茶涮涮 (Closed)

屋企人book左位同我慶生。放工就即刻坐車去銅鑼灣百德新街茶涮涮。驟眼望落舖頭新淨感覺良好。我到前屋企人已經嗌咗信州白味噌和牛湯鍋。之後再等我嗌，生日大晒梗係唔會放過佢哋😂日本玉子豆腐、油揚、蜂巢豆腐，豆製食物我都中意，油揚無油億味，讚！跟住再嗌咗六頭南非大虎蝦（2隻） $158  同鹿兒島A5和牛肉眼$398，雖然價錢唔係超值，但性價比高👍所以叫咗三轉😆😆開心開心🥰蝦非常新鮮又啖啖肉，和牛肉眼啲雪花脂肪不得了，食過A 5和牛都知道嗰啲脂肪溶喺個口嘅感覺，到而家都一再回味😋😋總結今晚既生日飯不停嗌真係好開心，質素高服務好，推薦俾大家！

話說響銅記返工返咗成10年，同事話要移民又困咗三年冇得去日本，於是就揀咗呢間日本菜👍🏻我就嗌咗個名古屋手製鰻魚定食，同事就嗌咗個照燒日本元氣酒店雞定食。又估佢唔到個漬物同埋和牛味增湯有幾好味喎。👍🏻👍🏻👍🏻點樣好味？漬物味道適中，不會太濃太咸。🤪蟹肉沙律蟹肉鮮甜，青瓜爽口😋😋朋友都讚不絕口👍🏾👍🏾和牛味噌湯真係要送個讚俾佢！真材實料鮮味足、牛味夠，仲有乜嘢可以挑剔？😋最後鰻魚定食配白飯，你可能會覺得好普通啫好多地方都有，收得你呢個價就一定有返咁上下嘅質素😈，佢唔係donki、sogo嗰啲地方買到嘅現成鰻魚咁，佢係手製肉質唔似現成鰻魚咁實，完全係抵食！👍🏻會唔會翻焯？咬鰻魚個一下已經決定咗下星期帶老婆過嚟同佢食😏

男朋友今次帶我嚟到銅鑼灣百德新街茶涮涮，由於個名好吸引所以我哋就二話不說入咗舖頭試吓佢咩料先。由於我哋兩個都好喜歡打邊爐，又喺門口見到個menu有瀨戶內檸檬塩麹湯鍋，幾有特色所以特別揀咗呢一個湯鍋....仲有美國特選黑豚肉😈相信各位好少會將檸檬放落去個湯鍋度，但呢一個食法有相當獨特而好夾🙈，就好似你從來冇諗過會將啲檸檬擺落去益力多咁🐒。再將黑豚肉放落去煮嘅時候，因為吸咗啲湯嘅味道，啲黑豚肉嘅鮮味因為檸檬嘅酸味帶咗啲好鮮嘅黑豚肉味出嚟，good good good!!> < 太出色了！最後不得不提佢哋每人提供左兩對筷子俾生同熟嘅食物分開用，真係好貼心啊！💕💕💕

一支公獨自嚟到銅鑼灣百德新街😚，發現咗一間新開嘅舖頭，叫做茶涮涮。牙刷刷嘅我於是入去試試佢😜。一入到去覺得環境好舒適乾淨👍🏻，簡潔嘅裝修同柔和嘅燈光猶如置身於日本嘅餐廳之中，真係好想返鄉下😮‍💨。睇吓個餐牌，見到紫蘇梅冷麵相當獨特未試過😯，所以就揀咗個名古屋手製鰻魚定食配紫蘇梅冷麵。平時我對漬物研究唔多又冇特別喜好，但今次佢個漬物味道剛剛好，味道唔會過濃🥴。蟹肉沙律嘅蟹肉都相當新鮮，唔似其他餐廳擺過夜變到楣楣地👹。和牛味噌湯更加需要一讚啦，因為我好鍾意飲湯🤗，和牛嗰種鮮味同埋牛肉嘅濃味完全係個湯度慢慢滲透出嚟。手掣鰻魚定食配紫蘇梅麵，鰻魚嘅魚油再配上紫蘇梅麵酸甜開胃😍😍😍。總括嚟講今次獨自尋歡好快樂，誤打誤撞入咗一間有驚喜嘅餐廳，環境又乾淨舒適非常推薦！👍🏻👍🏻👍🏻👍🏻👍🏻

