Cafe Siam (The Plaza ) (Closed)

本來諗住12月去Thai 渡吓假輕鬆一下點知機票酒店太full, book唔到,咁就唯有留港消費吧~太想念thai food的闗係, 早二天放工同同事一齊去蘭桂坊既cafe siam 食餐thail food順道八卦吓朋友間既趣事~ cafe siam 位置都幾好找, 一上斜路就到! 地方都幾黑, 幾有情調~~ 坐低後, 說英語的服務員送上complimentary crisps一盤 蝦片香香脆脆, 正好在等食物送上時填填肚子 食物選擇都幾多, 海鮮, 熱盤, 甜品, 前菜, 咖喱全都齊全 不過上菜都幾慢, 自從送上第一個菜之後, 足足等左1個鐘先上第2個 不過追單後, 其它果啲都好快送上來了~ 我地點左: 清甜荔枝椰子冰 芒果飛雪 椰汁 清甜椰青 泰式炒金邊粉包蛋 黃咖哩（豬） 薄餅 芒果糯米飯 飲品方面, 選擇都多, 試左3款: 清甜荔枝椰子冰 -椰子底好香好滑好清甜! 淡淡荔枝香味同椰子味好夾, 甜度適中, 好飲 芒果飛雪 椰汁 - 芒果is my favourite! 估唔到冬天既芒果都夠香夠甜, 混合冰打出來既Smoothies 幾好味!清甜椰青 - 無得輸

Delicious Thai food in Lan Kwai Fong.My Famaily and I enjoyed great food and service. It was an amazing experience having Curries and Tom yum soup. It's Authentic! We will come back next year to Cafe Siam and bring friends on my next visit to HK.

朋友想食泰國菜，搵左中環依間位於LKF既Cafe Siam試一試。Cafe Siam既裝修好有情調，啱晒傾計談心。Menu菜式非常多，尤其小食同海鮮類，不過冇我最愛既生蝦同埋馬拉盞。每枱會附送蝦片。一如其他東南亞餐館，佢地既蝦片香料味好重，帶少少辣。因為太多小食選擇，我同朋友都好貪心，樣樣想試，所以最後揀左個泰式併盤($149)。併盤有4款小食：香葉雞，春卷，蝦餅，同埋肉串。炸蝦餅既蝦膠非常彈牙，再配埋個泰式甜酸醬好惹味。我最鐘意佢個香葉雞，雞肉燒得啱啱好，仍然keep到雞肉嫩滑、有肉汁。值得一提既係佢個串燒好厚肉，同埋沙茶醬份量好慷慨，可以畢一大羹醬舖落個串燒到，好幸福。黎到泰國餐館，點可以唔試下佢既pad thai($107)。我鐘意依度既pad thai唔會太重口味，帶適當既甜酸。同埋都幾多海鮮，幾足料!朋友想食海鮮，所以點左個粉絲蝦煲($232)。原本以為佢只係一個appetizer，但原來係一個主菜既份量! 首先要讚下大蝦既份量好多!! 同埋d蝦開邊完都仲係啖啖肉! 但最精華既當然係d粉絲，索晒大蝦既鮮味同埋蒜香。不過略嫌太過乾身，如果有多少少汁就更加正。招牌蒜香椰菜苗($8

去中環食泰菜實非一般地道香港人會做的，所以朋友話要食泰菜，又唔肯去九龍城食，我也沒有抱太大期望。不過location上係略勝一籌，而且openrice book 枱有asiamiles，加分。食完後真心覺得唔錯，Thai味出色在food、atmosphere和service。我地meet up 後就直搗餐廳，入大厦已經覺得好decent，有些artistic 公仔係樓下擺放。環境的確是很cozy，裝修很典雅帶點vintage味道。頭盤蝦片一籃很有心思的蝦餅和dipping sauce，似XO醬，味道相當豐富，真的很yummy喔！精選拼盤($149 for 2)炸蝦餅、春卷、沙爹豬肉、香蘭葉包雞Satay sauce 味道很rich，質地結身些，有花生粒粒加左D texture，點雞肉食超級美味。蝦餅蝦味出色，而且好彈牙。春卷好crispy，材料豐富，口感不俗。香蘭葉味標青，雞肉十分嫩，跟雞串味道完全不一樣。燒豬頸肉伴酸子醬($115)原塊燒豬頸肉燒得好靚，份量也不少。豬頸肉肉質很滑嫩，配shallot dip係完美的結合。好鐘意食泰菜的頭盤小食，品種繁多味道豐富。新鮮椰青($55)椰水

我覺得個食物和飲品非常好👍I think the food and drinks here are good! The service was actually good and fast to serve the things we ordered.Atmosphere was definitely the perfect place to have a dinner date as it was not noisy and crowded.

