海魂燒 (Closed)

約左朋友銅鑼灣行，食到冇野好食諗起天后一帶食肆，呀又比我地撞手神食到間cp值勁高日本野舖頭位處清風街，係港島人都知道的隱世小食街，除左格價比銅鑼灣一帶更親民之外用餐節奏仲冇咁急促入去坐低左，侍應送上餐牌後無猶疑地叫個二人餐share湯同沙律唔洗五分鐘送到，羅宋湯同蟹柳沙律都合格之後帶子海膽刺身好正，成口鮮味，個餐有海膽刺身真係值回票價焗蠔呀！熱辣辣配埋蒜蓉真係冇得輸，食完有少少想追加呀天婦羅大蝦同蕃薯都係水準之作，大大件食完好滿足最欣賞係跟餐八片和牛呀，其實食到呢個時候已經好飽，但可以講點飽都要食埋和牛先，入口即溶好香好好食！二人餐仲特別咁配埋漢堡包仔比我地夾牛肉，加埋洋蔥同蕃茄好爽口；呢個簡直成餐亮點最後仲有個芝士松露西蘭花同甜品...其實已經飽到不行，所以真心抵食兼好食呀

作為「土生土長」既新界人就算知道港島呢一邊好西林立都甚少過海黎呢到食但係朋友極力推薦呢間小店就黎試下點知真係好到估唔到==============================位於清風街既呢間鋪唔係港島大既真係比較難搵到好彩都離天后港鐵站好近,5分鐘就行到見到有我至愛既龍蝦就二話不說點左個二人餐A好好味既菠蘿汁芒果牛油果沙律+餐湯先黎大大碗沙律唔係講笑,真係好大碗對比返隔離果個普通飯碗足足有4-5倍大以呢個份量其他餐廳我相信已經係4人份量但唔好以為量多就質唔掂沙律菜夠新鮮,咬落去索索聲畫龍點晴既係佢放左芒果入去令到碗沙律雖然冇落黑醋之類既野都可以好夠味,令人唔會食到厭餐湯就略嫌普通如果係味增湯就更佳始終都係日本餐廳,會expect更日式既風味多D特色炸拼盤(雞軟骨碎、單骨雞翼、天婦羅蝦)食咁耐炸野,真係未見過會用炸籃黎上菜既,幾有特色,我鍾意雞軟骨粒粒都好鬆脆,而且份量夠多然後係我覺得最好食既單骨雞翼因為佢剪開左做單骨,令到炸既時間縮短左雞翼入面亦都因為表面面積增加而易熟左唔會出現炸到外面燶晒入面都未熟透既情況更令客人可以容易D進食,可以話係一舉多得天婦羅蝦夠大隻炸完都保持到蝦本身既

天后真係好多小店~今日又去咗天后搵野食~~見到清風橋底有一間食燒烤。坐到入去。發現除咗散叫之外仲有套餐~~套餐 好多野食 , 仲有龍蝦 成條荀殼 包埋飲品 甜品 平時食燒烤偏貴因為份量比較少通常叫得比較多, 所以 以上餐單 $568 又唔算貴wo~~決定叫套餐~~!沙律大大碟 芒果牛油果都好足料 新鮮~~金菇牛肉卷~~出乎意料地好食喔~燒得剛剛好 汁都好入味 個邊位仲有少少脆。特色炸拼盆三樣都咁正!炸雞軟骨, 雞翼 炸蝦~~✨炸蝦係大大隻,咬落實肉 啖啖肉。✨雞翼 好夠味 夠乾身✨平時食雞軟骨真係得骨, 佢既有少少肉。夠脆又夠香口。原條荀殼魚佢用泰式燒魚 中間放左香料 魚肉好滑 又唔多骨 。燒烤通常都食好多肉 ,所以有魚肉食下都幾清新~~不過我覺得個味淡左d~~✨✨✨重點 ✨✨✨芝士燒龍蝦出乎意料 我以為呢個價錢 龍蝦係渣野 係咁易, 又估佢唔到 龍蝦竟然唔削 實肉架woo係咪新鮮我就唔係好識分 不過食落起碼覺得唔錯想講佢個烏冬都唔錯 係稻庭烏冬。份量好多 , 絕對係三/四個人既份量。散叫都有架~~鯛魚湯烏冬 不過佢限量供應既最後有甜品揀雪米糍同燒湯圓~~梗係揀平時少食到既燒湯圓啦食完

