MUM 日常野菜料理 (Closed)

今天去試了這家蔬菜料理，賣相跟味道也很讚。料理是以定食形式販賣的，米飯，味噌湯跟麥茶是固定的，然後可以選3款或4款菜式。這次跟朋友分享選了2份三品料理的定食($100/定食)。米飯是偏軟軟的口感，糙米跟黃薑飯都很好吃，黃薑飯上得薑絲有點嗆，但也很開胃。菜式方面，整體都是水準以上。炸物都香脆不油膩，很推薦南瓜薯餅，很厚很紮實的。另外是富田卷，是用腐皮包著不同蔬菜，吃到蔬菜的甜味跟清爽的口感，平常比常少見的。蒸蛋也很滑嫩順口，配上調味過的本菇，非常搭配。雖然全都是蔬菜料理，一口肉也沒有吃到，但因為不同的烹調方式很食材搭配，吃下去也感覺很滿足。

不嬲對於呢啲和風既食物都覺得好吸引🤪仲要素食！見到個樣就好想試！食物要好食之餘，賣相真係都好重要！呢間mum素食料理係位於逸東酒店既foodcourt內，自行搵食!佢有三餸/四餸餐你揀，超過十樣餸，樣樣都想食好吸引，真係有啲選擇困難症最後擇左紫薯紅菜頭青蘋果沙律，信田卷，金平牛蒡，高野豆腐配胡麻蒟蒻紫薯紅菜頭沙律，清新，以為紫薯會好滯，結果還可以喔！甜甜的紫薯配上青蘋果粒粒，中和左啲甜滯感😍信田卷，用腐皮包上蘿蔔，同埋菜？味道較淡，濕潤金平牛蒡，牛蒡絲加上蘿蔔絲，食到淡淡牛蒡香高野豆腐配胡麻蒟蒻，呢隻高野豆腐口感同平時既豆腐唔同，淋淋地咁好多汁，胡麻佢約蒟蒻口感十足飯就揀左五穀飯，普通野😹整體味道較清淡，配上佢既清湯同一杯茶，好健康呢！

日式野菜料理喺香港選擇並唔多，我喺逸東酒店個 food court 就食過一次，第一次，亦都係唯一嘅一次，估唔到賣相精美之外，味道仲非常不俗，一試難忘。呢度嘅日常定食有三餸同四餸兩個選擇，我揀咗三餸，另外仲配有五穀雜炊飯，味噌湯同麥茶。餸菜共十六款，十一熱五冷，剩係睇名都好吸引，一時間好難選擇😅，左揀右揀，最後揀咗金平牛蒡，薑蔥汁煮茄子同埋蘿蔔冬菇關東煮。我覺得呢類日式野菜料理最吸引之處，在於雖然食材簡單，但係烹調方法非常用心，擺盤一絲不苟，所以只要食材夠新鮮，就已經好好食。三個餸之中我最鍾意係薑蔥汁煮茄子，一來我本身好鍾意食茄子，加上個薑蔥汁好能夠帶出茄子嘅鮮味，非常好食；另外，關東煮雖然調味簡單，但係紅蘿蔔同白蘿蔔又甜又腍，感覺好清新；金平牛蒡則充滿麻油香氣，又係好正👍。

原來呢度有好大個 foodcourt，有唔同類型嘅餐廳選擇，我地就想食清淡啲，所以揀左呢間行簡約風嘅日式素食店～日常定食 (自選3款主菜）$100柚子醋漬番茄 — 3款主菜之中最有驚喜嘅係醋漬番茄～ 成個番茄都好酸甜清爽而草青味又唔會太重，好醒胃啊☺️信田卷 — 即係用腐皮包裹住紅蘿蔔、豆角、雞髀菇、粟米芯，包得幾扎實唔易散～高野豆腐配胡麻蒟蒻 — 胡麻蒟蒻口感幾厚實煙韌，配上軟淋鎖汁嘅豆腐都唔錯，可惜份量太少了😟😟套餐仲包括五穀雜炊飯/黃薑飯、味噌湯、麥茶🥃 整體味道唔錯，可惜每款主食份量都比較迷你，性價比一般～ 但間唔中食下素清下腸胃都唔錯丫😉

