緣味小聚 (LADDER Dundas)

Open Now

Now Closed

即叫即上熱辣辣蒸氣鍋洋溢海鮮大眾化的風味，豐富多個套餐價錢既追求獨享到「點心」/「安格斯肥牛」/「海鮮蒸氣鍋」夠晒霸氣 !大家邊食慢慢傾慢慢嚐，以八款引入(大鮑魚、蟶子皇、大帶子、大刀貝、龍躉件、海蝦、花蛤、貝殼蜆類)等等.... 食物質素新鮮生猛一炮上桌滲透精華；口感賣相高質挺滑兼且啖啖肉，專人服侍控制計時每一道海產熟成比例啱啱好的確好滿足！加上住家風味六小時「原盅燉湯」送上料足滋補湯品原汁原味好暖胃，啖啖養生之餘味突降膩伴食埋添色香味「八寶蒸飯」頓時一次過提昇滿足鮮味感

上年11月食過緣味小聚真係覺得好正, 之後想再食就遇上第四波, 就冇得出去食終於近排好返少少可以再去食過了!其實我每次行過旺角都會望望個招牌架!我今次就係食D個SET啦黎到無耐職員即刻幫我地SET好個蒸爐, 係等既時候最好就係飲湯啦, 都幾足料, 好夠味, 而且仲係無味精, 飲完唔會口渴先黎就係蒸帶子, 大大隻, 好厚肉, 個口感好好跟住就係蟶子皇, 話明係皇, 就梗係有返咁大隻啦, 而且職員控制火候真係一流, 我自己真係唔得, 食落岩岩好, 鮮甜無比跟住就係鮑魚同一堆蜆類, 蜆完全無沙, 幾甜而就怕麻煩既我, 遇上有職員幫你處理個鮑魚, 真係好開心, 食得夠輕鬆, 食落好彈牙, 可見其新鮮程度蝦大大隻, 完全無梅, 質素好魚肉好厚身, 魚味夠晒厚, 而且魚皮超彈牙, 骨膠原令皮膚好好安格斯牛係任食的, 牛味好濃, 真心正食左咁多肉同海鮮梗係要食返D菜平衡返啦仲有個八寶飯, 好多料, 食落好惹味, 係有食完仲想食既感覺食飽前梗係食埋個招牌榚點作為完美既句號啦總結真係仲保持到水準喎, 食物都好新鮮, 超好味!

一黎到已經凖備好二人份的海鮮同燉湯比我地，個湯一入口好鮮甜，入面好多肉同蟲草花，睇返先知原來係無味精的老火湯，值得一讚！跟住staff就開始幫我地蒸海鮮，由鮑魚到帶子加梘再加蝦等等，兩個人食非常豐富最中意係大刀貝，因為真係好大粒同好鮮甜，其他海鮮overall 都好新鮮同大隻，最緊要係全程staff都會幫我地夾同計時間，懶人一定好中意，仲有staff會幫我地挑埋肉，細心位加分。食完海鮮就有八寶飯，入面有排骨牛肉臘腸南瓜芋頭等等，好足料。最後會有啲中式糕點，我覺得紅棗糕、流沙包同馬拉糕最好食，overall 點心味道都唔錯唔會太甜, 而且個樣都好精緻，見到Menu仲有其他火鍋套餐有機會一定要再嚟試吓～

之前同朋友講起海鮮蒸氣火鍋，晚上特意帶家人試下，餐廳位於油麻地，裝修似茶餐廳格局，有卡位。尚算闊落😊餐廳提供幾款牛肉任食火鍋及海鮮蒸鍋可以選擇，以海鮮種類同牛肉級數作分類😍我地揀左$268嘅套餐。套餐入面包左燉湯，同8款海鮮，仲有安格斯肥牛任食，還有8寶蒸飯😘燉湯係蟲草花燉雞，飲完暖笠笠唔錯👍🏻8款海鮮有大鮑魚，聖子皇，鮮帶子，大刀貝，龍躉片，海蝦，花蛤，仲有其他蜆😋鮑魚食落好鮮味，彈牙😍唔會蒸到好老😆聖子皇同帶子超大隻，好鮮甜❤️大刀貝，花蛤同蜆食落冇沙👍🏻除左海鮮，餐廳仲有蔬菜🥬，同牛肉可以蒸😆保留到原汁原味🙌🏻8寶蒸飯都係第一次食，都好足料，8樣材料可以拌埋一齊，又幾夾，都幾好食😋

