八海山

Open Now

Now Closed

原本三人小聚 打算和知己一起晚飯打算清酒摸摸杯底開懷小吃開心共聚當日19:00到達現場只有另外兩枱客人看到報道 很多日本人光顧相信食物質素及環境應該不差食物質素及味道 也符合埋單$2300可惜 當我們大約把酒談心到20:30左右竟然看到餐廳天花 大約有2-4隻老鼠周圍跑尤其在 近後門及壽司枱天花 自由自在地跑步我馬上嚇得大叫 怎也吃不下去😰😰😰希望餐廳馬上改善衛生環境但本人見過這麼多老鼠 應該必定不會再光顧😅

呢間餐廳喺尖沙咀已經開咗超過20年， 店面好大而且充滿時代感 ，每晚都一定有日本熟客幫襯， 而且好多店員都識得講日文 ， 能夠同客人打成一片，令我都覺得好似去咗日本旅行咁🤭。 ❤前菜前菜係一細碟嘅中華沙律，沙律入邊啲芝麻味好香。 ❤雜錦魚生（上）個拼盤擺盤真係冇得輸，擺得非常之靚，好適合打卡🤩 。 刺身嘅種類亦都好多，有三文魚、吞拿魚、油甘魚、 帶子 、魷魚、海膽同甜蝦 。 所有刺身都好鮮甜，聽講全部都係日本飛機貨嚟嘅😮。吞拿魚刺身特別好味，同平時果d唔一樣，質感比三文魚柔軟好多， 令我終於明白點解日本人係中意食吞拿魚刺身多過三文魚😆。帶子刺身肉質飽滿，刺身中間夾住青檸片， 青檸片 令到帶子刺身嘅味道更加清新。而油甘魚刺身一樣係咁軟熟鮮味。另外，海膽亦都好大舊好份量好足。 ❤ 雞泡魚乾雞泡魚乾咬落去煙煙韌韌， 點埋蛋黃醬令到味道更加豐富，加上上面有少少七味粉， 少少辣咁樣更加 開胃，係一款好適合送酒嘅小食。 ❤ 洋蔥沙律 呢個洋蔥沙律喺其他餐廳真係未食過 。沙律係滿滿一碗，上面鋪滿咗木魚，d木魚好似唔洗錢咁， 全部都好大塊， 而且比一般餐廳嘅木魚片厚好多。 木魚下面就係大量嘅洋蔥， 冰

明太子煎蛋卷($75)，煎蛋既時間掌握得好好，蛋好滑一d都唔老，加左明太子，食落有粒粒咬口。元氣豆腐($90)，第一次見既菜式，上層係吞拿魚蓉和三文魚籽和納豆和溫泉蛋，下層係超嫩滑“震下震下”質感既豆腐，這樣食材既匹搭好創新而且好夾，相信納豆既味道唔係人人可接受，但其實真係好有益，我都好鐘意食，最秘密武器係個醬汁，偏向辣味多d仲同時帶有少少酸甜味道，好醒胃。牛肉薯餅($68)，外層既炸麵包糠非常脆，筷子輕輕夾起，糠粒已散落，所以要小心注意，入口好酥脆，餡料軟綿綿，有種外脆內軟感覺，醬汁類似梅子醬，酸酸甜甜味道。雜錦刺身，共有7款刺身，所有刺身色澤鮮豔，而且肥美，三文魚左紋視覺好美觀，海膽清甜幼滑。牛腸鍋($180)，同樣係一道比較少地方食到既菜式，牛腸一邊係軟綿綿入口即溶，應該係牛既脂肪，另一邊腸部位，食落煙煙韌韌口感，最重要係腸內臟處理得乾淨。

之前都聽人講呢頭有間地道居酒屋，所以專登過黎睇下。點知就係門口條斜路見到YouTuber大島，順便影左張相。入到去，又有幾枱日本人。所以我地專登試下地道野食。.海鮮什錦沙律同油甘魚赤身刺身都好新鮮！.呢個能量豆腐上面有納豆、吞拿魚、魚子同蛋黃，加埋醬汁好開胃，食唔到有好重納豆味道，好食！.另外特別嘅係牛腸鍋，第一次試，香港都唔多地方有得食。牛腸食落爽口，表面有油香。但係個湯又好清，飲落小小椒味。·我最鍾意係呢個忌廉薯餅，內脆外軟，牛油香味又濃又滑。

