火鍋郎 (Closed)

9月先開既新火鍋專門店,以和牛為主題既特色火鍋店價錢由$58起一碟,就可以食盡日本和牛既唔同部位另外會供應各式海鮮,包括大蜆,蝦,鮑魚,帆立貝,海蝦,蟹腳,生蠔豚肉五花腩片,日本滑雞件日本牧場直送既A5黑毛和牛,由於少了幾重中轉商,最直接就反映在價錢上可以用近乎成本價既價位食到和牛,仲要係A5級數由牛頸位到西冷,牛小排,封門柳,後腰肉等十幾種唔同部位有爽有滑有滑,又煙韌,一開幕已經非常受歡迎!湯底有八種,最招牌要試花膠響螺雞金鍋先飲一口鮮濃雞湯,又濃又香甜,再品嚐一下煮軟既花膠,湯鍋內有幾片厚身花膠湯底仲包半隻雞,先飲湯,食花膠,再落雞肉食雞湯鍋,最後就和牛火鍋紙上已寫和牛肉只需灼數秒即可品嚐,建議先試3-4款,因為每碟也有近150克份量,非常大碟再完覺得唔夠再追加都未遲 必食封門柳 我第一次食火鍋用封門柳打邊爐,仲要係要和牛佢係好有彈性,彈性到要用牙好大力去咬,個種回彈力係完全從未體驗過,但又好好食,牛味好濃郁價錢唔貴,雞湯鍋都係$188包半隻雞仲有花膠片,一碟和牛$58起每人食2-3碟埋單都係$400左右一個人火鍋郎尖沙咀堪富利士道6-6A號爵寓1樓消費$800

主打2種日本牛 岩手，熊本2種牛都好食 ，而且好有肉味 ，唔會太死肥咁似鹿兒島，但亦唔會食得太多，好在佢每碟都細細份試到幾種牛 似616咁 ，咁呢個價食日本牛咁比616抵既 ，但616有沙嗲湯底 明白到佢係間日式店冇辦法 ，刺身牛相望落去似好小所以冇叫到，菜類就冇溫野菜咁多 ，湯底叫左和牛白湯 ，味唔錯但食完都幾口喝，飲品唔平一杯啤酒都成68 比酒吧仲貴咁，而且茶都冇一杯 要主動叫？ 環保？環境唔錯架 都成6點都係2台客 左右 疫情期間更係越小人越好

看到朋友社交平台 提到尖沙咀新開了火鍋店，環境舒適而且由日本A5和牛牧場直營，多達十幾款和牛選擇，新張期間還有全單88折優惠。環境舒適，坐得舒服。電子下單快捷方便。現在還有刺身提供，但朋友不吃生肉所以唯有下次再試。*芥醬 $10/位*《花膠雞響螺鍋 $178》煮滾後先喝湯，用響螺煲的湯底特別鮮甜，而花膠養顏又彈牙，加上雞肉就更加好味滋補。《A4岩手黑毛和牛牛頸 $48》肉味濃又爽嫩，好吃。《A4岩手黑毛和牛之玉子滑和牛 $58》賣相精緻。先將玉子弄成蛋漿，將和牛全面沾上蛋漿再入湯灼大約10-15秒，入口肉味香又有肉汁，有口感但不韌，好吃。《陳年花雕·精選滑雞 $138》另再點一碟酒雞加入湯中。滑雞的確夠滑，湯加上陳年花雕味道更香。（建議入湯前去雞皮，否則湯面會浮大量黃油）《日本佐賀名水豚梅花肉 $68》豬肉都不錯，薄身易熟，入口鮮嫩有肉味。《手打海中蝦滑 $48》蝦滑鮮味彈牙。《珊瑚蚌 $88》新鮮爽口，但份量略少。另外還簡單點了《韭菜豚肉餃 $48》《蔬菜拼盤 $48》食點蔬菜平均一下。《稻庭烏冬 $18》- 彈牙掛湯。《山水豆腐花 $28》- 滑溜。《脆魚皮 $28》- 香脆可口。