今日經過銅鑼灣百德新街見到開咗間新餐廳，見到午市有定食對眼即刻發光🤩，然後就入咗去喇🤣🤣原來呢度係主打日式火鍋嘅，特別之處就係有多款稀肉部位，午市定食都有提供🥳～就好似我呢個日式醬油安格斯封門柳定食（$98）咁，就用上封門柳，亦即係牛嘅橫隔膜肌肉，每隻牛只有一條，較為罕有‼️食落牛味比較重，肉質亦比較腍，獨特嘅口味非常值得一試，我就好鍾意😋👍🏻 尤其適合鍾意肉味濃嘅朋友💁🏻‍♀️！定食附送嘅和牛味噌湯都好好飲🥰，唔會過鹹，飲落仲有和牛豐腴甘香嘅滋味🤤🤤總括嚟講有驚喜，餐廳用料上乘有誠意🙌🏻 定食一般喺港島區都要過百，更何況用上稀有部位，CP值極高！！

呢度嘅裝修風格都幾有禪味，有唔少木嘅元素🪵～成個氛圍都有種令人平靜嘅感覺😌同朋友揀咗呢個信州白味噌和牛湯鍋🥰，健康又美味🙌🏻 湯底清爽易入口，豆香清新～本身已經有粟米、冬菇、蟹味菇、金針菇、白菜同娃娃菜，素食者都可以食☺️我哋仲另外叫咗啲配料💁🏻‍♀️ 日本玉子豆腐同呢個湯底超夾，入口鮮香嫩滑，冇諗過咁高質！😋👍🏻 日本竹輪卷啖啖軟熟彈牙，size仲要超大！勁滿足😆 日本廣島蠔肉質肥美🤤🤤，超級鮮甜🌊👏🏻 活扇貝夠晒大粒，肉質鮮美，口感軟嫩👅 涮涮鍋又點少得肉呢？！美國特選黑豚肉軟腍滑溜，食落一啲都唔柴，性價比超高🤩👍🏻

瀨戶內海檸檬塩麹湯鍋充滿特殊香氣！飲落有自然鮮甜味，尾韻帶檸檬芳香，味蕾大滿足🥰👏🏻 因為鹽麴嘅鹹度比較低，味道會比一般使用嘅食鹽更加溫和。所以呢個湯底嘅特點就係少咗傳統鹽巴嘅「苦鹹味」😍～加拿大野生紅魚柳 $88，口感溫潤，外皮入口更帶豐富魚油🤤活扇貝 $128，肉質肥美，夠乾淨冇異味👍🏻 仲食到自然嘅鮮甜香氣，滋味十足😆😆美國特選黑豚肉 $88，揀咗個應該係餐牌入面最平嘅肉，所以完全冇預料過係咁好味㗎！🙌🏻😳 豚香濃郁，口感軟嫩😋 可能呢個湯底都有加乘啦，因為聽講鹽麴有助提升食材嘅香醇同層次🥰食物質素真係超出我預期，又平又鮮味😍 我應該好快就會再嚟encore㗎喇😝🤣🤣

餐廳用咗鮮明嘅藍色🔵做主題顏色，更用上一排排藍色竹枝🎋作為牆壁，新潮得嚟又不失傳統👍🏻午市嘅定食全部都想食呀🤣 選擇困難症嘅我諗咗好耐最後揀咗 照燒日本元氣走地雞定食🍱 走地雞真係唔同啲，雞味零舍突出🐔 外皮酥脆呈金黃色，肉質嫩滑多汁💦 火候控制得啱啱好🔥 配上芝麻碎同豆苗，口感清爽層次分明，十分出色！👏🏻👏🏻定食附送嘅前菜（漬物）都唔嬉場㗎，有蒜頭、牛蒡同埋紅酒蘋果💁🏻‍♀️ 我最鍾意就係個蘋果，養顏又開胃😋💕炎炎夏日梗係飲返杯檸檬特飲🍋啦，清爽解膩透心涼！今次用餐體驗唔錯🥳 價錢合理，午市定食有質素，裝修又具特色。下次帶埋朋友嚟食先🥰🥰

