Poseidon Restaurant & Bar (Closed)

今日放工去左尖沙咀輕食一下，簡左一間叫Poseidon restaurant & bar試一試佢。坐低首先叫左杯野飲先，我簡左我不嬲最中意嘅Pina colada。Pina colada 係沙冰底，菠蘿味加椰子奶果然係絶配，好有夏天嘅味道。今餐無食好多野，只係叫左個鱘魚黑魚子三文魚他他同芝士肉醬牛油果薯條。他他個外觀已經夠吸睛，底層白色嘅係酸忌廉，深紅色嘅係切碎左嘅紅菜頭，之後再上一層係三文魚三文魚他他，最多就鋪滿咗䲖魚黑魚子。味道食落好開胃，紅菜頭配搭酸忌廉令到紅菜頭少咗一啲草青味。成個菜式亦都好有違和感，因為所有材料都切得差唔多大細，睇得出係心機之作。另外牛油果薯條就大大碟，我都差啲食唔晒，薯條係偏粗嗰種，炸得卜卜脆。牛油果醬加肉醬又係另人一試再試嘅組合。感覺餐廳係有心嘅餐廳，下次我會再約朋友過嚟食多幾樣野。

自己本身系一名海鮮迷，都好一段日子冇食海鮮，尖沙咀亞士厘道原來有間餐廳系以海鮮為招牌菜，真心好正喎，作為海鮮控竟然一直吾知呢間餐廳嘅存在實在有啲慚愧😹好彩發現到呢間餐廳嘅存在，呢家都吾算遲。見到好多枱都有3-4人，都有2張舒服嘅櫈喺度，一大班人黎有人坐呢度都幾霸氣🤣首先就緊系食咗小食先，叫咗個脆炸波板雞翼，就咁睇個中文名真系吾知咩黎😂見到英文系blue cheese先知。就咁睇個樣已經覺得好食，咁就真系好好食😋配以藍芝士醬，芝士味完全吾會比人感覺好膩，芝味無窮。呢度淨系海鮮拼盤都有幾款，朋友話不如食$468戈款😆其實系2-4人份量，作為吃貨嘅我地當然挑戰一下。裡面有蜆肉、大蝦、帶子、龍蝦、挪威三文魚，仲有幾塊蒜蓉包，材料十分豐富😍不過本身配戈個醬汁有啲辣，吾加醬汁就咁食或者少啲醬汁應該都好食。龍蝦好大隻❣️啖啖肉嘅感覺正呀🤤本身吾好酒類，所以都冇諗住叫酒，原本諗住叫Peach Tea但咁啱茶類就系得Peach Tea冇曬🙈最後叫Jasmine Tea。茶類都系想像中嘅味道，幾清新。

假期前夕約左朋友食飯，朋友book左呢間多國菜餐廳。一入到去，發現餐廳係以船⚓⛵做主題，設計方面放左唔少心思，當日好full booking，座位闊落，坐得都幾舒服，環境氣氛唔錯❤✨。🐔脆炸波板雞翼💰💲88我覺得佢似雞鎚多過雞翼😆，外脆肉嫩，肉汁滿滿，精髓系blue cheese醬，咸香滋味食到停唔到口。🦞🥘烤龍蝦海鮮拼盤💰💲438呢個拼盤系2至4人份量，有7款海鮮配秘製cajun醬同🍋鮮檸檬片，令海鮮更鮮美可口。🦞開邊龍蝦啖啖肉充滿鮮味。🦐虎蝦同🦑魷魚肉質爽口彈牙。扇貝肥嫩誘人，甘甜厚實。蜆同青口亦十分鮮味。🐟三文魚切成正方形粒，方便入口而且份量都好足。伴菜仲有椰菜花、粟米同蒜蓉法包，索哂啲醬汁，辣辣地好惹味。食海鮮食到飽真係好滿足🤣。🍸Lychee Soda💰💲68入口冰涼，解渴清新，加入原粒清甜荔枝，香甜獨特。🍵Jasmine Tea💰💲48朋友戎飲甜，叫左壺茉莉花茶，入口微澀，回甘明顯。