今日來到呢間尖沙咀新開火鍋郎，完全重拾我係日本食牛的感覺大推！.🥘鴛鴦鍋（岩手和牛白鍋+四川麻辣和牛油鍋）$$98+30🥩A5熊本黑毛和牛封門柳 $88🥩A5熊本黑毛和牛三筋肉 $108🥩A5熊本黑毛和牛肉眼 $108🥩麻辣一口牛舌 $38🐟原條日本空運時令鮮魚 $388🍜稻庭烏冬 $15🍜出前一丁 $15🥬娃娃菜 $32🍹荔枝乳酸梳打 $38.呢間最正一定係食牛！jo點了三款都勁好食牛味香濃，最喜歡三筋肉好爽口軟硬適中，難怪係非常受歡迎的稀有部位，牛肉眼就最薄身，牛封門柳最有咬口牛味最濃厚.時令鮮魚點了笠子，一條魚一半刺身一半打邊爐，jo第一次食呢，刺身好鮮味，但我更鐘意用來打邊爐！味道好特別充滿油香烚幾秒就食得，好食到停唔到😋.三款牛和鮮魚配上岩手和牛湯底簡直不得了超夾味，個湯底好鮮甜就咁飲都好正，之後仲成條魚骨掉入湯煲更鮮味jo飲左好多連魚頭都食埋🤭老公喜歡辣加$30叫了四川麻辣，愈煲愈辣超惹味老公仲加埋出前一丁食到爽YY😂.杯荔枝乳酸梳打也不錯，叫個時仲好驚係伏😂酸酸甜甜好解辣👍🏻.整體十分高質，雖然有啲貴，但食物質素服務環境對得住價錢，魚同a5牛超級推介！記得對上一次食咁正的

今日經朋友早上介紹，我立即訂枱，我要求的是盡量給我窗邊的位置，接近中午的時候，店員十分有禮貌地來電確認，感覺十分良好！到達店舖時，看見座位，真的有些意外，因為雖然是窗邊的位置，但是是一個單邊的卡位，即係我同朋友只能看著牆打邊爐，要面對面的話，請加以說明！我點了我十分希望吃到的牛胸爽，牛頸脊，封門柳，其餘的牛前胸，千本根同牛他他是由我朋友點的！首先牛胸爽十分有牛味，抵食！牛頸脊就一般！封門柳切得比較厚，要耐心一點，否則十分難咬！牛前胸入口即溶！千本根十分大塊！牛他他也十分滑！湯底方面黑松露嘢生竹笙松薏野菌比較足料及濃味，至於青花椒就只是一本！兩個人食了$582，食物品質十分好，湯底中上，只是用餐環境有待改善！

餐廳：火鍋郎 (尖沙咀)地址：尖沙咀堪富利士道6-6A號爵寓1樓今次比尖沙咀呢間9月3號新開嘅日式高級火鍋店——火鍋郎 @hinabero.hk 吸引咗我過去，除咗因為新開張做緊全單88折優惠之外，佢哋嘅A5和牛仲喺日本牧場直營運港🇯🇵，提供最優質嘅和牛🐂，而最平一碟和牛都喺$48咋😍講到賣點當然唔少得佢哋嘅和牛🐮，主要產地嚟自日本岩手縣同熊本縣，餐廳同當地日本A5級和牛牧場直接合作購買和牛，有好嘅品質保證，價格仲因為唔需要經銷好多層而較平🤑；另外黑松露野生竹笙松茸菌鍋同招牌金銀花膠響螺雞鍋都喺佢哋嘅特色；唔少得日本新鮮空運到港嘅時令刺身魚🐟，食完刺身之後師傅仲會幫客人拎啲魚骨去熬湯，非常值得一試👍✝️花膠雞響螺鍋 $178先叫咗個店員推介嘅湯底，招牌花膠雞響螺金鍋即喺加多咗南瓜蓉🎃，我就叫咗個無南瓜蓉嘅，而最吸引人之處喺呢個湯底包咗成碟雞件🐓，都幾抵食，花膠嘅份量都唔少，起碼有7-8片，湯底鮮甜濃郁無味精嘅死鹹味，直接當湯嚟飲都得😋✝️A5熊本黑毛和牛封門柳 $88經日本食肉格付協會評選嘅熊本「和王」牛🏆，肉質必須達到A5或A4以上評級，加上油花標準等級達到六級以上，先拎得到呢個稱號🎖。

