楓林小館 (Closed)

某天在沙田開會完畢，老闆在此宴請賓客，小臣自然敬陪末座。吃了久違的燒乳鴿，發覺水準比龍華酒店有過之而無不及。 這天星期六不在家做飯，小卡提議到大圍吃，便在漢年和楓林小館中選了後者。晚上六時半到達，居然已有三、四桌客人，到結帳時全店已經滿座。假日來吃飯宜預先訂位。 楓林的所有東西，包括裝修和員工都很有歷史，幸好食物的味道亦一樣不變，這才是屹立不倒的原因。 上次吃過紅燒乳鴿，這次決定試豉油王，我要求原隻手撕，小卡則要斬件上桌。是日的乳鴿過大，故此肉質吃來略韌（尤其是鴿胸部位）。不過豉汁濃而不鹹，鴿肉雖厚仍非常入味，值得一讚。不過下次來還是吃紅燒比較保險。 再吃此店另一名物：煎封釀豆腐。楓林油鍋夠大，滾油炸出來的東西全都非常美味，故此人多一定要試香酥鴨、炸鮮奶等有名炸物。豆腐炸得皮脆而不膩，內裡則保持嫩滑，吃來更是豆香撲鼻，配以一小件蝦膠點綴，絕對是畫龍點睛。 這道雙菇腐竹燜翅裙賣相雖然一般，但卻火候十足，翅裙夠腍兼膠質盡出，比想像中好吃。可惜吃罷乳鴿已經飽了一半，這鍋東西無論如何亦吃之不完。 老而彌堅的名店，名菜還有椒鹽蝦和涼瓜燜魚，可以留待人多時再來吃。

尋晚四個人黎食，訂左檯所以好快有檯。但其實都見有空檯，星期六晚都唔爆可能同價錢有關。叫左招牌燒乳鴿，肉鬆生菜包，紅燒豆腐，冬瓜盅同煎藕餅。燒乳鴿上桌皮唔脆，肉味就OK，收$80隻我覺得唔值。生菜包同藕味道唔錯，冬瓜盅亦算足料，紅燒豆腐只係一般，豆腐豆味唔重，我諗山水豆腐可能絕左種啦，叫左兩碗米粉，埋單要成八舊幾，唔值，叫做試過就算啦。

對於楓林，熟悉不過，因為初出道昤每有「大事件」，老闆總喜歡在這裡擺兩圍。年少時見識少，在這裡吃到好菜色，很想知其究竟，就不厭其煩的逐樣問。所以，對這裡的菜色的材料及製法也略知一二，亦是我之後吃中菜的一個很好的指標~~一向強調，不懂製法，又何以評菜色的好壞？很久沒來，只記得這裡的豆豉雞及燒乳鴿都好吃，是日給朋友交託，帶其來試菜，終於又回到這裡。周未時份，人客不少。安座在樓上，都幾企理。伙記十年如一日的問「要唔要開條魚？」、「要個翅如何？」等等，唔使怕唔好意思，亦唔使理佢，自顧自叫菜就可以了。燒乳鴿絕對是這裡的「名物」，不吃怎行？果然是皮脆肉嫩，吃起來味道鮮美，肉汁充盈，比較地起坊間大部份的燒乳鴿，毫無疑問，這裡的是比較出色的。可惜是晚不能人手一隻的去吃乳鴿，不然的話，會更滋味。雖然今時今日的乳鴿，已失「乳」的真義，但這裡的燒乳鴿，仍然是必吃的；荔芋香酥鴨也是傳統的鳳城名菜，這裡的做得也是數一數二的正宗，一邊是拆骨鴨肉，另一邊則釀上荔芋，炸得外表香脆，內裡的芋頭軟滑味香，連皮的鴨肉添上味道，不加任何汁醬，已相當好吃。半隻鴨，旋即清碟，受歡迎的程度，可想而知。來楓林，不吃這一味荔芋香酥鴨，也

