Prime Pho (Moved) New Location

中環竟然有這如此出色越南粉餐廳! 最重要係食物味道同質素, 不會令客人失望。招牌 Prime Pho粉, 係餐廳推介, 材料滿㵼, 有生牛肉, 牛腩片, 牛脷, 牛柏業, 牛丸, 牛筋, 扎肉及蘿蔔, 真係份量十足, 所有材料都已經煮熟, 唯獨是生牛肉, 再放入熱騰騰的湯, 剛好蓋過生牛肉, 慢慢把生牛肉浸熟, 牛肉味道鮮甜, 而牛腩片及牛筋炇得恰好, 唔會韌, 咬落很有層次感,應淋則淋, 相當入味, 牛柏業嘅爽口, 加上牛脷軟脆又帶彈性的口感，咀嚼起來實在教人回味,  另外餐廳自家製牛丸非常鬆軟弹牙, 蘿蔔嘅清甜味也點綴了成碗粉精髓! 仲有個湯, 係有牛骨及其他牛嘅材料淆製而成, 味道當然👍👍👍👍!牛油雞亦~ 外面炸得脆卜卜, 裏面肉質仲非常鬆軟嫩滑, 相當 juicy, 成份吃光, 亦唔會有肥膩感, 还有香噴噴嘅牛油味!特飮介紹~ 芫荽特飲, 材料很簡單, 芫荽及七喜, 不過原來兩者放在ㄧ起, 會有這種特別效果, 芫荽味非常特出, 而汽水甜甜地也不會搶奪其效果, 大家互相輝映! 係絶對不能用其他味可樂代替, 愛芫荽朋友, 必定要ㄧ試。

我哋兩小口去到中環見到呢間舖，打開menu, 76蚊食個生我肉湯河，痴線。。 我哋叫咗一個招牌湯河$98 , 生牛肉湯河$76, 加咗$15 牛油蒜香雞翼，$15雞肝多士，椰青水$20. 生牛肉湯河牛肉用上美國prime 牛肉。美國牛特點係肉味濃，其實好適合做湯河，但成本高，基本無人會咁做。牛肉好好食，湯河都做得好好食，軟身帶彈牙。 招牌湯河都好味，湯底同粉都同生牛肉湯河一樣，而且材料特別豐富。有牛栢葉，牛丸，生牛肉，牛筋，扎肉。 食完個湯底牛骨味帶香草味，問問侍應，原來係牛骨加藥材，但無咩藥味，好好味，湯飲咗半碗。總結，食pho 嚟講價位唔平㗎，但中環來說定價不算高，而且非常足料用心，一啲都唔貴。小食雞翼炸得香脆，雞肝多士特別而且不油膩，有洋蔥平衡都值得試

喺越南去完旅行返嚟不時都會好掛住越南河粉，今日喺中環見到間裝修更靚食越南河粉嘅餐廳就入咗去喇～🍜入面唔算好多位，不過都坐得幾舒適我就叫左呢杯《青檸梳打》跟set加$15本身以為佢會係泰國果啲青檸梳打味，但係原來唔係，佢多咗啲話梅嘅鹹酸味，味道更有層次！朋友就叫左《特色檸檬茶》跟餐加$9呢個都係有話梅味！唔怪得係特色檸檬茶啦😋朋友就叫左呢個《招牌pho特別》$96入面有勁多配料，上面既芽菜同埋芫荽都有好多～青檸同埋辣椒就另上，比你自己落🍋你睇呢張相就見到佢有幾多配料㗎啦！河粉麵質好好味同我喺越南食嘅真係差唔多，湯底亦都唔錯不過如果可以在多啲青檸就更加好啦😋我就叫咗個《火燒牛腩撈檬》$68芫荽、芽菜、青瓜、紅蘿蔔都有勁多！火燒牛腩真係超級好味，入口即溶🤤🤤而啲麵就不過不失啦，撈檬汁味道調得好好！唔會太酸另外加左個小食 《越式炸春卷》我自己就好鍾意食呢個炸春卷，熱辣辣啱啱炸起，夠脆入邊又唔會趕，點埋個越南醬汁簡直係絕配！😆最後就叫左呢個《牛油雞翼》就咁聽個名以為係牛油煎雞翼，點知高級好多，牛油味激香，雞肉肉質嫩滑～好滋味！

