花宵 (Closed)

早兩晚同朋友慶祝生日食飯，佢揀左間日本餐廳，位於登龍街，time square 後面都幾方便.入到餐廳，感覺舒服闊落！點左個酒煮鮑魚，食落質地軟熟糯口，而且酒味濃郁，食到鮑魚嘅鮮香，正！櫻花蝦多士，多士上邊鋪滿櫻花蝦，賣相極之吸引，食落多士脆口好味！𩶘魚烏冬，魚湯非常濃郁，飲得出用咗好多時間熬出嚟，烏冬非常滑口！點咗串燒菠蘿，超甜又多汁，必食！最後終於有甜品送，喺cheese cake，非常濃郁嘅芝士，唔錯！

早幾日放假去咗銅鑼灣行街，行到晚飯時間，好又話帶我食日本菜去咗花宵，餐廳環境感覺高級，而且坐得好舒服！先點左個刺身拼盤，入面有油甘魚、銀鱈魚、赤身、蝦、帶子。款款都好新鮮油甘魚啖啖肉，有油份但不膩，軟冧而又有咬口感！銀鱈魚非常香滑，肉質爽口.赤身口感柔韌，唔錯.蝦非常鮮甜又爽口.帶子亦啖啖肉！另外仲點咗七味炸淮山，識落好爽身又脆口！最後仲share 左野菜𩶘魚稻庭烏冬，原來係限量供應，未必晚晚有😂 稻庭烏冬非常滑溜，𩶘魚湯非常鮮甜！Overall 價錢合理，坐得舒服，下次有機會再黎食❤️

_____好味指數：🌟🌟🌟🌟🌟抵食指數：🤑🤑🤑🤑舒適嘅餐廳唔多，呢間位於銅鑼灣嘅樓上居酒屋除咗環境清幽，食物種類仲好多，由刺身到串燒都有，啱哂一班人黎碰杯🍻✅花宵刺身拼盤（五款）有右口魚、真鯛、鹽燒拖羅、帆立貝同甜蝦🦐餐廳選用嘅食材相當新鮮，而且由濃到淡，清淡到油份豐富都有，非常滿足✅炸日本白蝦炸白蝦好香脆可口，咸香味十足，非常啱做小食🍤✅野菜𩶘魚湯餐廳招牌，用𩶘魚去熬製湯頭🐟中間無落任何味精同調味料，原汁原味飲到魚嘅鮮味，配埋順滑嘅烏冬非常入味🍜✅磯燒鮑魚鮑魚燒完依然鮮嫩爽口，配上用鮑魚肝臟製成嘅醬汁食落更加鮮味✅串燒叫咗冬菇、雞軟骨、雞翼、厚切牛舌、免治雞肉串等🍢厚切牛舌燒得軟熟又多肉汁，免治雞肉串要配埋月見汁同蛋黃一齊食，會更加香同惹味😋✅焦糖菠蘿菠蘿香甜又多汁，上面仲有焦糖增添甜味

這間位於銅鑼灣樓上的居酒屋，較一般地鋪相對比較寧靜，人流較少，裝潢帶日本風情，適合下班後輕輕鬆鬆跟朋友輕酌幾杯，盡吐苦水。🦋花宵特上壽司拼盤 $398拼盤共有六款壽司各兩件，跟朋友二人分享最合適。壽司款式會按季節時令調節，確保食材新鮮。今晚的特上壽司有深海池魚、左口邊、帶子、赤蝦、鱈魚及拖羅。壽司中間已放了足夠份量的芥末，怕辣人士可以不用額外添加。🦋免治雞肉串 $48🦋雞翼串 $32🦋青椒仔串 $18🦋厚切牛舌串 $58🦋煙肉蠔卷串 $38🦋焦糖菠蘿 $58來到居酒屋又怎能沒有串燒，這裡的串燒種類繁多，雞豬牛海鮮均應有盡有。最喜歡厚切牛舌串，口感爽彈，牛舌控不妨一試。🦋紅酒牛面肉 $168豐富骨膠原的牛面肉，牛味濃郁，口感軟腍。🦋七味炸准山 $68份量驚人，香脆可口，作佐酒小食一流。🦋燒鹹牛脷拌蜂蜜芥末醬 $78牛脷切得比較薄身，煮得好軟腍，口感像豬脷多過牛舌，配上蜂蜜芥末醬，味道更加濃烈。