餐廳係以定食set 為主, 可自由配搭主菜, 有冷熱盤可以揀,3️⃣款$100,4️⃣款$125, 每個SET都會跟一個五穀飯或黃薑飯🍚 一杯麥茶☕️同埋味噌湯😋我地4個人每人分別揀左3️⃣款主食, 全部都幾有水準, 當中以炸物最為有驚喜🤩 野菜天婦羅炸得超酥脆得黎完全唔油膩, 係香港好少食到咁酥脆既炸物😌 另外炸南瓜薯餅都十分有驚喜, 軟滑清甜既南瓜蓉混合埋薯蓉再拎去炸, 酥脆清爽得黎又唔會油膩, 呢個係我暫時食過最好食既南瓜餅🎃 蘿蔔冬菇關東煮既湯係超級清甜, 最後俾我成碗飲曬🍢 赤味噌田樂豆腐又係一個驚喜組合, 鹹鹹甜甜既味噌醬配上煎到外脆內軟既豆腐, 攞黎配飯係一流🤤 本菇茶碗蒸同樣地出色, 香滑既蒸蛋碗上大量既本菇, 雖然材料簡單, 但係食到每樣食材既鮮味先係最重要🤘🏾 以上介紹既全部都係熱既主食, 冷既主食相比起熱既主食相對地比較少選擇, 不過都揀左一個試吓😌 紫薯紅菜頭青蘋果沙律🍏 呢個真心覺得冇得輸, 首先佢既外型比我想像既精緻好多, 雖然食材看似簡單, 不過依然有十分驚喜既味道🤤 清甜既紫薯蓉形成球狀, 裏面混合左一粒粒既紅菜頭, 面頭插住幾條青蘋果絲, 清新健康既組合飯方面我就揀

前陣子開始喜愛食素食，於是今日就同左朋友去試一試呢間一到晚飯時段就好難搵位既餐廳食晚飯。餐牌既選擇話多唔多，話少唔少，但足以令你好難選擇。本菇茶碗蒸雞蛋十分滑溜，而且加埋昆布汁既味道，帶出海鮮味。再加埋本菇，菇同蛋既味道完全融合，果然真係要一人一份先可以滿足我地。高野豆腐配胡麻蒟蒻雖然份量唔算多，但蒟蒻充滿彈性，再配埋真正既胡麻醬(並不是出面胡麻沙律醬)，啖啖芝蔴香味充斥整個口腔，再配埋有咬口既豆腐，十分清新。昆布汁煮蓮藕蓮藕煮到十分軟淋，但個人比較喜愛爽脆既蓮藕；昆布都煮到好淋，帶到甜味。野菜天婦羅呢個真係好值得一試，天婦羅入面有南瓜，蓮藕同埋冬菇。炸漿做到好薄，帶有小小鹹味，食到野菜既鮮味。但南瓜炸得未夠熟透，再淋小小就完美；蓮藕炸到好爽脆美味。薑蔥汁煮茄子呢個個人覺得普通，茄子煮得岩岩好，但食唔出太多既薑蔥味。信田卷用左紅羅白、粟米荀等既蔬菜再用腐皮包起黎，食落口好爽脆，而且十分鮮甜，咬落去有唔同既口感， 再有小小獻汁食落一啲都唔覺得好乾。呢個真係極度推介！佢呢到有兩種飯可以選擇，今次我揀左黃薑飯。飯中散發啖啖既黃薑味，再配埋醃過既薑絲，酸酸甜甜好易入口。可惜飯煮得太爛，做唔到粒

朋友推薦嘅呢間素食店曾三度罷市，佢位於逸東酒店food hall，雖然嗰度有十間八間舖，但唯獨呢間大排長龍，相信自有其過人之處。客人可自由選擇三或四項冷盤同熱食，每客定食都配味增湯、麥茶同飯，亦可加錢轉配有機豆乳或杏仁奶同烏冬。我地一行三人都試左唔少款式，樣樣都高質，擺盤亦好精緻，下面會介紹我試嗰幾款。.南瓜薯餅:薯餅好厚身，塞滿天然微甜嘅南瓜蓉，外皮酥脆，極推。.本菇茶碗蒸:蒸蛋吸收晒啲高湯，食到底都好滑，加埋本菇冇咁單調。.赤味噌田樂豆腐:豆腐同蒸蛋一樣咁滑，赤味噌味道頗濃，就咁食有啲鹹，用黎撈飯會好啲。.野菜天婦羅:有冬菇、蓮藕同南瓜三款，炸漿薄身，冬菇炸完都唔乾，外層有輕輕用鹽調味。.薑蔥汁煮茄子:茄子已去籽，唔會過淋，個汁好濃醬油味，送飯一流。.柚子醋漬番茄:呢個有驚喜，番茄冰過所以口感爽脆，柚子醋甜甜酸酸好清新，又唔會濃到掩蓋晒番茄本身嘅味道。.味增湯有白蘿蔔、豆腐同海帶，好足料，自家製嘅所以飲完冇口渴，個飯都唔係求其比個白飯你就算，可以揀香菇五穀雜炊飯或正氣黃薑飯，色彩繽紛又健康。