黃雨之下由炮台山行去天后方向，行到某個大天橋下，實在有遮都難行，唯有揾間餐廳食飯，等細雨再上路，眼見有幾間餐廳，見海魂燒個名幾配合天氣，就揀左呢間；一口帆立貝海膽 $68/份，上一件帆立貝，下一件帆立貝，中間夾足一湯匙份量海膽，配上清新沙律菜，色彩繽紛；炸芝士年糕 $48/2件，炸得脆口，芝士夠多；鵝肝煎雙蛋飯 $88/份，看似高級版嘅暗然銷魂飯，雙蛋煎得靚，鵝肝有兩塊，份量唔大，勝在煎得夠嫩，所有材料及飯放响熱辣辣嘅石鍋內，燒到好似跳舞咁，好有動感，食到底有飯焦，是項唔錯嘅選擇；黑松露芝士牛油焗雜菌 $42/份，錫紙盤上，有啲似野餐，有黑松露醬放上雜菌菇中間，芝士都有些拉絲，但對芝痴就覺得唔夠芝士味。

去開銅鑼灣，搵食通常都係SOGO世貿希慎搵食，好似有選擇但又冇乜咁，隨時排隊都排到你傻今日決定避一避世走去天后搵食，食完順便行下維園去到清風街都未到七點，就搵左呢間日式串燒試下。店內裝修都係工業風，但就好欣賞張檯同座位夠闊落，行完坐得好舒服決定同朋友嗌個二人餐，400幾由湯食到甜品仲包野飲同和牛真係好吸引；再加多個清酒花甲。落單後好快沙律同野飲就送到，沙律勁大個之餘d菜係新鮮清酒花甲一流，我係連湯都飲哂！花甲唔似出便果d咁又細粒又韌，粒粒都好鮮甜，誠意推介呀一口帆立貝海膽淨係見到都覺得豪爽，咁足料真係好感動；如果面頭花灸多D就仲正重點係和牛有得俾你揀自己燒定燒埋比你；揀自己燒就大大個爐比你，仲提供牛油同埋會細心指示你煮法！和牛入口鬆軟，每咬一下都滿口油香，除左讚自己燒得好，都係因為d和牛靚呀誠意推介I’ll be back!

話說要同太太慶祝結婚週年紀念,於是就喺公司附近物悉一啲高質素餐廳去慶祝,於是搵了了好耐,搵到呢一間海魂燒的舖頭,喺openrice睇過食評都算唔錯,於是就決定試一試,佢嘅地點好就腳,就近天后地鐵站,交通亦都非常方便。入到去鋪頭入面唔算好大,由於一早已經book位,所以店員可以好快安排入座,店舖入面七至八成滿,成間餐廳是工業風嘅設計,非常之特別。 睇了一陣menu,發覺佢個二人海鮮套餐價錢唔算貴,於是就去試一試。1)日餐湯 - 蕃茄湯 蕃茄湯酸酸甜甜,好開胃。2)芒果牛油果沙律 呢個芒果牛油果沙律其實都好大碗,兩個人食完都有幾分飽,不過佢啲蔬菜都好新鮮嘅芒果亦都好甜。3)特式炸拼盤 包括雞軟骨碎,單骨雞翼,天婦羅蝦4)金菇牛肉捲呢個金菇牛肉捲整得好好呀,牛肉燒到恰到好處,一口入去,牛肉嘅肉汁加埋新鮮金菇簡直係一流嘅配搭。5)芝士燒原隻波士頓龍蝦 呢個波士頓龍蝦都算大隻,而且廚房職員亦都好貼心咁將龍蝦個鉗的肉事先整碎,等食客可以好容易拿鉗入面嘅肉出嚟食,而且配合佢嘅醬料,非常之美味可口。 此外,個龍蝦蝦身鋪滿咗新鮮嘅魚子,真係睇見都流口水食落亦食落非常之美味。而且佢啲龍蝦肉係結