番工人士最煩惱既就係OT時間食咩好,上星期就試下一間位於中環既越南 pho, 中環都有好多越南野食餐廳位置都算方便,入到黎人唔多,叫左個招牌Pho火燒牛腩撈檬。嘩,一入口唔係誇張,真係好好食,燒得好香而且有種入口即融既感覺,另外佢撈檬入面既配菜都分量好多,好似extra叫左一個沙律咁樣(慳番一筆!哈哈)不過始終都係熱食最好味,如果涷左之後食我諗味道會有影響.見到meun話加15-20蚊可以叫一個細分量既小食,不過趕番公司就無叫了整體黎講值得再黎!題外話:呢間鋪裝撈檬汁好似飲品咁,差小小就拎左黎飲,好好笑

As I was in Central, went here for a quick pho fix.Ordered the Pho Signature which has everything from tripe, raw beef, beef balls etc.The broth was clear and very sweet.The noodles had a good chew to it and does not go too soft when it has been in the broth for too long.For drinks, finished with the coconut water and lime soda.

朋友介紹中環有間好好食的越南牛河, 今晚happy friday就相約朋友去中環蒲, 尋找我的美食啦! 人生其實真的很開心, 每天都可以吃不同的美食, 如果可以食極唔肥就仲好了! prime pho呢間店小小的, 以吧枱座椅為主, 近來好像多了吧枱形式的新食店, 一個人來吃的話較自在吧。跟朋友叫了兩款飲品, 凍檸茶+$9, 紅茶好深色濃郁, 加上青檸片, 清新的味道, 揀了走冰, 可以全走。朋友選了椰青水+$20, 那是新鮮椰青的味道, 不是樽裝椰青水來的。第一次來這裡, 必食招牌pho $96, 可一次試全部東西, 價錢貴, 但它份量多, 料也多, 兩個女生來吃, 加上小食, 其實也夠飽, 料有: 生牛肉, 牛腩片, 牛脷, 牛筋, 牛栢葉, 牛丸, 扎肉, 蘿蔔, 生牛肉已浸在湯中, 見到時已變熟, 沒留意到原本是不是生, 牛腩牛肉都好香牛味好軟腍, 十分喜歡, 牛肉細心切開了, 方便分吃, 蘿蔔和牛筋我們有追加的, 所以特別多, 蘿蔔清甜無渣, 牛筋已煮得軟軟的, 補充骨膠原, 扎肉像有軟骨粒粒, 牛脷是真的有脷的樣子, 也是軟身質感, 湯底偏甜, 像是牛骨蘿蔔煮出來的, 河粉幼

越南河食得多～食prime級牛肉河都係第一次！就黎試下有幾好味先～朋友係芫茜fans，加$15飲到呢個芫茜特飲表示興奮，想再出味d不妨搗爛d我就穩陣d飲青檸梳打～開餐前飲酸野夠晒開胃火燒牛腩撈檬$68 呢個價錢食到美國Prime級牛肉！Prime 牛肉有豐富的大理石油花和堅實的肉質，所以用日式火灸方法燒香牛肉表面及可以令牛肉脂肪更香口，好好味！雖然係牛腩但入口即融，又帶有灸燒香味，配料有酸蘿蔔、炸蒜、青瓜絲、芽菜、生菜、芫茜，好豐富！配上特製嘅碌冧魚露汁，酸度同咸度都岩岩好，唔會太辣～撈檬一流招牌pho$96 有生牛肉、牛腩片、牛脷、牛筋、牛柏葉、牛丸、扎肉、蘿蔔，幾乎牛嘅精華部分都有齊～湯底好濃郁鮮甜但又唔油膩，同出面嘅湯底有明顯分別，生牛肉固然係好嫩滑，估唔到我唔太鍾意嘅牛脷佢都超淋身，完全無腥味！牛丸都好彈牙～到個湯河，係彈牙煙靭嘅口感，食到尾唔會變成一pat野，大愛加$15 就有牛油雞翼或越式春捲兩個人share岩岩好！越式燒豬肉$55口痕叫埋呢個小食，豬肉嫩滑juicy，香料味好香，越食越惹味

