肉料理 廣

Open Now

Now Closed

一直想食伊呂波開飯搵極都搵唔到原來已經改左名真係嚇咗一跳以為冇咗想試吓日本同澳洲嘅分別所以每樣帶咗一set原來日本牛比較多油份注重口感方面的必選日本牛而澳洲牛肉質比較濃味想重口味就要選澳洲牛了精選日本A5飛驒牛有牛肩肉西冷上後腰脊肉臀骨肉里脊肉西冷及里脊肉最多油份臀骨肉最有彈性其他油份比較少單質咁嫩滑澳洲牛有小牛排後腰脊肉三根里脊肉胸外膜牛味比日本牛更濃厚三根、胸外膜、小牛排非常好吃所有牛類網燒10秒再反網紋已經好清晰而且呢個網唔會痴住啲牛肉又最瘦嘅部份食到最多油份嘅臨走口腔滿腔牛脂十分滿足其實一日大概吃12片份量已經好足夠所以今次太飽了

閏蜜聚會, 當然要找間好吃又坐得舒服的店啦~今次來到這間很多好評的肉料理 廣肉肉肉~ 全部都係燒肉 我們二人被安排在四人檯，所以非常寬敞；看看餐牌，有不同的套餐及單點，吃豪點點，選了 $980 的二人前燒肉野菜套餐內有麵豉湯，漬物，茶碗蒸A5飛驒牛拼盤，澳洲及美國牛肉拼盤野菜併盤，2 份白飯另外白飯可加 $30 轉為釜飯 或 加 $80 轉為石鍋飯野菜併盤可轉沙律，我們想先吃點酸酸的開胃，所以都轉了，酸酸的汁配上沙律菜，正A5 飛驒牛分別有：上後腿肉，後腿肉下側，牛腹排，腰脊芯澳洲及美國牛肉分別有：上牛小排、上里脊，三筋，牛舌，厚切橫膈膜，腰脊肉飲品：生搾檸檬梳打 ($40) / 生搾西柚梳打 ($40)兩款都是偏酸，很適合不嗜甜食的我們 剛開始燒的時間，因為我們手忙腳亂的，肉已有點點癡在那個網上 ，店員姐姐看到就立即過來幫忙 專業果然是專業～會幫忙及教燒肉的技巧飛驒牛的肉質不用多說，很淋而且油份比例超正，看圖片就知道有多正配飯果然是一流 平時不怎麼吃飯的我們，都吃完了一整碗澳洲及美國牛也不錯，肉味很濃及比較瘦，一樣超好味甜品是雲尼拿雪糕，濃濃的雲尼拿味，超正整體來說是超高水準的燒肉店

肉料理 廣.好想食燒肉，朋友介紹黎呢間餐廳食和牛，話呢度每一種肉都好靚好高質😮😀.今天只有一個目的，就是瘋狂吃燒肉！為左可以試到多啲唔同嘅肉，於是我地嗌a la carte。.A5飛驒和牛-牛肩肉😍😍😍超！級！好！食！薄薄一片，雪花超多，食落入口即溶！！😍真係同去日本食嘅高質燒肉一樣好味🥰A5飛驒和牛-臀骨肉這個肉較厚身，牛味更重，肉感十足😋😋😋！鍾意瘦肉多啲嘅可以揀呢個，油脂比例啱啱好，又重牛味😋😋😋牛肉特選盛拼盤非常豐富，有六種唔同嘅部位🤤每種肉都各有特色可以一次過試唒！最鍾意三筋(薄薄一片那個)，有入口即溶嘅感覺！.仲有上小牛排，US厚切上小牛排，澳州腰脊肉，上里脊肉😋每種肉都有不同特質，口感同味道，一次滿足多種味蕾享受！😙大推呢個牛肉特選盛👍🏻全部都好好食！最後以兩款芝麻雪糕作結。值得一讚是店員服務態度🥰每上一碟牛都會好認真解說每個部位嘅特質，仲教我地點樣燒最好食👍🏻Feel到店家精心挑選每隻最靚嘅肉，每一啖都食到好高質素，一定會再黎！

