深宵食堂

Open Now

Now Closed

去旺角睇戲就上openrice見到依間店睇落感覺好似唔差諗住就去！環境都可以但食物價錢偏貴但未試過食日本野茶水都無杯但仲要加服務費職員態度一般。。。試過一次就夠了唔會再去

話說前排去完迪士尼出返嚟都已經好夜，所以都想搵啲開到比較夜的餐廳（唔想阻人收工）咁見佢哋收2點，我10點幾去到也不過分🙊去到嘅時候，雖然都有人喺度食嘢，但其實仲有好多枱冇人坐，想叫職員幫手換個位都唔得（因為我哋背後就係冷氣機喉）但明明仲有好多枱冇人坐😮‍💨講返啲食物香蒜一口和牛粒 $68 推薦指數🗯️：🌟🌟🌟🌟炒得好香好惹味，就算係配料的洋蔥和菇都炒得好入味，和牛粒咬落都冇筋，而且冇雪藏味；份量正常，不過食嘅時候真係好想搵碗白飯配埋一齊食🤣汁燒大魷魚 $82 推薦指數🗯️：🌟🌟🌟🌟咁樣嘅價錢，比一隻手臂咁長嘅大魷魚，其實都幾抵食而且燒到剛剛好，唔會太乾，配埋個醬汁一齊食，簡直食到停唔到口芝士翠肉瓜（2串） $28 推薦指數🗯️：🌟🌟🌟其實翠肉瓜燒得唔錯，但表面的芝士就有少少令人失望，基本上一上枱已經唔係翠玉瓜表面，而係黐咗係隻碟度，所以食嘅時候和淨係燒翠玉瓜味道一樣日式炒野菜 $48 推薦指數🗯️：🌟🌟🌟主要都係因為和朋友都想食蔬菜才叫的，味道正正常常，不過份量都幾多鹽燒雞翼(1串） $28 推薦指數🗯️：🌟🌟雖然都係普通野，味道方面都唔錯，但係燒得有啲乾，而且有一隻雞翼仲特別細隻芝士蟹肉玉子燒

身為居酒屋，呢間好光猛，唔似平時好暗嘅居酒屋，淨係食晚餐都幾舒服。如果主力想飲酒，燈光咁勁又好似冇咩feel。環境好闊落，都算坐得幾舒服，用手機落單都算方便。💡芥末八爪魚 $68生八爪魚都幾新鮮，芥末調味比較重，我都一度覺得有少少攻鼻，但都算唔錯。作為前菜都真係好開胃，不過有部份都用沙律菜充到望落多一啲咁。💡香蒜牛柳粒 $68雖然牛肉份量比較少，視覺上因為有啲切得差唔多大細嘅菇干擾，但又真係醃得夠入味，同肉質都好腍，確實係唔錯嘅。😝💡煙肉荔枝卷 $38睇到呢個組合就想試試，出面係充滿油香嘅煙肉，咬落荔枝肉滲出果汁，甜鹹之間又幾夾！💡汁燒大魷魚 $82味道算係唔錯，都唔會好似橡皮，不過都係份量問題……「大」魷魚就真係唔算大了，雖然我明燒完會縮水，但都真係比想像中細。💡黑松露炒烏冬 $58見到唔少食評推薦，本來都唔想揀但決定試一試，一隻碟仔咁多，黑松露味好香。果然有驚喜😍，烏冬有夠味，黑松露帶起晒，烏冬又唔會太膩。💡京蔥牛舌飯 $52冇影到相，因為上枱時有少少太驚嚇。牛舌切到短過手指尾，薄薄一片，原來冇寫厚切牛舌真係可以好薄呀......本身個碗都唔大，又唔算多牛舌，叫得呢個都係因為想飽肚

