾蚊 一塊， 嚇得我唔敢叫嚟食。 今日在正潮樓有得食， 價錢一半都唔駛， 仲要係游水新鮮貨， 好堅呀， 食得我好開心， 以後會再來食响螺。

媽媽很喜歡食潮州菜，可是屋企附近的潮州小店早前已經結業。我係灣仔搵來這間傳統正宗的潮州菜，同媽媽一齊過來回味一下家鄉風味😚👭🥢滷水鵝片（$168），一碟鵝片整齊地一片片地排列出來，鵝片下就是一塊塊的滷水豆腐和滷水泡花生。每片的鵝片的厚度平均，肉質腍身、醃得夠哂入味，薄薄的鵝皮，脂肪比例並唔多，但甘香美味，雖然是例牌小碟，但份量一點也不少。🪿😋汕頭煎蠔烙（$108），蠔餅粒粒的蠔肉脹卜卜，又大大粒，而且蠔仔佔鴨蛋的比8:2，相當足料，鴨蛋煎得較為薄身，蛋皮黃金香脆，魚露和蠔餅是最佳配搭，將蠔的味道更加提鮮。🍳🦪芋頭炒香飯（$128），整鍋飯用鍋仔炒，夠哂鍋氣，炒得又夠乾身，飯粒粒分明，而且又很保溫，芋頭非常香，口感鬆軟很綿密。除左芋頭外，炒飯還有香菇粒、燒肉粒、香蔥，整個飯炒得相當出色，值得一食。🍠🍚🔥煎韭菜粿（$58），每粒的菜粿都是晶凝通透，皮薄韭菜又多，外皮又煎得脆口帶點煙韌，粿品包滿了韭菜，味道香濃，加少少潮式辣醬，更加惹味。☺️👍🏼清心丸綠豆爽（$48），是最後的飯甜品，綠豆爽唔會好甜，綠豆有幫助清除熱氣、去濕的效用，清心丸粒粒透明煙韌，很喜歡這種口感。😚😍整體而言，這間正潮樓價

店名: 正潮樓地址: 灣仔謝斐道117-119號富通大廈地下2號舖灣仔站A1出口，行3分鐘環境: 4/5價錢: 4/5味道: 4/5今次黎到位於灣仔古色古香嘅潮州菜館🍲由國家級大師傅👨🏻‍🍳坐鎮，呈現到傳統潮州菜餚🤩潮州凍鮑魚❤️❤️❤️❤️❤️$328@4隻鮑魚口感彈牙爽口，食落煙韌，佐以配料一齊食用，味道帶微酸，十分開胃😌馬友魚❤️❤️❤️❤️$238必食’魚飯’，凍魚食法得潮州菜先有，魚肉嫩滑，毫無腥味，點上醬汁就更惹味😋魚露浸花甲❤️❤️❤️❤️❤️$188潮州菜必叫之選，花甲十分鮮甜，以魚露浸泡，令鮮味更加特出😍欖仁南瓜羹❤️❤️❤️❤️$68材料十足，有南瓜、粟米等多種配料，口感豐富，甜甜地😋

🍽灣仔的確係有好多中菜館，豐儉由人，週末嘅晚巿同樣座無虛席，無訂位真係唔駛諗有得食。潮州嘢就幾時都咁想食，隨便點幾款都一樣啱心水，正唔正宗都唔太在意，最主要係啱唔啱口胃😋.———————————————————————————🥢鵝六寶💬一碟幾有誠意嘅鵝精選，包括鵝肉、鵝蛋、鵝肝、鵝掌、鵝翼、鵝腸，好豐富，仲有花生🥜同豆腐墊底，唔太過鹹同乾，有番咁上下水準嘅招牌菜🦢.🥢魚露浸花甲💬花甲係鮮甜美味嘅貝殼類海鮮，用魚露浸嘅冷盤，真係食唔停口🐚.🥢汕頭煎蠔烙🦪💬煎蠔餅黎講都算係厚實，蠔仔🦪算多量，淡淡都有蠔入口，反而蛋仲香，蘸魚露喚醒味蕾🦪.🥢蝦棗拼蟹棗🦐🦀💬呢款係潮州菜必點嘅香口小吃，炸得幾乾身，真係蝦有蝦味，蟹都有蟹味，每款一粒都幾好味🦀🦐.🥢方魚炒芥蘭🥬💬點都要叫碟菜食吓，方魚帶有鹹香，等同鹹魚炒芥蘭嘅感覺，夠有鑊氣🥬.🥢肉碎蠔仔粥🦪💬點咗一窩嘅份量，可以分到六至八碗，肉碎同蠔仔同樣都有好多，灑上胡椒粉就啱晒🦪