公幹完畢喺墨爾本返嚟，好掛住嗰邊嘅越南河…今日出到中環搵朋友食晚飯，就問佢究竟附近有冇越南河食，然後就帶咗我嚟呢一間餐廳。店仔細細但招牌好chic，入面裝修就工業風，型格舒適。外國食越南河我自己就鍾意叫beef special,貪佢乜都有。呢度嘅招牌pho特別就有齊七種材料，啱我。朋友就叫咗個牛孖寶，佢話最鍾意食呢度嘅生牛肉同牛腩，因為佢嘅牛肉都係美國prime級咁話。另外佢哋啲小食都好扺，跟個粉面可以加＄15就有，所以我哋叫咗兩個，另外要多個full size 嘅炸雞開心share。好快我個特別河就到，雖然只有青檸同辣椒另上，芽菜金不換已經放晒入去個碗入邊，但份量都唔算少。越南河粉最重要嘅就係佢嘅湯底，呢度嘅湯相當出色，牛味重又清甜，亦帶藥材香味。生牛肉marbling睇得到咁靚，入口即溶，脂香味濃。湯亦都夠熱，牛肉唔會過生，熟得啱啱好。牛腩肉味夠重，牛筋又淋又滑，牛柏葉爽口，扎肉足料。另外強烈推介嘅係牛脷同牛丸，牛脷大件厚切，肉嫩香羶，牛丸多汁彈牙肉味重，鍾意食牛嘅人一定會愛上！蘿蔔清甜冇渣，唔錯。朋友最愛嘅牛孖寶跟餐越式炸春卷，一啖一件，容易食。牛油雞翼，牛油味雖然唔係好重，不過

今曰在中環的IFC同置地遊走了好一會，想找家餐廳吃晚餐。那邊的食肆以連鎖店或西餐居多，一於同honey 往蘇豪區碰碰運氣。步至擺花街，就在泰昌旦撻對面，發現一家裝修別緻的越南餐館。餐廳座位約有廿個，設有bar座同枱座，簡潔摩登，感覺有型。餐牌只有一張紙，主打越式牛肉粉同撈㩚，價錢由$62-$82，另設小食五款$40-$55，而且不設加一。以中環的價格而言，定價親民。招牌Pho特別Prime Pho $96Prime pho 果然是招牌，材料十分豐富，有生牛肉、牛腩片、牛脷、牛筋、牛柏葉、牛丸、扎肉同蘿蔔，合共八款麵餸。生牛肉口感軟稔又嫩又有肉味；牛脷大大片，入口即化，炆得好稔，超牛味，正！牛腩片牛味十足，有肉感，而且完全不用費勁咀嚼，不錯！牛柏葉爽口唔韌；牛丸彈牙有水準；扎肉ok；蘿蔔好稔，無渣清甜；然而靈魂湯頭特別甜，帶有牛骨香，味道濃厚而清澈；河粉也滑不溜口，索哂湯汁，真係正！十分滿足！！火燒牛腩撈檬$68這個撈檬比較特別，別處從未見過這個菜式。撈檬上舖滿了牛腩、生菜、酸蘿白、青瓜和芫茜，賣相吸引。火燒牛腩口感稔身，加上大大片，有點厚度，口感十足。既有濃濃的牛肉味，而火炙更為牛腩增