接下來蝦醬炆五花腩，色與香欠奉，肉的實非肥味豬腩肉，亦嗅不著濃郁蝦膏香，薄切炆肉沒興趣嚐，還是留下quota投資在接下來菜式。煎封釀豆腐亦算得上是這裡名物，該說成炸釀豆腐，豆腐是普通布包豆腐，皮是脆而不油，餡卻是幼滑得緊要，而蝦膠餡生熟度亦能掌握到，材料本身不值分毫，卻吃得經典炸功。炸脆奶，此物故仔一疋布咁長，簡單來說就是師傅老頑固，死不用鮮奶而獨創以花奶而自成一派，花奶推熟味道濃郁亦見嫩滑，包以薄漿炸，喜歡吃甜的炸物，此品炸得金黃酥脆，不油，花奶滑流得要命，是本地少數肯認真而做得出色的炸奶；靚女食友愈吃愈覺得甜，該一早替她「代為處理」～近尾聲，來了荔芋香酥鴨，是按傳統規格原隻鴨夾著荔芋炸起的名物，是日半份上，賣相自然無原隻咁經典。鴨的做法亦不外乎炆、炸、燒，很喜歡吃梅子炆鴨、琵琶鴨，然炸的鴨，沒吃過好的，也是一直覺得鴨不宜於炸，是晚的鴨炸皮酥肉亦不過韌，芋泥帶著「原始」味道，軟糯濃郁，反起來玩看得見原隻的鴨形，出色，肯花功夫炸、蒸、切件甫以荔芋再炸的功夫菜，廿一世紀得以吃到傳統樣子，也是福氣。最後的豆豉炆雞，如KC所言這裡總會漏單，眾人要求下，就算漏了單亦要追來吃，真為食！水汪汪的炆

楓林小館真箇是本地專奇，由全盛時期尖沙咀、灣仔開到入大圍，時移世易，老闆賣掉雍雅山房，可享清福了，獨留下70年開業至今的大圍店，養活著一班老伙計。七點未到，來影下相睇下餐牌，打量著手寫餐牌，靚姐高興道：「最緊要影靚o的呀！仲有屏風、魚池記得要影埋呀！」，有說這裡招呼麻麻，偶在想，是嗎？是日八人一席，卻有六支聯合國酒，看來又會是不醉無歸之夜，菜式由KC打理，可以安安樂樂吃頓飯，多好！老店炸功出類拔萃，紅燒乳鴿、荔芋香酥鴨、脆炸奶基本上是必叫的，還未計椒鹽蝦、煎封釀豆腐呢。其餘豆豉炆雞、蔥爆牛柳、蝦醬炆五花腩，已知是十分「滿足」的一夜！八隻乳鴿推出來，也有點看頭，當然，若一圍十幾人的話就更壯觀！食友左攝右拍，睇到都高興，拿下一只乳鴿，經KC解釋後，就毫不客氣地用手撕來吃，來到的是相熟食友，「暴力」地撕嚼，過癮！用的是10～12兩的頂鴿，最適合紅燒，先拆頸再吃胸及髀，頸皮脆肉亦較細緻，傳來霸道滷水香，胸肉厚實富濃郁鴿味，相對地鴿腿雖嫩，卻沒太大個性，聽說從前乳鴿「無骨落地」，食材轉變下，也不好抱著「想當年」的包袱而來，清醒一點看，能吃到肯按步驟，用陳年滷水浸鴿、川水、「上糖皮」、吊乾再炸，單