突然間口痕想食海鮮，就見到呢間波塞冬🧜🏻‍♂️感覺上好似幾有情調，一於去試吓😏😏————————————————————————門口有好大隻龍蝦，可以用嚟打卡呃下Like🤪————————————————————————唔使講咁多，即刻嚟一個海鮮拼盤先🔥如果兩個人食，嗌二人份量就真係啱啱好👍🏻佢個拼盤有蝦、生蠔、青口、海螺、同埋蜆🤤全部都好新鮮！食落口真係好滿足！其實佢仲有三種唔同嘅醬汁俾你點嚟食，但佢個鮮味其實都已經夠晒好食👍🏻👍🏻————————————————————————隻蠔唔細隻架！入口感覺好Rich好Creamy, 呢個真係超級讚👍🏻👍🏻👍🏻————————————————————————食啲熟食先！呢個係西西里蟹肉意粉🦀仲以為會好普通，但原來超級好食！佢呢個紅白雙拼既汁好好味，而且真係有蟹肉喺入面，唔會偷工減料，抵讚👏🏻👏🏻————————————————————————諗住嗌酒飲所以嗌咗個炸雞槌呢個就冇乜特別，志在用嚟送下酒。呢個份量少啲，但係價錢偏貴，可以唔叫🤫————————————————————————最後嗌咗兩杯Sangria Red🍷味道就只係可以接受嘅le

朋友早早就BOOK定位, 約好幾個朋友來呢度食生日飯。由於日抖個個都有節目, 個肚仔仲好飽, 來到呢度我哋都諗住坐低HEA下, 飲下野, 食下海鮮拼盤咁喇。環境, 食物味道大致都可接受。本來都唔打算寫咩食評，不過同行友人(壽星女)提出食其中一隻生蠔時已覺得有奇怪的味道，當時大家都不以為然（唔係自己食到好難即時俾到反應）；誰知她事後回家出現發冷及肚屙 (到翌日持續屙左5-6次 ，陰功豬)而其他人所食嘅蠔不覺有異味, 也相安無事；我哋推測餐廳某D蠔可能有問題，希望他們能夠多D檢視或檢查食材, 避免出現呢D情況。   

今日同朋友出尖沙咀食飯傾下計，佢就帶左我去呢一間位於係亞士厘道天星大廈樓上叫Poseidon restaurant & bar 入到去環境非常吸引，好適合節日同情侶一齊慶祝食飯，非常有情調 其實呢間餐廳好多酒🍸嘅種類可以比大家選擇，但由於我要揸車所以就飲唔到 頭盤我地叫左個海鮮拼盤$298，包括：生蠔🦪、凍蜆、青口、蝦同埋螺，海鮮好鮮味尤其是係個生蠔非常肥美🦪絕對唔係D帶有苦澀味唔新鮮嘅生蠔黎，餐廳亦都好細心有三種汁料可以比你配海鮮，特別係個香草汁清清地好易入口 然後就叫左個卡邦尼意粉🍝$138，醬汁香濃，意粉亦烹調嘅硬度岩岩好，好有口感，好食😋 最後就叫左個德國豬手$238，豬手皮香脆，肉質嫰滑，配菜嘅德國咸酸菜好岩口味唔會太酸，份量好大份，兩個人真係食唔晒，不過呢個價錢就真係抵食值得一叫👍🏻m

朋友介紹之下 話個豬手幾好食 咁岩上完堂 係海港城行左陣街 肚仔有啲餓 所以就黎試一試佢🤤位置算係幾方便 近地鐵站👏🏻天星大廈上面真係別有洞天🐷一開始睇到menu 就見到有海鮮platter 豬手同牛扒 感覺都好似好正咁 但只係得兩個人 最後就嗌左豬手同藍青口配蒜蓉包🐣烤脆豬手配薯蓉 酸椰菜 蜜糖芥末醬豬手一上碟 真係哇哇聲 原本諗住好肚餓 一隻豬手so easy 但呢一隻豬仔睇黎佢營養好豐富 連隻手都大啲 🐷豬手有炸過下 所以個皮好脆口 用黎點蜜糖芥未 好夾👍🏻👏🏻配埋好似唔洗錢既薯蓉 餐廳唔係比一啲打到糊哂既薯蓉你 入面仲有一啲薯仔顆粒 口感比完全糊狀既更好食🤤可能因為我地比較早去 餐廳待應會主動同我地講 洗唔洗幫手切豬手 對於我呢d刀功負一百分既 當然非常好👍🏻白酒煮青口 配蒜蓉包平時我自己就好少食青口 可能buffet食過覺得唔係話太好食 但今次朋友話試試佢呢間既青口好無食 所以就叫左佢 食落又真係幾唔錯 因為平時食既青口都已經煮好左好耐 然而可能仲要overcooked 呢兜藍青口 餐廳煮得岩岩好 肉質好嫩好滑 加埋佢本身用白酒 洋蔥 同其他香料做成既汁 撈埋黎食 Very