好大雨之際喺天后入左呢間日本料理餐廳食晚飯，其實呢度都幾容易揾，天后地鐵站出左地面沿著電車站往炮台山方向行，見到幾層樓咁高嘅行車天橋，呢間日本料理餐廳就喺喺呢條行車天橋下面了。叫左每天限量30碗，價值$88嘅鯛魚湯烏冬，其中可以喺十款配料中(安格斯牛肉丶五花腩丶豬軟骨丶炸單骨鷄冀丶芝士腸丶竹輪卷丶娃娃菜丶蟹柳丶金菇丶腐皮)㨂兩款，食肉獸嘅我就揀左安格斯牛肉同埋五花腩，上枱時成碗烏冬熱辣辣，奶白色嘅鯛魚湯底魚味十足，食烏冬之前我先大啖大啖咁飲左幾啖魚湯暖吓個胃，跟著就大啖大啖將安格斯牛肉同埋五花腩放入口食。餐牌上見到有串燒白鱔魚，即刻叫左一份嚟食，因為真的喜歡食又厚肉又彈牙嘅鱔魚，果然上枱時肉質肥美之餘，連魚皮亦燒得脆卜卜。

最近食西餐食到好厭倦，想試下新野，聽講天后近年開左好多高質食店，就試下佢！今次食呢間日式燒烤店叫海魂燒，坐位唔多，所以氣氛好親切，而且店員都好友善！我同朋友叫左個二人餐，首先黎左蟹籽沙律同一口海膽帆立貝一粒微微燒過既海膽入面夾左滿滿既海膽，果種鮮甜double既感覺，真係唔食過唔會感受到！跟住上左天婦羅併盤膽同燒日本廣島蠔，大大隻既蠔加左蒜頭同蟹籽，一咬落去蠔鮮咪必晒出黎，太好食！之後上鐵板和牛同mini burger, 和牛牛味十分濃郁，就甘食已經好好食，如果加埋mini burger食更加可以中和油膩感，恰到好處！甜品好特別，係炸湯圓！原來甘食法又ok wor! 呢間海魂燒係我推薦既無得彈食店之一，一定要試！

是日收工約左朋友聚餐，朋友就介紹依一間位於天后清風街既海魂燒。平時係天后約食糖水多，依一次係第一次食正餐餐廳。個餐廳名同招牌都好日本feel。 入左門口後，店員好快過尼打招呼，然後介紹兩個套餐，一個套餐既主角係波士頓龍蝦而另一個係鐵板和牛，我地就揀左前者。首先就先上飲品，套餐包括餐酒2杯，有紅酒白酒揀，唔想飲酒既朋友亦可以揀汽水菠蘿汁，非常貼心。 然後就上是日餐湯：番茄濃湯同埋芒果牛油果沙律。番茄濃湯好重番茄味同埋好濃郁。而個芒果牛油果沙律用既菜同生果好新鮮，尤其個沙律汁好正，令個沙律加分不少。依兩樣菜式都酸酸甜甜咁，好開胃。然後就係上金菇牛肉卷同埋特色炸拼盤。個金菇牛肉卷個燒汁好味，同個菇同牛肉好夾，口感亦好好。另外炸拼盤包括雞軟骨碎，雞翼同埋天婦羅蝦。雞軟骨碎好爽脆好有口感。而雞翼係單骨雞翼，個人認為係一個好貼心既行為。天婦羅蝦炸粉亦唔會太厚，配埋個汁好好食。 跟住上係鹽燒筍殼魚，一大條原條上，餐廳亦好細心已經將皮剝開，魚肉又白又滑，配埋個汁好正，第一次覺得筍殼魚係咁好食。 隨住店員一句「今日既主角」，燒波士頓大龍蝦登場。龍蝦面有好多芝士同蟹子，肉質鮮甜。餐廳亦會輕輕先整裂龍蝦殼