位於銅鑼灣的 肉料理廣 ，是一間高級的燒肉店。餐廳在門外張貼日本飛禪牛的認定証，讓客人吃得安心吃得開心。餐廳佔據一整層，地方很大，位置很寬闊，坐得非常舒適。抽風系統完善，吃完一整餐後，衣服都沒有味道呢。牛肉特選盛 $450特選肉盆，包括: 上牛小排，US和牛厚切上小牛排，澳洲腰脊肉，上里脊肉，三筋。這盆來自美國和澳洲，色澤偏紅的牛肉，肉味較日本的牛肉濃哦。先燒較瘦的肉類，脂肪最少的上里脊肉。肉質較為結實，嚼勁度也最高哦。上牛小排，脂肪較上一片多，肉香較濃。然後燒US和牛厚切上小牛排，厚片的牛肉，四面大火燒至微焦，肉裡保持肉質幼嫩，肉汁豐富哦。澳洲腰脊肉的雪花紋更密集，肉香油香更豐勝。最後品嚐的 脂肪最多的三筋，薄切肉片的中間，有一條厚厚的脂肪筋，快速一燒，即可進食，油脂非常豐盈哦。日本A5 飛禪牛 臀骨肉 $250/80g品嚐完外國的牛肉，當然要試一下日本的A5 飛禪牛吧。餐廳非常貼心，把牛肉的脂肪和硬度都清晰寫在餐牌上，是次選購脂肪和硬度為三星的臀骨肉。日本A5牛的色澤較淡，脂肪紋理較清晰，賣相更為吸引。放上燒烤爐，即時搶火，油脂滲出，油香滿佈囗腔。米飯 $30/碗吃日本烤肉，是必須

女友生日，花盡心思諗同佢去邊度好，食buffet食到悶，花得起梗係要食好D，終於比我諗到呢間超正燒肉食飛驒牛！平時食開和牛其實係返唔到轉頭，今次再一嘗頂級嘅日本飛驒牛，由出世到飼養都係頂級，所以話，識食一定要食日本和牛！肉料理廣位於銅鑼灣，地點方便，一上到去潢裝都不錯，私穩度較高，招呼幾周到，話說我考慮緊食邊個套餐時，侍應都有介紹比我，今次試下套餐C，2人前$1180，有十個飛驒牛不同部位，齋食和牛呢個價錢相當合理，原來套餐仲有飯、湯、甜品！一黎到已經令我食指大動！好。靚。呀！即切嘅飛驒牛油脂紋理分明，厚度適中，肉質鮮紅，仲要細心到寫明邊個部位！忍唔住再zoom下飛驒牛，我女友未食已經讚我搵好嘢俾佢食！侍應會幫我地燒，但燒燒下我哋都係自己燒飯，見到黃牛有粉紅色變咗有少少朝香已經食得，大概20秒左右，講真真係入口即溶，完全冇喳，呢啲先至係食嘅最高享受！我哋升級加咗$80有石頭鍋飯，如果吳家錢就係兩碗白飯，個石頭鍋飯有飯焦，好香口，不錯不錯！甜品就普普通通，芝麻雪糕，正常！我哋叫咗梅酒，呢度嘅梅酒係自家釀製，有果肉，梅酒醇厚，超好飲，下次一定要你再飲過！總括來講呢個價錢二人享受真係幾合理，

之前去完日本返嚟，又心癮起想食和牛！呢間主要係食飛驒牛，見賣相唔錯又唔算好貴就試下。我地叫咗個２人套餐，有１０個部位，有16件A5飛驒牛燒肉同４件灸燒A5飛驒牛壽司，兩個人真係好夠食套餐包有前菜（漬物、茶蒸碗、味噌湯），即使是前菜小食，但都好好味，一Ｄ都唔hea尤其是個茶蒸碗，用料豐富又有蛋香先來是灸燒壽司，分別是赤身／霜降，赤身比較有煙韌有咬口。而霜降就肥Ｄ同牛油香濃Ｄ。加上灸燒，可以帶出牛本身的香氣。到主角出場喇，８款不同部位的A5飛驒牛（包括：西冷、肉眼芯、里脊肉、上後腰脊肉、臀骨肉、和尚頭、亀之子、友三角），有雪花比較多的，也有較瘦的部位。兩者平衡，唔會食到太膩！仲有一些蔬菜提供。另外我加錢將白飯換咗做鰻魚石鍋飯，飯身有飯焦，鰻魚嫩滑，加埋溫泉蛋真係好好味。

最近老公生日 本身諗住同佢去轉日本俾個surprise佢 點知公司放唔到假 惟有同佢食番個日本燒肉補番數 呢間燒肉係我上網特登搵 見人食評好似都ok咁 所以就諗住去試下•••以環境黎講 銅鑼灣一岀地鐵行多大約7-8分鐘到就到 都算方便 •••食物方面 佢地有兩個menu嘅 不過因為我地都有選擇困難症 所以就冇單點直接叫左個set C唔想煩😂首先個set會上麵豉湯 漬物同茶碗蒸 蒸蛋非常滑 之後就上A5飛驒牛壽司 一共有四件 都係炙燒 其實食到呢度都開始有少少飽 終於嚟到重點十六件燒肉 都係A5飛驒牛 雖然每一個部位都非常好味 油脂分布都尚算平均 但肉眼扒芯係最多肉汁 入口即溶 非常高質 真係似喺日本食燒肉 有個野菜拼盤 感覺每一樣蔬菜都非常新鮮 最後仲有一個芝麻味嘅雪糕作為甜品真係覺得非常滿足 •••題外話 店員嘅服務非常好 定時定候斟茶 亦會教我哋點樣燒