Happy Friday!!收工約左朋友起中環食飯6點幾起荷李活道個帶搵野食行落少少見到prime pho價錢又唔貴 裝修又幾靚就決定入去試下一人要左一個粉再加啲小食share食我要左撈檬孖寶揀左出面比較少見既燒豬肉同火燒牛腩份量都幾多而且擺盤擺得幾有心機魚露落左熟蒜香好多食落同出面好唔同檬粉仲係有彈性 唔會碎哂火燒牛腩切得簿身燒得幾靚唔會燶食落牛味重燒豬肉燒得好香口有少少香茅既香味裡面肉質仲好鮮嫩同juicy好食到再encore多個燒豬肉！超正！上枱熱熱地食仲正！朋友既招牌pho好多餸 朋友話好似食極都食唔完咁河粉都有彈性 唔會似出面啲散哂有少少似闊既金邊粉我試左粒牛丸都真係幾香幾彈牙跟餐要左兩款小食炸雞粒同牛油雞翼炸雞粒炸到外脆內嫩配埋個sauce 真係食到停唔到口牛油雞翼都係炸得好香下次要黎試下佢個多士最後飲埋杯椰青清清甜甜食到捧住個肚走都只係每人百幾蚊超抵食！

去蘇豪區都不一定是飲酒，這天到中環找朋友，見到擺花街有間新開的越南食店，主打牛肉湯河，天氣有點熱，吃碗湯河也挺好的！餐廳店面不大，裡面有吧枱，也有幾張枱。Menu是這樣的，有湯河，撈濛，小食，小食和飲品都可以跟餐order。我們分別點了椰青水和青檸梳打！青檸梳打裡面有薄荷葉，感覺特別清新！我們都點了招牌Pho特別，都是被它豐盛的餸吸引，有生牛肉、牛脷、扎肉、牛腩片、牛筋、牛栢業、牛丸和蘿蔔，牛牛愛好者不能錯過！聽說小店的牛肉是選用了美國Prime級牛肉！大大的一碗！很多莞茜XD還有黑椒河粉的質地不易斷，有咬口，好滑！呷一口湯，好清！特別喜歡牛脷，好軟稔，好有牛味！生牛肉也很嫩滑！牛腩片則較有口感！牛丸超彈牙！整體很滿意！跟餐+$15就可有小食，價錢相當親民，於是我們一口氣點了3款！越式炸春卷、牛油雞翼和炸雞粒全部都是炸物，哈哈，有點熱氣呢！不過實在炸得好香口，牛油雞翼超香，又大隻，外脆裡面嫩滑！炸雞粒都是用了雞腿肉，好稔！食物有誠意，大家不妨試試！

黎得中上環區，通常都係食西餐，但係咁啱見到呢間新開嘅越南餐廳，又唔太食想西餐，就入咗去喇，其實餐廳佔地唔多，坐得大概20人左右，我同男朋友就被安排坐吧枱喇睇一睇餐牌，係呢區黎講都唔算貴，款式都唔係好多，不過勝在嗌一碗麵可以額外加錢食唔同嘅小食，試多幾款野~先黎係加錢嘅小食，越式炸春卷，春卷唔係好長身嘅，而且啱啱即刻炸嘅，所以真係超熱，小心燙口啊，由於係炸嘅關係，會有少少油膩，好在旁邊有生菜同醃酸蘿蔔，可以清一清味蕾另一款小食都係炸嘅，就係越式炸雞粒，炸物其實真係難以抵擋，無咩可能會唔好食(咁都要炸漿整都好嘅)，雞肉好嫩滑，大小啱啱可以一啖食曬，好方便之後黎咗都係加錢嘅飲品，芫茜特飲，由於我超鍾意芫茜，一見到有就想試喇，大量嘅芫茜加入埋雪碧，其實味道唔多似雪碧，有可能搞錯，用咗梳打水，雖然有大量嘅芫茜，但係味道唔係太濃，有淡淡嘅香，有啲啲失望，不過飲落好清涼爽快另外一杯係青檸梳打，前者嘅雪碧可能就用調轉咗黎呢到，酸酸嘅味道同樣清新，飲完好涼快，而且又可清一清啲炸物嘅油膩感一陣之後，主菜招牌Pho特別就送到喇，份量都真係唔惹少，大大碗又足料，呢碗越式河，其實都算係牛魔王河，因為入面有生牛肉