是日母親節，作為仔女無論平時幾咁忙都好，點都要抽啲時間去同屋企人食一餐飯。住咗大圍已經超過廿年，成日經過楓林門口，都有一大堆靚車泊响外面，究竟有乜嘢咁吸引呢班豪客呢？所以藉呢個佳節同屋企人一齊試一下。踏入大廳，裝修古色古香，好似外國唐人街餐館格局。望一望啲牌匾，原來楓林已經開業三十幾年，响呢區可說是老字號。之前睇過吓啲食評，話乳鴒、蝦子柚皮、椒鹽中蝦最出名。不過我今次點菜隨心出發，簡簡單單叫咗三餸一湯，包括「咕嚕蝦球」、「荔芉香酥鴨」、「清炒西蘭花」及「蟹肉粟米羹」。入饌嘅都係真材實料，如粟米羹中嘅蟹肉都幾多，間唔中仲有啲蟹黃添。蝦球炸得恰到好處，外面炸到有少少脆，但係蝦肉本身仍然十分爽脆鮮甜，醋唔會落得太過份，酸酸地都幾醒胃。香酥鴨烹調嘅時間比想像中耐好多，初時都誤以為落漏單。結果三催四請終於出場。外表金黃鬆化，芉頭夠粉夠淋，鴨肉亦炸到連骨都脆晒，可以食埋落肚。飯後送嘅紅豆沙用料唔吝嗇，唔會水汪汪。叫得做老店，服務質素有陣時都需要遷就一下。席間隔離檯與侍應因菜等到太耐而爭論是否落漏單，顧客連番質問，侍應須不致於拂袖而去，但亦有點氣沖沖。香港人，輕鬆一點吧。埋單計五百蚊，不算平，但味道

年幾前食過萃華的燒乳鴿, 覺得好唔錯, 今次0黎試試隔0黎呢間更老字號的楓林. 一行4 人訂了7:00pm, 除0左燒乳鴿之外, 亦叫了半斤椒鹽中蝦, 紅燒豆腐及炒鮮奶一碟.先0黎椒鹽中蝦, 隻隻都好肥大, 炒(定係椒鹽焗?) 得好乾身, 肉質結實爽口, 食落極香口, 連d 殼都可以食埋落肚(特別係d 蝦腳, 好掂!), 非常好食, 值得試試!紅燒豆腐芡汁唔會好杰, 意料之外; 豆腐幾滑, 豆味比出面好多紅燒豆腐的濃郁, 唔錯. 另外有配角唐生菜同冬菇, 不過d 冬菇好鹹.3 隻已斬件的燒乳鴿原來好大隻, 件件都好大舊, 仲有鴿肝, 心同腎, 賣相好吸引! 乳鴿燒得皮脆, 肉帶少少臊(?) 味, 一般嫩但好juicy, 幾好食, 不過亦幾油幾漏, 食了3 件之後, 除0左已飽了一半, 塊面仲係咁出油, 哈哈@_@"; 另外試了鴿肝及鴿腎, 鴿肝幾乾0下, 鴿腎脆口, 兩樣0野味道則幾乎一樣, ok 啦. 整體0黎講我覺得隔0黎萃華0既乳鴿好食d.Order 時叫0既係炒鮮奶, 0黎的則變了炸鮮奶, 後來部長話「廚房搞錯0左」, 又三番四次emphasize 唔係自己落錯orde

楓林小館昨日與太太，跟家姐及姐夫一行五人去行山，由荃灣坐小巴至城門水塘，由該處行至大圍。2時半左右出發，5時半去到大圍。去到大圍，爸爸及大家姐在該處與我們匯合。我們七人一起去楓林小館。我們叫了乳鴒、香酥鴨、古法豆豉雞、薑蔥爆牛仔內、京都骨及椒絲腐乳通菜。乳鴒係太太至愛，佢覺得屬水準之作，好食，不過略貴，要$80一隻。香酥鴨同豆豉雞都OK食得過。薑蔥爆牛仔肉牛肉比較少，不過都可以；京都骨幾好，太太幾鍾意。買單平均每人140元。爸爸話餸菜都幾好，食完都不覺口渴，應該沒有什麼味精。全店的夥計都是老人家，幾有老店feel。我地7時45分走時，全場滿座，隔離枱仲叫左大量乳鴒。

