福源川香閣

Open Now

Now Closed

香港人鍾意食辣，所以川菜餐廳越開越多，但未必間間都係正宗好食🙈不過我今日介紹俾大家嘅呢間川菜就真係令人心掛掛，耐不耐就好掛住啲辣椒花椒泡椒味，絕對係香港數一數二嘅川菜餐廳💗🤎夫妻肺片 $78:先滷再浸口水汁，加入花生碎、炒香的芝麻同芫荽，麻辣鮮香，後勁凌厲🤤🧡貴州辣子雞 $188:啖啖雞髀肉粒，唔好以為見唔到辣椒就唔辣，其實啲辣椒已經切到好細，所以每嚿雞肉都好香濃，千奇唔好睇少佢🤯💛乾煽黃鱔 $328:多人食所以叫咗大碟，平時唔太鍾意食鱔，不過依碟黃鱔就十分出色，炸得酥脆香口，椒鹽加辣籽回味無窮，正正😍佢哋仲有好多嘢食都好值得嚟食，用心機烹調每一滴辣油醬汁，點可以唔支持呢😎

好想將呢間餐廳介紹俾更多鍾意食辣野嘅朋友🙈，首先呢間餐廳係正宗四川菜，一點都不吝嗇辣椒，最怕你話唔辣🥵小編最愛💕干鍋田雞，超有鑊氣，餐廳用了不同配料遮蓋了田雞的胜味，辣得來之餘品嘗到田雞的鮮甜味，好味到停唔到口阿！😆😆外脆內軟的乾煽黃鱔，黃鱔爽口彈牙沒有腥味，咸淡得宜值得一試🥰👍🏻與眾不同貴州辣子雞，印象中辣子雞係細細粒有啲似雞軟骨嘅大細，但貴州辣子雞雞肉比較大🤔，肉的比例比較多，啖啖肉好有口感。🙌🏻整體來講菜式口味唔錯，如果鍾意食辣的你不妨bookmark🖊下次來食下😸

呢間位於軒尼詩道嘅川菜餐廳已經屹立喺灣仔一段時間，一直都未有機會食，今日趁同事生日，就決定去try try🎊餐廳都幾開揚，待應知道我同事生日，仲安排咗最舒服嘅卡位俾我哋坐，全程笑容滿面，服務態度好好😎😎同事對依碟～貴州辣子雞～好滿意，首先雞肉好嫩口，辣椒同香料切到好細碎，所以更易入味，同出邊食到嘅辣子雞感覺好唔同🤩🤩待應話除咗水煮魚之外，～乾煽黃鱔～都係佢哋餐廳嘅得意之作🎖 本來以為黃鱔嘅魚油加埋辣油會好油膩，點知一啲都唔會，仲好乾爽👍🏻～乾撈牛肚～同～夫妻肺片～都係兩個高水準嘅開胃小菜，仲好啱一路飲返兩杯一路食添🍻食完就知道呢間川菜餐廳真係名不虛傳，每樣嘢食都夠晒正宗惹味，實在very good!🥰🥰

之前同同事lunch食過呢間，呢次夜晚黎可以試多啲野😋。7點左右去到都未係好多人，🔅黯然銷魂炒飯 ($68) 炒飯lunch嗰時食過覺得唔錯所以encore，雖然都係好簡單既蛋、蔥、紅蘿蔔粒同肉碎，但炒得好香，粒粒分明😍，份量其實夠4個人食🤣。🔅招牌自選香鍋 ($203)揀左美國肥牛，雞軟骨，如意寬粉，高山娃娃菜，豆卜，不過好似落錯單變左豆皮😝。一拎黎超大鍋🤤🤤，份量都幾多，大概小辣，好香好惹味。寬粉同娃娃菜吸晒汁好正😚。🔅農家椒鹽酥肉 ($78)一拎黎已經聞到好香，豬頸肉都頗爽口，加左炸蒜更正😚。🔅金銀饅頭 ($38)熱愛食炸饅頭既我request左全部都要炸，唔要蒸饅頭🤣。煉奶同平時嗰隻好似有啲唔同，再甜少少😚。🔅紅油豬耳 ($68)豬耳爽脆，撈勻辣椒油好香，唔算超辣😚。🔅家鄉自家製紅糖糍粑 ($38)呢間既糍粑比麻辣風雲既幼啲，所以可以炸到更脆更好食😍。表層灑左黃糖，再沾埋紅糖成件事好夾💕。💬整體唔錯，坐得幾舒服。野食係即叫即整，唔適合趕時間既人😂，但一碟碟分開上菜可以同朋友傾住計食住等都唔錯，好過一次過上晒菜未食完就擺到凍😳。

