HENRY

Open Now

Now Closed

入一個酒店扒房要經過另一個開放式餐廳，有點古怪。風乾火腿麵包- 送的麵包都有風亁火腿，驚喜。Steak Tartare- 在客人面前處理，首先視察享受。滿滿的黑松露，用和牛造他他入口即融但油膩少少，有得有失，別有風味。Ribeye- 牛扒係扒房的主角，燒得不錯都幾香，但口感有點韌，食唔出係高級牛扒。如果比較，同價的喜記酒店Morton就很易吃得出牛扒的高級。NY Strip炸蕃薯- 個人感覺都係鍾意炸薯條多些，可惜無得揀。 紅桑子雪芭- 送的，都好味，加番少少分啦。未必再來，比較下還有同價又更滿意的酒店扒房可以選，除非再來食牛扒以外的其他食品。

你今次同朋友慶祝生日，終於可以試下呢間咁靚嘅美國南部傳統燒烤扒房，入面有明火炭烤爐，令到餐廳好大陣炭烤牛扒味，好香😆🥩Steak Tartare朋友好喜歡食嘅牛肉他他，呢度有架車仔喺你枱邊即場整，逐樣配料介紹，我記得嘅有parsley, shallot, garlic, olive oil 再加入牛肉，最後加上大量芝士同5g 黑松露，睇住佢整係幾吸引，搽上麵包度食，可能調味料太多，食唔到牛肉味，令到好似食緊蒜蓉醬麵包咁，其實幾啱麻麻地生牛肉嘅我😆不過朋友鐘意食生牛肉就話韓式牛肉他他好食啲🥩Miyazaki A5 Rib Eye Cap宮崎A5和牛肉眼蓋，呢個部位係喺肉眼牛肉嘅上蓋肉，係肉眼牛排味道最濃郁部位，數量罕有，牛扒炭燒味好香，每邊都有煎得好香，油脂分布均勻，肉質滑嫩，口感油而不膩，有啲咬口🥩Hanwoo 1+ New York Strip 韓牛1+牛扒，自從喺韓國食過韓牛之後就覺得韓牛好食過和牛好多，不過香港好少地方有韓牛食，見到呢度有就叫嚟試吓，韓牛牛味重好多，質地好淋，入口即溶，油脂有但冇咁油膩🥗Creamed Spinach 奶油菠菜牛油忌廉味好濃，菠菜好嫩滑🥧Pinea

二次再訪Henry, 今次選擇晚飯時間。由於上次既whisky flame 實在太美味，今次帶埋另一半慶祝佢既生日。同樣地，如果有需要preorder 任何butcher cut 或者birthday dessert, 佢WhatsApp 有專人同日之內可以同你夾好哂溝通好哂。今次由於只係得兩個人，就preorder 左18oz 既澳洲M9和牛chunk eye roll. 另外就preorder 左個chocolate bomb做生日甜品。坐低睇menu, 由於環境十分之暗，waiter 見我地要移來餐桌上面既蠟燭以作照明之用，立即送上reading lamp, 都好細心！好，上次既經驗係主攻牛扒，所以除咗whisky flame 之外，只係叫左牛骨髓同燒蘆筍。牛骨髓其實係另一半特別要點既，因為本身呢個食品唔係度度都有得食，Henry 都做得唔錯，有一個燒汁做調味，配sour dough 係幾夾架。主菜whisky flake chunk eye roll, 放上枱再用火燒，好重既儀式感。之後再切件上枱，下肩胛肉眼油花分布平均，肉質軟同嫩，好好味。啖啖肉一定要配合蔬菜，燒蘆筍依然好味

前菜無限量添加，主要食蠔同蝦，蠔係新鮮而配的醬汁係好特別，尤其檸檬汁有少少冰塊。可惜蝦比較實同唔太鮮味。其他前菜可以不提，因味道真的在水準以下主菜Dirty rice調味欠款，賣相亦醜加$200要個Ribeye，但Medium變了medium well薯條比快餐店要差，又幼又唔脆如果最後每人有杯咖啡/茶就好啦

慶祝老婆生日，兩個星期前訂定首先入到去，可能因為閑日關係，門口冇人招呼，雖然好快有人過嚟接待，但係呢個價錢呢個質素嘅餐廳唔應該有呢啲錯誤，入到去全程有一位女侍應招呼，全程木暮表情，沒有笑容，雖然稱不上態度差，都係嗰句呢個價錢唔應該係呢啲質素嘅服務！食物質素方面，由於我係一早預訂，叫佢介紹兩個前菜俾我，其中一個係魚子醬海膽蛋黃醬雞蛋，一共有四件，我成件拍咗入口，成口都係蛋黃醬味，完全食唔到魚子醬同埋海膽嘅鮮味，仲有嗰啲酸辣汁同埋蛋黃醬一啲都唔夾，好難食，可能個人口味問題，我就覺得浪費咗啲魚子醬同埋海膽另外一個係香草蟹餅，唔稱得上難食，但係絕對唔係好食，應該改名做香草肉餅，快啲香草味蓋過咗啲蟹肉味，呢個價錢唔應該係咁另外牛扒方面，我叫咗個威士忌火焰，當日係牛仔肉眼，好食。。。。好食佢呢間餐廳主打牛扒，如果連牛扒都唔好食就可以執笠啦，雖然好食但係絕對對唔住個價錢！呢個價錢大把餐廳好食過佢，仲可以平過佢另外甜品方面，叫咗一個用錘仔敲嘅朱古力牛奶雪糕榛子，朱古力有朱古力味，牛奶雪糕有牛奶，個榛子一咬。。。。黐牙黐到呢，少啲牙力都打唔番開個口。。。建議假牙人士同埋老人家唔好食！整體來講，服務質素5

