牛霸小麵店 (Closed)

後巷的小店，很驚喜。價錢同食物質素都好好⋯地理位置吾顯眼，所以相對較靜。放工去食都幾舒服。叫左肉燥香葱排骨乾拌麵轉麻辣 個麻辣唔算太辣 但夠麻 排骨個皮係又薄又又脆牛三寶牛肉麵 （有牛展 牛腩同牛筋）d牛真係好食到不得了 真係直得一試一定會再黎食

今日同媽媽食飯，由於太熱既關係，我同媽媽都想食湯麵，咁岩要出灣仔交收貨品，就決定向灣仔食埋。行過一條橫街，原本入面比較黑，但有一間餐廳啲燈開到好光，有如漆黑中既螢火蟲，非常突出，於是我地就入左去食野啦。呢間餐廳叫牛霸，佢地門口有一個小小既公園仔裝飾，幾靚😍入面乽裝修得好靚，好似一個花園咁，坐向入面食野好舒服。我地坐底左就急不及待叫野食，黎到台式餐廳，無理由吾叫台式風味野食。我地叫左肉燥排骨麵，牛三寶牛肉麵，秘制小茄子 同埋台灣夜市小食拼盤。小食拼盤先上菜，好精美。入面有炸豆腐，肉腸，炸花支丸。佢地加左少少五香粉入去，好野味。個炸豆腐既醬汁好好味，好想食多兩舊，可惜得一件，但都自大件。之後秘制小茄子都上菜啦，由於我吾食茄子，篂中以交晒比媽媽食。媽媽話好味，佢個秘制醬汁味道比較濃，但因為茄子本身味淡，所以兩樣加埋就好夾👍🏻跟住兩個主菜同時上，我食既係牛三寶，媽媽食肉燥排骨。牛三寶有牛筋，牛腩同埋牛展，佢地啲牛全部都煮得好淋，配合返紅燒牛肉麵既湯，牛肉味會特別濃👍🏻👍🏻而且每一件牛都好厚切，非常好口感。個牛筋特別滑，我諗佢地應該秘制過，又淋又滑😍媽媽個排骨麵我都好期待，夾佢一舊試下先😂 好味

呢今晚夜左放工，之後自己一個搵野食，入左來呢間台式餐廳，諗住食個便當。環境都好田園風，而且個位置係大街轉入去嘅角落小路，所以比較靜，無大街個邊嘅舖咁嘈吵，夜晚同人食飯傾計都好o岩，呢間餐廳仲有得電話落單，好方便。我叫左個滷肉鹽酥雞便當，叫多個台式小香腸同台式奶茶鹽酥雞外皮炸得香脆，內裡嘅雞肉軟滑，而滷肉肥瘦適中，食落幾甘香，滷蛋亦都好入味，整體幾好，而且價錢只係$60，在灣仔區食晚飯來講已經好平。台式小香腸每次食台灣野都一定會叫台式小香腸，呢個烤得好香，幾脆軟，味道甜甜地，好食！台式奶茶茶味與奶味都很均勻，口感順滑！

Happy Friday 趁今日齊人，即興來個gathering!由於即興關係，好多地方都唔接受即日booking，係open rice左搵右搵，最後決定地點係灣仔，大家放工過去都方便。誤打誤撞，黎左呢間台灣牛肉麵店。一行六人，各自點一個麵/飯，再加左幾款小食，份量十足，個個都食到飽飽肚走。連本來打算再去食糖水都食唔落，要放棄。🤪今日order左肉躁香蔥排骨乾伴麵、紅燒牛筋牛腩麵、滷肉鹽酥雞便當、小茄子、豆腐、花枝丸.......，味道👌🏻，個人比較喜歡個豆腐😋，再一人一杯飲品，真係飽到不得了！