Book左8:30等左成半個鐘都無得入🤦🏽‍♀️，個光頭部長👼🏼同我地對完資料走咗去🤣，好忙咁好明顯避開我哋，由得我哋戇居居係門口等👍🏻！最搞笑我地2個人等左半個鐘⏱，就快有枱既時候。有3個人👨‍👩‍👧‍👧嚟到話book左8:30 3位，個光頭佬部長竟然話，佢哋先，原因係佢哋多一個人，所以佢哋多人佢哋先🤣我地準時佢哋遲到入先，因為多我哋一個人。呢個收費咁既服務態度⋯唔唔幫襯囉

看到youtuber介紹說是很正宗的日本餐廳。也見到網民話大部分lunch排隊的都是日本人，所以決定去試一試。入到餐廳後，環境比較舊式，被帶入的餐檯位置在最埋邊角落頭，但有浸莫名舊式酒店房內傳出的發霉味道，不知是否餐廳環境比較舊也比較潮濕的原因。不過因見評論話非常正宗就考慮試咗食物先。首先點了基本的串燒，味道還可以，食物上嚟溫度都非常熱所以滿意，份量也偏大份。唐揚雞感覺味道就很普通，沒有太出眾，出面好多地方都可以搵到好味好多的唐揚雞塊。不過剛炸完就即上，也是趁熱食的，所以味道正常好味。油甘魚鮫燒得唔錯，很香口。元氣豆腐是廚師推介menu，也是youtuber特別介紹，所以點來試一試。很特別，這道菜非常之高蛋白質。一磚豆腐配埋wasabi納豆京蔥拌吞拿魚碎再加隻溫泉蛋，味道配搭都幾特別，不過醬汁偏多，食到最後非常之鹹。刺身真心失望。賣相都正常，不過刺身拼盤並不便宜，這個價錢在其他地方可以食到好好味好新鮮的刺身，又或者今日唔好彩，真係冇撞正新鮮刺身的時間段。赤身吞拿是冰片硬塊上的，還未完全解凍，咬落去似咬緊沙冰，最後吞拿魚解凍後啲自帶血水也流出。另外海膽偏黑，擺盤也是散的，入口仲有浸off

呢間喺尖東寶勒巷附近嘅八海山日式居酒屋記得細細個屋企人帶我去依頭行街時已經喺度上網睇返原來已經開咗二十年都有而且餐廳入面都有幾位日本人喺度食嘢感覺係非常正宗嘅日本餐廳呢依度食物同酒類嘅選擇都非常豐富都係好經典嘅日本料理餐前小食叫做牛舌醬汁醃到好入味 而且好厚身有嚼勁店員推介我哋試吓今日嘅飛機貨日本直送黑鯛平時我哋食開嘅刺身種類都係好大路依款其實連名稱都未聽過但一上菜就發現非常吸引師傅好刀工 切得超級透薄蟹籽沙律 雖然好簡單嘅沙律但喺其他餐廳實在中過太多次伏呢度值得我特別稱讚就係沙律菜超級新鮮燒雞泡魚乾都好有驚喜完全唔乾身咬落去食度濕潤感牛肉薯餅超厚切食半份都好飽啦最後仲試咗牛油帶子醬汁好香濃重牛油味最後想講吓同舖頭同名嘅八海山清酒雖然有15.5%濃度但飲落好香諄清爽原來係自家品牌清酒嚟 日本進口個人認為係好值得推介大家嚟呢度食嘢都可以試吓

好耐冇出尖沙咀諗住星期六會人多就book定位係open rice 搵呀搵搵左好幾間最後決定去呢間因為知呢間野都好多年下同埋見啲comments 都好似唔差咁多好評，咪試下啦～6點幾去到仲大把位入到去仲可以揀位坐啲野食係貴同唔好食不過因為太普通都冇影相但係員工態度好好不過都唔會再有下次

諗住食生日飯睇到咁多正評見話好地道既居酒屋，咁就一試，但描述同想像中係有出入環境氣氛還好，的而且確成個場的確係好多日本人，算唔算叫地道食物質素就好一般，相都廢事影，叫左d天婦羅，魚生，炒飯，串燒，啤酒等，串燒的確幾好食，其他就麻麻地，唔值呢個價服務一般，成晚得2個廚師，d野食叫完等好耐，服務態度都係麻麻最後7人食左$2500左右結論：價錢同服務食物質素同想像好大落差，呢個價錢既居酒屋其實會有好多選擇，唔會再去

