楓林小館 (Closed)

九月九日，網誌建立剛好一年，透過洋洋耍耍30萬字文章，結識了不少新食友，再次執筆述說楓林小館炸乳鴿經典味道，推介新知，舊雨亦能回味，希望大家喜歡。熟朋友喜歡脆得可連殼吃的椒鹽海蝦，新食友好奇海蝦何以如此鮮、嫩，笑說游水中蝦已掛上味精，他們沒被嚇怕反而吃得更滋味，真為食。更多奇妙分享@http://foodxfile.blogspot.com/2010/09/blog-post_09.html

首先多謝南瓜兄的邀請，繼上回大概兩三年前來吃過之後，都一直有點想重臨，皆因此店的炸物真的不錯，一見到被Invite，就快快早早的報了名，可是來到飯局當天，瓜兄沒有出席，繼而由爐兄發板，其實菜單上大部份的食物都是由瓜兄發了板，至於執行及臨場的調道，就由爐兄揸旗，果然是日的菜單中，大部份都是炸及肉類的菜式，一來真的完全表露了此老店炸功的美，二來真的合我食肉獸的胃口呢！周初的晚上，在大圍的這所老牌食店，人客真的不多，我們兩枱人馬，相信已經是要比其他所有枱的人數加起來都要多，是夜如上所述，真的是由頭炸到落尾，先來的是每人一隻燒乳鴿免切，湯品有消暑的冬瓜盅，之後有此店出名的椒鹽蝦，繼而另一有名的小菜羅定豆豉雞，其後就是連番的炸物，分別有蟹盒、蝦多士、香酥鴨、炸鮮奶及煎封豆腐，最後的單尾就是瑤柱蛋白炒飯。未吃之前，要等人齊，就邊吃着花生酸菜邊吹水吧，花生吃起來幾香，又夠脆，但繼年紀漸長，也真的不敢吃太多；酸菜入口很爽的，而且也非常之酸，有如麵店的酸蘿蔔，實在有很開胃的作用，可能食客不知不覺會點多個菜，好招！先來的是免切的紅燒乳鴿，所謂的紅燒，其實就是將鴿子先滷好，再炸它一遍，由於滷的時候已經煮得至

睇到啲食評講到咁好，今日走去試，唔係唔好食，只係根本唔值咁嘅價，我就依住食評去叫，嗌咗以下嘅餸：煎封豆腐：幾好食，但釀嘅蝦肉好少，幾乎食唔出，差不多成百蚊嚟講係非常之咁唔值。椒鹽蝦：最好食係呢味，18蚊兩，嗌咗十兩。即係成180蚊。乳鴿：非常非常之咁普通，完全食唔出有乜特別。要成接近一百蚊一隻同搶冇分別。耦餅：蓮耦冇刨絲，而係一粒粒，唔好話係特別做法，呢啲係慳工夫嘅表現，只係中價酒樓嘅水平。一啲都唔惹味，屋企整仲要好過佢。由於冇菜食，自己點咗個平時食開嘅薑汁炒芥蘭，炒得唔好食，最簡單嘅菜就可以睇出呢間野嘅水平，結果現晒形。啲位坐得好迫。侍應喺我背後打爛野一地都係，啲碎片差啲整到我。埋單要$730，但我覺得只值$350，行遠少少近油站嗰間酒樓仲要好食過佢。啲裝修係好古雅，但勸大家唔好受「老字號」所騙，裝修可以將時間留住，但食物水準可以隨著時代而不斷退化。空有老字號之名而無老字號之實。