係香港諗起食潮州菜第一時間就會諗起打冷，但其實潮州菜系中仲有好多好巧廚師功夫既手工菜，就好似呢間＜正潮樓＞，佢除左平時比較常見既潮州滷水，仲有炒菜、燉湯甚至甜品，好值得一試🦢鵝粉肝 半份 （$128）鵝肝好厚身，入口好綿滑，而且滷得非常入味，墊底既豆腐同花生吸收左滷水汁之後都變得好惹味🐔川椒雞頸肉（148）雞頸肉平時淨係係日式串燒見到。用川菜做法都係第一次見，雞頸肉比一般雞肉爽彈，配上醬香同少少辣味，送飯一流🍝普寧鹹麵線（$128）味道有d似豉油皇炒麵，但多左一陣鹹香味，麵線都炒得夠乾身，配埋潮州辣椒油一齊食就一流🦆鹹檸檬燉鴨（$68）第一次飲，湯頭好清，入口鹹中帶少少酸，但完全唔會覺得怪，飲完一啖就會一啖接一啖咁飲到見底為止，未試過一定要試下~

好友生日飯，就在openrice搵左正潮樓同佢食。入座睇完餐牌點左滷水鵝肉，肉碎蠔仔粥，糖醋煎。伊麵，煎九肚魚烙滷水鵝肉-豆腐入晒味，鵝肉香口鵝味香，花生都一樣好味道。肉碎蠔仔粥-蠔仔鮮味，加埋方魚更出色。糖醋煎伊麵-伊麵煎得乾身又香口，火喉控制得好好。伊麵底有韭黃更加好味道，配合糖和醋令到菜式更有層次感。煎九肚魚烙-類似煎蠔餅d fd,入面一粒粒九肚魚鮮香魚味。外層香口，口感一流，味道也相當出色。值得一提係服務態度相當好，店員非常友善。

今晚跟哥一起到灣仔的正潮樓品嚐晚餐 餐廳長這樣。 😎普洱茶的香氣濃郁，幫助消化。menu有圖有真相 ☺滷水鵝肉鵝肉的份量相當豐盛，除了嫩滑的鵝肉外，還搭配了花生和豆腐，豐富了口感和層次感。 滷汁入味，讓鵝肉更加香濃美味。魚露浸花甲花甲新鮮嫩滑，搭配魚露的獨特風味，帶來了一種清新的海鮮美味。這道菜以簡單的方式呈現了花甲的原始風味，令人回味無窮。川椒雞頸肉第一次品嚐雞頸肉，而這道菜絕對沒讓我失望。雞頸肉肉質嫩滑，與川椒的辛辣味道完美結合，帶來了一種獨特的風味體驗。如果你喜歡辛辣的口味，這道菜絕對值得一試。鼠殼粿第一次吃鼠殼粿，外面脆脆跟裏面滿滿的綠豆餡兩種不同的口感很搭！！ 白飯煮得剛好，蓬鬆可口，與其他菜品搭配得宜。

早前我來到一間位於灣仔的正潮樓，這間高質中菜館以正宗潮州菜為主題！店內裝潢設計簡約，但一幅「五嶽獨尊」風景牆畫便好睛！餐廳主廚原來是潮菜的知名廚師🧑‍🍳怪不得食物水準好高，有著正宗潮式味道！餐廳堅持用潮汕食材，由潮汕直送到港，保證原汁原味呢！例如我品嚐了潮洲蠔餅、潮洲粥和湯品呢！老菜脯燉豬肚以特靚老菜脯，配上豬骨及豬肚燉足1小時成燉湯，入口鹹鮮中帶甜味，豬肚又燉至軟腍，相當可口！苦瓜腩飯這菜較清淡，但入口仍相當鮮味，腩肉彈牙惹味，苦瓜甘香有益！正潮樓灣仔謝斐道117至119號 富通大廈地下2號舖