提起食蒸氣鍋必定聯想到，可以食到各種新鮮海鮮食材夠晒原汁原味，是日晚餐又到咗旺角呢間蒸氣鍋店開餐，品嚐一下佢嘅招牌海鮮蒸氣鍋套餐當中最吸引梗係食到多款鮮味十足海鮮之餘，仲有包埋其他特色美食，點了其中一款經濟實惠嘅蒸氣鍋享用一下，已有星級海鮮八款先來有紐西蘭鮮大帶子，食落肉質鮮甜多汁，再來喺韓國大鮑魚，入口鮮嫩爽口口感飽滿跟接有蘇格蘭蟶子皇同深海龍躉件，滿口鮮味又啖啖肉，再食埋大海蝦、大花蛤後繼續有大家都鍾意食嘅安格斯肥牛，肥牛肉嫩油脂香甜，而且係無限任食添肯定滿足，食完一輪海鮮之後有豐盛滿意內有八款精美糕點，入口香軟口味各有特色，最後有豐盛八寶蒸飯，係24款蒸飯配料中點其中8款，炮製出呢款八寶蒸飯賣相豐富，飯粒吸收晒配料精華香味十足食之前先撈埋一齊食落更加滋味，不知不覺又品嚐一餐美味蒸氣鍋。

餐廳位置都唔多，店員都算足夠，空間上都坐得梳落最尾揀咗呢個$268嘅大鮑魚海鮮蒸氣鍋餐仲可以加錢升級任食好足料嘅湯，材料有蟲草瘦肉、龍眼肉等等海鮮盤～超級豐盛！🤣🤣重頭戲鮑魚嚟講算係幾有咬口，唔會太老身～店員呀姨keep住同我哋吹水，同埋成個蒸嘅步驟店員都幫我哋做埋，我2個坐係到等食🤣🤣花甲都幾鮮甜！而且裡面無食到沙！作為減肥人士，最鍾意就係見到蔬菜😍好大個八寶飯！如果係糯米飯底就更加香好多！最尾成個飯有2/3都拎咗返屋企🤣🤣最尾仲有個甜品盤～其實成個餐份量真係超多！好彩已經講明食唔到太多嘢幫我地減咗啲嘢食，呢個價錢都真係物超所值！

環境：店面好細 裝修簡單 旺角地鐵站出往創興方向直行好快到服務：侍應上菜收碟幫手蒸海鮮都爽手 難得任食係上齊單  食物：1. 海鮮拼盤海鮮意外地相當新鮮彈牙特別係鮑魚唔韌 貝殼無沙鮮甜唔使擔心蒸過龍 店員會幫手蒸海鮮價錢：～/10食物質素：8/102. 自選八寶蒸飯可選材料好多 臘味 肉類 蔬菜等一應俱全上枱睇落普通 但撈完食落好有驚喜仲好食過出面啲200幾一籠既荷葉飯價錢：～/10食物質素：7.5/103. 肥牛片一盤火鍋店肥牛片 食落有牛味好在脂肪比例唔算太高 唔會膩價錢：～/10食物質素：7/104. 包點甜品有12款點心任食 我估應該係攞貨但真心高質過好多酒樓 以下幾款係必試：- 補腦合桃包 好似係潮州嘢 出面好少見 內餡係甜甜煉奶+合桃粒咬落有爆漿感- 宮廷棗皇糕有明顯紅棗香甜但又唔會過甜 食落清爽老人小朋友都啱食- 黑糖蜂巢糕似馬拉糕但黑糖味突出 比馬拉糕彈牙有咬口另外2款流沙包同冰粉都好食 包點幾乎無伏價錢：～/10食物質素：9.5/10以晚市130分鐘 $268有79折（8