每次去台灣都喜歡吃街頭小吃，尤其是小攤檔的烤香腸，記憶最深是在象山上夜看101大樓，有一小販在山上售賣，台灣的朋友買了一根給我吃，感覺特別好味，自此愛上了。在這店我點了路邊小香腸，中間放了一堆青瓜絲和菜絲，小香腸是切片的，味道與台灣的分別不大，同樣好吃。台灣鹽酥雞上了炸粉炸，灑上椒鹽，很惹味，啖啖肉，若是用些雞腿肉做會更香滑。鹽酥花枝丸，同樣是台灣受歡迎的小食，質感較港式墨魚丸結實，內有墨魚粒，平實無華。秘製牛筋，最愛吃煙韌彈牙的牛筋，炆得夠腍入味，下面墊底有紅蘿蔔，吸索了牛筋的味道也很好吃。牛三寶牛肉麵，用了紅燒湯底，份量頗大，有牛的三種部位，牛蹍，牛腩，牛筋。牛腩是以牛肋條做，也很香濃入味，質感有嚼勁，牛蹍肉質帶爽彈，牛筋煙韌軟滑，麵有酸菜，醒胃怡神，吃得滿足！滷水豬手乾拌麵，豬手已斬件，方便客人進食，豬手皮已炆至入口即溶，很腍軟滑，筋肉富骨膠原，女仕喜歡，配乾拌麵無以尚之。飲品點了珍珠奶茶和蜂蜜檸檬加椰果，天時暑熱，少不得，何況特價！

我之都寫過一篇關於灣仔飲食文嘅食評。正如我上一篇食評所講，灣仔嘅飲食文化係相當「大街小巷」。論「大街」，灣仔嘅大街，有自己舖，有做遊客生意嘅舖，亦有做harcore街坊生意嘅舖。論「小巷」，你吾行過果個位，你都吾知果度居然有好野食。更甚的是，你吾會知佢可以做到幾耐，因為灣仔舖租貴，所以啱食就入去食，下次都吾知仲有冇得食。呢間牛霸就係個好例子。用咗google map都未揾到。佢隔離幾間食店都係啱啱結業。玩自己落單！牛肉都有6、7舊；而麵尚可接受。我自己覺得佢玩裝修靚，飲品食物不是超高質。提提大家，佢冷氣超級嚴重吾夠，奉勸各位夏去食呢間野要三思！

附近來來去去都係得個幾間餐廳揀，食得耐真係都幾厭下，發現有新開餐廳立即試試！新開嘅台式餐廳，價錢都幾抵，店內地方寬敞，簡約田園風格，富休閒舒適感除咗點餐紙，店員亦會提供QR code，可以用手機下單，快捷方便，各種食物都有圖片參考，亦可以選麵底走青走蔥等肉操香蔥排骨乾拌麵 $62雖然選了少麵，但份量仍然很足，大大塊酥炸排骨口感不韌，唔錯！紅燒牛筋牛肉腩麵 68一半牛筋一半牛腩肉，牛筋膠質十足，好容易就咬得開，湯底肉味濃郁，唔算太油膩，麵質較粗而且軟硬適中。台灣夜市小拼盤 $48有台式香腸、鹽酥雞、酥炸花枝丸及木魚炸豆腐，一個拼盤有齊夜市必食嘅小食，味道頗地道，值得一試！百香椰果冰茶冬瓜檸檬茶

係灣仔呢個鬧市，竟然有一個世外桃源嘅台式餐廳！門口嘅裝修都好休閒，令你覺得好寫意☺️呢間餐廳應該係新開嘅！見佢裝修都好新淨，而且別樹風格！坐低之後店員話可以用QR code落單😳係香港比較少有！所以我哋有試吓d新科技！不過記得落麵嘅時候有優惠價叫埋嘢飲！要同一時間落埋嘅，如果唔係飲品價錢就會變正價啦！平時食台灣野都會揀湯麵，但因為見open rice有人推介伴麵，覺得幾吸引！而且加幾蚊轉麻辣！😬辣度無得揀！愈食愈麻，幾過癮！小食方面都唔係細碟！價錢非常合理！值得一試❤️