最近去咗一間新開嘅火鍋店打邊爐，主打來自日本嘅A5和牛，價錢仲好相宜，一碟和牛最平$48至最貴都係$128，嗌多兩碟都唔肉赤🤤• 四川麻辣和牛油鍋併壽喜燒鍋 $98+30麻辣湯底始終冇川菜餐廳咁正宗，志在過吓口癮，反而自己極鍾意依度嘅壽喜燒湯底，無論淥咩食材都好夾，特別係可以帶出蔬菜嘅甜味😚• A5日本黑毛岩手和牛他他燒配柚子醋汁 $128嗌返個前菜嚟試吓先。燒牛肉切得幾厚身，肉質有少少咬口，夾埋柚子醋汁幾開胃😌• A5熊本黑毛和牛肉眼 $108以入口即溶嚟形容一啲都唔誇張，輕輕焯過之後油花嘅香味滲哂出嚟，好好味好幸福🧡• A5熊本黑毛和牛牛小排 $118相對肉眼嚟講牛小排嘅肉味同油香會平衡啲，如果怕肉眼太over可以試試依個，同樣肉質都好柔軟🤤• A5熊本黑毛和牛肩胛肉 推廣價$58$58食到A5和牛邊到搵，肩胛肉比較前兩款肉味最濃，絕對係平靚正之選！• 日本佐賀名水豚五花 $68唔食牛嘅buddy可以食豬肉，同樣係come from Japan🇯🇵肥瘦適中，豬味好濃！• 自家精製·麻辣和牛餃 $48呢個價錢食到六隻嘅和牛餃仲要係自家製，懷疑佢哋有冇錢賺🤣麻辣味唔霸道，唔會蓋過和牛嘅

呢間新開嘅日式Shabu Shabu店環境舒適闊落😍，湯底高質有特色🍲，有好多A5日本和牛bb🥩，價錢合理，和牛滷肉飯好抵食！仲會有當日新鮮刺身供應🐟🙈：-1️⃣ 「招牌花膠響螺雞金鍋🍲($188)」金色超靚✨，店員建議可先飲湯🥣，湯頭好濃郁😍(小編飲左3碗)，仲有好滑嘅花膠食！附送雞肉一大盤🐔~Chicken, hemifusus fish & maw broth: golden yellow color! The broth is rich and smooth.👍🏻-2️⃣「A5熊本黑毛和牛牛小排🥩($118)」👍🏻3️⃣「A5熊本黑毛和牛肩胛肉🥩(推廣價$58)」4️⃣「A5岩手黑毛和牛之玉子滑和牛🥩($58)」當中牛小排超肥美！(睇圖👅)，牛肩胛肉都抵食~A5 Kumamoto Japanese kuroge wagyu-5️⃣「岩手和牛滷肉飯🥩🍚($38)」必食‼️超香油脂，配日本米好幸福🥰~Wagyu on rice: recommended! The beef is fatty and tender, served with Japanese rice👍🏻-6️⃣「手打海中蝦滑🦐($48)」油炸

最近發現尖沙咀開咗一間新餐廳，專門係食靚牛嘅火鍋。就同朋友上去試吓啦。木系設計，座位闊落，都坐得好舒服。一開始店員推介活魚刺身，原來真係有好多款式都係好少聽到嘅日本直送活魚，包括黑曹以，鯒魚，迪鯛，愛女魚等，不過可惜朋友唔鍾意食刺身，搞到我都冇得叫（因為要陪佢），而且仲有夾$50多一條嘅優惠，如果下次約食刺身嘅朋友，我一定會食！裏面有好多款A5牛包括係熊本同埋岩手～見到啲花紋都知道好正，而且唔算太貴性價比都高。刺身牛：A5日本黑毛岩手和牛伴海膽 $218好少地方食到刺身級別嘅牛，差唔多入口即化，花紋分布相當平均又肥美，加埋啲洋蔥一齊食就最好味！另外旁邊嘅海膽都好鮮味，比想像中份量多，仲可以加上青瓜及紫菜食，建議早少少食，咁啲紫菜就可以keep住香脆。A5熊本黑毛和牛牛小排 $118A5 熊本黑毛和牛肩胛肉 ( 推廣價) $58黑毛和牛牛小排就比較肥美啲，脂肪嘅比例比較多，而牛肩胛肉做緊優惠，所以價錢特別便宜，而且食到好濃郁嘅牛香。打邊爐最緊要係個湯底，我就揀左招牌花膠響螺雞金鍋 $188 裡面有南瓜，亦都有好多粒粒花膠，旁邊就有啲雞，建議可以飲咗個湯先，個湯都好鮮味，帶有少少鹹香，之後

