日喜樓 (Closed)

今晚係突登訂左位同女朋友黎試日喜樓由於日喜樓係B1/F 係地面時 已經有知客帶我地落去 裝修係簡約風 同埋雲石tone 好靚呀新裝修環境好光猛好乾淨我地點左做緊優惠價$158半隻既片皮鴨半隻份量都超多！皮係用蒸爐蒸住保溫，唔會變硬，每層皮都有張紙隔住，唔會痴埋曬，店員好細心多次提醒要小心個爐正呀！鴨皮脆肉味濃！爆汁生煎包店員又係多次提醒要小心食，建議首先開個洞先再食，如果唔係就會比啲湯汁熱親！睇唔睇到幾誇張呀啲湯汁？真係超熱！同係上海食差唔多，好正宗！水煮原條桂魚入面仲有我至愛-寬粉！水煮魚平時都係一片片魚肉，今次係原條上炸過既桂魚，魚肉好多，肉質鮮美！韭菜牛肉餡餅好驚喜！係酥皮黎架！牛肉同韭菜餡好夾，又多汁，好食！埋單一人唔洗$300，開心！

好耐冇同班朋友食飯，有朋友話想試下登龍街呢一間新開嘅精緻中菜，之前已經喺網上面見到有唔少好評，一於嗌齊飯腳一齊試下。餐牌係用tablet 去睇， 睇落個餐牌都幾豐富。首先叫左個冷盤燻蛋試下， 每人半隻， 上面仲有唔少嘅黑松露，賣相非常精緻。咬落去流心嘅蛋黃，夾雜著煙燻既味道，非常香。芙蓉三鮮， 淨係聽個名都非常之靚，其實就用咗蛋白同埋鮑片、帶子、蝦仁煮成，食落好鮮味好滑，拎嚟送飯一流。而呢一個四喜臨門小籠包 ，分別有四種唔同嘅味道，外皮用上蔬菜汁調色。拎起嚟嘅時候真係要小心，因為個外皮好薄，好容易一不留神就整穿。 食落啖啖都係湯汁，非常好食。而今日嘅重頭戲，水煮原條桂魚， 最令我欣賞嘅係啲魚肉起曬骨，啖啖都係肉，而且辣味好香， 花椒嘅麻香同辣椒嘅辣味剛好， 辣得嚟好過癮。側邊嘅配菜例如薯粉芽菜吸收曬辣汁，鍾意食辣嘅人絕對會食到欲罷不能。而家一個湯浸茶樹菇翡翠苗亦都唔錯， 上湯嘅味道好香濃，蔬菜吸收曬上湯味道，食落好鮮味。最後當然要叫個甜品，呢個吾是南瓜賣相好精緻可愛，外皮軟滑，入面竟然係紫薯餡，食落好驚喜，而且味道唔會太甜， 同女仔朋友食飯必叫呢個。

同朋友係銅鑼灣買嘢，行到咁上下有啲肚餓，友人提議試下呢間新開嘅中菜，環境都唔錯。menu 都幾多選擇，由冷盤熱葷，以至甜品都一應俱全。先叫一個推介菜式，四喜臨門小籠包，顏色好別緻，新鮮蒸起，一上檯就出曬煙。入面爆曬汁，但豬肉唔會太肥，味道唔錯。而呢個水煮魚用上桂花魚，魚肉好滑之餘，亦都無骨，對於懶人嚟講真係好正。而且個辣湯好香，魚肉吸收咗湯嘅辣味，但仍然保留鮮味，必試。至於沙窩雲吞雞亦都係滬菜嘅名菜，雞湯呈奶白色，飲落好濃郁嘅雞味，少少似日本嘅雞白湯，而雲吞則係菜肉雲吞，皮唔會太厚，但菜肉餡好多，而侍應仲會幫客人切好啲雞肉，相當貼心。甜品方面就叫咗擂沙湯丸同高力豆沙香蕉，擂沙湯丸非常煙韌，一咬開就爆曬啲芝麻餡，非常香口。高力豆沙香蕉，外皮脹卜卜，一咬開就係唔太甜嘅香蕉同豆沙，甜味適中，不妨一試。