我真係要恭喜老闆啊！公司生意好好，大家都做到唔停手，我就連午飯嘅時間都用嚟做 report, 忙到直接 skip lunch，早餐 一跳就係食晚餐呀！本來約咗朋友一齊食健康海鮮蒸鍋，因為加班所以我唯有中途加入食少少野 ，當傾吓計散吓心。好在地點十分方便，旺角 LADDER Dundas 差不多是美食中心，美食款式選擇多我就揀咗中式啦！一坐低因為我已經遲到啦～所以先調好我的混醬。朋友都等埋我先食海鮮啊！多款豐富海鮮分別有鮑魚、聖子皇、帶子、蝦、大花蛤等等，十分新鮮不能盡錄。食海鮮最緊要就係蒸嘅時間唔好太多，時間啱啱好海鮮就最鮮味啦！有計時器包冇錯過， 蒸幾耐全程有店長幫忙，服務很到位。鮑魚新鮮生猛，爽口又彈牙！聖子皇肥大肉厚，唔使落調味都好鮮甜。帶子，蒸鍋蒸出原汁原味，鮮味出晒黎！海蝦都好新鮮，大花蛤、貝類清潔乾淨，鮮甜冇沙。 安格斯肥牛口感和味道都不錯，分量多一點更好。八寶蒸飯差不多時間店長叫我哋喺多款配料入面揀8款，食八寶蒸飯。蝦醬豬腩肉鹹香味重、柱侯牛粒、臘腸芋頭啱晒鍾意食肉嘅朋友。撈埋蒸飯一齊食鮮味好香好豐富，每人一碗 幾滿足。蒸糕甜點最後有驚喜的甜品， 有燕麥糕、 薑汁糕、棗皇

疫情發生了一年有多，出外食飯的次數少到一個點，火鍋更加不用說，少食到自己都想像不了，所以決定今晚去食一食。今次先試個比較平的餐，唔洗300蚊都有飽魚、 帶子、聖子、刀貝、 龍躉、花甲，大蝦同貝類食物。唔好以為會比d cheap野你，佢地真係比d新鮮靚海鮮出來的啊，唔講幾多錢真係以為食緊$400火鍋，而且唔洗擔心會蒸過鐘，因為全部都係佢地幫你蒸，在個鐘夠鐘會響，我責任只係負責食。八寶飯，出面好少可以比你自己選擇要咩配料，而且配料選擇多，可以睇個人口味來點，所以佢地真係等你叫左先煮，一定夠熱，口味會適合自己。下次再來一定會叫另一個餐試下！

疫情開始受到控制，終於有得食返晚市啦。友人就約我黎到呢一間食蒸氣火鍋既餐廳食晚飯！點解簡呢一間呢？原因係睇到op食評覺得好抵食，又有得食海鮮！星級大鮑魚蒸氣鍋套餐首先黎咗個湯先，6小時原盅燉湯 蟲草花燉雞腳湯飲落冇味精，足料！係飲緊湯嘅途中，海鮮就來到啦！包括有鮑魚，聖子，大刀貝，蜆，蝦🦐唸住問吓每一樣要蒸幾耐嘅時候，侍應哥哥就將海鮮放到蒸鍋裏，原來呢度有專人幫你蒸！十分體貼唯一我要做嘅就係專心食！海鮮呢就全部都好新鮮！個人就推介大刀貝，又大隻又冇沙又唔腥食完海鮮仲有個任食安格斯牛！一口肥牛size 不過食完海鮮都飽飽地，冇再嗌第二轉事關仲有個八寶飯食~八款配料係一開始簡既咁我哋就揀咗 瑤柱牛粒，雞軟骨肉餅，銀魚仔，土魷C，臘腸，南瓜，秋葵同豆腐卜啱啱好每人兩碗，雞軟骨肉餅好特別！第一次試都係！最後仲有個蒸糕，紅棗糕，薑汁糕，黑糖糕，燕麥糕，中間黑蚊蚊嗰個就係流沙包，個人推薦燕麥糕！淡淡的燕麥味又軟綿綿正