火鍋郎和風裝潢，環境偌大光鮮，我哋坐梳化位，寬敞舒適。用電話掃QR點餐夠晒方便，和牛全部都係日本嘅A5級別，來自唔同部位，種類都幾多，而且每款都有詳細介紹，照顧到對味道、油脂量、口感有不同偏好嘅食客。眼見餐廳係和風裝潢，牛又都係日本和牛，以為主打係日式火鍋，原來湯底同食材都有唔少係中式。我哋就揀咗個中式嘅【招牌花膠響螺雞金鍋】成個湯底係金黃色，諗住先飲碗頭啖湯，點知香濃雞湯味太吸引，足足飲咗四五碗先停到。隨湯底嚟嘅鮮雞件，啖啖肉 好鮮嫩。【沙白大蜆】粒粒都勁大粒，而且係鮮活蜆嚟，淥完個size都係咁大粒，食落口感水潤兼超級鮮甜。【手打孖寶丸(海中蝦、墨魚)】手打丸好鮮爽，特別推介蝦丸，蝦味濃郁。【蔬菜拼盤】好抵食嘅蔬菜拼盤，有油麥菜、娃娃菜、粟米、金針菇、靈芝菇，食和牛比較多脂肪，食返啲蔬菜解吓膩就啱晒。壓軸登場係和牛盛宴，我哋叫咗唔同部位嘅和牛嚟試。我就最鍾意肉眼，食落真係入口即溶㗎；第二就係封門柳，普通牛肉嘅封門柳已經肉味濃，和牛封門柳更加帶香甜味，真係絕品；仲有沙巴當呢啲第一次聽嘅部位，各有特色，而最抵食就一定係肩胛肉，做緊推廣價58蚊，大大塊但肉質同樣係A5頂級。【A5熊本黑毛

今日同朋友嚟到尖沙咀，搵到呢間openrice新開嘅火鍋店。日式木系裝潢，環境非常闊落，裝修又夠新淨，餐廳入面環境好大，超闊落，我哋被安排咗卡位，又幾舒服，火鍋配料就可以掃QR CODE點選～好高科技阿！泰式生蝦$78 生蝦爽口勁爽甜！配上泰式辣醬，味道酸酸甜甜，有點像在吃泰式鳳爪的果個醬汁。精選拼盤$118 用料新鮮，三文魚刺身係特別厚切，油甘魚刺身油脂豐富肥美重油脂，感覺平均，吞拿魚刺身夠新鮮，保留魚肉原味，是一盤高性價比的精選刺身拼盤。招牌花膠響螺雞金鍋 $188 呢個鍋好快上枱，半隻雞份量，感覺上好似食極都食唔完， 食落好有雞味，雞肉好嫩滑！入面有海量花膠A5熊本黑毛和牛西冷$128 雖然薄薄地，但肉質好靚，油脂分布平均，牛味很濃郁，入口即化。A5岩手黑毛和牛內腿肉 $58，新鮮爽滑，瘦的部分較多，好有咬口，味道香濃。手打蟹籽墨魚滑 $48，面頭有大量爽口嘅蟹籽，味道都唔錯，墨魚滑爽口彈牙。另外叫左火鍋配料：枝竹x $ 38＆油麥菜$ 38＆野生竹笙$ 58。枝竹同埋野生竹笙索哂Ｄ湯汁好好食！油麥菜爽口新鮮飲品叫左白桃乳酸梳打＄39＆零系可樂＄18，白桃乳酸梳打不太甜，好清新～

🍲尖沙咀新開火鍋店🎉 必食和牛🥩! 環境寬敞舒適, 兩個人入座都有卡位坐~ 主打A5黑毛和牛🐮, 火鍋湯底選擇多, 個人推薦▶️《招牌花膠響螺雞金鍋》- 湯底用上紅棗、花膠、響螺及鮮雞煲成, 店員建議打邊爐前先飲碗湯滋潤吓, 養生之餘仲好養顏~ 湯底飲落都重膠質, 充滿雞香, 火鍋湯底做得好濃好鮮甜, 相當出色😋新鮮雞肉份量多, 肉質嫩滑, 雞件煲耐咗都唔會好老🥩A5熊本黑毛和牛西冷 - 肉質非常柔軟細膩, 脂肪分佈細密, 佈滿均勻嘅大理石紋路🥩A5熊本黑毛和牛牛小排 - 油花細緻, 牛肉片燙一燙已經好夠味, 入口嫩滑, 牛肉味好濃, 完全唔洗沾醬汁食! 🥩牛胸爽 - 係胸腔肋骨中間嘅軟骨部位, 含有豐富骨膠原, 女士們必試💁🏻‍♀️! 食落有爽脆嘅口感, 爽而不韌, 香而不膩, 牛味豐富! 精選拼盤 - 一共有三款魚生, 刺身都算新鮮, 三文魚肥美🥬食完咁多肉, 我哋仲點咗蔬菜拼盤、野菌拼盤, 蔬菜新鮮爽脆!