這夜與父親一同前往位於蘭桂芳的泰國餐館"Cafe Siam"，事源是早日與父親閒聊，恰好他談及至今仍尚未到訪過蘭桂芳的餐館用餐。作為女兒有見及此，當然要先於網上做點功課，然後帶父親食頓好的晚餐網上指這間餐廳是米芝蓮推介，真的令人有點期待呢~到達後得知餐廳有2層，店員於地面會作好安排，好讓我們乘升降機上餐廳餐廳環境不錯，燈光較暗，氣氛很好呢。顧客以外國人為主，見大家也點上酒類飲品把酒閒聊原來現在餐廳有優惠，可以以$10優惠選購咖哩一客，不過這夜決定點別的食物了點餐後，店員就馬上送上蝦片與米通。蝦片好吃，不過米通單食稍為單調呢，還是配上咖哩較適合椰汁焗飯 (雞肉, 豬肉, 牛肉, 蔬菜或蝦+$20)($108)Khao Ob Mapr Aow Onn (Gai / Moo / Neua / Goong)(Fried Rice with diced mixed vegetables, coconut flesh and then baked in a young coconur shell, your choice of chicken, pork, beef or mixed vegeta

今晚原本想跟朋友在蘭桂芳的泰國食品節，但是原來已經沒有了，明明星期日來的時候有，為何會這麼快消失? 吃不到街頭小食，唯有轉去餐廳吃泰國菜吧。最近我們的泰國餐廳應該就是身後的cafe siam，據聞挺不錯的，就吃它吧，不用多想。我們都想回味之前去泰國旅行所吃的味道，故主要點了我們泰國吃過的東西。我們下好單後，店員附上蝦片及辣醬予我們。別小看辣醬，它可不是普通辣醬，它的工序非常繁複，平日媽媽煮亦花了不少時間，我一吃已知正宗，香脆的蝦沾點著辣醬，很滋味。先來碗熱騰騰的冬蔭蝦湯，湯頭非常夠味，滿滿的草菇與檸檬香茅香，酸酸辣辣很開胃，蠻出色。配上新鮮的大蝦與蝦膏一起入口，實在豐富鮮美，愛喝酸辣的我真的愛不釋口。馬沙文咖哩咖哩風味獨具，原汁原味的泰式咖哩，以花生做基底，濃郁細滑，豬肉軟嫩鮮甜，非常好咀嚼，香氣四溢，薯仔吃起來也很綿密，入口即化，十分下飯。泰式炒金邊粉包蛋以微焦的蛋巢包覆，漂亮極致，配料如蝦隻，豆腐給得不少，金邊粉酸酸甜甜的，色香味俱備，朋友無法克制，瘋狂地一口接一口吃著。精選拼盤可謂豐富得不得了，有炸蝦餅，沙嗲串燒，香蘭葉包雞及脆炸春卷。蝦餅一口咬下，實在多料，酥脆的外層，厚實的內

前菜精選拼盤 ($128)Tod Ruam(Combination Platter: Thai prawn cakes, spring rolls, pork satay and chicken in pandanus leaves).🍴併盤有5款小食📌炸蝦餅🍤📌春卷📌雞同豬肉串燒📌葉子包雞🐥草根覺得成個併盤味道都算唔錯，全部食物都熱辣辣♨️妹妹最愛炸蝦餅🍤，蝦餅肉質雖然未夠彈牙😉不過外面炸得好香脆泰式炒金邊粉包蛋($88)Pad Thai (Classic Thai noodles dish with tofu, shrimps, bean ssprouts and ground peanuts wrapped in an omelette)食泰菜草根成係必叫呢一樣😋呢到嘅泰式炒金邊粉特別在於用煎左嘅網狀蛋包番住個金邊粉🐣，老老實實，顔值相當高❤️👍🏻不過可惜調味唔多夠，冇左酸酸甜甜嘅味道，帶唔起金邊粉嘅神韻lor😂黃咖喱 (嚐鮮價$10)Yellow Curry 餐廳做緊「泰國地道咖喱巡禮Authentic Thai Curry Tasters」，每星期推出一款$10咖喱🍛仲可以配一款

