響 居酒屋 (Moved) New Location

昨晚同朋友點了吞拿腩，油甘腩，甜蝦，海膽，帶子，食物欠缺原來鮮味，另食店職員稱沒有飲品價目表全部口頭報價，並稱open rice中開瓶費$80末有更新為$150/支，全場落單侍應員3人稍欠服務態度，唯一可讚環境寬敞和免費桌球飛鏢耍樂。

冇晒牛定食唯有揀過第二樣。沙律正常加醋不是可沙律醬，有紅菜頭比較特別但我不喜。照燒雞扒飯 ，雞皮燒得脆可惜肉太乾，以一個未達到水平既雞扒飯黎講收70蚊數都幾貴。八爪魚每塊都有切幾刀，食落唔會韌。侍應落單都幾趕下，冇上菜都快既。........

又到左姊妹傾行程之夜，黎到朋友話食過唔錯既居酒屋，其餘五人都一致認出易手前係度食過西餐，部分陳設依舊。 對於經常轉手既鋪位我都唔太看好，點知第一啖就令我改觀。平日夜晚7半前都可以Happy Hour價叫幾款冷盤、刺身或清酒，或享有串燒八折優惠。 7:26入座，未齊人，所以有少少十萬火急地叫左個鹽燒牛舌自私食。鹽燒牛舌 ($58 -> $46)新鮮彈牙既牛舌燒至微微焦香，內裡嫩紅僅僅熟、肉汁豐盈，簡單灑上鹽同黑椒已經好香好好味。 要不是過左鐘，絕對可以狂叫串燒當飯食。晚市定食由$78至$148不等，包漬物、麵豉湯、飲品同甜品，價錢相宜。未點菜已經送上定食中既漬物，原來有味付八爪魚同海蜇，爽口又夠凍。蒲燒原條鰻魚飯 set dinner ($108)猶如放大版鰻魚壽司既外型滿分，原條燒得焦黃既鰻魚大塊厚身，迫不及待夾開軟燸既魚肉時，發現底下連住富彈性膠質既鰻魚皮。 入口除左感受到鰻魚既軟滑甘香同日式燒汁既香濃外，微脆既鰻魚皮帶點漿口，加埋沾上醬汁既珍珠米，完完全全就係日本鰻魚飯專門店既味道。同香港其他原條鰻魚飯相比，我鐘意呢度既鰻魚即叫即燒，幼骨唔多，魚肉厚度同油脂分佈亦屬市面少見

有聽過朋友介紹話呢間幾好，就打個電話過去問一問有無位，聽電話嘅態度已經唔多好，「電話幾多」，「只留15分鐘」，口吻已經令我覺得好差！價錢有70至百幾元都有，一般觀塘都要呢個價錢。我點咗咖哩豬扒飯，我啲同事已經差唔多食哂，都未上，追第一次話即炸要時間，同事食完我再追，轉頭就有（仲要我中間見過有人同樣係炸物丼已經一早出哂）。味道可以，唔太差。其中一位同事突然爆左句，見到碗底有片嘢，唔知係膠片定玻璃片，差啲食落肚。叫個男職員，話轉頭黎，唔見人。只係輕輕講左句取消單，有咩想食就走左佢。我睇個男職員都係快快拎走扔左佢就算，就唔再行過我地個位。服務態度好唔好，都會影響食慾，我聽電話已經好嬲，又唔可以係合理時間內送餐同飲品，真係好嬲。

星期五諗住食好啲，同事搵左呢間日本野試下。餐排都叫多選擇，由拉麵以至咖哩飯魚生飯都有。仲有多個廚師推介餐牌，價錢大概$70至百零蚊不等，諗住食好啲，點個$128嘅銀鱈魚定食。定食包茶碗蒸、麵鼓湯同飲品、雪米糍。一上菜就知衰，$128嘅定食，比兩舊細到不行嘅魚塊仔，仲要一舊係斬左半嘅。食過咁多間西京銀鱈魚，真係冇見過咁嘅份量。味道偏甜，尚可。到個刺身，一隻甜蝦兩件吞拿加兩件唔知咩魚，睇色都知唔新鮮，咬落硬到好似未溶晒雪。左下有墨魚海蜇，呢個最正常。沙律加蟹籽芝麻醬，還可以。除左食物，呢間野嘅服務都好唔得，叫侍應，佢睇到都完全唔理你，上菜又等得耐。冇下次。

觀塘雖大又多隱世餐廳，但要找一間有品質的餐廳真是要點時間。Hibiki位於鴻圖道尾段位置，離地鐵站的路程都要15-20分鐘，但如果可以跟朋友/家人在一個舒適的環境下，吃一餐有品質的日式料理，亦可於空閒的時份玩玩鏢、打桌球，甚至玩下board game，其實都幾滿足：）餐牌沒有圖片可以參考，但每一份的食材都很豐富和精細，絕對物超所值。我喜歡飲熱Sake，店員都超友善介紹幾款不錯的Sake～～超滿足！！大力推介必試系列餐廳之一！！！