即使西餐，日本菜，韓國菜多美味，但吃得多了，總會掛念中菜～雲雲中菜之中，京川滬菜算是我的最愛，每隔一段日子，都總要吃一吃。來到銅鑼灣，剛好可以一試最近新開的日喜樓～位於V Point的底層，餐廳的環境很寛廠，佈置亦有中國風。看了看餐牌，決定試幾款推介菜式。說到京川滬菜，小籠包是我不二之選！ 這次試了四喜臨門，即是有四個不同口味的小籠包，分別為原味，蒜香，九層塔和茴香。小籠包皮薄餡靚，而且很多肉汁，屬水準之作。 每種口味各有特色，全部都很好吃。生煎包亦是不得不吃～飽底煎得香脆，內裏充滿肉汁，沾上少少醋，豬肉的味道更鮮。冷盤叫了四喜烤麩，麵筋吸收了所有醬料，甜甜的很開胃。另一款推介菜式：牛肝菌，什菌慢煮黑豚肉。非常推介！醬汁很美味，而且菌類吸收盡了醬汁和黑豚肉味道，更加鮮甜。黑豚肉用了五花腩，煮得很腍滑，豬皮更是煮至起膠，雖然邪惡，美食當前，亦顧不了那麼多！ 羊肉湯麵很抵食，羊肉和麵條分量都很多，而且湯底濃郁，麵條有彈性，推介～最後，還叫了個"吾是南瓜".是糯米糍入面包薯紫薯蓉，糯米煙韌，紫薯蓉味道天然，好味～

今晚和朋友在銅鑼灣行完街，知道登龍街有很多新餐廳，在街頭V Point 見到有間新餐廳 - 日喜樓，主要是吃上海菜，見餐牌很吸引就決定試試。餐廳為於V point 樓下，裝修簡潔時尚，空間感非常闊，有數張12人大檯和梳化位，時間尚早餐廳內不算太多人。平日夜晚很少飲茶類，因為會失眠，這裡竟然有菊花茶，值得一讚！用電子餐牌，有多款廚師推介菜式，我們二人點了自家制油淋雞（半隻）$138、孜然羊肉$118、糖醋茄子$88、日喜灌湯小籠包（4隻）$63、北京炒拉麵$78、桂花糕$28。自家制油淋雞（半隻）- 脆香的雞皮上面鋪滿用莞茜蒜蓉等香料，非常惹味，一流！👍🏽孜然羊肉 - 比想像中大份，孜然味香濃，不會太辣，不錯！糖醋茄子 - 用上咕嚕肉的甜酸醬汁，酸酸甜甜超開胃，茄子沒有渣，上面有點籽仁點綴，增加口感！日喜灌湯小籠包 - 小籠包一定要熱食，皮薄，湯汁超多！北京炒拉麵 - 配料味道都足， 火候夠！桂花糕 - 清甜淡雅桂花香，不會太死死實實👍🏽👍🏽總評：銅鑼灣高水準上海菜，服務也一流，侍應埋單有問我們覺得食物如何，希望繼續保持水準！

—因為百碟宴而認識日喜(熹)樓 就咁睇相都覺得個排場好震撼蔥油拌海蜇($68)個碗就係百碟宴所用到嘅器皿😍北京填鴨($159/半隻)優惠期間7折 當然要試試雖然唔係喺面前切片 但餅皮有個爐keep住溫度👍👍茶樹菇金菇高湯翡翠苗($88)細細箸咁樣食 唔驚唔覺食咗好多吸哂湯嘅味道 好濃郁上菜好快手 肚餓嘅時候嚟呢到啱哂收食完嘅碟個陣 會幫忙將未完成嘅碟擺好 方便大家夾餸 好體貼——————————————日喜樓銅鑼灣登龍街18號V Point B1樓

上次食完放下素，經過見到呢間日喜樓望落好grand咁，search完發現佢就係之前係灣仔個間食百碟宴既日熹樓！同fiancé睇完menu好想食佢個爆汁生煎包同四囍臨門小籠包😍😍😍決定入去試下！我地未夠六點就入座，當時無人，每個waiter/waitress 都好helpful，主動幫我地斟茶。我地除左叫羅春閣爆汁生煎包同四囍臨門小籠包，重叫左四喜烤麩、經典肴肉、碧綠炒萵筍、瑤柱蛋白炒飯、吾是南瓜🎃。一開頭嗌左桂花糕，但waitress好好人即刻幫我衝入廚房截住個order🙏🏻🙏🏻冷盤先上菜，四喜烤麩味道甜甜地，索滿啲汁好入味。肴肉啫喱狀既部分比較硬身，我食過個種偏向似啫喱咁一咬就散，呢度係偏向似啫喱糖，點少少醋食唔錯。我地最期待既爆汁生煎包同小籠包黎喇😍😍😍waitress提醒我地先篤窿先食，因為入面好熱⚠️⚠️⚠️🔥🔥🔥重話筷子專燈用較尖頭方便篤，好細心👍🏻👍🏻👍🏻果然係爆汁！咬開成個包入面都浸滿汁，肉餡味道唔會過鹹，啱啱好，個底（其實我覺得摺口應該叫佢面先啱😂）煎到好香脆，不過略嫌個面咬落重啲麵粉，唔夠熟，但整體都好食！四囍臨門小籠包出晒煙😍有原味、蒜香、九層塔同茴香。皮好薄但唔會一夾就