香芒牛油果大蝦沙律：好多芒果同蝦，好新鮮，份量十足！蕃茄好甜，沙律醬多，個味亦調得好好！蕃茄湯 (二人餐嘅餐湯) : 雖然係餐湯，但係亦好足料，裏面有大大嚿番茄，好濃蕃茄味！一口鵝肝多士：鵝肝絕對唔止一口！店主好好人，見我哋有兩個人，主動問我地使唔使幫手分開一半！燒多春魚：一碟有好多條，燒得啱啱好，唔會太乾！金菇牛肉卷：牛肉唔會太肥太韌或者太乾，所以唔會好難咬，醬汁亦都調得啱啱好！特色炸拼盤：個天婦羅蝦超級好味，個皮食得出係有質素既炸粉，蝦亦好新鮮好大隻 雞翼亦都炸得唔錯，好 juicy！雞軟骨亦都唔會太乾，肉同軟骨嘅比例啱啱好！鐵板日本和牛：有得揀自己燒或者廚師幫手燒，我哋揀咗廚師燒。和牛好正，好重牛味！火候亦都控制得啱啱好，出面熟，入面唔會話全熟，good！配料亦都好好味！鐵蛋韓式辣味五花腩：五花腩既脂肪份量啱啱好，食落好爽口！五花腩亦腌得好入味，好濃嘅泡菜味，辣辣地，果然好韓式 隔離嘅泡菜同埋沙律菜都唔可以睇小佢地，一啖肉一啖菜一啲都唔漏！鹽燒筍殼皇：鋪頭嘅另一傑作 條魚好滑，多肉又唔多骨，一個字，正！芝士燒原隻波士頓大龍蝦：好多海膽！好多蟹子！好多芝士！全部嘅嘢加埋個味好夾！龍

之前聽朋友推介係天后有一間好岩情侶慶祝既餐廳,今日就去試一試啦! 入面環境好舒服!!!重點係員工服務態度勁好!!會見到好多熟客幫襯,同老閭好熟悉!佢有兩個套餐選擇, 一個係海鮮一個係和牛! 仲要包埋紅白酒!! 一個SET包埋7 樣野食,完全又抵又好味!! 芒果番茄沙律芒果甜到爆炸!份量又大,好多沙律菜同好甜,用左番茄做點綴金菇肥牛卷汁調得好甜燒汁味,咬落去好扎實! 吾會散哂!其實個底仲有3 件肥牛包住金菇尾!炸物拼盤有雞軟骨,雞翼同天婦羅!上碟果陣又酥又脆,岩哂飲酒啤一啤佢!! 盬燒荀殼皇係細細條,清清地,配左個泰式酸汁! 其實吾配都已經好夠味!本新已經咸咸地!重點!!龍蝦超大隻!仲辰勁多蝦膏,配上滿滿既魚子,完全係打卡必備!食得又影得!食到哩度已經好飽!居然仲配埋個烏冬!!甜品有個燒湯圓或者雪米滋選擇!下次一定要試下鐵板和牛!!希望可以保持到水準同價錢!!無私分享比大家!!

來到天后就試試一個掋食的二人餐，有八道菜之餘又包餐飲，在鬧市裡確實難道。星期六好爆，好熱鬧呀。餐飲我們選了菠蘿汁和白酒。菠蘿汁推介，白酒就麻麻了。蕃茄湯餐湯味道好稀好淡。芒果牛油果沙律呢個夠 Fresh 夠多芒果，可惜牛油果打成醬，如果加埋 diced 嘅牛油果，就更有口感。特式炸拼盤有雞軟骨碎、單骨雞翼同天婦羅蝦。炸得唔錯，又唔覺粉漿太厚太實。金菇牛肉卷呢個點整都好食，二人俾三舊，真係夠寬佬呀～芝士燒原隻波士頓大龍蝦哇呢個簡直係打卡首選喇，龍蝦肉夠鮮甜彈牙，上面仲有層芝士，芝士上面仲放埋粒粒蟹籽，真係極邪惡，但又好好味。鹽燒荀殼皇唔覺仲以為自己係泰式餐廳，荀殼皇真係比一般魚更鮮嫩滑漏，配埋酸辣汁同檸檬好開胃。野菜湯烏冬呢個有啲失望了，我平時食開彈牙嘅稻庭烏冬，但呢個真係太腍，完全無嚼感。甜品燒湯丸呢個好特别，係即叫即燒嘅。所以好熱，好易辣親嘴。口感夠煙韌，入面熱辣辣嘅黑芝麻醬爆岀嚟咁淨。