老實說，我已經食過幾次，真的唔想介紹俾大家，因為呢間隱世餐廳性價比高! 但佢做得咁好，唔幫佢寫下食評，支持下，又對唔住自己良心。食物方面，水準中上，價錢合理，例如這個鰻魚定食套餐，都係大約$108左右，但已經包括前菜，湯，主菜，熱飲，仲有甜品! 睇下，仲要係原條鰻魚，肉質厚實，有咬口，好食!醬汁濃厚，配上珍珠米，一流!兩個女仔，唔食得太多，但又想試多啲花款，所以只叫了一個定食，其餘叫小食，7點半前落單仲有折tim!熒光魷魚- 滑捋捋，爽口，唔錯芥末八爪魚- 好重芥末味，一定要配下面的紫蘇葉食，味道又另一番滋味，好特別，但又出奇地夾，可惜我朋友唔欣賞，咁唯有我自己食哂喇!帶子海膽刺身- 絕對新鮮，無雪味，廚師在帶子上淋上少少醬汁，帶出帶子鮮美，海膽略有海水味，一件一口，幸福滿瀉!甜品- 雪糕配蕨餅， 蕨餅軟糯特別，誠意之作以為我講到甜品就完? 我仲要讚下佢環境! 樓底高，空間大，兩人坐6人大卡位，真係訓都得，一邊有大玻璃，仲要望到海，正!有一邊區域仲有張桌球枱，board game和飛鏢機任玩， 邊到搵?員工友善- 佢見我地只係叫一個定食，得一杯飲品同雪糕，主動送我多一客甜品! 仲問我要

同事推介的一間，位於觀塘與藍田之間的分水嶺，舊式工廠中的樓上鋪。有桌球枱，靠邊的六人梳化卡位非常闊落，還坐擁維港景致。中間是大型木枱，感覺比較像放題場，少了居酒屋的cozy及私密度。閒日晚市walk in約兩三成客人，晚市套餐有八折，選擇也很多，由幾十元的咖喱飯到二百多的魚生飯也有。八點前還有happy hour, 半價點小食啤酒清酒。定食附沙律、麵豉湯、餐飲及雪糕。點了大的鰻魚飯，原價$108，竟然比友人點的魚生飯更快上桌。魚和飯溫度也欠奉，飯粒乾硬。朋友請了我食他那最貴二百多塊魚生飯中的一片劍魚，很冰冷，很象膠。

繼續周圍搵好嘢食，今次去遠小小，想食好耐，終於有同事陪我去啦。上到去環境好ok，夠開揚，有麗港城景同小小海景，唔錯。似乎依家餐廳都有小小遊樂設施，方便book 做party。顧客都有唔少係外國人。食物嘅價格range係大，平至70元一個set，貴嘅去到二百幾元都有。我地叫嘅都係100元樓下嘅麵鼓湯正常，夠味，都ok。同事叫呢個帶子丼，味道唔錯㗎，佢話夠鮮同夠飽。呢個係明太子卡邦尼意粉，同事話味道夠濃，汁夠「結」，味道可接受，唔係伏。我就叫咗照燒雞扒飯，雞扒煎得不錯，皮夠脆，肉係嫩，汁都剛好，唔會過咸，飯都可以。甜品係雪米糍，舒服哂。不過奶茶真係麻麻，可以嘅話唔好叫，真係好難飲。。。

觀塘工廈出名多野食，今次試左呢間居酒屋，朋友門就試左佢的魚生飯，魚生尚算新鮮，我試了生姜豚肉飯，味道都算不錯，不過食物既熱度再高少少就更好了。環境大，平時下午人唔算多，所以坐得好舒服。

上週五晚，好閨蜜心血來潮，想吃日本料理。剛好前段時間朋友介紹了一家在觀塘的日本居酒屋，抱著試試無妨的心態，順手看了一下open rice的評價，還不錯，據說是人氣居酒屋，於是慕名來到了“響”，英文Hibiki，沒想到滿滿都是驚喜。一進門，一張桌球台映入眼簾，本人酷愛玩桌球，驚喜之餘，頓時玩心大起。進來後就得到老闆的熱情招待，似乎能一眼看穿小女生的心思，把我們安排坐在窗邊，一眼望盡窗外美景。餐廳老闆同員工態度非常好，會細心推薦，不會幫我們叫太多，完全解決了有美食選擇困難症的我們。這家居酒屋特別之處在於，除了提供風味絕佳的煮物、炸物、蒸物、汁物到飯類，菜單也是精心設計，店家的特色料理，也是鎮店之寶- 鮮味海膽三寶，賣相特別，已經讓人垂涎三尺。我們還點了肥美好吃到無法形容的鰻魚飯，分量很足。就這樣，我們在燈光昏黃、溫馨又舒適的日式居酒屋度過了酒酣耳熱的週五晚上。很喜歡這家居酒屋，注重細節，還有桌球台和飛鏢機，絕對是呼朋引伴、喝點小酒、談天說地的好去處，乃吃貨們的一大福音！この店の料理とても美味でした。この前、友達と一緒に食べました。店の雰囲気とても良くて、おすすめします。