銅鑼灣近渣甸街一帶好多食肆，有部份樓上舖也甚有水準，今天一個人在銅鑼灣行完街就去咗呢間肉料理、廣食晚餐，因為好早到，當時客人不算多，店員招呼特別好！又介紹咗呢度主食係牛肉，特別出名是日本飛驒牛，但都幾貴吓，所以就改點咗美國小牛排，另點咗一個韓式泡菜漬物拼盤做前菜！韓式泡菜，仲有醃製過嘅波菜、大豆芽等等，爽口醒胃！主角就點咗壺漬小牛排，另一份美國上小牛排！壼漬小牛扒是廚師把小牛排用特製醬汁醃過，放在一個盅內上桌，客人就把盅內的牛肉放在烤炉燒熟，程度就視乎客人喜好去控制！把大蔥，洋蔥，鮮菇跟小牛排一起烤熟，肉香四溢，再醮些燒汁醬汁一起入囗，香腍軟滑，加上廚師特製醃過的醬汁，令牛肉好入味，但不覺太咸、食味唔錯，再來是烤美國小牛排，切得薄身，所以好易烤熟，點些照燒汁，入口惹味的牛肉，十分滋味！加多一杯冰凍黑啤！真係極佳配搭！

話說上個星期朋友升職 就緊係要食番餐好賀一賀佢啦 所以特登搵左呢間食日本燒肉嘅 上到二樓見到門口已經覺得有d日本風味 ***我地一坐底之後就睇menu食咩 佢地有set有單叫 我同朋友費是煩 所以就諗住叫set set都有幾款揀 overall都有四大款set 我地就揀左$1,180 Set C 二人套餐 全部都係日本A5飛驒牛 有唔同嘅部位可以試 分別有西冷 肉眼芯 里脊肉 上後腰脊肉 臂骨肉等等 一上盤已經好期待陣間燒成點 真心西冷真係幾好食 好juicy又柔軟 配埋白飯一齊食好正 佢地嘅炙燒飛驒牛壽司雖然係薄切 但有說不出的牛味 分赤身同霜降兩種唔同嘅部位 如果好怕食牛會食到好油膩嘅朋友可以放心 因為佢地有埋個野菜拼盤可以解解膩 最後仲有個雪糕作為甜品***Overall黎講 環境舒適 食物質素好👍🏻

Came here for our anniversary and have got to say this was the perfect venue. Situated in bustling causeway bay, this gem was tucked away on the second floor away from the crowds. Inside the decor and atmosphere simply exuded chill, privacy and sincerity. We were shown to our tables and the host graciously handed us warm towels straight away, which is always a nice touch. Then as we looked through the menu, we asked him for recommendations and he went through the different cuts and origins with

和牛癮起又未出糧......咁就搵間有lunchset食既日式燒肉店啦呢間係銅鑼灣既日式燒肉店主打日本飛驒牛，晚市同散叫既價格不低，但中午套餐相對划算，由HKd$68-HKd$390不等，視乎返食咩肉/咩餐既然黎到，咁就一於食好啲，揀左個最貴既“特上16件燒肉定食”HKd$380+10%雖然套餐唔包飲品（要另加15蚊），但店員會好主動咁幫我地添上熱茶每份套餐都會包有一份泡菜、茶碗蒸同味噌湯等梗肉肉黎既時侯就可以食下泡菜漬物開開胃跟住仲有嫩滑蒸蛋食飲埋啖暖笠笠既海帶豆腐味噌湯就岩岩好，可以開動燒和牛啦我呢份套餐有16片不同部位既和牛肉，每款有2-4片，淨係睇到都覺得豐富最嫰腍又富牛脂香既當然係肉眼部份啦，近乎入口即溶，唔洗用力咬都經已K.O. eddddd燒肉套餐會包有一碗白飯，燒肉配香軟既米飯，絕對係飽肚既最佳配搭同朋友追加左一份細既“牛舌”HKd$48+10%，一份六塊，質素都唔差套餐仲有份甜品，個日就係香濃既芝麻雪糕