無辣不歡的我，有一段時間冇食辣，心不在然😂。拿拿聲約朋友去之前經過話要一嚐既四川餐廳，大食一餐。😍餐廳環境座位闊落，裝修偏向中國風格🎋。今次我地叫左四款菜式，首先係干鍋肥腸，肥腸咬落軟綿甘香，但又不會好肥膩滿口油脂👅。另外係乾撈牛肚，牛肚大小一致厚薄均勻，口感爽口咸度得宜🤤。最讓我喜出望外的夫妻肺片，原本對呢個菜式沒有太大期待，但佢既辣度令我停不了口一嚿接一嚿🙀。入面有不同的內臟而且都好清爽，沒有仼何腥味。👍🏻👍🏻最後朋友的至愛乾煽黃鱔，外層焦香酥脆，魚肉仍然保持細滑🐟，加上辣椒的辣味🌶，滋味無窮。

可以每日都食辣嘢🤣 又發掘到一間口碑川菜‼️各樣菜色都有 除咗水煮牛 酸菜魚 仲有香鍋 烤魚 雞煲 好難揀🤯 而且佢哋份量好大建議一班人share💁🏻‍♀️❣️酸菜鱸魚小份（中辣）$266❣️如意寬粉(贈送萵筍) +$28去到邊都係食酸菜魚先🤣 呢間辣度唔高冇花椒 湯冇咁油~ 酸菜同魚都好食🫶🏻‼️ 真係難得係一條骨都食唔到 起肉一流👍🏻特別鍾意佢嘅配料有萵筍同炒香左嘅菇🥰寬粉煙韌度啱啱好 必加✅❣️水煮美國肥牛 $148更鍾意食呢個水煮牛‼️🐄 非常推薦🥰湯底好重牛油香🧈 有好多工辣椒同花椒好香😋欣賞佢哋配料有心思每款都唔同 呢個有芽菜青瓜🥒 呢個牛都不得了 俾咗巨量而且唔會好肥又好有牛味🥳❣️麻婆豆腐 $58冇expect佢咁大份😮‍💨 最後打包超送飯💁🏻‍♀️🍚豆腐幾滑而且有啲花椒粉 呢個汁送飯真係 crazy🫶🏻❣️金蒜粉絲蒸娃娃菜 $68蒜蓉粉絲嘅配搭好好食🥰 必點👌🏻❣️家鄉紅糖糍粑（份）$38甜品收尾 都係推薦 好似冇嘢唔好食🤣

想食辣嘅心癮每隔一陣就會起，普通嘅辣已經滿足唔到我，要食就要食最正宗嘅四川菜，辣到口水鼻涕流晒出嚟先至過癮😆一入到餐廳，我同朋友已經急不及待睇吓有咩好嘢食😝好想食肉，所以叫咗一客貴州辣子雞($188)～貴州辣子雞同重慶辣子雞煮法上有好大分別，我自己就鍾意貴州辣子雞多啲，比較濕潤柔和，亦都唔會炒到啲雞肉嚡熠熠😚朋友話一定要食乾煽黃鱔 ($238)，因為烹調嘅工夫多又繁瑣，有得食一定要叫🥹炸黃鱔肉酥香鬆化，乾嘅青紅辣椒籽充滿整碟黃鱔，每一啖都又麻又辣，好好食😋唔可以錯過嘅仲有干鍋肥腸 ($98)，夠哂邪惡🙈肥腸嘅肥油令到成個干鍋都香噴噴，雖然超重口味，但麻辣可以分解到肥腸嘅油脂，食到停唔到口，係今餐嘅MVP🏅

灣仔嘅福源川香閣係區內一間非常出名嘅川菜餐廳，大廚係四川人，用嘅配料以及烹調方式都非常貼近四川嘅口味，特別地道正宗🌶⭕️乾煽黃鱔⭕️有大同細兩個size可以選擇，細份都好大碟，足夠二至三人食👩‍👩‍👧黃鱔做得好乾身，超級有鑊氣，又香又辣好惹味❤️‍🔥⭕️豆花牛柳⭕️一見到紅噹噹嘅紅油同花椒就知對辦♨️湯底除咗有辣椒之外，仲落咗少少酸菜，所以食落又酸又辣，重口味人士一定鍾意♥️⭕️夫妻肺片⭕️好欣賞呢個口水汁，蒜蓉嘅味道好強烈，一片肺片包住蒜蓉、芹菜、花生碎，再沾滿口水汁，真係好上癮嘅味道🔥溫馨提示❤️餐廳午市同晚市都好多食客捧場，記得最好就book定枱，咁就唔使等咁耐啦☺️