另一半生日，我地兩個都係食肉獸，就決定豪一次去高級扒房食靚牛扒。叫左最signature既Whisky Flamed Porterhouse 🥩😍果然冇令人失望不過份量真係好大，好在我哋淨係叫咗個頭盤既蟹餅，再叫多一個pasta應該食唔晒😆美中不足係當日冷氣好大，餐廳職員好貼心已經俾咗毛氈我地，但係都係超級凍🥲⋯ 坐到滿晒亦都冇辦法調位⋯本身reserve左個生日甜品，最後好好送咗2個甜品俾我哋冇收錢，補償番呢餐飯太凍，服務態度真係冇得彈。

食肉獸第2次黎Henry，今次用餐目的係興祝。入座後除左外套都覺得好熱，同餐廳職員講，佢地有即時調整返溫度。點餐前亦有主動問有冇食物敏感，上菜時餐廳亦有作調整。食物方面冇咩好挑剔，牛肉他他無論係用料同調味都好，同出面既他他有明顯唔同。黎到Henry就緊係要食牛排啦，叫左Tenderloin同和牛，兩份都叫左medium。和牛油脂豐富，但相比之下，我個人更欣賞Tenderloin，肉味濃，外皮燒到有d脆，肉心軟，必試。食物呢個價位交足功課，服務亦到位，但有D流於表現，未有令我feel like home既感覺。總結，係值得再去既餐廳！

如題，仲滿心歡喜早咗幾個禮拜網上訂位，結果我司老公齊齊肚屙，真係好難忘🥲網上同電話confirmation已經remark咗係慶祝生日想坐好啲，但去到係安排坐喺路口隔籬，零零舍舍一張枱仔，唔係卡位亦都唔係窗邊，侍應同去廁所嘅客人都會時不時行過，都幾滋擾。後尾發現每一枱嘅甜品都有蠟燭伴碟，估計大家都係慶祝特別日子所以request咗坐靚位🤷🏻‍♀️兩個人叫咗兩款festive special cocktails、半打生蠔、煙燻蛋、M4澳洲和牛、安格斯肉眼仲有粟米雪糕。埋單3字頭都係意料之中。M4有啲生但都食得過，不過我特別想講舊Ribeye ：叫7成熟，雖然邊邊位炭燒味濃，但中間韌到咬極都咬唔開，牙骹咬到有啲軟💁🏻‍♀️牛味ok但係成千蚊有一半都係韌嘅，感覺好浪費。唔知邊樣食物出錯，返到屋企大約11點幾開始，我哋就輪住去廁所。到而家我一路打緊食評分散注意力，一路等緊我老公去完俾我去，好想警惕大家睇路🙄兩公婆好不容易等到年尾想好好食一餐慰勞大家，點知發生啲咁嘅事，真係冇下次🥲

位於Rosewood 嘅扒房Henry 坐立係Bayfare Social 裏面，成個設計打造到好似小木屋咁，裝修時尚雅致，空間感好寬闊，主要坐皮革梳化位，成件事幾有扒房嘅氣氛而且幾grand 嘅感覺 👀酒店嘅扒房就係有質素嘅保證👍🏻佢哋係英籍總廚曾主理多間嘅米芝蓮餐廳，🖤黑白配⚪️去完都覺得啲steak 真係好正😳😳絕對推介俾大家慶祝生日或者係慶祝節日約會之選😛餐前小食 bread & ham 🥖 酸麵包嘅質感比較硬，不過配埋火腿牛油作為前菜幾開胃，個ham 唔會太鹹，味道甘香Oyster 🦪 6pc $348呢款係美國生蠔，佢會配埋兩款嘅調味醬俾你，一個分別係有香檳味道嘅醋汁，另1款係martini冰粒，配埋個生蠔食成個口感即刻再昇華咗😗生蠔每粒都大大粒同埋肥嘟嘟😍入口好creamy好鮮甜Chef’s Signature Steak Tartare 🥩 $398加魚子醬 +$198 for 10 g Amur Caviar 生牛肉他他酒店職員會現場喺你面前烹調👏，首先見到佢用醬料醃嘅生蛋黃攪拌，然後再加入生牛肉同埋橄欖油，最後加入咗芝士碎同埋即刨黑松露，佢會配埋個酸麵包等你沾住啲生牛