除了顯眼的舖頭，有時都鍾意捐lone捐la發掘下啲好野，估唔到喺灣仔大街內一條小巷，有間台灣小店。裝修好文青風，樓底高係最爽既，空間感真係會大啲。我同朋友去到都係平日較早既時間，所以唔算多人，但食完走嗰時都好多人，睇黎灣仔人都好早發掘左呢度了。除左手tick既餐單，仲有QR code可以點野食。我地先每人叫左個紅燒牛肉麵(感覺食台灣野一定要有牛肉麵)，紅燒既湯好濃好夠味！牛肉韌度幾好，唔會太硬，同埋唔知係咪為好睇，所以好大舊（睇到係幾靚仔幾吸引），但食落就會覺得真係好大舊，要一陣先食得完。另外叫左個酥炸花枝丸，過下口癮，外面既酥炸唔會好厚，裡面繼續食到花枝丸既真正味道，同埋好大粒，唔錯。循例都要叫個菜，健康下，揀左個麻醬淋青菜，青菜簡單，但配上麻醬會多左層口感，幾好～飲品方面朋友叫柚子茶，我就叫左個古早冬瓜茶，再加椰果，台灣味，不錯。從此就知道灣仔可以有咩食～

I think this might be one of the best Taiwanese cuisine in Wanchai area as it is indeed tasty and full of variety.Enjoyed three meals here and their peach drinks and Taiwan milk tea is impressive I have to say. Tofu and eggs are good not to mention the fried chickens.

今日去左一間台式餐廳——牛霸小麵店。餐廳位於灣仔同銅鑼灣之間一條後巷入面，有d難搵。但正正係因為佢位置偏離正街，環境較幽靜。一入到餐廳覺得好似去左世外桃園咁呀，因為個環境真係好靚。餐廳內嘅傢俱全用木製，配合牆上綠色嘅擺設，有點台灣文青小清新嘅感覺，讓人暫時遠離塵囂，身心突然放鬆下來嘅感覺。店內播嘅都係台灣歌，令人有種好似去左台灣嘅感覺。首先我哋用咗堂食手機點餐功能，會減省員工嘅工作，感覺好似好高科技，成間餐廳好寧靜，可以慢慢嘆。首先叫咗個番茄豬軟骨湯麵，成個湯真係充滿蕃茄味，而且用新鮮蕃茄，湯麵食落去好滑身，大大碗份量十足，豬軟骨炆到好腍。呢度出名叫牛，我試咗個紅燒牛肉便當，仲有個香滷豬手便當，豬手好嫩，骨膠原十足，有少少豬毛，但快被咬落都好軟綿綿。最後當然唔少得台灣珍珠奶茶呢度可以自己加珍珠或者加杯牙增加奶茶嘅口感有香芋味道同埋原始味道甜到剛剛好而且茶味夠香醇！

今日約了朋友去灣仔188買遊戲機，逛了差不多一小時，朋友跟我在集成後街見到一間應該新開張不久的台灣料理餐廳-牛霸小麵店，雖然外面環境跟店鋪有點格格不入，但店內裝修風格以綠色草牆和淡色木餐卓作主調色，令人有舒適感覺。餐牌以掃瞄二維碼落單，非常方便，餐牌有台式小食、便當、台灣湯麵、乾拌麵和台式飲品，我們點了肉燥香蔥排骨江拌麵$70、凍桂圓紅棗茶$8（跟餐）、牛三寶牛肉麵（紅燒湯底）$80、凍水蜜桃玉露$10（跟餐）、台灣夜市小拼盤$48、麻醬生菜$28。肉燥香蔥排骨江拌麵 - 肉燥味道層次較為豐富，排骨豬扒炸得鬆軟，湯底咸度適中，整體不錯。牛三寶牛肉麵（紅燒湯底）- 得別之處是長條形的牛筋牛腩，能夠鎖住肉汁，受熱時不會收縮得太厲害，而且湯底味道濃口，麵底硬度適中。台灣夜市小拼盤 – 有四款不同的食物組合，個人很喜歡台灣腸和花枝丸，味道香口。麻醬生菜 – 生菜各來沒有什麼特別，但加上麻醬可以更清清腸胃。總評：後街中的台灣美食