今次嚟咗銅鑼灣V point地牢嘅中菜館！裝修設計簡潔，地方好大好闊落！員工有笑容有服務水準高！食物水平也算中上，價錢合理！先講講食物：杞子花雕醉雞，佢俾咗個脾位我哋，食落好有花雕味，雞亦好嫩口！個人覺得好食過鼎泰豐！灌湯小籠包：中規中矩，同埋一定要趁熱食啊！酸菜斑片：斑片數量都幾多，湯頭應該加左雞湯，所以幾好飲，重點佢唔係太辣，適合好多人食！魚香茄子，呢個比想像中辣，但都幾好送飯，鍾意食辣嘅人就啱晒啦！

唔係有人派傳單都唔知開咗間新餐廳可能新開啦， 7PM都仲有好多位見周圍大多數都係家庭式聚會宮保蝦球 ＄128得4隻好似貴咗D， 不過蝦肉本身爽口彈牙辣辣地其實幾好食生煎包 ＄68侍應端上時有溫馨提示好熱， 幾貼心下面煎到脆卜卜， GOOD我覺得好食過 小籠包 ＄63椰汁小饅頭 $28（唔記得影）好細粒 又唔算特別好食咁啦吾是南瓜 ＄48睇MANU張圖係好靚， 但上嚟係有參差㗎（仲懷疑係唔係萬聖節造形）不過紫薯餡幾好食有漏單， 但侍應有禮貌幫跟進SERVIC唔錯

今日同朋友去銅鑼灣試新菜日喜樓 我們兩個人一起吃叫了三個小菜火燄松子魚外型好特別上枱時店員會加橙酒然後點火試過效果10分精彩孜然羊肉味道尚可牛肉有一點So和菜式10分油膩生煎包味道不錯不過小心會爆汁皮外脆內軟湯汁10分清甜！總結價錢-中上在銅鑼灣的食肆差不多價錢味道-上可；魚不太新鮮：羊肉油太多！環境-10分舒適地方闊落人數不多服務-服務很好👍結論-這一間餐廳適合傾計，安靜食飯嘅地點坐得闊落食物上學地點也不錯。

灣仔杜老誌道的日熹樓以百碟宴及中式tapas令人留下深刻印象，喬遷到銅鑼灣登龍街後簡化名稱為日喜樓，裝修較之前的濃濃中國風為清雅簡約，光猛明亮。杞子花雕醉雞杞子排列成花朵形狀，雞件皮薄少脂，肉質嫩滑。花雕味道香濃，酒香滲入雞件中，幽幽的芳香十分討人喜歡。葱油拌海蜇 葱油拌上爽口海蜇，混合了蔥花的辛香及麻油的溫潤，清清爽爽的沒有多餘的味道。茶樹菇金菇高湯翡翠苗 茶樹菇金菇翡翠苗爽口細嫩，高湯增添鮮甜味道，同樣令人喜愛。酸菜斑片 斑片厚肉無骨，魚肉鮮甜彈牙，酸菜味道亦不太酸，避開辣椒的話，整道菜不太酸辣，十分可口。魚湯鮮甜中又帶少少酸味。黑松露什菌炒飯 飯粒炒得乾身爽口，黑松露及乾菌的幽香為材料簡單的炒飯增添風味。羅春閣爆汁生煎包 生煎包熱辣燙口，包底煎得香脆。輕輕咬下一口，熱煙經小孔噴出，肉汁爆出滿瀉，鮮甜味美。

夜晚收咗工，約埋朋友落嚟依度食晚餐，係呀! 無錯呀! 係落唔係上呀! 因為餐廳係位於大廈的地庫，所以要落嚟依度囉! 個場幾大，好寬敞，又光猛，客人都唔少，好難想像到地庫餐廳可以咁樣。餐廳主打係食京川上海菜，亦都很前衛，餐牌全部放晒入平板，好環保，無需浪費紙張印出來，可以任人卒任人睇。朋友卒咗【蜜汁火方】、【灌湯小籠包】、【四川擔擔麵】、【蔥燒海參】和【北京填鴨】【蜜汁火方】蜜餞汁甜得來啱啱好，金華火腿好甘香，蓮子咬落好綿的。夾埋薄脆蓮子一齊食，脆的、綿的、軟的口感有齊。【灌湯小籠包】皮薄，摺功出色，有二十摺。咬落去湯汁爆咗出來，餡肉鮮甜。【四川擔擔麵】唔辣的，但很香。雖然麵唔係即場拉的，但係質感都唔錯，嗦咗啲湯來食，味道不錯。湯底有好多花生粒，所以都幾香。【蔥燒海參】京蔥的香味很特出，海蔘質感腍腍軟軟的，食落好過癮，好似食啫喱，不過依個啫喱的營養價值是很高的，因為有很多膠原。【北京填鴨】這個填鴨比較乾身，沒有平時食開嗰種咁油膩。薄餅放在蒸籠內，而蒸籠下面係有個小火爐的，熱住啲薄餅，就唔怕攤凍變硬。慢慢將啲烤鴨、大蔥、青瓜、甜醬放在薄餅上，係咪好有藝術感呢? 食落仲好有滋味感喔!