原來呢間茶涮涮係主打日式涮涮鍋同埋壽喜燒，特別引入喺日本雪室熟成嘅A5和牛以及其他稀有牛種，好吸引😍，要搵日嚟試下晚市至得😆第一次嚟，就試試佢哋比較特別嘅刁鑽部位啦😝 所以就叫咗呢個日式醬油安格斯封門柳定食，果然係全隻牛最濃肉味嘅部位！味道極度濃郁，好驚艷😍👏🏻 雖然封門柳嘅油花係比較少，但係肉質就好細嫩🥰 撈埋日本蛋嘅蛋漿又係另一番風味！creamy香濃更鮮味😋 呢個午餐非常之邪惡⚠️🤤跟餐嘅和牛味噌湯都好足料，醒身暖胃帶牛香🥰 仲有三款漬物同埋蟹肉沙律😱 份量都幾大，同樣新鮮味美😋🙌🏻

餐廳環境好雅致，張枱都夠大，即使擺滿晒打邊爐🍲啲配料都仲有空間淨，唔會逼狹就住就住👏🏻湯底我哋揀咗信州白味噌和牛湯鍋，飲落順喉，亦冇一般湯底（如豬骨湯）咁油膩👍🏻北海道原隻魷魚🦑 份量十足，鮮味無比，完全唔需要另外點鼓油都已經好好味😋 美國特選黑豚肉🥓 油花分佈好均勻，肉質細綿一啲都唔韌，好好食👏🏻 北海道四元豚腩🥓 喺香港都比較少見👍🏻 油花都分佈得好靚，肉質細膩軟滑，食完齒頰留香🤤🤤加拿大野生紅魚柳🐟 肉質扎實口感綿密，大件夾抵食😌🙌🏻 活扇貝🐚 肉質飽滿有光澤，鮮甜濃厚水潤多汁💦 綠茶麵🍵🍜 色香味俱全，醇香有彈性，食完冇負擔🤩👏🏻

知道附近新開咗間日本餐廳，見涮涮鍋賣相好似幾吸引咁，第二日就已經拉埋朋友嚟試新嘢🤣 睇睇質素如何先～信州白味噌和牛湯鍋：運用咗蔬菜🥬自然嘅鮮甜作為味噌湯底嘅調味料，越熬越出味～可以飲到食材本身嘅原汁原味，特別係和牛嘅鹹鮮😋👏🏻 蔬菜方面我最愛金菇💕 濕潤又嫩滑，好食兼掛湯👌🏻日本黑薯糕：呢度嘅蒟蒻造型夠晒特別，質感軟Q彈牙好吸湯😋 而且仲好健康低卡，食多幾條都冇罪惡感！🤣🤣日本廣島蠔肉：肉質飽滿啖啖肉，味道甘香可口🤤🤤美國特選黑豚肉：脂肪層次分明😍 肉質柔軟而且冇豬臊味我覺得呢度嘅涮涮鍋好正宗呀！絕無敷衍，朋友都好滿意🤗

朋友話想試下呢間新開嘅日本菜，見網上未有任何食評（睇嚟真係好新），都驚會中伏🤣🤣 點知，唔伏不特止，仲認真好食添😋😋😋 一去到就見到餐廳門口好靚😍 做咗個水泥牆，感覺有啲似我喺日本見到嗰啲隱世餐廳🍴咁😆定食全部都包前菜、沙律同埋味噌湯💁🏻‍♀️ 蟹肉沙律🥗都幾大碗，調味比例均勻，蟹肉鮮甜多汁😋 前菜個漬物牛蒡超爽脆，仲非常入味👍🏻我叫咗個鹿兒島A5和牛塔塔定食（$268），淨係聽個名都流晒口水💦 和牛色澤鮮嫩，食落口感綿密牛脂香十足，份量都好夠送飯👏🏻 真係令我回味無窮🤤💭朋友就叫咗照燒日本元氣走地雞定食（$138），燒到外酥內軟嘅雞肉依然鬆厚十足，配上軟糯分明嘅白飯，正！😍👍🏻