本身自己住呢區，經常都會去發掘下有咩隱世好咪食店。 今次揾到呢間叫"響"既日本餐廳~ 英文都係叫Hibiki, 冇錯，同日本有隻whiskey個名係一樣。 餐廳環境好正，有波台(免費), 有標機 (idart $5 round per head) 香港租金咁貴，好多餐廳情願放多2 張台。 佢有一排卡位 set係 窗附近，可以睇到風景。 食日本野，首先梗係要試下佢d刺身同壽司先。 叫左個刺身拼盤，非常新鮮，拖羅係驚起中既驚喜。 好多時你出去食$100 年拖羅佢都未必比到你想要既質素你。但呢度既性格比極高。 其他刺身如油金魚，牡丹蝦一樣咁得。 另外佢仲有個海膽3食 ($138), 睇相都個邪惡， 味道配搭相當好。另外仲叫左d燒物， 枝豆， 烏冬。 都係好好味。呢間餐廳位置需然難揾d, 但地鐵行過去都唔駛10分鍾，渣車既話就要泊街。 食物質素同配搭，絕到比得上tst, cwb一線日本餐廳水準。 所以食完已經念念不忘。下次叫多d朋友去。

假期無聊周圍搵新餐廳試，上星期六就左去呢間係觀塘工業大廈，樓底又高環境又闊落嘅居酒屋。呢間餐廳唔祗大，仲有飛鏢機、桌球遊戲區桌球免費玩架餐廳老闆同員工都好有禮貌，會撩你傾計，亦會好細心咁問你想食咩，幫你好好安排，唔會叫太多令你最尾太飽食唔晒總之好岩有選擇困難嘅朋友~ HAHA 如題叫左餐廳鎮店必叫 - 鮮味海膽三寶好多好多好多海膽! 新鮮! 海膽軍艦、海膽帶子、海膽三文魚籽鵪鶉蛋 (三樣野撈埋食超級夾!)刺身拼盤：夠凍夠新鮮紅鮪刺身個醬汁調教得唔錯~燒鯖魚燒得好有心機，好脆~ 裏面依然好juicy去居酒屋當然要試埋燒雞翼：脆脆皮好juicy燒西班牙黑毛豬豬柳+豬頸肉：油香+煙燻味! 超級正!黑毛豬最愛吃醬果，黑毛豬吃了醬果會吸收醬果的油份，所以肉特別香油浸鴨腿：一D都唔油膩~ 仲好香~ 肉質好嫩，好入味! 最緊要個皮好脆!P.s. 餐廳不設開瓶費，岩晒約埋三五好友一齊聚餐

今次真係忍唔住要！！haha...話說：我個死黨生日，每年都會揾間正野去食好野慶祝！由於我呢個fd本身係日本通(唔返工遊玩，都住在日本幾年)，加上咀叼都死，响日本都食盡好野！我梗係唔敢馬虎响香港揾普通野佢食啦！吖！咁啱見到we chat有fd同D fd去過，齋睇佢D相都想發脾氣！(因為冇叫埋我去)！haha...你睇你睇！！呢Pat海膽係咪好邪惡先？！我一撈隻鵪鶉蛋(我要 search一下先識寫鵪鶉呢兩個字),一放入口....嘩！不得了，即刻有放煙花的效果(比D想像力啦自己！)其實係from呢碟海膽 combo既！嚟啦嚟啦，我最期待既煎鵝肝呀！(😍😍😍)心心眼發光！有金箔架！雖然有D懶正義既朋友，成日叫人咪食鵝肝，但係喺果刻，一聞到撲埋嚟個香味， no offence,我只會覺得叫我唔好食果個係痴線既！一般西餐只會配件多士仔，但係呢度配上紫蘇葉同幾塊爽甜梨，夾埋一齊食就有解膩既效果了！正！呢一大 Bowl sashimi salad,裡面D內容，豐富到呢！我個日本通都話坊間好少咁闊佬，除了果堆海底奇兵，肥美 sashimi外，有埋果D紅紅綠綠靚藻類入 salad喎！(我呢D食肉獸對蔬菜

女朋友睇fd fb見到呢間餐廳～Book左夜晚食830入到去地方好大好闊落唔嘈成個感覺好舒服～環境一流！野食又抵又大份食左2個魚生飯，連湯連沙律再有野飯一杯細啤酒再加個小食加埋一都係430幾～