💕福源川香閣中菜菜系入面，尤其鍾意川菜，每當發掘到未食過嘅川菜館都忍唔住要試一試🥰灣仔嘅福源川香閣就係近期嘅新發現，原來佢地已經開業5年，古色古香嘅裝修充滿中國風，餐牌選擇好豐富，揀咗幾款特色小菜，樣樣都有驚喜😊.🔸招牌香鍋招牌菜之一，集麻、辣、鮮、香於一身自選5種配料，我地揀咗如意寬粉🍜肥腸、鮮蝦🦐雞脾菇同萵筍海蝦同肥腸經過走油，特別香口，連蝦殻都食得👍🏽肥腸嘅油香同辣味合而為一，個人認為最有驚喜🥰.🔸辣子孜然香脆羊肉 128另一道放滿辣椒嘅小菜😍但其實唔太辣㗎孜然香之中有點點甜味，羊肉口感香脆有肉汁🍖羶味恰到好處，呢道菜幾令人回味❤️.🔸宮保雞丁 78精髓在於佢嘅醬汁😚帶點醋香，酸酸甜甜，濃度啱啱好包裹住雞丁、青瓜、花生等材料，送飯或者送酒都好適合🤗.🔸金蒜粉絲蒸娃娃菜 68蒜蓉、粉絲、娃娃菜真係無敵嘅配搭🥰清清地但又突出到蒜香，而且份量好有誠意，簡單得嚟食得滿足.🔸家鄉自製紅糖糍粑 38必食甜點💁🏾‍♀️金金黃黃嘅糍粑外脆內軟，口感煙韌，配埋黃豆粉、黑糖醬夠滋味

午飯時間同事話好想食川菜，越辣越好，咁啱醒起修頓球場對面有間川菜餐廳，口碑一路都幾好，咁就一於試試。我哋總共叫咗三樣嘢食，［麻婆豆腐$58◻️］辣度較溫和，主要嘅辣來自豆瓣醬同花椒粉，個汁超級下飯🍚🍚🍚另一碟都有豆腐嘅係［豆花牛柳$168🥩］，豆腐比麻婆豆腐更細滑，感覺比較似豆腐花，牛柳肉味濃郁，連埋麻辣湯一齊食好舒服😉［霸王蝦$158🦐］份量都唔少，乾辣椒炒得好香同乾身，食蝦時連埋啲乾辣椒食絕對可以提升辣度⬆️加分位係蝦肉唔霉，仲係好彈牙，連埋殼食都仲得添～午餐食完辣野好似特別醒神🤩加上啲座位夠闊落，可以坐得舒舒服服咁食嘢，睇嚟我哋好快又會再嚟食午餐啦😚

我同朋友超鍾意食辣，每次約出嚟食飯都一定要食辣先高興！所以我哋今日揀咗呢間川菜餐廳，基本上全部食物都係辣辣辣，太令我哋興奮了！🤤先試較輕量級嘅霸王蝦，蝦泡油後更香口，蝦殼同蝦肉都沾滿左乾辣椒嘅辣味，當小食咁食好正🫢干鍋田雞好抵食，$118大大鍋，加入青辣椒令辣嘅味道更豐富，除咗田雞之外，入邊嘅萵筍都非常討好，好想瘋狂加點🙈我最期待嘅就係呢碟麻婆豆腐，滑嘟嘟嘅豆腐索滿麻辣醬汁，辣油落得超大方，為咗唔好浪費啲汁，我哋仲嗌多碗飯撈汁食，咁先至盡興嘛🤭有個同我一樣都鍾意食辣嘅朋友真係好彩，不過食到一間咁高質嘅川菜就更加幸運～！