今晚扶老攜幼試新嘢，日式高質和牛火鍋🍲！火鍋郎，係好味喎！😋地方夠乾淨有空間感，唔會食到成身味，真係有一刻以為自己返左日本🇯🇵😭個湯底都幾多選擇，今次試個招牌花膠響螺鷄金鍋，啖湯好香，勁大舊花膠，個個都飲幾碗！到戲玉，屋企嗰幾個牛魔王都係為左啲黑毛和牛而來，張餐紙會教埋你唔同嘅部位淥幾耐就啱食，幾得意！啲牛就真係冇得頂，入口即溶，聽啲staff講話係日本枚場直送，配料亦有好多唔同的選擇，份量好足，最令我驚喜的是個和牛餃子，真係皮薄喊靚嗰種，啲牛脂食落口超香，好食到唔記得影相！仲有啲廣島蠔超肥美，唔覺唔覺食左成打！😋個價錢真係算幾經濟，$68/4隻好甜好大隻！👍最後都忍唔住要啤一啤佢，隻啤酒好香檸檬味，啱女仔飲！🍻總括黎講性價比唔錯，人均二百幾三百蚊叫到成枱都係，食物質素高，卡位好濶落，食嘢唔駛趕，員工有禮!下次可以encore!☺️

老公話同事食過尖沙咀火鍋郎，質素唔錯，價錢公道，叫我同佢去試吓。火鍋店開業不久，位於樓上一樓，地方整潔，座位寬敞舒適。招牌花膠響螺雞金鍋：金黃色嘅雞湯已經好鮮味，加埋南瓜味道更濃郁更鮮甜。花膠爽口，鮮雞嫩滑，飲完雞湯就加入豬骨濃湯打邊爐，客人亦可加錢再加雞湯。日本佐賀名水豚梅花肉日本佐賀名水豚五花名水豚是在零污染的高山牧場飼養，被譽為豚肉中的和牛，肉質鮮嫰，油花細緻，色澤及味道極其吸引。 日本廣島生蠔：有鮮甜蠔味之餘又唔會腥，口感柔滑，煮熟後不會過份縮水。桂花蚌爽口彈牙帶鮮味。手打海中蝦丸：用上新鮮海蝦用人手打做，加上自家秘製調味料,保留原粒蝦仁,口感爽滑彈牙。鮮蝦雲吞餃：皮薄餡鮮，內有鮮蝦好爽口。潮州魚蛋、台灣脆皮腸、炸魚片頭、即炸午餐肉、鬼馬手打海中蝦滑，除咗火鍋配料，還有小食都唔錯。

今晚同好朋友去咗尖沙咀新開嘅「火鍋郎」，品嚐日式火鍋🍲餐廳裝修簡約潔淨，座位寬敞～採用自助QR code點餐，非常方便花膠雞響螺鍋店員建議先品嚐湯底，再打邊爐🍲湯底都幾濃郁，入口鮮甜美味，仲有唔少響螺同花膠。雞件係另外奉上，份量差唔多有半隻雞，好足料枝竹炸過嘅枝竹口感更有彈性，充滿豆香，仲好吸湯添萵筍片&油麥菜顏色翠綠，口感爽脆嘅萵筍片同油麥菜，打邊爐啱晒鬼馬手打海中蝦滑香脆油炸鬼釀入蝦滑後炸香，可以配酸甜醬汁即食，或者放湯輕輕灼幾秒自家精制 • 麻辣和牛餃和牛餃合共有6隻，每隻都飽滿又大件，內餡係麻辣和牛肉，又麻又香，皮薄餡靚韭菜豚肉餃餃子皮薄到好似雲吞咁，裏面包着滿滿的豬肉韭菜餡料，好juicy呢A5熊本黑毛和牛西冷來自日本嘅A5熊本黑毛和牛西冷🇯🇵肉質細嫩，含有豐富油脂，味道均勻，充滿和牛風味，好好食呀！A5熊本黑毛和牛三筋肉每隻牛只能取得五公斤左右的三筋肉，係好受歡迎嘅稀有部位～雪花分布均勻，入口較有彈性，牛肉味道濃郁荔枝乳酸梳打奶白色嘅乳酸梳打，酸酸甜甜，帶有荔枝果甜香