平日好少黎蘭桂芳，今次朋友介紹黎呢間o係蘭桂芳既泰國菜幾唔錯！呢度既環境好有feel, 唔似平時食泰國野既格調，野食方面好多選擇，好多都幾吸引xd 我地點左粉絲蝦煲，小食拼盤，咖哩燒鴨配Roti同炒椰菜苗。小食拼盤係2人分量，有串燒，香葉雞，蝦餅同春卷，最正係蝦餅，好香口彈牙!而粉絲蝦煲係好大煲，好多粉絲，蝦都有5-6隻，粉絲吸哂d汁好惹味，不過蝦就唔夠爽口。之後既紅咖哩燒鴨Vi就好中意，味道甜甜地唔太辣，鴨肉幾嫩，平時少見咖哩配鴨。而roti好鬆化，點咖哩一流。炒椰菜苗就不過不失。最後甜品要左芒果糯米飯，有黑同白糯米，芒果好甜，配埋糯米同椰汁好味。

中環真係咩都有得食，朋友介紹我食呢間泰菜，雖然地方唔大但食物整得好正宗，而且價錢合理。一坐低已經送上脆卜卜蝦片同米通做小食，多麼細心。我地6. 30pm上到去係第一枱客，但估唔到7pm打後全場滿座，要食記得訂枱。食泰國菜梗係要食咖哩啦，我比較鐘意青咖哩有獨有的香辣感覺，配埋雞肉，啖啖肉，辣味剛好，送飯一流。粉絲蝦煲一上枱已經超香，粉絲夠乾身，味道濃郁，有䓤有蒜好惹味，大蝦夠彈牙，全部蝦已開邊，食落特別容易，超正。主菜好豐富，每餐一定要有菜落肚，炒椰菜苖，唔會太油而且仲附送幾隻香菇，東菇好滑，椰菜好新鮮，普通清炒已好好味。雖然已經好飽，但甜品還是不能少，泰菜一家要試芒果檽米飯吧。芒果夠甜，有黑白糯米，2種不同口感一齊食，配埋甜甜的椰漿，超級好味啊！

星期日既中環，少左工作日既繁忙緊張感，反而多左一份悠閒感。朋友話好想食泰國菜既關係，我地就慢慢由IFC行過黎蘭桂坊一嚐呢間Cafe~環境頗有情調，而鄰座有日本人同外國人，不同語言同時出現，好國際化～餐前小食-椰青 $55燒豬頸肉 $115早前有朋友同我講過豬頸肉好好食，今日食完都真心大讚！豬頸肉燒得夠香口惹味，仲好多汁爽口，完全唔覺油膩。明爐香草蒸烏頭 $247最開心係食明爐烏頭，因為看似好簡單既菜式，但要一直保持魚肉肉質嫩滑，蠟燭既火力都應記一功！原條烏頭有粉絲墊底，另外有一碗湯汁比我地隨時加到魚上。好醒目既店員經常幫我地加湯汁，令魚唔會蒸乾。粉絲非常彈牙，吸收左好多湯汁精華同魚既鮮味，酸酸甜甜，一定唔可以睇少佢！泰式炒金邊粉包蛋 $107用蛋網包住既炒金邊粉真係好靚，非常驚喜！金邊粉條條都有嚼勁，茄味突出而帶甜辣味，麵條之間仲有唔少魚旦片同彈牙大蝦。呢度午餐同晚餐時間真係兩個世界。晚餐食物精緻同店員態度都好好!