深宵食堂我今日放工已經有啲晏，想對自己好啲食飽少少。所以，一放工就係旺角搵咗間日本🇯🇵餐廳:深宵食堂☺️餐廳🍴位置非常便利，係地鐵站行過去，只需5分鐘☝️最重要‼️餐廳中環非常親民，帶有日式居酒居風味，再加上種種日式嘅擺設和木紋枱，簡約且十分舒適😝而餐飯智能化，用手提電話QR code下單Qr code下單！夠方便之餘，同時能看到食物圖片😉當日，森仔叫左：深宵玉子燒，日式炒麵，日式牛肋條石頭鍋飯，吉列炸蠔和串燒牛舌😘😘各種食物均非常美味👍🏻👍🏻帶有日本🇯🇵風味！森仔排行榜如下：🥇日式牛肋條石頭鍋飯此個石頭鍋飯燒得熱熱，恰到好處。而恰好嘅熱力更係造成香脆嘅飯焦。而當中嘅牛肋條調味得非常好，日式香甜嘅醬汁配合牛肋條，勁香勁美味😉😉牛肋條嘅牛味夠濃郁，再加廚師👩‍🍳紋得夠稔身，正😊🥈深宵玉子燒玉子燒煮得恰恰好，蛋味香純。在玉子內有很多芝士和蟹肉😍😍仲要有拉絲效果，真係好正😉👍🏻配上茄汁🥫，在蛋面上寫上深宵食堂，成為餐廳🍴嘅代表作之一😎🥉日式炒麵此日式海鮮炒麵，醬汁香濃😝而炒麵用上日本🇯🇵拉麵🍜夠晒彈牙😀兩者十分相搭，滋味加倍😊加上野菜和紫菜，不再單調，更加有料🤩🤩🤩整體而言 餐廳值得encore😘

店舖雖然唔大，但感覺舒適。木系裝修，加上日式既裝飾品☺️而且係性價比高既好選擇。✨香蒜和牛粒石鍋飯和牛柆大小相約，牛味濃郁，油花細密，很嫩滑。加上香蒜粒惹味非常。配料有雜菌粒同溫泉蛋。石鍋飯與蛋汁拌勻，加上燒汁及微微焦香，讚🫶🏻✨牛肉鍋（牛乳湯底）牛乳湯底極濃極滑。牛肉份量都幾多。其他配料仲有豆腐、菇、菜同京蔥。天氣凍凍地食呢個好舒服。✨厚燒牛舌一客三件，果然幾厚切。每件都好彈牙。肉味好濃郁。✨鹽燒雞翼一客兩隻，外層燒得脆脆，內裡雞肉都保持到嫩滑。✨唐楊雞軟骨份量多，每粒都炸到脆卜卜。來多一杯巨峰提子梳打，夠味又唔會過甜，爽🥰

隔左成個月無食好嘢，岀動旺角行街食好嘢🤞🏻好少上樓上鋪食嘢，但呢間個景同食物都好吸引，就一試🙆🏻‍♀️置身日本，仲有窗口位，有靚景配食物😌🥢牛肉鍋(牛乳湯底)份量好足，肥牛牛味重，而且肥瘦分布均勻，啖落啖啖肉😋湯底牛乳味好香濃，飲落清甜，底層鋪咗好多蔬菜，朔晒啲湯汁嘅精華🤩🥢鹽燒三文魚腩燒到好脆口，表層香脆，內裡肉質鮮嫩，再加埋檸檬汁味道更清新，一啲腥味都無👍🏻🥢豚肉露筍卷第一次試呢個串燒，出奇地好味，入邊包咗好多露筍，表皮嘅豚肉燒到乾身，咬落去又有露筍既清脆，口感豐富🤪🤪🥢名古屋雞翼雞翼大大隻，表面仲加左啲芝麻，新添左啲香氣，雞翼皮薄，咬落去啖啖肉😚🥢香蒜焗蠔不可不試！大大隻，而且好新鮮，同蒜蓉簡直係絕配，一擺入口蠔嘅湯汁出晒嚟，鮮甜美味🥳🥢黑松露炒烏冬又係一道驚喜！烏冬底本身放咗醬汁係偏甜嘅口味，再加左黑松露上去，香氣十足，烏冬煙靭，又有咬口，三層口感🤩

之前喺銅鑼灣分店食過感覺不錯今次嚟旺角分店裝修氣氛更有日式風味🎏對住大玻璃窗更適合一邊食串燒一邊飲酒香蒜和牛粒石鍋飯($92)和牛粒軟腍唔會剩係得肥膏加上石鍋盛着底部形成飯焦😋好香好味汁燒白鱔($72)厚肉,表皮香脆,略帶魚油鹽燒三文魚鰭($58)估唔到有六件,只有一條大骨.啖啖肉!魚鰭炸得香脆食埋都可以厚燒牛舌($38)有咬口及有牛味鹽燒雞翼($28)燒得乾身香口,唔會太鹹香蒜焗蠔($52)熱辣辣,蒜香味濃梅酒梳打($48)酒味唔會好淡加上梳打🍹正~