Poseidon 希臘神話中的海神個名有心意👍🏻經朋友介紹先知有呢間餐廳 仲搵左一陣先搵到一入到去嘩咗一聲 估唔到咁大間裝修唔錯 氣氛 十足十分適合約會 坐得都好舒服先點咗一道卡邦尼意粉$138有別平時不用parma ham或者煙肉煮，而係用金華火腿製香味十足 但又唔會太鹹搶左卡邦尼既味跟住叫左個海鮮拼盤有蝦 翡翠螺 生蠔 青口 同蜆每一樣都十分鮮甜 特別要稱讚 生蠔 🦪最後點咗 大大隻豬手 staff 好細心 主動幫我砌埋 砌完仲係出緊煙仲超多肉 皮脆肉嫩而且仲有兩隻配醬選擇總括依然 一間唔錯既餐廳 值得推介。

有朋友要移民，臨走前相約一聚，當然要食好啲，就揀咗呢間有格調得嚟又坐得舒適的餐廳鱘魚黑魚子煙三文魚他他賣相極之華麗貴氣，矜貴的鱘魚黑魚子色澤烏黑亮麗，圓潤均勻，味道清爽微鹹，配以燻香的煙三文魚及清甜的紅茶頭粒，入口層次分明，加上貴氣的金箔作點綴，令層次更昇華傳統意式芝士扁意粉配海膽傳統意式芝士醬質感比較濃稠，配搭口感爽彈掛汁的扁意粉就最啱，加上甘甜綿滑的海膽，非常滋味炭燒加拿大豬鞍配蜜糖芥末汁豬鞍經過炭火香烤仍保留豐富肉汁，質感鬆軟，肉味非常濃郁，配搭蜜糖芥末汁更能提昇肉味777 Potato Fries Platter拼盤相當豐富有脆薯條、炸雞粒、洋蔥圈及芝士焗肉醬薯皮，餐牌原本是旋風薯條但因缺貨所以改為炸雞粒，仲好喺我最愛，最貼心喺跟七款醬汁，包括黑松露蛋黃醬、芥末蛋黃醬、蜜糖芥末醬、肯瓊醬、泰式辣醬、燒烤醬同蕃茄醬任君選擇

好耐冇食shisha啦，突然興起想搵間有露天座位嘅餐廳食餐晚飯，飲下酒，食下shisha 放鬆 一下！Poseidon 海龍王餐廳主打西式海鮮，Menu有好多選擇，貪心的我一次過叫咗烤海鮮拼盤，裏面有惹味龍蝦、大蝦、帶子、魷魚、三文魚、青口，加埋蒜蓉多士同西蘭花粟米，兩個人食真係夠晒飽！我最欣賞佢嘅drink list，每杯飲品都非常有心思，我叫左的青瓜cocktail非常清新，飲完一杯又一杯！朋友叫嘅招牌Poseidon treasure cocktail，用個寶箱送過嚟，賣相一流，非常有心思！最後當然要讚成個戶外環境，好有feel 好romantic！shisha 個味甜甜地又有少少薄荷，好醒神！ 返左成個星期工忙左咁耐，係時候俾自己好好享受下！

因為我一早六點半去到，當時冇乜人，被安排到一張卡位，坐咗一陣，卡位頂頭冷氣機滴水，我問我男待應可唔可以換枱，佢話冇其他枱了，跟住我再問另一個女侍應，有枱可以換比我。跟住叫咗杯紅酒，等咗好耐都未嚟，原來個侍應送咗去另一枱！整體食物ok，但服務麻麻！

和朋友晚膳，一心只找一間有折嘅餐廳，但到店後看到環境清優，被安排嘅座位(在角落位)也不受其他食客影響! 因為為折，大家都不顧一切地order，海鮮拼盤新鮮所以再叫了一個生蠔拼盤，超好食! 我們又開了支酒，叫了個餐，埋單每位不過$500，超抵! 朋友群聲必定要再去食!