放工同朋友特登來試呢間潮州菜館，一入去店員都好好招呼，坐低無耐我地就決定好食咩，因為來之前已經做左research，我地兩個人叫左五樣野，最後食到好飽😂。滷水鵝片（例牌），啖啖肉又大份，滷水汁又入味，仲有啲豆腐墊底，非常豐富。汕頭煎蠔烙，總共切開有八件，我哋最後都只係食咗三件，其他都係打包，但剛剛煎出嚟熱辣辣，再點埋魚露，真係好香口。煎韭菜粿，同我想像中有少少唔同，原來佢入邊只有韭菜無肉，而佢個皮就非常Q彈，食落好特別。糖醋煎伊麵，呢個我就期待咗好耐，出去食好多時都冇呢個餸嘅選擇，我特登同啲店員講叫師傅煎脆啲燶啲，出到嚟份量唔算好大，我哋兩個人都食得晒，每一件再點啲糖同醋，複雜嘅味道令人一食想再食。清心丸綠豆爽，甜度適中，食完四個餸再配上呢份甜品，就沖走咗啲油膩感。最後埋單都唔使$600，仲要每樣野都好好味，一定會返轉頭再來食，下次已經諗好要試佢個蠔仔粥，五台有四台都有叫。

今日媽咪帶咗我食一間老字號嘅潮州菜，由國家級大師傅坐鎮👨🏻‍🍳係傳統潮州菜餚。一入去裝修好企理，見到好full，不斷有客人入嚟食⭐️💫鹵水鵝片鹵水汁有少少花椒八角味，咸淡適中，啲鵝好入味，鵝肉又唔鞋。上菜時仲俾咗鵝髀俾我哋。下面有豆腐墊底，索咗啲鹵水汁都幾惹味。🌟鹵水鵝肝鵝肝好肥美，無鵝片咁入味，但鵝肝嘅油香味幾好。平時間唔中食下幾正，但記住唔好食咁多，如果唔係就會膽固醇過高。🦪汕頭煎蠔烙其實即係煎蠔餅，個邊煎到好脆，蠔仔幾多粒粒肥嘟嘟。🥬豬油炒蕃薯苗豬油超級香入面仲有蒜頭調味，番薯苗唔會太過老仲係嫩口。🍜糖醋煎伊麵呢個係傳統嘅做法，煎好咗嘅伊麵脆卜卜，但係入面仲係保持伊麵嘅口感。點上砂糖同埋醋嚟食可以平衡油膩感。

灣仔區內有不少中式餐廳，小編這次到訪的是由國家級大師坐鎮的潮州菜館《正潮樓》。餐廳地理位置方便，距離地鐵站僅3-5分鐘路程。從外表看餐廳裝修古色古香，如同就是的大茶樓一樣。內部環境闊落，有大枱卡座和包廂，方便不同食客。<干貝海鮮粥> $68/份干貝海鮮粥內有魚肉、魷魚、干貝等配料，各自有獨特的味道又不會搶戲，綜合起來層次豐富，可以加少量胡椒粉調味。<蝦棗拼蟹棗> $168蝦棗及蟹棗炸得香脆，整成圓球狀嘅是蝦棗，蟹棗呈方形，配搭特別的桔油，更能品嚐到蝦棗和蟹棗的風味。<欖菜欖仁炒肉鬆> $168原本想要九肚魚，可惜已經賣光。轉點了這款，欖菜、欖仁、肉鬆多重口感，鑊氣十足，伴飯之選。<豆腐> $68點了一份鹵水豆腐，豆腐浸在鹵水內，入口嫩滑，豆香味重。<福果甜芋泥> $48初次嘗試有驚喜～口感順滑綿密，微甜不膩，伴著糖漬白果，每口充滿芋泥香。

一向喜愛食潮州菜，朋友話灣仔有間潮州菜價錢親民，仲話係由國家級大師傅主理，我當然不會執輸，一定要試過先安樂！✨鵝肝 （半份）$128無論中或西式鵝肝都是我的至愛，點會唔點這款菜式，鵝肝非常粉嫩又不覺油膩。✨魚露浸花甲 （例) $188這裡的招牌菜之一，花甲好鮮甜又不會太鹹！✨川椒雞頸肉 (例）$148比起一般傳統的川椒鷄，這菜式多了一種北方的麻辣味！✨煎韭菜粿 （4粒）$58最後是煎韭菜粿，外皮煙靭，𥚃面塞滿韭菜，鍾意食韭菜就一定要試吓！這𥚃的裝修比較古色古香，而口味不是以往食慣的潮州菜，而是帶點北方的味道！