今晚約左Mammy食飯,唔知食咩好,Mammy住大圍,聽人講話楓林小館好得,等我一早book定位,點知我地三個人去到就只得三枱人~而且有兩枱都係遊客...老侍應服務好好呀!香酥鴨~8分~鴨肉上面加上一層芋容再酥炸將面層炸至鬆化,食落面層入口即化,芋容好甘香,再咬深啲先食到鴨肉,底層係鴨皮;雖然入口感覺真係好好,好香,但係芋頭太多有啲遮過鴨味,同時食完一件就已經好快覺得有飽滯感!配醬問過侍應係咩醬,侍應話:"都係果啲醬啦!"...哈哈~咁即係咩呀?...不過個唔知咩配醬都無咩特別...所以唔知係咩都無所謂!紅燒乳鴿~9分~一食就知道係好野,因為溫度夠,而且皮好脆,一咬入去仲有肉汁流出黎,無燒得太乾,咁先食到食物本身嘅鮮味嫁嘛!冬瓜盅~6.5分~普普通通無咩特別...都係原個冬瓜挖空黎蒸燉囉...入面配料亦唔多,就係淡淡的一個冬瓜湯罷了!西蘭花西芹炒帶子~6分~比6分就唔係話佢唔好食,只不過係太貴啦!普通到連相都唔記得左影添~炒碟咁嘅野又唔係大碟喎要成$130,$80就差唔多~帶子又唔係鮮帶子,一樣係雪藏貨!核桃糊~5分~睇個樣就應該係手磨嘅,因為超級粗粒,唔咬過都唔吞得,味道又無話特別香

記得在港島廳一夜吃了一道水準不錯的芋泥鴨,席間談到這裡的做得更出色!而且更有幾道菜也是令人回味.其中必吃項目還包括了乳鴿.多年前吃乳鴿、雞粥只會立即想到沙田,就像吃燒鵝就會到深井一樣,可算是一種地區風味.但隨著水準不斷下降,久已沒有為了乳鴿而再來這區.近年吃到滿意的乳鴿要算是大班樓的出品了.當時心裡已暗下決定,嘿!楓林小館這局非參上一腿不可!這夜三十三人分三圍檯就座,一起等待第一道菜上場.有趣的是明明這夜是為了芋泥鴨而來,現在卻變成乳鴿才是萬衆期待的主角!紅燒乳鴿----先滷水後炸的乳鴿外皮炸得香脆,鴿胸厚肉位置咬落仍然肉汁豐富,滷水汁的味道調較得宜,吃時連淮盬也不用加!各部位也非常入味.原隻乳鴿就這樣手撕來吃不是人人有這個經驗,親身體會過之後,箇中滋味非筆墨所能形容!冬瓜盅----湯的味道很清,中和了乳鴿的油膩感,能吃到冬瓜本身的甜味.椒盬蝦----蝦殼炸得非常香脆,脆的程度是可以連殼一起食.而殼的表面結了一層薄薄透明有盬味的"保護殼".蝦的肉質非常新鮮,除吃到久違了的鮮味外,蝦頭內的膏也非常甘甜.煎蓮藕餅----這個怎樣看也似是炸的蓮藕餅,油膩的感覺不重,要仔細一點才吃到細碎的蓮藕

零九年二月封存著的一輯照片，回味的正宗香酥原鴨，與及當夜眾人難忘的笑意，這天跟大家再度回味～楓林小館 是夜美酒佳餚同慶，都是熟朋友，也不介意坐得親蜜一點，先來一道粵式紅燒乳鴿，吩咐了「免斬」，原隻上能嚐到「原汁」味道，是先滷後炸，肉厚而肉汁豐盈，皮炸得夠脆，要用手撕拿著吃，才夠風味，老前輩說當年真正乳鴿是軟骨的，時移世易，要嚐軟骨鴿子難矣，但比起鬼佬推崇的閒樂園又或萃華酒家高幾班。是夜還有名物椒鹽蝦、香酥全鴨也是正宗好吃名物@

我哋VU嘅聚會，今次揀咗楓林，我第1次嚟食咋！老牌小館，試吓喇！1) 椒鹽蝦 (招牌菜)但我覺得唔夠椒鹽2) 豆豉雞 (招牌菜)冇咩特別，O.K.喇！3) 紅燒乳鴿個樣幾靚嘅，但我唔食乳鴿嘅......4) 炸子雞都係冇咩特別......5) 煎封豆腐 (招牌菜)乾得滯，我覺得唔夠味......6) 香酥鴨 (招牌菜) 芋頭，我最鍾意......7) 蓮藕餅 喱味最驚喜，超好食！8) 合桃糊湯丸 送嘅，真才實料，唔係開粉嘅可能嚟之前對佢期望過高，所以有啲失望......侍應都係老伙記，招呼都唔錯嘅！其實價錢都略貴......