最近天氣有點涼想吃火鍋蒸鍋之類的東西上openrice找一找附近的餐廳滑到這家好像新開不久的看起來不錯 位置又方便就去試試最基本的268套餐已經有鮑魚蟶子帶子等等的海鮮 CP值夠高二人份的海鮮盤全程由店員負責蒸 我們坐著等吃就可以了蟶子清洗得很乾淨肉質彈牙鮮甜貝類每隻都很新鮮帶子因為厚肉 平時蒸完會比較韌這裡開邊蒸 縮短了時間吃起來肉質爽口原本套餐可以任食安格斯肥牛店員介紹可以+29.8 升級多款肉類蔬菜點心放題既然加錢了 我們就選高級牛啦澳牛M5和牛薄片 蒸20秒就可以吃了 軟嫩多汁我們吃了3盤蟲草花蒸雞也是任吃的點心類主打包點糕點薑汁千層糕好煙韌 還有八寶飯超飽超滿足

放工經過樓下有個姐姐塞左兩張傳單俾我 順手拎左番屋企屋企人睇到又有興趣 於是就嚟左食喇3位 要左兩個268 一個338可以試下唔同嘅海鮮呢個係268嘅呢個係338通常啲蒸鍋餐廳都會有個牌話你知每樣海鮮要蒸幾耐但呢間我搵唔到仲想話扣佢分 因為唔夠細心點知原來因為佢會全程幫你蒸所以你根本唔洗理蒸幾耐 唔洗自己計時啲海鮮都蒸得啱啱好 唔會蒸太耐un左鮑魚仲會蒸完幫你拆埋內臟 好方便每款海鮮都好新鮮 貝類都冇沙食到中段要再畫紙仔揀蒸飯配料花多眼亂 店員推介下揀左8款真係好好食喎 特登揀左膶腸同五花腩肉令成個飯更重油香其實食到呢度已經飽左8成但見到加30蚊又可以再試多啲野有肉有蔬菜仲有點心唔差在嗰少少啦 即刻加錢叫左幾款牛肉 蟲草花蒸雞雞好好食喎 牛肉都唔錯另外仲叫左幾件點心試下外型討好 最好食係小心流沙包一摵開 啲餡係噴出嚟 嚇死我😂不過好香好好食好滿足嘅一晚 服務好 食物質素又高唯一問題係依家寫食評先發現原來冇俾個燉湯我🙈

喜歡食蒸海鮮同埋任食安格斯肥牛，這裡就係一個價錢滿足了這個要求！朋友見到這裡現在價錢做緊優惠於是就係咁上了去這裡大食一餐！今晚我們就選了個星級大鮑魚海鮮蒸氣鍋套餐，有八款新鮮海鮮加任食安格斯牛，如果唔夠還可以額外再加錢升級任食選項。除了八款海鮮外，還有份豐盛滿意嘅糕點同埋一個豐盛八寶蒸飯。蒸鍋火力十足，最先就係大帶子肉質彈牙爽口鮮甜，真係兩口才完成！接住就係生猛鮑魚，等待時不停轉動夠晒生猛，肉質十分彈牙爽口煙韌夠晒口感！聖子皇亦十分鮮味彈牙！一樣接一樣，真係夠晒新鮮！另一個就係個豐盛滿意，上面有不同嘅特色糕點，個人最喜歡就係個超黃金流心奶黃包，真係差點被流心燙到😜，一咬即流出香滑嘅流沙，正！不得不提另一個八寶蒸飯，由多款食材，自選8款組合，望到真係樣都想食，當然最後就係8款最最想食嘅配料，個滑雞都真係幾出色，同埋最後是將個飯攪勻一齊先食，感覺好正！而安格斯牛當然唔可以比佢停！牛味濃郁，一啖飯一啖肉，最緊要係一個價錢！咁又食得飽飽滿足嘅一餐了！