而家因為疫情😷冇得去日本旅行，成日都會食日本嘢，以心理補償我嘅思鄉之情😭 今次就嚟度呢間新餐廳茶涮涮，食返個A5和牛定食先😝定食嘅幸福感，就係乜都有少少🤏😆 呢度都唔例外，有漬物、蟹肉沙律同埋和牛味噌湯！漬物方面，微酸惹味層次豐富～沙律鮮嫩爽口，蟹肉量多又甘甜😍👍🏻 味噌湯鹹香十足濃度適中👏🏻😜個午市定食全名叫做鹿兒島A5和牛塔塔定食（$268），估唔到餐廳個份量咁足料，入口即化，肉質軟腍嫩滑😋👏🏻 個新鮮蛋黃更將成個塔塔昇華咗，口感滑溜又唔腥，極致美味❤️呢個價錢嚟講，有咁多A5和牛塔塔😳 真係非常之抵食！建議各位牛魔王午市嚟食呢個餐😉😝🙌🏻

最近喺網上得知呢間新餐廳茶涮涮，見到有呢個檸檬湯底🍋嘅涮涮鍋咁特別，梗係即刻去打卡兼醫肚啦😆🤣瀨戶內海檸檬塩麹湯鍋甘甜鮮味，酸酸地好清新😋，唔會太刺激大家可以放心😌 澳洲和牛白肉其實係牛胸前肋骨上面嘅一塊細小筋膜類肌肉🤯 實屬罕見！肉質爽滑彈牙，牛味香濃🤤 美國特選黑豚肉肉質肥美，口感柔軟順滑😋 蜂巢豆腐必食⚠️ 口感綿厚，吸盡湯底精華，一咬落去湯汁喺口腔中爆發🤤💦葛絲係日本火鍋用嘅粉絲！冇一般粉絲咁幼咁易散開，仲比較彈牙添😋 綠茶麵質地滑身，淡淡綠茶香口味獨特又健康👍🏻環境好闊落，座位寬敞又舒適～食物質素高，而且仲有專人服侍，非常值得一去嘅餐廳！🙌🏻

呢排天氣好熱，本來係想食啲透心涼嘅嘢， 但又唔知點解pat pat癢好想打邊爐，上網一search就搵到喺銅鑼灣海灣大廈有一間日本餐廳，嗰度有個叫瀨戶內海檸檬塩麹湯鍋嘅日式湯鍋。心諗，呢個湯應該都啱夏天食嘅，所以即刻即刻約埋班friend 去試一試！去到梗係即刻叫咗個瀨戶內海檸檬塩麹湯鍋先啦，我係一心為咗佢而嚟㗎嘛！😆😆佢一上到枱嘅時候我已經聞到好濃嘅檸檬味，試埋個味道，果然好清新，少少酸又鹹鹹地，呢個味道果然好合我嘅心水！跟住就即刻叫嘢食啦，擺到明成班男仔都係食肉獸， 我哋叫到成枱嘢食但我覺得最應該介紹嘅就係以下呢幾樣！美國特選黑豚肉，佢呢個豬肉味非常濃郁，肉嘅厚度都算適中，口感一流，配埋佢個檸檬湯底，非常特顯到豬肉嘅鮮味！我覺得味道非常好，叫完一碟之後忍唔住嗌多咗幾碟👍🏻石斑魚，肉質非常彈牙同爽口，而且魚肉非常新鮮，非常鮮甜！呢個真心值得推介👍🏻澳洲和牛白肉，呢個成班兄弟都係對佢有讚冇彈，佢唔單止非常大塊，而且口感一流，雖然牛肉嘅比例比脂肪多，但入口一啲都唔靭。而且牛肉味都好濃，就算係配檸檬湯底都覺得好夾。大家都覺得非常好味😋！後記，真心幾欣賞佢每一樣送上嚟嘅嘢食都有用冰冰震住，令