深宵食堂 (旺角)旺角彌敦道575號Ladder Dundas 3樓朋友介紹呢間位於鬧區——旺角但又可以坐得舒服、靜靜地可以吹水嘅樓上舖居酒屋，是日平日黃金晚市時段到達，餐廳都有唔少客人，但座位分隔距離適中，唔會太嘈。餐廳採用QR code 電子下單，有唔少食物選擇，臨確認下單前還有總數幫我地計好，咁埋單就唔會失預算☺️我地叫咗豚肉蘆筍卷大蔥雞肉串汁燒鱈魚櫻花蝦石鍋飯日式鰻魚飯汁燒大魷魚鹽燒雞翼服務員都幾有禮呢間餐廳值得推介俾大家

📍深宵食堂(旺角)旺角彌敦道575號Ladder Dundas 3樓深宵食堂呢個名相信都唔陌生，一間係銅鑼灣，另一間就係旺角。今次我就食旺角呢間，地理位置非常方便，係正彌敦道。上到去一開𨋢就已經係食店，地方寬敞舒服，座無虛席，仲不斷翻枱👉芝士蟹肉玉子燒 💰$78😋😋😋😋/5如果有得揀明太子就好喇。不過呢舊玉子燒令我喜出望外，係非常之好食，又香又濃嘅厚蛋，包住一大堆新鮮蟹肉，面層有茄汁寫上深宵二字，小小酸味，十分開胃👉鹽燒三文魚鰭 💰$58😋😋😋😋.2/5一口一件，又脆又好味，唔會乾身，咬落去有魚汁流出嚟，連魚鰭都食埋，點小小柚子醋仲嘢味👉鹽燒秋葵 💰$28😋😋😋😋.5/5面層鋪上木魚絲，一啖咬落去咇到成口都係秋葵汁，木魚似有幻無嘅感覺，好神奇👉牛肉鍋(牛乳湯底) 💰$128😋😋😋😋/5新鮮牛肉配上香濃牛乳湯底，簡直絕配，眼見得幾塊牛肉，但煮完之後係份量好多，一轉色就好夾嚟食，唔係過龍就唔好食，鍋底有椰菜同冬菇，慢慢煮到好淋，好入味👉軟殼蟹沙律 💰$72😋😋😋😋/5新鮮熱辣炸起嘅軟殼蟹，係好味之中再加分，蟹嘅份量有兩隻咁多，配埋一盤新鮮沙律菜，好清新健康👉深宵冷烏冬 💰$48😋😋😋😋.3

0針朋友染疫後康復，可以出街食飯所以諗住搵間餐廳開心食一餐，結果大失所望居酒屋形式都預咗份量唔多，所以價錢相對起份量會貴少少，但我哋都期望質素會配合返價錢，結果係居酒屋價錢，但劣質放題質素都不如川燒茄子 - 以中式方式去燒，但佢質地奇怪得嚟調味得生蒜蓉味黑松露炒烏冬 - 啲燒汁氾濫汁浸烏冬之仲要餘好似落咗五羹糖咁鹽燒三文魚鰭 - 無三文魚味松露三文魚大啡菇 - 有三文魚碎喺上面嘅啡菇，大就絕對講唔上，係平時見到大啡菇體積嘅一半鹽燒原條五花腩 - 原來原條五花腩長度得半隻手掌脆炸日本大腸 - 一啲都唔脆店員告知因為係居酒屋，所以每人要至少嗌一杯嘢飲，見你坐咗陣無嗌都會提醒你嗌嘢飲我哋原本有五個人食飯，第四位朋友坐低無耐佢淨係嗌咗一杯嘢飲大家已經有共識叫第五個唔好上嚟，直接搵第二間餐廳再食過，所以張單嗌嘅只係頭三位朋友嗌嘅嘢食雖然顏色係政見，但好唔好食真係良知，所以呢間餐廳真係唔會再幫襯

夜晚11點幾上去試下真係唔知趕住打烊定點（報就收2am，可以食到1am）啲甘既居酒屋 份量少又貴都預左，但質素就真係過份到：焗蠔～霉霉地芥辣八爪魚～預左有配菜墊底，但成碗講緊9成係菜，啲八爪魚係流晒落去個碗底（整個八爪魚份量大家預係平時2舊軍艦料既份量）燒茄子～幾乎等唔到要取消單，上到枱見成隻都舖滿蒜蓉，食落奇蹟地茄子可以完全冇味，夾上嚟仲係硬身，根本未燒透，落幾多蒜蓉都冇用可樂～十幾蚊杯可樂，唔係一罐加冰底，就甘杯加冰上，算！但連汽都冇，唔難理解就係一罐開2杯，賣剩就雪住，甘咪走晒汽變糖水燒菠蘿～嚟個真係經典，話明燒菠蘿，唔知點解38蚊一串可以做到凍食，好多謝令我回憶返小時候落士多買2蚊舊冰菠蘿可能問點解甘都唔叫佢地換，問題係，我本來開開心心食餐宵夜，都唔想阻人收工，要換，基本上成張單啲野都要換，天光都唔知有得食未最後埋單幾多就唔講，剩係知我食嚟個價錢，可以有好多選擇，仲可以好滿意疫情生意難做，控制成本，絕對理解，但用啲食材甘樣虐待啲客，我強烈建議你執左佢！大家出旺角想試伏野，嚟間我真係第一推介！