收工同同事食海鮮，於是揀咗呢間位於旺區嘅蒸氣鍋餐廳。我地揀咗$268/位的海鮮蒸氣鍋套餐👌🏻包括8款海鮮+無味精燉湯+任食安格斯肥牛+八寶蒸飯！非常豐富呢！海鮮源自唔同產地，夠哂講究又當造。~6小時燉原盅絕無味精燉湯~非常大盅又材料豐富，包括蟲草花/瑤柱仔/瘦肉/龍眼肉/雞腳等，味道燉得好突出，清甜無味精！夠哂養生！~蘇格蘭蟶子皇~味道鮮美，蒸完仲好飽滿，有濃濃海水味~紐西蘭鮮大帶子~口感肉厚又爽滑，味道鮮甜，唔點醬食更能嚐到原鮮味~愛爾蘭大刀貝~嫩滑又鮮甜，洗得乾淨，一粒沙都沒有呢。~韓國大鮑魚~口感鮮甜又彈牙！大大隻啖啖肉！同樣洗得乾淨~深海龍躉件~口感肥美又鮮嫩，啖啖魚肉兼無骨，啱哂我呢d懶人食~生猛大海蝦~好彈牙👌🏻又夠大隻~鮮甜貝殼類+青島大花蛤~富鹹鮮海水味，不用點醬料也很夠味。肉質鮮甜又洗得乾淨~蒸蔬菜~蔬菜很新鮮，有粟米/冬瓜/芋頭等，店員幫我地蒸完海鮮又蒸蔬菜，控制時間都很好，蔬菜蒸得清甜～無限量任食安格斯肥牛～同事瘋狂吃過不停！牛肉味道香濃，油脂分佈平均～八寶飯～大胃王同事非常期待八寶飯！可以自選八個配料去蒸，我們點了沙嗲豬頸肉+醬油漬牛脷+銀魚仔+冬菇粒+蝦醬豬腩

收工後同同事去食海鮮慶祝下happy Friday!我地點咗呢個海鮮蒸氣鍋套餐($268位)，有八款星級海鮮、燉湯、無限量任食安格斯肥牛同八寶蒸飯！勁扺食~-6小時燉原盅絕無味精燉湯非常足料又大盅！有雞腳、蟲草花、瑤柱仔、瘦肉同龍眼肉嘅燉湯，燉得夠哂入味，而且的確無味精！-▪️韓國大鮑魚洗得好乾淨，鮮甜又大隻又彈牙！▪️蘇格蘭蟶子皇海水味濃郁，好新鮮，而且蒸完仲好大條！▪️紐西蘭鮮大帶子蒸完都仲好大隻又飽滿，夠哂肉厚，口感爽滑。▪️愛爾蘭大刀貝好鮮甜嫩滑，一粒沙都無咖～▪️深海龍躉件啖啖魚肉無骨，肉質肥美鮮嫩，龍躉皮夠爽口～▪️生猛大海蝦夠哂大隻，而且彈牙。▪️青島大花蛤、鮮甜貝殼類濃濃嘅海水味，鮮味十足，基本上唔洗點醬料都好夠味。肉質鮮美，洗得乾淨無沙咖！▪️蒸蔬菜蔬菜同樣好新鮮，有粟米、芋頭、冬瓜等，尤其粟米蒸得超清甜，必試！▪️另外仲有無限量任食安格斯肥牛！蒸完嘅牛肉牛味香濃，油花香溢，忍唔住食咗好多轉！▪️八寶飯我地點咗蝦醬豬腩肉、銀魚仔、萵筍、醬油漬牛脷、冬菇粒、土魷絲、牛粒同沙嗲豬頸肉，蒸起咗非常香！又夠足料 每粒飯粒粒分明，滿滿配料嘅香氣，加少少醬酒撈埋黎食，大滿足！▪️點心另外叫咗一籠雜錦點