自從疫情之後，就無再去旅行。老公知我掛住日本，所以佢就話帶我黎呢間日式餐廳，感受吓返鄉下感覺。一入門口就見到櫃好多酒，職員話除左呢度，裡面仲有兩個櫃比客人存酒，可見呢度好多熟客棒場。日式裝修，燈光淡黃，覺得似日本居酒屋。坐低後，就聽到隔黎枱係度用日文傾計，原來連日本人都黎呢度，老公無講錯，真係正宗日式餐廳喎。職員推介左條薄切魚，然後老公打開餐牌叫左清酒配小食，另外再叫左沙律、炸物、一品料理同炒飯。前菜：蓮藕漬物，超爽口，似鹹又似甜，味道特別，都ok。薄切：職員推介左條鬚鯛，係每日由日本空運黎嘅飛機貨，原條鬚鯛切成薄片，腩部分就切成厚粒，薄切有清新柚子味道，而厚粒就更有口感，超正👍龍蝦沙律：龍蝦蓉好大舊，好冰凍，味道甜甜，下面係沙律菜，新鮮乾淨兼爽口，呢款沙律又幾唔錯。八海山清酒：自家品牌清酒，日本進口，老公話入口清純，無雜質味道，唔怪得我飲左一杯仔就覺得wing wing地啦🙈！雞泡魚乾：老公指定送酒之選，入口暖暖，有咬感，鹹鹹甜甜，點埋沙律醬，好味道。牛油帶子燒：帶子超大粒，煎到好香，用鐵板上keep住熱度，食到滿口牛油味道，仲有黑椒味添，加左幾滴檸檬汁好fresh，同埋d菇菇一齊食

琴晚同朋友去咗依間非常正宗嘅日本餐廳食飯，入邊已經好有日本嘅氣氛，佢嘅佈置擺設完全有喺日本食飯嘅感覺，坐低之後睇一睇餐牌，發現佢有好多唔同嘅刺身壽司同日本炸物或者料理，首先係佢嘅前菜，呢個金菇鮮甜美味，佢嘅汁有啲似冷麵嘅醬汁，食完前菜之後，就到非常好食嘅池魚刺身，佢有一個酸汁，用普通豉油Wasabi俾你選擇，好襯呢個池魚刺身，完全可以帶出個魚既鮮味，之後佢嘅刺身沙律，刺身嘅比例好高，絕對都唔會吝嗇佢嘅食材，至於燒物方面，佢嘅芝麻雞翼，燒得外脆內軟，非常好食，佢嘅醬汁燒魷魚筒，個醬汁好好食，而且個魷魚燒得好彈牙啱啱好，到到最後佢嘅日式雪菜炒飯，聽佢介紹佢嘅日式雪菜一啲都唔鹹， 果然食落一啲都唔鹹，拎嚟炒飯簡直一流，整體而言，佢嘅餐廳比我有一個日本食飯嘅感覺，因為除咗佢嘅佈置方便，仲見到一啲日本人喺度食飯添。

今晚打算去尖沙咀睇olaf燈飾(鍾意嘅朋友可以嚟㗎）喺尖東附近搵一間日式居酒屋🏮呢間位於寶勒巷附近「八海山」的日式居酒屋，聞說在尖東已開張數十年歷史，口碑不錯好耐之前已經想試，特別今日係出糧日入到去嘅時候，六點幾已經好多人客（大多數都是傾生意）。而老闆（應該係）好熱情咁招呼我哋，同我哋介紹今日嚟到嘅飛機貨（海鮮），另外嚟緊會係開張20周年叫我哋多多光臨望吓餐牌先！同居酒屋提供嘅食物種類一樣繁多，而我哋都聽老闆嘅介紹叫咗飛機魚另外今日想「豪食」，決定每樣都叫啲嚟試吓，另外再開多一支酒！來一支八海山嘅招牌清酒-「八海山」聽講一次老闆出國日本讀書嘅時候曾經光顧呢間酒廠，味道香醇，獨有特色。於是返嚟香港之後老闆就將店舖個名都以佢命名。頭盤開胃菜-刺身沙律呢個係我食過咁多間居酒屋以來，用了最豐盛的一餐（三文魚、吞拿魚、八爪魚、拖羅、蟹子……）而肉質亦非常鮮味，夾雜着沙律菜嘅清新味道之外，魚鮮味不斷昇華，令人一試難忘今餐嘅主角，飛機魚送到。老闆給我們看一看由日本直送的飛機貨，嚴選一條比較厚肉切身的鮫魚終於上碟了我們期待已久的飛機貨啊！ ！ ！好難得今晚有機會可以一試姐度博切魚生，平日我們在街上很少

