Video
Read full review
2021-05-29
162 views
今日嚟咗一間位置極隱蔽嘅私房菜食飯，真係可以用「柳暗花明又一村」來形容，我喺附近兜咗幾個字最後要問人先搵到間餐廳，所以大家不妨留意我最後嗰段嘅指引。除咗位置隱蔽，整體餐廳都帶着一點神秘嘅氣氛，門口放着幾張原木桌椅，充滿大自然的氣息，走進餐廳內，都是木系傢俬，加上獨特的裝飾品，氣氛好典雅，而且餐廳位置不多所以更加感覺私隱度高。由於係私房菜嘅關係，你都完全唔需要揀食乜嘢，只需要揀係六道菜定八道菜，分別$538及$738 ，菜牌每兩個月會轉一次。六道菜先有廚師精選小食，跟住就來個凍盤，有非洲古斯米沙律和和風慢煮昆布牛小排可選，我們當然要一款來試試。古斯米其實係一種中東嘅米，加埋紅椒青椒茄子碎撈埋一齊，帶點兒辣，濕濕潤潤，雖然佢個樣整整齊齊，不過食嘅時候要小心因為佢一啲都唔實，會散開，一不小心就一枱都係了。慢煮昆布牛小排，有點raw，牛味濃郁，昆布和蔥嘅味道都係口裏面慢慢滲出，都幾好食。兩者相比的話，我會比較喜歡牛小排。餐湯方面，可選鮮粟米忌廉湯或法式龍蝦湯（要加$50 ），前者是用日本有機粟米所做，我喝了一口，實在非常鮮甜。至於法式龍蝦湯，龍蝦味相當突出，店員解釋是由龍蝦肉和殼打碎而熬製，難
除咗位置隱蔽，整體餐廳都帶着一點神秘嘅氣氛，門口放着幾張原木桌椅，充滿大自然的氣息，走進餐廳內，都是木系傢俬，加上獨特的裝飾品，氣氛好典雅，而且餐廳位置不多所以更加感覺私隱度高。
由於係私房菜嘅關係，你都完全唔需要揀食乜嘢，只需要揀係六道菜定八道菜，分別$538及$738 ，菜牌每兩個月會轉一次。
六道菜先有廚師精選小食，跟住就來個凍盤，有非洲古斯米沙律和和風慢煮昆布牛小排可選，我們當然要一款來試試。
古斯米其實係一種中東嘅米，加埋紅椒青椒茄子碎撈埋一齊，帶點兒辣，濕濕潤潤，雖然佢個樣整整齊齊，不過食嘅時候要小心因為佢一啲都唔實，會散開，一不小心就一枱都係了。
慢煮昆布牛小排，有點raw，牛味濃郁，昆布和蔥嘅味道都係口裏面慢慢滲出，都幾好食。兩者相比的話，我會比較喜歡牛小排。
餐湯方面，可選鮮粟米忌廉湯或法式龍蝦湯（要加$50 ），前者是用日本有機粟米所做，我喝了一口，實在非常鮮甜。
至於法式龍蝦湯，龍蝦味相當突出，店員解釋是由龍蝦肉和殼打碎而熬製，難怪鮮味極致。
接下來是鮮菇通心意粉，將通心粉和冬菇切粒煮食，芝士美濃，頗為creamy, 雖然是簡單的菜色，但味道是不錯的。
今日的主菜是燴牛面肉配紅酒汁，同樣用咗低溫慢煮嘅方法，所以真係非常嘅軟腍，但又唔會散開，更加估唔到嘅係底部選用了芹菜蓉，而非薯蓉，吃落口感冇咁杰身，而且也來得健康，是頗為特別的選材。
食埋甜品就完成六個菜了，我哋當然繼續慢慢傾偈享受呢個寧靜又神秘嘅地方，今晚真係一個幾特別嘅晚上。
P.S.:起初跟住地址行到山林道第50號，之後就跳咗第54號，行來行去也看不見第52號環海大廈在哪裏，後來問人才知道要經過54號後面的一條小巷走進去，樓梯上去就會見到一間西餐廳，再從左邊的小路行進去就會找到G place了，所以真係相當隱蔽呢！
Post