💛好味指數:4.5/5💛💜回頭指數:4.4/5💜約咗朋友諗住搵個地方傾下計，居酒屋就最適合不過🏮樓上居酒屋地理位置方便，環境舒適，有多款刺身和小食選擇😁✅花宵刺身拼盤（五款）$338有右口魚、真鯛、鹽燒拖羅、帆立貝和甜蝦。餐廳選用的食材新鮮，右口魚配指定醬汁，真鯛魚肉嫩滑。拖羅反而燒太熟，唔夠肥美😣其他整體的質素都唔錯💕✅炸日本白蝦$88炸白蝦好脆，非常啱做小食，會食個不停🤣好推薦大家食呢個😌✅野菜𩶘魚湯$78𩶘魚湯用魚頭煲，無落任何味精，飲到魚湯的鮮味😙✅磯燒鮑魚$78鮑魚爽口彈牙，配上鮑魚肝臟醬汁，味道極佳😙✅串燒叫咗幾款串燒，厚切牛舌燒得好出色😌免治雞肉串配月見汁，月見汁的蛋香配雞肉幾好食8！另外叫咗啲平時必食嘅串燒，例如冬菇、雞軟骨、雞翼等✅焦糖菠蘿$58菠蘿上面有焦糖，菠蘿又甜又多汁🍍🐻總結幾唔錯嘅居酒屋🏮選擇種類多😙

今次去咗一間樓上既日式居酒屋，呢度既環境設計得好靚，好有置身於日本既感覺。我地叫左個刺身拼盤，d魚好新鮮同埋好肥美。而帆立貝同蝦刺身師父就落咗d柚子汁，食落更加清新同特別。另外就係個吞拿魚燒過之後原來香味更多突出，之前都好少食火炙類既野，睇黎下次可以繼續試。平時蝦多士都有食過，但今次除咗蝦膠之外，仲將大量既櫻花蝦放上面一齊炸，令到成份多士都好香。京燒銀雪魚亦都好肥美，啖啖肉！食完呢d都唔夠飽，再叫多咗份天婦羅黎食，d蝦都幾大條，而且炸到脆卜卜，不錯！最後有燒菠蘿同綠茶紅豆闕餅，兩樣我都咁鐘意，只不過如果真係要我係兩個簡一個，我就會投燒菠蘿一票，因為食到飽一飽既時候，清甜類既甜品永遠都可以幫呢餐畫上完美句號。

今日同朋友黎銅鑼灣行街，搵到附近呢間居酒屋，睇門口裝修都幾靚就入去試下坐低見到呢到選擇都幾多，風格都幾靚，坐得舒服我地首先叫左個胡麻豆腐沙律，豆腐好滑，配埋沙律菜食好開胃仲有唔少得既刺身拼盤，我地兩個人就叫左5款刺身，比較特別既係佢有柚子味，令到刺身食落好清新，又鮮甜，好好食！櫻花蝦多士睇落好特別，所以就叫黎試下，佢表面有滿滿櫻花蝦，炸到外脆內軟，又有蝦既鮮味，不錯銀雪魚西京燒都算大條，表面有魚油香，醬汁好味最後就係天婦羅盛食，入面有蝦、青椒、南瓜同紅蘿蔔，蝦同埋疏菜都好新鮮爽口甜品叫左焦糖菠蘿，係燒菠蘿再加焦糖係面，焦糖脆脆地加埋菠蘿好夾，好適合做飯後甜品

登龍街永光中心新居酒屋花宵環境都幾舒服，幾有居酒屋格局無論放工定周末上去，各種日式料理都有，刺身壽司燒物主菜都總有得揀。-唐揚炸蝦隻隻炸得金黃，邪惡啊～🤩🤩-美國和牛薄燒薄燒過的和牛牛油香出酒黎，燒得剛好唔會柴，加埋爽脆的香蔥，蔥味。-酒醋凍蕃茄以酒醋凍蕃茄作為starter紅酒、黑醋及糖入饌帶有迷人果香，回味又酸又甜。刺身帶子，鯛，蝦，帶子，油甘魚同拖羅油甘魚幾厚切，果陣魚味都濃。拖羅夠油潤帶子同蝦肉都鮮甜-燒帶子帶子燒得到燶邊，紫菜也有質素，新鮮紫蘇葉包著紫菜同帶子食幾特別-燒菠蘿燒得燶邊，解膩一流，大愛。