作為一個電影迷,對身邊的一些事一些情,總會產生一點點聯想.在Soho上的餅店包店,想起"Buffalo 66"結尾一幕,Vincent Gallo在買心型朱古力.問我你有無女朋友?)在尖沙咀亞士厘道上的"家家樂",店內播著California Dream,一頭短髮,身穿背心的王菲,正在"印身印世",恨不得即上前買個廚師沙律.在大圍的楓林小館,一聽個名,當然就想到"英雄本色"內的Mark哥,在楓林閣亂槍掃射的一幕.Ryan兄打趣說睇下在草堆上,搵唔搵到兩把槍?)這夜,當然沒有Mark哥,否則我都不會在此寫到食評.雖然這間楓林是幾十年老字號,曾經遠征過海外,可是我今次是第一次光顧,有點相逢恨晚.記得年前有朋友曾同我說對此店有興趣,可否安排一局.結果都係不了了之.早聞價錢不算太平,這夜的菜色,盡量選得平一點的.為免眾友人肉赤,如果你不是蒸條魚,叫些海鮮,價錢也不會嚇怕人的.話須如此.既然迄立多年,就算一些家常水菜,應該也有一定水準.全夜最貴的一味- 椒鹽中蝦,是最先上.用香口的椒鹽來煎新鮮肉爽的中蝦,香口到連殼也吞下肚.蠔豉肉鬆用蝦片盛上,賣相幾得體,兩者皆剁得夠幼細,尤其蠔豉的香味最突出.

早兩個礼拜, 一行十一人去楓林食晚反, 我同号外兩個friend早到十分鍾左右, 咪叫D送洒小菜先, 個waiter 推介椒鹽蝦, 我就号外加個椒鹽豆付, 因以前食個好正, 再黎多三隻乳鴿食住先, 蝦來到, 咦都一大碟喎, 幾新鮮, 幾有味, 唔錯, 但好咸, 椒鹽豆付就真係唔錯, 保持水準, 個waiter重sell我哋紅酒, 百幾蚊, OK la, 要左一支, 其他人到步再叫汔水.叫主菜時, 個waiter又推介D十零蚊両既魚, 我哋真係冇興趣, 問佢\有冇班頭腩, 佢\就話冇, 跟住我哋再叫D小菜, 煎肉餅, 葱油雞, 炒菜, 牛柳粒, 因原先留左個生炒糯米, 所以只再叫七碗粥, 除葱油雞有D雞味外, 其他真係不外如是, 個生炒糯米反, 點知係蒸既, 你哋估下埋單幾錢?? -------迳 二千五佰蚊呀!原來椒鹽蝦竟然收成五百幾蚊, 星班都食到la, 問個waiter 佢\話二十二蚊両, 斤幾咪五百幾咯, 其他洒水荼介都成儿十蚊儿十蚊咁收, 其他小菜因有價錢表, 雖然唔平, 但亦唔敢收貴, 一隻葱油雞二百三十蚊. 事后想起, 可能因為我哋冇叫魚, 咪响其他地方做手脚, 一時冇問

今次o既目的係想食乳鴿咁當然要叫番兩隻啦除o左乳鴿之外我地仲叫左苦瓜煮魚、炸鯪魚球、炒豆苗乳鴿比想像中大隻好多不過食落似乎o里隻七十幾蚊o既乳鴿同平時十幾蚊隻o個d差不多至於苦瓜煮魚由於苦瓜不嬲都唔係我o既喜好所以就no comment而炸鯪魚球同埋豆苗都唔算太特別我反而對最後送俾我地食o既甜品感興趣d雖然o個個合桃湯丸食落唔似係"糊"但係就好有合桃味而且裡面o既麻蓉湯丸好好味好香不過成晚最驚喜o既唔係d 食物而係個價錢我真係估唔到四餸一湯加埋竟然要一千蚊埋單唔知係我唔識食定係冇叫到佢地o既名菜不過我總係覺得o里餐飯唔係咁抵食o里度有d 相http://eat-together.blogspot.com/2007/11/fung-lum-restaurant.html