秋天天氣涼涼地，去試了這間酒店的steakhouse✨，坐outdoor balcony沒有時間限制，可以慢慢enjoy dinner time❣️氣氛及食物都恰到好處，唯一是outdoor太大風😁，蠟燭點極都點唔着😂😂，努力一番大笑一輪之後就來個合照留念📸啦～ 𝙷𝚊𝚙𝚙𝚢 𝙱𝚒𝚛𝚝𝚑𝚍𝚊𝚢!!💖

Happy birthday celebration here with my boy and his family. The restaurant is not too full. The environment was good. The staff were nice. I had good time and dining experience there though I didn’t eat beef (they did🤣). Let me explain the dishes below.Tasting Notes:Market OysterAs an American steakhouse, Henry provides oysters originated from the US. They innovate in the oyster sauce, using martin and champagne to respectively prepare dirty martini granita, champagne mignonette. Lemon is also p

#尖沙咀 #oopsie尖沙咀 #oopsie九龍HENRY位於尖沙咀Rosewood既一間高質美式扒房 大家都好推薦 所以生日book左係到慶祝🎉🥳個環境無得頂 風格氛圍高級 好適合慶生影相 餐廳仲特意準備Gelato生日雪糕🥰都隔左一段時間 相信距地Menu定期會更新了●Roasted Bone Marrow● （9.5/10）牛骨髓配酸種麵包🍞 is my all time favourite 💰298●New York Strip● （9/10）當然要試距地最出名既牛扒啦 我地兩個人叫左 12oz美國安格斯 我地叫左medium rare 炭燒味好重既牛扒 依然保住入面既肉汁😋🥩💰589食物：⭐️⭐️⭐️⭐️⭐️環境：⭐️⭐️⭐️⭐️⭐️價錢：⭐️⭐️人均：$4xx-5xxOverall 我係十分滿意 staff既態度服務都係滿分環境就更加係101分 當日我沈浸係依個環境下 已經忘記品嚐食物🙈🤣

星期六到了餐廳吃brunch menu. 任吃頭盤全部都不合格. 凍蝦完全沒有鮮味, 熱湯過咸喝一小碗已經受不了, 沙律做法過分簡單欠誠意, 配料也欠奉, 就算頭盤是任食也完全沒有encore的意欲. 主菜dirty rice不夠調味, 上面的海鮮和鵝肝與飯格格不入, 不像一個海鮮飯. 另一主菜牛扒點了medium, 上桌時是連medium well也不是, 差不多是well done, 怎樣可能steak house連牛扒也煮不好? 甜品panna cotta沒有set好, 整個質感過份流質, 水水的和生果混合一起上桌.

。New York Strip ($698) - 牛扒點了medium rare，但煮得過熟(調色後才見到粉紅色)，肉味不濃，肉質亦有點韌，steakhouse黎講真係幾失望，咁大個碟得塊牛扒都幾有空虛感。。Pork Loin ($488) - 豬里肌肉非常有驚喜，定舖推介medium熟度，豬肉半生熟，又嫩又juicy，肉味又濃，全餐最好食嘅菜式。。Crab Louie ($238) - 前菜牛油果蟹肉沙律，蟹肉香甜份量都不錯。。Sweet Corn Ice Cream Sundae ($138) - 全個甜品都用粟米製成，粟米雪糕、popcorn、粟米蛋糕，滿滿粟米味，但粟米蛋糕浸了好多酒，未必個個岩食。。Pineapple Upside-down Cake ($138) - 菠蘿翻轉蛋糕幾有驚喜，戚風蛋糕鬆軟，烤焗過的菠蘿又香甜。

生日，朋友揀左Henry同我慶祝，食物就正常，但氣氛好好，侍應長期1對1服務，細心講解餐牌。店外掛左一個雞同牛扒人，好搞笑。餐前麵包，有啲硬，牛油香。黑松露生牛肉他他，賣相其實就有啲一般，但係勝在有侍應即場seasoning俾你睇，逐樣材料介紹俾你聽。唔少得主角牛扒，其實每一期嘅主打都唔同，建議問返侍應，食牛扒我一定係食medium rare，咁樣先唔會過分韌，或者太過bloody。另外嗌咗一個兒童餐俾小朋友食，反而兒童餐就幾抵食， $600有通粉同牛扒。最尾叫咗一個粟米雪糕伴焦糖爆谷，啲爆谷好好食，卜卜脆，充滿左焦糖，粟米雪糕入面都有一粒粒嘅粟米，應該係自己整嘅，味道唔太甜，幾特別，起碼出面啲餐廳應該冇呢個甜品，好開心咁樣吹咗蠟燭過咗一個完美嘅生日。場內都見到有唔少人放工飲杯酒chill下，應該係一個同朋友聚腳嘅好地方。今餐大概都係$3000幾，價錢算係合理，慶祝生日係一個唔錯嘅地方。