12點到，要等到12:30先可以落單，food court環境一般，好多人行來行去。食物無論賣相同味道都好好，如果係舖頭一定會再幫襯，但呢個food court就唔想再嚟。叫咗一個四項餐，本菇茶杯蒸，南瓜薯餅，野菜天婦羅同埋豆腐胡麻蒟蒻，樣樣都幾好味。

-🦄MUM日常野菜料理 @mum_veggie_cafe-三項小菜定食 Hkd100Rating🌕🌕🌕🌕🌑-呢間主打日式🇯🇵家庭料理既餐廳🥱我一直都BOOKMARKED左好耐🤤🤤之前好似係開係黃竹杭😲因為太遠一直都冇機會去而家近近地係佐敦個邊就冇理由唔去喇😏🙈因為肺炎既關係都真係比較難搵位😭😭而雖然我有好多款都好想食😂但最後都只係簡左其中三款小菜🌱最推介係呢個薑蔥汁燒茄子🍆面頭既蔥配埋入曬味既燒茄子🍆真係好夾🤪不過薑味就唔會太濃 底部都有啲薑蓉😎茄子真係整得好入味 送飯一流👍🏻👍🏻芝麻醬菠菜我都幾推介大家食😼平時食就係華御結到買 甜甜地咁係好開胃菠菜一路食食到落最底 芝麻醬既味道就愈濃郁真係唔知點解胡麻醬同菠菜係可以咁夾最後一款小菜叫左關東煮🍢湯底比較清甜👻感覺好天然絕對唔係味精湯紅蘿蔔比較有驚喜 因為係煲湯個啲紅蘿蔔🥕只係保留左紅蘿蔔既甜 唔會有紅蘿蔔既草青味而白蘿蔔都煮得好淋 都係清甜既👍🏻👍🏻不過比起紅蘿蔔就稍稍遜色左啲啦🙈我都轉左呢期先有既薑黃飯 果然係薑味十足啖啖薑感覺好養生好正氣 大家都不妨一試呀😌-我真係好鍾意呢啲又簡單但食完又好幸福既定食日本既一汁三菜 每樣都好精緻😌😌

我平時習慣多食素都係自己煮，估唔到出街食都有咁高質嘅日式素食。四項配菜套餐($125)野菜天婦羅一定要趁熱食！脆皮超酥～入面嘅南瓜又甜又Creamy，秋葵勁Juicy，雞脾菇又嫩滑，超級好味。不過灑鹽好似唔太均勻，有一兩啖特別咸。蘿蔔冬菇關東煮通常關東煮湯底都偏甜，但呢份就無呢種甜味，清淡嘅湯底中湛出一陣花椒香。蘿蔔冬菇吸收湯汁後超好味！高野豆腐配胡麻蒟蒻豆腐係脫水豆腐，所以較有咬口。上面係蒟蒻貼同豆苗，加埋芝麻醬都幾香幾清新。芝麻波菜味道同上一道嘅芝麻醬差不多，可能食慣韓式嘅醃波菜，呢個相對較乾同有點難咬，不過個芝麻醬真係好香。味噌湯蔬菜好豐富，有菇有嫩豆腐，湯底好清甜，非常用心去煮。

有冇試過對住個menu唔知揀咩好，因為樣樣都想試少少？咁來佐敦酒店個foodcourt就岩啦，呢到有拉麵有咖哩有湯有齋etc…君選擇，今日就想介紹下呢間解決到選擇困難症嘅日式素食店😉呢到冷熱款一共16款，可以揀三款($100)或四款($125)，就會包埋五穀雜炊飯(+$15轉烏冬)，味噌湯，麥茶(+$10轉有機微糖豆漿)本菇茶杯蒸🍄超！級！滑！菇味濃郁，個底仲有好多菇菇，食落滑捋捋，暖立立😌高野豆腐配胡麻蒟蒻🍴個豆腐超juicy，但感覺同胡麻醬唔太夾，但配蒟蒻就唔錯👍🏻南瓜薯餅🥔好酥脆🤩入面嘅南瓜蓉軟綿綿，正🤤野菜天婦羅🥕3件都好薄脆，唔會好油，味道亦調較得剛好赤味噌田樂豆腐🥢個味噌醬好濃郁，個豆腐都幾有口感薑蔥汁煑茄子🍆茄子唔會煮到散晒，個汁超入味，配飯食一流🤤紫薯紅菜頭青蘋果沙律🍎紅菜頭味道唔會太突出，紫薯味好甜，咬落去有啲一粒粒，口感幾特別柚子醋漬番茄🍅蕃茄超juicy，柚子酸好清新，食完好開胃🤩個飯食落好健康😑我建議大家轉烏冬，個烏冬都幾彈牙，唔粉，係個湯淡左少少