銅鑼灣登龍街永光中心開左新居酒屋環境幾清靜，都坐得舒服Happy Hour 上去飲番兩杯，開心寫意。-酒醋凍蕃茄前菜先叫了酒醋凍蕃茄開胃開胃蕃茄好清甜❤️酒醋汁仲加左紅酒，甜帶黎帶點微酸，為蕃茄加多左層次。-刺身有5點北海道帶子，鯛魚，蝦，，油甘魚同拖羅北海道帶子厚肉，鯛魚清鮮甜美油甘魚魚味重。-美國和牛薄燒和牛包著蔥再簡單香煎，牛味濃而不覺膩，點點牛肉汁，入口惹味。--唐揚炸蝦炸得咸香，停唔到口🤩🤩-燒帶子帶子厚肉燒得香口，紫菜也超脆的，用紫蘇葉包著一起食好有驚喜🤩

Suntory，三得利啤酒，食串燒就梗係要嚟番杯日本啤酒爽皮一下，揀選咗三得利生啤酒，口感輕快淡雅，餘韻充分表現到啤酒花嘅芳香。日本蕃茄沙律，日本蕃茄新鮮爽甜，份外多汁，沙律汁甜中帶酸，同日本蕃茄嘅甜度非常配襯。赤貝壽司，赤貝新鮮，外表呈橙紅色而帶光澤，肉質爽厚脆嫩，鮮味十足，蝶切令口感爽脆之餘亦更見層次。油甘魚壽司，油甘魚肉質軟身，入口厚實滑嫩，魚肉細緻甘甜，鮮味較重，顏色偏深，好明顯用上咗新鮮嘅貨式。火炙左口魚裙邊壽司，嚟到我至愛嘅火炙左口魚裙邊，火炙後裙邊嘅脂肪被盡數迫出，口感非常豐腴。雞翼，廚師將雞翼嘅外皮燒得相當香脆，配合埋嫩滑嘅雞肉，送酒一流。厚切牛舌串，牛舌厚切，口感份外豐厚，牛味濃重，牛嘅酥香同檸檬汁相當配襯。焦糖菠蘿，呢度嘅焦糖菠蘿真係令人十分驚喜，佢做到好似有層拔絲喺面咁樣，菠蘿外層燒得微微焦脆，拔絲焦糖嘅甜味同清甜嘅菠蘿相輔相成，讚。

銅鑼灣花宵幾有居酒屋日本 feel, 店員親切！menu幾多唔同款式而且價錢唔貴。帶子放了柚子鹽，味道非常突出，綿滑得黎又帶清新感！鰤魚刺身彈牙清爽和濃郁溫厚的味道！清爽的魚脂中所帶有的鮮甜味道。鮫鰈魚為白身魚，味道清淡清新，牡丹蝦肉質鮮美肥厚，不加醬油汁料只用原味令味道更鮮甜。燒白鱔，燒既火喉控制得好，魚皮微脆唔會太焦，金金黃黃幾靚，白鱔味道幾討好夠香又啖啖好帶彈性。加點檸檬汁更添香味。牛舌表層燒香， 有點煙燻感覺，咸鮮味幾香，質感幾厚身，配上蛋黃醬中和了牛舌既膩。櫻花蝦多士，香脆咸香好正，蝦肉mix埋後質感爽彈，再配沙律醬好清新。焦糖菠蘿，食完解膩，唔會太甜！酸酸甜味道好好。最後餐廳還送了個紅豆綠茶蕨餅，幾好又唔太甜，帶有紅豆來得自然香。

炙燒大吞拿魚腩, 焦香中散發着一點海洋的氣味，入口後溶化開來，漾出秋日的滋味。魚件添上煙燻的滋味，無筋而油腴的細膩口 鰤魚油脂豐富，肉質鮮美細膩，口感清爽且有回甘， 帆立貝切成薄片, 令到口感更加細緻, 點一點Wasabi一齊食, 將個鮮味無限提升厚切炭燒牛舌，舌經炭火煎烤成，肉汁豐富，加上表面有炙燒過，佐特調醬汁，襯托出和牛的豐厚鮮味, 牛舌里沒有筋健，所以肉感絲毫不會難以咀嚼，一口咬下去的感覺就像在擠壓一塊高密度的海綿體。天婦羅蝦，除了肉身彈嫩，濃郁海鮮味更是與香酥外皮成為絕配，是天婦羅料理靈魂一般的存在。經過油炸的天婦羅不僅皮衣酥脆，餡料也隨著食材表現出綿軟、Juicy或Q彈的口感，甘甜且質地細緻的根莖類切片後炸成天婦羅，呈現脆與綿密的雙重口感，吃進口中還會飄散淡淡甜香！