餐廳環境: 👍🏻👍🏻👍🏻👍🏻/5整潔度: 👍🏻👍🏻👍🏻👍🏻/5服務: 👍🏻👍🏻👍🏻👍🏻/5食物: 👍🏻👍🏻👍🏻👍🏻👍🏻/5回頭率: 👍🏻👍🏻👍🏻👍🏻/5豆花牛柳 👍🏻👍🏻👍🏻👍🏻👍🏻份量好足，味道芬香四溢，牛肉大小分明，沉浸於配料及醬汁中，好入味。牛柳脂肪含量低，但口感保持嫩滑軟綿，牛肉味重沒有肥膩感 。夫妻肺片 👍🏻👍🏻👍🏻👍🏻入面有牛展，牛肚等不同部位，內藏處理得好朝淨無異味，質感偏向腍身。辣椒醬油嘅香味同麻辣慢慢滲出，食慾大增。霸王蝦👍🏻👍🏻👍🏻👍🏻每一蝦都體積大隻，雖然辣椒粒好多但辣度唔算太勁，小小辣多多脆帶有輕微咸香，蝦肉鮮甜彈牙，蝦殼脆口。整體來說，每款菜式辣勁十足，味道十足，份量十足，服務十足，扺食之選，值得大家一試！🔖

🥚🥚🐷正宗川菜辣得起勁✨性價比：7.5/10🍳食物：8/10🌏環境：7/10🕺🏻服務：7.5/10💰是次消費：人均 $ 260 + 10%#蛋蛋豬 🏝地點分類: #蛋蛋豬在灣仔🍰食物分類: #蛋蛋豬吃中菜 #蛋蛋豬吃川菜————————灣仔修頓球場對面的正宗川菜，食物選擇超多，由經驗師傅坐陣的鑊氣小炒、為人熟悉的酸菜魚等，惹味的一夜。招牌香鍋 ($239)小項：經典香辣鍋(小辣）（走芫茜）- 美國肥牛(+48.0）- 雞軟骨(+48.0）- 鹵金錢肚(+42 .0）- 牛百葉(+38.0）- 如意寬粉(+25.0）足料香辣鍋，小辣都數到好多隻辣椒。內容自選，自由度高，豐儉由人。金蒜粉絲蒸娃娃菜 ($68) – 推薦* 見到好多人叫這味菜，也就叫一個試試。蒜味重得過分，非常欣賞，撈粉絲一同吃；配搭清湯浸著娃娃菜，有家庭小菜感覺時，又做到惹味。農家椒鹽酥肉 ($78)我們形容為佐酒小吃，咬開肥瘦一半一半。外皮鬆化香酥，比起椒鹽來說，還是蒜味為多。青椒皮蛋 ($56) – 推薦*晶瑩剔透藝術感強烈，放中央的碎粒青椒又夠香辣。桂花冰釀 ($20)福源川香閣 Fu Chuan Xiangge🚦灣

餐廳主打各式正宗川菜👍🏻，菜式中加入大辣椒🔥適合愛辣之人。貴州辣子雞 $188辣子雞比平時出面食的有少少不同，餐廳的辣子雞雞粒比較大，每一件雞都能夠染上辣椒的香味，另外，面頭灑上芝麻及香蔥，令辣子雞更加惹味🤤🤤🤤夫妻肺片$78弱弱的說原來夫妻肺片沒有肺🤣，有牛肚牛心牛肉等，加上正宗四川辣汁，好入味而且唔會太硬。💪🏻干鍋肥腸 $98鐵板燒方式可以保存食物溫度，加入彩椒令到顏色繽紛🌈，大腸洗得好乾淨冇任何異味。✨江湖毛血旺一上台散發出濃烈嘅香辣味，簡直令人垂涎三尺🤤。湯底材料非常豐富有鴨血，牛肚，豬肉等等，食材新鮮好味偏向麻辣，開胃之後更加促食慾。

放工同同事去附近既餐廳食晚餐，誤打誤撞揀咗呢間川菜館🌶。一坐底侍應已經走埋嚟招呼，介紹幾款招牌菜俾我地，於是就照板煮碗落單。😆😆第一碟係豆花牛柳我地俾佢既份量嚇親，超大兜❗️無論係配料定牛柳都好足料，即使加咗辣椒依然食到牛味。🐮之後係霸王蝦，一開始上枱覺得唔太吸引，但其實食落味道都唔錯辣辣地，蝦肉彈牙爽口。🦐跟住係貴州辣子雞，呢到既辣子雞有別於其他餐廳食嘅辣子雞平時識開係偏乾身同脆口。呢度嘅辣子雞較為濕潤有些少醬汁，雞肉加上醬汁好惹味！🐔最後乾撈牛肚，一開始擔心牛肚會煮到太干太韌，好彩師傅控制火喉岩岩好，牛肚易入口，配啤酒一流！🙈我哋食得非常滿足，值得過嚟試下🥰