近期腸胃欠佳，想食清淡啲又不喜中式酸甜齋菜，喺朋友帶路下嚟咗逸東酒店地庫，原來酒店中都蘊藏咗個平價food court其中呢間主打野菜料理，風格同muji cafe有啲相似。定食可揀三道或四道素菜，配有薑飯或五穀飯，加上味噌湯同麥茶，亦加+$10轉杏仁奶或豆奶。定食賣相精緻，每一份份量剛好，清而不飽滯，點到即止。柚子醋醃蕃茄酸中帶甜，蕃茄稔軟，冰涼開胃；信田卷外在腐皮酥軟，夾有濕潤帶汁嘅荀條、蘿蔔、豆角，餡料豐富，爽脆清甜；關東煮有蒟蒻、紅白蘿蔔及冬菇，非常入味。配上軟硬適中、口感煙韌嘅五穀米同湯料豐富、鹹度適中嘅味噌湯，估唔到素食都可以咁講究咁有質素，不失為健康養胃好選擇

呢間餐廳之前喺OpenRice已經見過，當時覺得同muji Cafe差唔多，感覺冇乜特別就無試到。今日心情想食一啲清淡D嘅嘢，咁啱又係佐敦，就試試佢叫咗一個四餸一飯一湯一茶嘅套餐，佢同muji Cafe唔同，唔會規定你揀幾多樣冷食同熱食，只要總數加埋係四餸就可以啦，自由度大好多。熱嘅我揀咗野菜天富羅，雜菌茶碗蒸，秋葵。冷食方面我揀咗Wasabi淮山。講講結論先，雖然今日食嘅全部都係素食，但係因為每一樣野嘅煮法都好唔同嘅關係，食落去完全唔會覺得沉悶，每一樣野都比到驚喜我。茶碗蒸雞蛋整得好滑，唔會過老面頭亦冇凹洞野菜天富羅即叫即炸，粉漿厚度啱啱好，又唔會油立立淮山爽脆得來又有佢特別嘅黏液係表面，配搭Wasabi一流埋單$125，個質素完全對得住個價錢，基本上冇任何覺得做得唔夠好嘅地方，下次會再嚟試埋其他未試過嘅款式

💛 MUM日常野菜料理 💛..............................我係一個天生嘅食肉獸 簡直無肉不歡而且呢間餐廳價錢唔平 仲要自己拎餐但竟然可以令我返去食第二次😍超推薦！佢嘅style有啲似無印cafe 好文青feel🤤已經介紹左幾個朋友去食 大家都好鍾意🥳.🔅6.12、8.5、11.11都有罷市🔅店面有擺罷工專題畀大家睇🔅位於黃酒店逸東入面 唔使驚畀錢無良業主賺..............................～三項套餐 $100 (包主食 味噌湯 麥茶)～四項套餐 $125 (包主食 味噌湯 麥茶).～南瓜薯餅：食完介紹朋友嚟食 朋友又介紹返我食南瓜薯餅💛所以第二次嚟就叫咗 果然好好食 難怪佢會推薦！又係新鮮炸起 炸皮好夠脆又唔厚 好熱氣好正南瓜蓉好甜 點埋面頭啲蛋黃醬好正呀😍.～本菇茶杯蒸：蒸蛋超級滑 水份控制得啱啱好 動L動L咁😍蒸蛋有好濃嘅高湯味 淡淡醬油味賣點係表面嘅醬油本菇 撈埋啲蒸蛋味道好夾😋.～野菜天婦羅：有南瓜 菇菇同埋蓮藕 有時會轉款🥰炸物係即刻炸 熱辣辣又夠脆炸衣都夠薄 灑咗少少鹽 食到蔬菜原本嘅甜味道好好 都幾推薦大家嗌呢個！.

之前經過位於酒店下面的一個food court，有幾間餐廳都想試，而呢間素菜料理特別想試。佢個menu有十多款選擇，可以揀3款料理set ($100)同4款料理set($125)，套餐包一碗五榖飯、味噌湯同麥茶。如果唔想食飯，可以加＄轉烏冬，而飲品亦可以加$10轉豆乳或杏仁奶。我最後揀咗3款料理set，包括秋葵湯葉（鮮腐竹）、味噌豆腐同關東煮，另外轉飲杏仁奶。上枱擺設很日式感覺，首先試咗個湯，有紅同白蘿白片加豆腐，味噌味啱啱好，唔太鹹。而每款料理都係比較淡口，食得出冇味精，好健康。本身好喜歡杏仁奶，佢唔似杏霜嗰款味，似盒裝款幾杏仁奶，也不錯。整體來說食物質素不錯，每一啖都好健康，惟獨價錢略高。但偶然想清清腸胃，都是值得一試的！