之前很喜歡吃泰國餐的我，大都會去九龍城，自從越來越多泰國菜開在不同的地方，我的選擇便轉移了，今晚來到中環，便是要一試米芝連泰國菜。這個位於商廈的泰國菜，係要由旁邊的街道進入，入到去仲要落幾級樓梯，所以要留意。原來這裡有兩層，而一層又分左右兩邊。店內裝修簡單，帶點cafe和酒吧的設計，有些高檯和高椅，亦有些普通餐枱椅，而空間感比較窄。坐下來不夠，侍應已經將一碟米通及蝦片送上，並附有些好像馬拉盞的醬汁，醬汁帶些蝦膏和辣椒味，作為餐前小食一流。現在每日都有一款特價$10，今天是黃咖哩，我們點了豬肉，咖哩唔會好辣，送飯一流👍豬頸肉沙律($128)，肉質爽脆，味道似廣東叉燒，配上青芒果絲和泰式醤汁，酸酸甜甜，令到吃起豬頸肉，都不會肥膩。海鮮辣湯($168)，用個火鍋爐熱著，有些酸辣和香茅味，味道有點似冬蔭公，不過沒有椰汁味，而海鮮比較多，所以個湯都幾鮮甜。黑椒大蝦($228)，大蝦經過油泡，蝦肉好鮮甜，蝦殼已經好脆，基本上連殼都食埋，加上用了很多香料炒過，佐酒一流。我覺得環境舒服，食物好味，服務到位，唔怪得米芝連推介。

說起蘭桂坊，總會想起酒吧和西餐廳，想不到這裏也有一間不錯的泰國菜館。燒豬頸肉伴酸子醬 ($115)這裏的豬頸肉切得比較厚身，但肉質非常之腍，並且帶有陣陣的燒烤香味。味道有點兒像港式叉燒，但帶點泰式的風味。再配上微辣的酸子醬，味道令人開胃。招牌炒大蝦 ($228)大蝦經過油炸，肉質彈牙。不過醬料才是這道菜的重點，這道菜混合了不少泰式香料，胡椒和蒜頭的香味濃郁，令人食指大動！泰式炒金邊粉包蛋($107)賣相非常吸引，金黃色的蛋餅包着泰式金邊粉。裏面的金邊粉味道亦不錯，材料包括蝦、芽菜、豆腐乾等等。芒果糯米飯($81)吃泰國菜，怎能錯過芒果糯米飯呢？黑糯米拼椰汁糯米飯，雙重口感。加上新鮮芒果和椰汁，非常好味，為晚餐畫上完美的句號。

如果從今天起不准我再吃中國菜，我想我會選泰國菜去代替！雖然不太吃辣，但總是喜歡泰菜的惹味，這天我又到了中環的「Cafe Siam」吃飯，這裡的菜式很精緻，味道也很好，值得推介！ 餐廳分為左右兩邊，可能是位處蘭桂坊吧，愈夜愈多人，很多外國人光顧，也聘用了外籍侍應。 燒豬頸肉配青芒果沙律 ($128) 叫了好幾款小食，都很不錯。這個燒豬頸肉很腍，有點像叉燒，很好吃；底下是酸芒果，爽口又開胃。 香芒大蝦米紙卷 ($98)紙米卷裡主要是新鮮蔬菜，大蝦新鮮，香芒鮮甜，還有那個伴碟的芒果汁，甜美到不得了，雖然青菜和米紙味道都比較清淡，但蘸了這個芒果汁就perfect了！ 香草青芒果大蝦包配酸子醬 ($98) 很精緻的四小碟，面頭是一粒粒的青芒果，爽口、微酸，接著是香口的炸蒜和新鮮大蝦，已經是很好的組合，沒想到底下是泰式麵條，添一些加了洋蔥的沙爹醬，太美味了，推介！ 泰式腰果牛柳粒 ($168) + 有機糙米飯 ($26)這個炒法有點像泰式炒河的味道，材料豐富：除主角牛柳和腰果之外，還有磨菇、紅蘿蔔，蒜頭、洋蔥、蔥段等等，牛柳夠腍，用來送糙米飯吃，美味又健康。

Lan Kwai Fong was much smoother on Monday than Friday. Taking advantage of fewer people, reservations are relatively easy. Tonight went to a Thai restaurant, leisurely lights, like a bar restaurant more than Thai restaurants, with the traditional kind of completely different. The atmosphere is not bad. Grapefruit salad simple grapefruit salad, the soul is the sauce, sweet and sour appetizers. Fans baked shrimp pot weather cool, to see a pot of hot fans pot happily. Open the lid aroma nose and co