今次係亞爸生日, 一圍枱大人細路共十四人, 訂了房一個舊式的酒家, 亞伯伙記, 白衫黑褲黑煲呔嗰種, 裝修就是舊式酒家模樣, 有少見的不锈鋼茶壺, 房內電視還是廿一吋的彩色胆機, 餐牌有好幾頁紙係手寫影印亞伯部長寫菜時, 還例牌的介紹了很多海鮮菜式和鮑魚鵝掌煲等等, 總係要我地蒸條魚和叫一兩斤蝦和蟹... 我地當然有我地既堅持... 豆豉炆雞 - 餐牌上寫著是招牌菜, 的確係全晚最好食, 干蔥夠多夠香, 其實用砂鍋上個效果會更好, 因為自己喺屋企煮都係用砂窩香酥鴨半隻 - 另一個比較精采的餸, 芋蓉好味, 鐘意食芋頭的一定要試柚皮炆鵝掌 - 唯一可讚的, 係柚皮無苦澀味, 不過成個餸就無咩味囉, 鵝掌d皮唔夠鬆化咕嚕雞球 - 個汁OK, 但係唔知用邊隻罐頭波蘿呢? 無波蘿味, 無甜味, 無酸味蓮藕香芹炒肉鬆 (生菜包) - 呢個好有味, 鹹左d... 但係唔爽口, 可能炒得過左火, 又或者冚過蓋, 應該爽口既蓮藕粒, 淋晒...蒸黃腳立 - 亞部長多番推介, 好失望囉, 條魚根本就蒸過籠, d肉鞋既, 得嗰幾條蔥絲, 最失敗係d 蒸魚豉油, 根本就同普通豉油無分別, 溝過水囉, 無咁鹹

事隔2月，但提起其泊車服務仍令人不解。門口代客泊車，不罕見。但到埋單之時，侍應問有冇泊車? 答有及俾佢睇泊車牌，單上收費50大元。冇問題，當泊車錢同埋諗住佢會同泊車講我地就落去會開番架車番黎。點知，落到去，又要同泊車人講我地走，佢先去拎車，仲攪左成10分鐘先有車羅，到開車時，話要收$20泊車費? 下? 唔係收左啦咩? 泊車人話：佢地收既, 唔關我地事架.咁我洗乜話俾侍應知我有泊車，佢根本一d service都冇提供到俾我地架喎. 覺得係無啦啦尾左我地$50蚊!!不過.. 咁佢既食物又真係唔錯既. 叫左3個餸:1) 乳鴒 - 夠大隻肉質又夠嫩2) 煎封豆腐 - 必食!!!!!! 又脆又嫩個汁又好味3) 煎蓮耦餅 - 唔錯既功夫菜~ 不過本身唔係好鐘意蓮耦, 只係淺嘗左1.5塊下次要試黃金蝦先得, 不過唔會o係佢度泊車!!!

明友生日，大圍無乜選擇，又未嘗過，於是去一趟。只ordered 四個菜：兩隻乳鴿、椒鹽蝦、香酥鴨和金銀蛋時菜。椒鹽蝦--稱是最勁的招牌菜式，蝦都箄新鮮，但監香不足，與普通大排檔做法差不多，價錢則令人汗顏。香酥鴨--是是日最夠水準之作，皆因小弟知道其製作的難度，比椒鹽蝦强!乳鴿--烹煮過度，乾過死屍，肉香肉汁幾乎盡失，完全不可能與龍華相比。金銀蛋時菜--金蛋不見只見銀蛋(銀蛋時菜)。都算啦！服務環境差，都算啦！埋單，成千元，可惡也！大排檔格局，五星洒店價錢。