放工同朋友傾偈食飯, 搵個大家都方便嘅地方。原本諗住飲酒，但原來Happy Hour優惠只限3-6pm 所以我哋都係主力食嘢朋友鍾意食牛， 叫左個斧頭扒，怕入面太生叫左七成熟。以為好大塊點知兩個人都係啱啱好🤣另外叫咗個carbonara, ho creamy 又多煙肉，加埋隻流心溫泉蛋，我哋好飽都食到清碟。雖然食得好飽但甜品都係唔少得😍 叫左鑊仔焗棉花糖同朱古力蛋糕share 個棉花糖超大個，焗到熱辣辣，非常拉絲。但朱古力醬太多，我覺得甜左少少 另外個朱古力蛋糕幾好，有擺盤之餘，都好有層次😇

放工約咗朋友食飯梗係要搵間環境舒服嘅餐廳坐低慢慢傾啦餐廳位於尖沙咀亞士厘道天星大廈四樓裝潢幾有格調而且設有露天座位777 Potato Fries Platter拼盤包括旋風薯條、脆薯條、洋蔥圈同芝士焗肉醬薯皮四款薯仔小食；當日旋風薯條賣晒轉咗脆炸雞粒都幾唔錯；脆薯條同埋洋蔥圈金黃香脆；芝士焗肉醬薯皮鹹香惹味拼盤跟配七款蘸醬有齊番茄醬、燒烤醬、泰式辣醬、黑松露蛋黃醬、芥末蛋黃醬、蜜糖芥末醬同肯瓊醬梗有款啱口味；個人推薦肯瓊醬蒜香濃郁加埋紅甜椒粉微辣刺激配搭多樣化鱘魚黑魚子煙三文魚他他鱘魚子醬圓潤飽滿黑亮鹹鮮配搭煙三文魚薰香輕柔以及紅菜頭粒微甜清爽層次豐富傳統意式芝士扁意粉配海膽意式芝士質地相對柔軟製成醬汁綿稠香濃加上海膽甘甜而且扁意粉口感柔韌軟硬適中成件事好夾炭燒加拿大豬鞍配蜜糖芥末汁豬鞍厚切經過炭燒封存肉汁同時肉質依然緊緻細嫩而且脂肪較少油膩感輕配搭蜜糖芥末汁幾清新

尖沙咀多好西食就好多人都知道🤩而以海作主題嘅舒服西餐廳Poseidon Restaurant & Bar 一直都係我to go list ge榜首質素好又巧有feel~~😛 環境雖然餐廳位置有d隱蔽而且位於舊式商業大廈，但木系裝潢配埋海洋設計配飾；燈光🪔柔和下食晚餐，好有係深海🤿食晚餐既feel，感覺十分浪漫。🥰今日落雨我地都無出去露天位，室內位置都相當寬敞，座位闊落又舒服。食物蝦蟹敏感的食貨如我，都唔洗擔心無啖好食😜依到除左有海鮮，仲有牛扒，豬手，小食同主食一樣吸引Salmon Tartare & Caviar 🐟依味菜真係唔好講笑，矜貴又美味。層層疊出，攻撼味蕾。上層係鱘魚黑魚子+金箔作點缀，即刻覺得成個人又貴婦左。鱘魚黑魚子粒粒渾圓飽滿，入口甘甜鮮甜。下層紅菜頭包住煙三文魚和藜麥，煙燻香味配埋多汁紅菜頭鮮味又好味，好出色。Spicy buffalo Wings🐥雞翼先炸得金黃香脆再加係上面水牛酸辣汁同香草，十分開胃。Crispy pork knuckle 🐖一行埋黎已經嘩嘩聲，仲肥美過我大髀。香氣四溢，珍寶size真係好底食。兩個女仔切起黎有啲吃力，服務員仲好細心幫我地切開。豬皮