來到天后就試試一個掋食的二人餐，有八道菜之餘又包餐飲，在鬧市裡確實難得。餐飲我們選了菠蘿汁和白酒。菠蘿汁推介，白酒就麻麻了。是日餐湯是蕃茄湯，味道和顔色也有點像罐頭湯。芒果牛油果沙律份量十足，沙律菜清新爽口，配上香芒的芒果味道很夾。特式炸拼盤分别有雞軟骨碎、單骨雞翼和天婦羅蝦。金菇牛肉卷芝士燒原隻波士頓大龍蝦賣相很吸引，將鮮甜彈牙的波士頓大龍蝦開邊，上面鋪上濃郁的溶芝士，還有粒粒蟹籽，很有口感。鹽燒荀殼皇很有泰式風味，魚肉厚身嫩滑又不多骨，配上酸辣汁和檸檬令人吃得開胃。野菜湯烏冬就平平無奇，烏冬煮得太腍，未做到爽口彈牙有嚼感。甜品較特别，是燒湯丸。即叫即燒，熱辣辣又煙韌，裡面的黑芝麻醬爆汁，非常好吃。

經過e間好有居酒屋feel既食店，餐牌上既菜式都好特別，而且仲好吸引( *｀ω´)，店員都好友善！我同朋友2個人揀左套餐A⁄(⁄ ⁄ ⁄ω⁄ ⁄ ⁄)⁄，唔好睇價錢以為好貴丫，其實佢份量好足，而且新鮮高質素(｡ì _ í｡)先泥一碗大沙律，e個係芒果牛油果沙律，牛油果蓉混入沙律到原來咁特別，芒果好甜٩(˃̶͈̀௰˂̶͈́)و好易入口！我最欣賞就係e條鹽烤荀殻魚，外脆內軟，其實我第一次食荀殻魚，味道好鮮，肉質好軟滑(⊙ω⊙)，旁邊有d泰式酸辣汁，同魚肉好夾！食食下發現原來魚身包住左幾片香葉香茅，令到成條魚都好香！( ´▽` )ﾉ另外甜品方面，超特別，湯圓相信個個都食過，但烤湯圓呢？ᶘ ᵒᴥᵒᶅ 味道口感都好特別，令人一試難忘，外脆內軟^ ^，糯米糍既感覺，包住芝麻餡，唔過甜，好食！( *｀ω´)

平時去清風街都係食糖水多~ 今日朋友帶路去食一間燒烤叫"海魂燒", 選擇困難症的我睇到個餐牌真係唔知食乜好~ 見佢有兩個套餐, 一個係海鮮2人餐, 五百幾, 一個係和牛2人餐 4百頭, 我地最後係揀咗和牛套餐,叫原先知係有餐酒飲, 咁又幾扺咁喎~ 先黎咗個蕃茄湯, 飲得出係用好多蕃茄+海鮮淆出黎~ 蕃茄酸味重+海鮮鮮味非常開胃~再黎一個蟹子沙律, 蟹子係海量的~ 好大堆蟹子丫~ 好幸福丫~ 之後再上個半熟帶子夾海膽~ 海膽一食就知係靚貨~ 唔係一味得個甜字個D加拿大海膽, 好濃海膽味~ 加分啦~帶子係燒到半熟狀態, 令到口感同味道層次感多咗好多~ 好出色哩一個配答~天婦羅蝦+蕃薯不過不失~ 好吃的, 燒廣島好食到不得之了~ 最後上的燒和牛, 我地要求廚房代燒~ 因為怕油煙, 二來怕自己燒會燒衰咗d牛肉,因為和牛油份好重, 佢附有兩個細漢堡包仔伴食的~ 好貼心~ 但係我要試下佢d牛肉先空口就咁食~ 好有牛肉味, 燒得好香, 無想像中咁林, 但係有咬口既和牛我先仲意~ 哩d先係牛肉嘛~側邊仲有一堆用牛脂燒香咗d 菇菇~ 索咗好多牛脂, 又燒得好香~ 最後我