來過很多次,已經不會再食乳鴿,椒鹽蝦,椒鹽豆腐,豆豉雞等招牌菜;其實隨意點一些家常小菜,大多都做得好出色的鯪魚球豆腐煲:鯪魚球相當彈牙,還加了陳皮去走魚腥味,是食過最好食的鯪魚球.雖然鯪魚球絕不是他們的名菜,我想一日也未必有一位客人叫鯪魚球,不過他們亦如此用心製作,誠意可嘉.另外,每次也覺得這裡的豆腐比其他地方的滑一點,應該不會是”沙田山水豆腐比較滑”的錯覺吧.炸子雞:雞皮只是微脆,不過仍然很香口.很多地方的炸子雞也很脆皮,不過就較乾身,而我比較喜歡這裡仍保留雞肉香滑juicy的口感豆豉良瓜炆瓜子班:新鮮的瓜子班當然又滑又好食,而這裡炆得夠火喉,豆豉汁極入味.配角的良瓜亦是我至愛,軟硬適中,完全不苦,略帶甘味,配合大蔥和蒜頭以及豆豉汁,實在令我食不停口,差點忘了瓜子班才是主角葡汁雜菜:有西蘭花,草菇,介蘭等,不過葡汁略為不夠濃和杰合桃露芝麻湯丸:每次都在飯後附送的,他們自己磨的,可以食得出粒粒的合桃碎,而湯丸每次都極煙韌總的來說,雖然價錢不平,不過隨意點的任何小菜都相當精緻,製作用心,絕對遠勝大多新的或集團式酒樓薑確是愈老愈辣

朋友想到大圍食飯,老實說,此區我真的不熟,只因兒時回憶而記得楓林.剛好朋友未去過,便決定一試.1. 紅燒乳鴒x1(開邊上): 外皮脆,肉質嫩,亦多汁.我完全不顧儀態地用手撕食2. 柚皮扣鵝掌: 柚皮炆得腍兼入味,軟綿綿.鵝掌腍但尚有口感,好味.3. 塘畔蓮藕餅: 此處的蓮藕餅是,蓮藕薄條跟肉碎搓成餅,沾上蛋醬煎香而成. 味道不過不失.4. 冬瓜盅(小): 我們點菜時,再三確認.誰知當食得七七八八仍未見湯蹤,於是問落單的侍應,他說快到.一轉頭卻又說賣光.令我與朋友極度失望.但同時地見隔鄰比我們遲的熟客有冬瓜盅,實在是今餐一大陰影.除此陰影外,招呼算殷勤.可惜到埋單又把冬瓜盅算在內,幸得朋友發現.

My family comes to 楓林quite often, be it for inviting guests or just for normal casual dinners, because they are always able to sustain their quality. But yes, it is quite pricy.My favorite of my favoritesss is their 椒鹽焗中蝦. Shrimps are always big and fresh, cooked just right, seasoned just right. 炸乳鴿is good too, but sometimes the center is not hot enough (but its cooked? so i guess the pigeons were cooked before frying). Not a must-have for me.Everytime we'd wrap up our dinner with a complimen

忘記左好朋友0既生日，真係抵死。係沙田住左0甘多年，一次都未踏足過楓林，係老死話要試下0既情況下，點都要比下面。睇過各版友0既心水推介: 乳鴒、煎封豆腐等。一睇價錢，貴到嚇親!!當然，連老友0既生日都冇上心，絕對係懲罰。餐牌0既簡單抄菜都要七、八十蚊。擔心食唔晒，我地一人叫一碟。一隻燒亂鴒，同埋一碟香芒雞柳。好快就有得食!!上檯0既乳鴿有蝦片伴碟。食落去，我自己就覺得唔係辣口0既熱，點左少少淮鹽，乳鴿唔孩，有肉汁，幾好食。試左塊蝦片，唔係好熱，酒重；不過，又有咩可能唔肥?!跟住試埋香芒雞柳，都係0個句，好油、好咸，我同好友講，可能係要伴住件芒果夾雞柳一齊食先會平衡到d味道。芒果係正常甜味，唔酸，呢味就真係有d失望。好友連叫2個白飯，梗肯啦，油0甘多，少食為妙。我就叫左個白粥。一入口，好好食，估唔到佢整0既白粥唔單止係普通粥鋪0既綿，而係有好重米味，仲有白果味，我真係有d忘形，叫左一聲，嚇親朋友。我地一路傾，一路慢慢歎茶，對板鐵觀音。係人才濟濟0既情況之下，我指0既係d伙計，佢地個個都見我地傾得好開心，都等住我地幾時走，幾時可以執檯。人才鼎盛，服務當然週到。而午市時，檯仲多過客，其實住得