開業20年，以前同公司嚟食，太掛住佢哋d剌生，之後搵朋友一齊嚟食先嚟碟右口剌生經理再介紹深水沙鯭，鮮甜彈牙之後再叫咗：吞拿魚腩卷，油金魚胶，串燒，天婦羅少不了經理介紹嘅清酒仲有関東煮，但唔記得影相。4個人飲飽食醉

成日黎到寶勒巷見到呢間日式居酒屋都好想試一試,今日就拉埋其他朋友一齊試下！入面充滿和風設計,入座一陣已經見到唔少在港日本人入黎餐廳dinner!!果然正宗日本餐廳！蟹籽沙律蟹籽沙律堆疊成一座山丘,將蟹柳絲,青瓜絲同蟹籽拌匀.入口爽脆鹹香,中間咬到卜卜脆既蟹籽溢出蟹籽鮮甜既精華,清新又開胃.秋刀魚刺身由日本空運到港既秋刀魚,將時令既秋力魚切成刺身.攞盤好精緻,秋刀魚以心形排好.秋刀魚彈牙,魚肉飽滿充滿油脂香及甜美.秋刀魚刺身配上薑蓉,醉汁及少少日本芥末令魚腥味降低之餘亦具提鮮作用.鐵板牛油帶子帶子大大粒,加上牛油係鐵板上煎香,牛油味道香濃又唔會過厚重,入口唔會過膩.再加上少少點椒令味道更香.旁邊以本菇作配菜同樣吸收牛油香.雜錦天婦羅炸天婦羅種類豐富,有蝦,蕃薯,茄子,菇,南瓜及青椒.天婦羅炸漿唔會過厚,炸得乾身又唔會過重油膩感.炸蝦爽彈帶一陣蝦香,炸漿同蝦肉貼服唔會分離.蔬菜類食材新鮮鮮甜.鹽燒花魚魚肉香清夠嫩,經鹽燒後帶出燒魚自身既魚甘香,鹹香惹味.牛肉湯烏冬昆布醬油湯香甜帶一陣清香,配上彈牙煙韌既烏冬暖笠笠好暖胃.八海山燒酎燒酎以特製燒酎瓶係唔直接影響燒酎口味既同時加上冰塊令燒酎變冷

呢間位於尖沙咀的日本餐廳好多年前已經開業，但就未聽過有朋友仔介紹，眼見今日餐廳用餐既人數唔算太多，就一於去試下！一坐低就見到成排清酒，餐廳職員話呢D酒全部都係日本客飲剩之後留返下次飲，見到呢個場面就知呢度一定係日本人的飯堂😍一坐低就有熱毛巾抺手，仲有我最鍾意食嘅牛脷小菜兩碟！肉質真係好軟熟好淋，有好香嘅牛味！🍶八海山清酒 HK$220 (300ml)清酒好純，飲落似水，慢慢先散發出酒精味！🦴白子 HK$150店員的激力推介我哋食呢個白子，因為係而家最當造，仲叮囑我哋一定要同啲青瓜漬物一齊食啊！白子入口即溶，仲好鮮甜！刺身沙律 HK$95刺身沙律嘅size一開始都有啲嚇親，而且有好多刺身包含三文魚，油甘魚，三文魚籽同帶子！帶子超級鮮甜，三文魚油脂旺盛，油甘魚咬落有勁道！而且佢啲沙律汁唔係一般嘅黑醋汁，而係似泰式酸酸甜甜嘅汁！不過就略嫌汁太多，食到最後有啲膩有啲酸！🐟秋刀魚刺身 HK$260呢個都係時令刺身，其實秋刀魚嘅刺身我都係第一次試，平時都係食燒既秋刀魚！肉質好嫩，而且都係入口即溶，亦都帶有濃烈的魚味！原來餐廳每日都係夜晚向東京訂貨，然後節日嘅上午就會由東京羽田機場送達香港國際機場，