週末去了時代廣場附近逛街，順道在食肆林立的登龍街晚膳，在V point 見到地庫層有家新的中菜館，新張期間還有85折，一於試試。賽螃蟹 - 經典菜式，蛋白炒得香滑，還混了不少蟹肉絲及瑤柱絲，簡單清淡更能食出食材的鮮味。宮保蝦球 - 蝦球大隻，炒至剛熟的十分彈牙，以乾辣椒，陳醋及糖等爆香，甜酸微辣共冶一爐，惹味之選。醬爆牛肉餅 - 很久沒食牛肉餅，店員溫馨提示小心爆汁。外皮煎得酥脆，咬開不至於爆汁但確實肉味香濃多汁。蕃茄蛋餃 - 蕃茄炒蛋食得多，蕃茄蛋餃還是初次品嚐。餡料調較恰到好處，易出水的蕃茄不會令餃子過濕，充滿著蛋香，家鄉風味令人難忘。豆沙鍋餅 - 即燒鍋餅熱烘烘，豆沙不會過甜，細細件淺嚐幾口很滿足。菜式看似簡單，但食得出在食材及烹調花了不少心思，而且價錢合理，值得再來。

一放工梗係搵好西食，睇openrice得知呢間有百碟宴京川滬菜，咁把炮就要嚟食下。不過我同朋友加埋都係得兩個人，十二人份量嘅百碟就食唔到啦，而且要三日前預訂，所以唯有自選八碟最想食嘅菜式，食一餐八碟宴 😂 未食前飲杯茶。茶款有好多選擇，我地揀左菊花茶，超純香超好飲～～前菜叫左四款，花雕雞真係必食。花雕上價易入口，味甘香，雞用左一份雞脾肉，超嫩軟😋宋嫂魚羹好多料，筍絲，冬菇絲等，絲絲切得均稱，味道酸辣好開胃，加少少胡椒粉更惹味～ 👍🏻爆汁牛肉餡餅🥙 細細個。一口一個時真係要小心，真係脆脆嘅薄皮裏面真係包住熱濃嘅牛肉湯汁 💥小籠包一籠四隻，同樣皮薄爆汁，顯示晒中國菜嘅功力❣️食過晒前菜，就食主菜。嗌左瑤柱蛋白炒飯，炒到粒粒晶瑩獨立，加左蛋白，瑤柱絲同菜粒，簡單得不簡單，好香好好食😋 如果可以日日食就正 😂另外一味就食黃金蝦球，配個蛋白炒飯簡直係最佳配搭，一流之選👍🏻 黃金蝦球雖然得四隻，但隻隻都好似乒乓波咁大粒，炸到香脆，肉質爽實，然後被一層咸蛋黃蓉包住 🤤🤤🤤 同炒飯一齊食真係舔舔脷。食飽先再起甜品，甜品有兩道。先係吾是南瓜，原來係南瓜型紫薯餡清蒸糯米滋，入口軟綿唔太甜，夠晒健康，值得一食

一入店,樓上同事會通過對講機話比其他同事知,我地幾多位。之後搭一條小電梯往下層,到達下層就有店員招待。坐低之後,睇MENU係透過iPad,環保之餘份外清晰,放部IPAD係檯面用手指左右掃,好過拎住MENU一頁頁"頡"。(MENU我就無影到~不過上網搵應該都好多資源)假若你注重食物質素之餘亦都在乎服務質素,我會推薦日喜樓。店員全部面帶笑容有禮貌。通常好多中菜地方叫左茶之後,茶放上檯,店員就會離開,令我好驚訝係,店員會為我地斟埋茶,係整餐晚飯亦會主動留意我地檯上茶壺重有冇茶,自動去補,同時亦會為我地再斟茶。除此之外,每一個店員,不分年紀,對公司既食材好熟識,會為客人介紹,上菜既時候更加會講解/溫馨提示,例如我叫左羅春閣爆汁生煎包,店員會教我地先係中間開洞,散一散熱,小心煬咀等等...令我感到呢到既服務質素好高。日喜灌湯小籠包- 超級建議趁熱就食, 小籠包皮薄餡靚,包內湯汁夠多而且夠香濃,傳統配埋醋同薑絲,夠晒好食~北京填鴨一食（半隻）店員又會介紹,佢地會用住個鍋去蒸住D薄餅,溫度保持係60度,因為每一塊都用紙分開,而且減低薄餅乾硬,店員話最好拎完一片,可以蓋返個籠。片皮鴨唔算係咩特別,但配