上星期， 有幸同朋友搵到一間CP值超高嘅居酒屋，一間位於銅鑼灣登龍街永光中心嘅《花宵》。喺繁忙嘅時段嘅登龍街幾乎大排長龍，為咗爭取更多傾談嘅機會， 我哋就選擇咗樓上鋪。呢一間上樓嘅居酒屋質素一啲都唔比街舖遜色， 款式多，而且價錢合理， 重要嘅係好食。一步入餐廳，有點家庭形式居酒屋嘅感覺。由於天氣熱， 一坐低就叫返一杯清爽嘅Suntoty draft beer。嘆啤酒，一定唔少得佐酒小食。呢一個期間限定嘅《酥炸蝦仔》 佐酒一流。 佢嘅size比櫻花蝦大，Size適中，一啖一口，所以食起嚟都能夠咀嚼到蝦肉。蝦仔嘅外皮同腳都非常之薄皮，輕輕沾上炸漿後， 用大火炸成金黃。 食緊嚟香脆無比， 同時亦都有少少鹹香嘅海鮮味。 喜歡清爽感覺嘅仲可以加上一抹檸檬汁， 開胃醒神。另外亦叫咗一啲壽司， 呢度嘅壽司質素非常之高，用嘅刺身非常新鮮。當中有幾款壽司值得encore。《火炙左口魚邊壽司》 左口魚邊油份充足不用多提。 如何將火炙嘅火候拿捏得好才是重點。 左口魚邊火炙得剛剛好，既帶有微微燒香， 逼出魚油香，不會太過火，令魚油溶化到餐碟上。 油香喺口腔入面徘徊， 魚油同壽司飯結合， 真係非常滋味。《海膽牡

偽家鄉的感覺永遠都不厭😝今次到了登龍街的花宵，入口已經富有日式小感覺😍😍又要展開偽家鄉之旅了店內的吊旗和圖畫都充滿和風感覺花宵特上壽司拼盤 $3986款壽司，共12件有左口魚裙邊，赤蝦，油甘，拖羅，帶子，金目鯛，所有都很新鮮左口魚裙邊很滑，師傅很細心，因為左口魚裙邊比較油膩，加了一片紙菜，既有入口即溶的感覺，也沒有肥膩感。燒鹹牛脷拌蜂蜜芥末醬 $78推介👍煎得很香，有少許像午餐肉北海道焗牛油海鮮 $168有帶子、蠔、蝦、蜆、三文魚、菇櫻花蝦多士 $98大愛每一片都舖滿櫻花蝦👍普通的蝦多士，只有一隻蝦在多士上面，已經多是油膩的。這個不同啊！蝦肉很多，看看側面圖就知道了。清酒煮蜆 $98蜆肉有鮮味焦糖菠蘿 $58有別一般燒菠蘿，菠蘿外層加了一層燒過的焦糖，提升菠蘿的甜道👍

從何時講起，每次去日本的「心癮」發作時，必定要選擇一間富有地道日本居酒屋形式的餐廳「止癮」！選擇「花宵」正正就滿足了我這種心態。餐廳的外邊以木和燈籠做裝潢，仿照傳統的日本居酒屋造法；坐下後，店員殷勤地推介店內的食品，我們先點了六客壽司：左口魚裙邊，赤蝦，油甘，拖羅，帶子，金目鯛，全部都有新鮮香味呢！吃過花宵特上壽司拼盤後，就要端來其他食物了。先來一客北海道焗牛油海鮮，「內容」十分豐富呢！然後就叫了兩客櫻花蝦多士，櫻花蝦與多士的味道出奇的配合！吃過後就到清酒煮蜆：蜆肉都十分新鮮！吃過幾客頭盤後，就到了是晚之重點菜式：燒鹹牛脷拌蜂蜜芥末醬；店員親自掌管火喉給我們燒呢！因此牛脷也燒得份外香口呢！最後以焦糖菠蘿作甜點，結果又是捧著大肚子離開了。