睇評價出事，中大伏本身諗住聖誕節睇下有咩餐廳搵嚟試下點知依間舖帶嚟前所未有嘅體驗唔好食都算，仲要搞到我哋肚痾幾次，調返轉諗好彩夠細份，食少少都夠你肚痾幾次🤢食物質素奇差，一啲好普通嘅菜式都可以整到奇怪調味，重咸重甜，都唔知係咪特登荔枝卷，台灣腸，豬頸肉同八爪魚依啲現成食材都算正常，香辣豬頸肉一啲辣味都冇，仲要似足香茅豬頸肉咁Tim🥴烏冬超咸超甜，石鍋飯(價錢最唔合理)好細份又係重甜，仲好似蠔油汁撈飯，雞髀菇都可以整到重甜，以上三樣嘢基本上係同一個味劣質提子梳打，係梳打加色素糖漿，都可以冇乜味，犀利烏龍茶係冇乜味嘅普通茶嬲呀，yellow都搞唔掂

~ 牛肉鍋($128)🍲呢排落雨涼涼地梗係要食d熱辣辣嘅嘢啦😚。我地揀咗牛乳湯底🥛，乳白色好濃郁。入面嘅材料有京蔥，豆腐，紅蘿蔔🥕絲，菇🍄同菜🥬等等，配埋牛肉🥩夠哂豐富。我地加咗d石鍋飯配埋黎食，真係好正🤤。~ 汁燒鱈魚櫻花蝦石鍋飯($98)🍚鐘意食飯的朋友唔可以錯過😜，雖然望落細其實都唔少飯架🤓。鱈魚本身唔會好重醬汁🫙，可以先試到魚的油香🐟，再將飯🍚，櫻花蝦同醬汁加埋一齊食，味道同口感就更有層次啦😉。btw個飯底仲有飯焦添😍。~ 牛油蒜燒珍寶大扇貝($62)🧈扇貝雖然冇想像中咁珍寶😅，但就夠哂入味😋。滿滿嘅蒜加埋溶咗嘅牛油汁🧈，如果有飯不防試下黎食🤤。~ 川燒茄子($68) 🍆又係充滿滿滿的蒜蓉😂，不過個人技巧不足😅，覺得真係好難成條茄子肉抽出黎食🥹。~ 香蒜焗蠔2隻($52)🦪上到黎熱辣辣拎唔起🔥，d 蠔幾飽滿，食落夠哂juicy👍🏻。~ 烏龍茶($16)~ 荔枝玉露 ($32)

食左咁多間餐廳，今次係我第一次忍唔住要打食評。同朋友開開心心約埋一齊食晚餐，中間叫左個蛋卷，想問侍應拎把刀切開黎食一齊分享，點知佢竟然好串咁反問我一句：「妳食過邊間日本餐廳係用刀？」其實冇刀可以答冇，又或者語氣可以正常啲咁答我地。自覺要求唔高，都知侍應做左成日好辛苦，但係我體諒都唔代表我地應該要受埋呢啲氣，黎食野都只係想開開心心，希望呢個評論可以令你地做好啲，等後面既客人可以開心食餐飯。………..

第二次黎食，因為佢環境靚，裝修好有日本嘅感覺，四周圍都貼有動畫海報、日本酒廣告、動漫Figure等等，而且門口有落地玻璃，非常光猛，重點係佢午餐時段客量少，支持下佢地兼自我享受寧靜嘅環境鰻魚炒飯定食 $ 68前菜有細碟中華沙律，飲品可以揀綠茶或者麵豉湯。鰻魚炒飯都足料，味道唔會好甜，飯粒算分明，不過有少少過淋，因為我比較鍾意食珍珠米嘅煙韌質感醬汁燒豚肉丼 $ 62賣相高分，豚肉用腩位，厚切，味道香，醬汁可能唔夠均勻，有啲腩肉偏鹹，有啲又冇調味咁，呢個價錢就唔要求太多午市唔收加一，價錢同一般茶餐廳冰室接近，所以我都會選擇得閒上黎食，食埋環境同裝修都抵