又再一次來到楓林吃飯，想起來已是這兩個月來的第三次了今次不同的是有鄧sir做東這次的主要任務，就只有點菜及吃而已實在簡單到極點....乳鴿、煎封豆腐、涼瓜炆斑等等依然是必叫的項目。味道當然是依舊的出色在前數次的吃評也已詳細提及，今次便不再累贅再說了...反而值得一提是未有吃過的椒鹽中蝦及梅菜炆茄子。一直知道前者是這兒的招牌菜，但卻是從來未曾吃過，可能是每次來時都忙着吃其他招牌而忽略了這個在其他普通粵菜館也能叫的菜式吧這兒的炸煑得挺乾身的，殼是脆得可以連肉吞下肚；蝦肉鮮味足且夠爽口，必定是新鮮貨母疑。缺點是鹽下得過多，鹹了些.....梅菜茄子就相對只是較普通 --- 梅菜偏甜但不算十分入味，茄子是屬於硬身的一款。對小弟而言，茄子還是要炆得腍得稀巴爛的才夠入味及美味....由於在座的大部份是女仕們，所以也不敢放肆地去叫小弟覺得最美味的蝦醬蒸五花腩看來還是要留待下次約同一班同道中人再來大吃一頓了....

人物：J.A.M., Rice Cooker and Tigger在此多謝阿A請食飯，我個人意見：覺得ｄ野食無咩特別，貴左好多，服務員依然幾好．１．茄子煨石斑：聽聞涼瓜煮會好食ｄ，茄子無味，所以都帶唔到果種味道出黎．２．海鮮雜菜煲：只屬一般貨仔．３．炸子雞：皮脆，滑滑的肉．４．煎封釀豆腐：豆腐超滑，中間釀左ｄ蝦肉，幾好．送－－－合桃露芝麻湯丸：唔太甜，正！木瓜：加ｄ檸檬汁食，幾有鮮味喱．

例湯: 粉葛有很多及大的黑點乳鴿: 偏大, 有肥膏馬碲螺片: 雪藏貨, 毫無鮮味豆豉雞: 一般合桃露: 好一般

不嬲也是楓林的忠實擁躉。雖然不是常客，屈指一算可能只是到過三數次，但每次吃後都印象都挺深的。特別是那幾味家常小菜如蝦醬蒸肉眼根及煎釀山水豆腐等，更遑論馳名已久的炸乳鴿了真是想起都口水長流星期天，跟一班朋友到了鹿頸附近走走，離開時已差不多五時多了，要回家買菜弄飯已是不太可能。在粉嶺站上了列車，忽地想起楓林的佳餚，而且太座是沒有吃過的 (聽小弟說就說得多了)。趁仍在非繁忙時間 (到達時只是六時許)，大吃一頓可也被安排坐在二樓，環境寧靜一些，吃得更開心乳鴿自然是例牌動作，當然落order時囑咐侍者要免切 (這自然又是例牌了)。跟太座打趣說這裡的"乳鴿"應該稱之為"乳雞"才對，因size實在是大得有點不尋常但難得的是大隻之餘，肉質卻是頗嫩而且入味，不用醮淮鹽，已經很美味了皮雖不算很脆，但光是吃肉已極好。先後吃過這裡的乳鴿，每次水準如一，穩定之極，每次都吃得手指啃出骨頭來太座很愛吃香口的東西，馬蹄香(鹹)魚煎肉餅就正合其胃口。說是煎的，查實應稱之為"半煎炸"的，對本人而言，還是喜歡少一點炸的成份會好一點。馬蹄粒下得不少，吃起來爽口得很。鹹魚碎反而份量不多，吃進口就不夠香了，而且肉餅本身好像下了頗

見這間酒樓開左咁耐而朋友又想試下,咁就去試下啦!D價錢都幾貴下,,椒鹽蝦唔夠味,,,乳鴿唔夠脆,,,仲要$80隻.....條清蒸石班幾好,,,魚雲豆腐湯用雞什cook-----> no good香酥鴨等左個幾鐘,就同侍應講啦!!!!可能老闆聽到----等多5min就有,,味道very good服務very good....環境好有懷舊氣氛