無意中響Openrice見到哩間新開嘅台式牛肉麵店，見到評語唔錯就黎試下啦～雖然餐廳座落於一條黑咪蚊嘅隱蔽後街，門口衛生環境麻麻地，但係店裡面光線非常充足，清新柔和嘅裝修同擺設，恍惚去左台灣啲cafe咁，感覺即刻唔同曬～叫左個牛腩牛筋麵，份量十足，牛肉一啲都唔韌，仲幾爽口同有質感；麵一開始食係幾彈牙，又幾入味，但係可能我掛住影相放左陣先食，變左啲麵好似好快就開始淋喇😅 湯嘅味道濃郁得黎唔會飲到好口渴，非常之唔錯😋😋台式飲品就正正常常啦，唔算有太大驚喜。如果約埋三五知己食下野傾下計，哩度係一個幾好嘅選擇😃👍🏼 今次嘅體驗非常唔錯，有機會可以再試下哩度其他菜式😁😁

係香港要食好食既台灣野唔難，事關今日又搵多一間啦。呢間小店老實講位置相當隱閉 無人介紹or唔係特登去既，路過都唔會知道 咁點解我會發現到呢？因為真係咁橋囉餐單台灣夜市小拼盤$48鹽酥雞，花枝丸，豆腐，台灣腸咁多野食都係$48！味道仲要唔差添 入味得黎又唔算太咸秘制小茄子$35聽講秘制係多人嗌d既，軟軟既茄子加埋魚鬆係上面 口感不錯！紅繞牛肉麵$73本來其實唸住係普通食一餐晚飯，無話好高要求 都無預計會非常好食，點知食完第一啖之後就wow咗聲！好食 炸菜本人係討厭既，但係呢到係令我食埋 湯底無乜味精苦味又唔重 牛肉鬆化得黎唔散陽春麵亦係有過人之處！牛三寶牛肉麵$78同上，不過多咗牛展同牛筋 都係好食由其係牛筋 三重享受！價錢唔係差好多，個人會建議嗌呢個！香芋奶茶同柚子茶總結，牛霸小麵店無改錯名！掂

香港人愛台灣的程度應該不輸台灣人。 周圍都是台式飲品、台式火鍋、台式料理。 香港人對台灣任何食物喜愛程度也十分之高，講咁耐都是想同大家講，有家台式料理小店又幾好食喎。 不過地點真係唔易搵。 🤣今日係灣仔接老公收工，兩枝公唔通又大魚大肉咩。諗住來個輕便小抄就算。 我問老公平日你們午餐食咩？ 他就靈機一觸話不如食台灣野呀！ 我同同事平時都有食開。 😗穿過後行，好似另一片天咁。 去咗一個小清新小文青嘅地方成個大草坪嘅牆身，內裹環境超大，光猛！ 座位是木製的，入到去好舒服。 話明小餐館，餐牌都簡約些，一張點餐紙搞掂曬。 價錢又係大眾化，是打工仔糧尾恩物餐廳🤣原來依家好先進，可以直接係電話落單，落單無拘束，又唔怕寫漏單。 正我叫咗個紅燒牛肉麵一碗麵大約有三舊牛腩肉一舊筋牛腩好嫩口入味，不會 ‘鞋’ 麵條軟硬度適中，湯的油份並不多。 我老公叫咗個鹽酥雞肉燥拌麵🎈鹽酥雞份量多多，咬口不會全是炸粉，抵讚。 ✅拌麵的麵條完全吸引曬湯汁，唔會太淋。 我試過一啖都覺得入味。 每啖都會食到肉操同湯汁。 食台灣野點可以無滷蛋呢🤣滷蛋味道正宗 ，不過半生熟似的糖心蛋就更完美❤️再加多個麻醬青菜，將所有食野的罪惡感減