今日朋友話帶我去食燒肉，其實都好耐冇同佢去食過燒肉喇，咁係Openrice Search下之後，我哋就黎左 肉料理廣試下！餐廳地方好大，而且都冇乜客人，可能因為宣傳唔多，暫時都未有好多客人，可以清清靜靜同朋友去食返餐飯。其實叫套餐嘅話，會比較抵食，而且會多啲嘢食。不過今晚我哋唔使食到太飽，因為仲有下場，要去食甜品，所以我哋就單點咗啲嘢食。啤酒$48食得燒肉，梗係要陪啤酒先得啦。依度既啤酒嚟自日本，呢個牌子我一向幾鍾意飲。牛舌$48估唔到呢碟牛只係$48，有6塊，都幾抵喎。牛肉薄薄地，而且幾軟同幾有咀口，值得叫！牛肉特選盛 $450食完牛舌，我哋就叫左一個牛肉特選盛。成個特選，有五種牛肉，每種牛肉有四片，其實都幾足夠兩個人食架。有齊: 上牛小排，US和牛厚切上小牛排，澳洲腰脊肉，上里脊肉，三筋。食呢啲燒肉，當然要由最瘦嘅牛肉開始食起，然後食到最肥既牛肉。服務員就叫我哋食咗 上里脊肉先，牛肉味都幾濃，而且幾瘦，所以會比較實。之後就分別燒 上牛小排和US和牛上牛小排，其實呢兩個部位都好好食，而且軟啲腍啲，脂肪又重啲。最尾食埋嗰三筋，脂肪最多，重囗味既人一定喜歡。最後餐廳仲送左個芝麻雪糕畀我哋

之前去名古屋旅行時專程去過歧阜食飛驒生，牛質素本身高，加上本地新鮮食材，真係一試難忘。點知食神朋友話我知原來銅鑼灣有間專食飛驒生嘅燒肉店，問咗啲價錢都合理，就試下去睇下能否回味一下我地叫咗個餐，有燒肉、牛刺身壽司、配菜等。等食中....佢地用果啲網唔係啲中下價餐廳用嘅燒烤網，同果時喺日本食嘅高級燒肉店嘅一樣，令我更加期待先黎前菜，淨係前菜已經令食慾大開。飛驒牛刺身壽司（赤身、霜降各一半）霜降牛油味十足，赤身就鮮味少少，兩樣都超級黎到重中之重嘅燒肉，個餐包咗八個部份。每個部份都極之好味。最估唔到佢連西冷都咁嫩滑，其餘全部肉都油脂分佈好平均。呢道嘅肉完全比美到喺當地食嘅質素菜本來無咩特別，可能夠新鮮嘅關係，佢個露荀係出奇地清甜，燒完都唔乾。個餐仲有抺茶雪糕，食完剛好可清清喉嚨以為要再去日本先可再食到咁正嘅飛驒牛，而家想食可以黎呢道了價錢黎講呢道真係同日本食差唔到幾多，勝在方便，唔使買機票就食到值得一提嘅係佢呢道抽氣系統好好，食完無話成日油煙味

早幾日同老公喺銅鑼灣一帶行街，行到渣甸街附近有位姐姐喺街上派傳單，接過傳單後見到係一間叫肉料理"廣"的餐廳，見佢傳單內既2人套餐賣相唔錯，係食唔同部位既日本A5飛驒和牛既專門店，我同老公平時任食燒肉就食得多，今晚就決定試下平時較小食既高質燒肉料理，跟住派傳單姐姐就指引我地由渣甸中心上2/F，一出Lift就到達店舖，店員立即安排入座，現場環境裝修走日本風，坐位與坐位之間唔會太迫，坐得舒服既，講返食物先我地叫左個C餐，套餐內有前菜(芽菜、泡菜)、茶碗蒸(蒸蛋)、麵豉湯、野菜拼盤(粟米、茄子、竽頭、冬姑)等等，至於主菜就有炙燒赤身同霜降A5飛驒牛壽司，呢樣係👍🏻必食之選(肉質嫩滑，極有牛肉鮮味😋)，跟住到今晚主角出場，就係A5飛驒牛的各部位靚肉了，分別有(西冷、肉眼扒芯、上後腰脊肉、里脊肉、臀骨肉、內腿肉等等)，以上牛肉一睇賣相，已知極其高質，當然味道亦係非常非常好食la👍🏻👍🏻😋😋，到最後再上甜品(綠茶雪糕)作結尾，這間餐廳啲A5飛彈牛質數真係超哂班，好食靚牛的朋友一定要嚟呢度試下ar

Decided to bring my friend here for a birthday celebration dinner! We picked one of the set which is set C, it came with 16 pieces of beef and 4 pieces of sushi, with some vegetable on the side and a bowl of eel rice. The set also came with miso soup and steamed egg as starters. Their menu also explained the parts which we will be having. the starters first arrived, I loved the steamed egg and veggie (as it included mushroom and chicken within the egg). the wagyu beef sushi then arrived, staff e