「無懼世事變改 還是越南越愛 為你所以在期待」話說，M佬唱K成日唔睇歌詞，自己改晒歌詞，都唔知隻眼做咩。唱到吳小姐嘅洗腦歌，越唱越想食越南河粉。於是，唱完K就去咗中環嘅Prime Pho。招牌Pho特別呢個招牌Pho真係好特別，特別多料，有生牛肉、牛腩片、牛脷、牛筋、牛柏葉、牛丸、扎肉同蘿蔔，啱晒貪心嘅M佬。湯底牛味濃郁，河粉爽口彈牙；生牛肉脂肪比例啱啱好；牛腩片肥瘦適中，非常入味；牛筋入口軟腍，牛柏葉爽口彈牙。特別鍾意蘿蔔，非常清甜。牛孖寶 (生牛肉 + 牛腩片) + 另加扎肉牛孖寶仼揀兩款材料，另外加$12可再配扎肉。呢到嘅扎肉裏面有軟骨，比平時嘅扎肉口感更為豐富。牛油雞翼雞翼大大隻，外皮香脆，好香牛油味。越式炸春卷春卷新鮮炸起，外皮脆卜卜，裏面包滿材料，特別鍾意啲肉碎，包埋生菜，無得彈！青檸梳打加＄15仲可以加青檸梳打，除咗有青檸之外，仲有薄荷葉，更加清新。（記住Like同Share畀朋友）By A姐M佬 玩樂日記

都係好朋友介紹，先會黎呢一個位置尋食！呢到位於中環區，平時上黎會有好多外國人、內地人係呢個位到影相，因為個邊有個特色牆同埋有香港傳統特色裝修嘅delay no more 店鋪！晚上就冷清啲，不過仲好，可以靜靜地食下野，唔洗咩都同人爭一餐，仲好！見到呢啲野，我相信你都會知我係食咩菜色食物。呢間店鋪唔多坐位，有十幾至二十個位左右，有Bar台，有方桌，環境都幾有特色。好肚餓嘅我同友人已急不及待叫左好多野食！我就食呢一個招牌pho，入面啲料多到呢，有生牛肉，熟牛肉，牛丸，牛筋，牛肚等，完全係牛宴之招牌河粉！ 如果有睇開我寫文章，就知道我唔食啲一pat pat嘅野，所以河粉我自己本身都有啲怯，但呢到河粉以韌為主，好食好食！湯底當然不可不提啦，個味道鮮甜，又一啲都唔油，完全係感受到精華湯底。我自己就真心覺得好唔錯呢個招牌pho!友人就食呢一個火燒牛腩撈檬，又係好好食，特別在火燒牛腩，真係食到佢火燒下嘅炙燒味道，而牛質亦唔會覺得老，保留嫩滑感，好唔錯！我自己好鍾意食牛油雞翼，呢到都無令我失望，真係好好食！味道一流！燒豬肉都燒到好和味，好正！最後飲返杯椰青水，好啦～ 我行唔郁啦😂😂😂😂推介推介！

好欣賞佢地有呢個架係bar台附近方便食客將隨身物品勾上去<3小店一家 menu選擇貴精不貴多最出名緊係食牛喇~!呢個凍檸荼飲飲下好有梅既味道好特別 食咁多炸野 叫返杯 絕對去油膩感~!呢個咖啡真係好有心機 唔係就咁一杯上仲要佢有lin奶 更香滑 咖啡味更突出而呢個Lime soda我最愛 因為佢唔止得酸味仲有甜味整得好好飲呀~!下面呢D小食，我地係因為叫左個麵 所以可以跟餐+錢叫小食所以份量唔會太多~! 但我地兩個人就真係好夠食呀!!呢個炸春卷 唔油 好香 跟埋佢個汁 一流個炸雞好滑 好香 +埋佢地既沙律汁 真係不知不覺又食多幾件佢地既小食都會跟幾塊好新鮮既菜同埋酸蘿蔔呢個真係搭配真係好好 食多幾個都唔怕濟~!我呢個牛油雞亦 真係好香呀~!!首先佢地真係好大隻 一碟有四 大 隻而且佢地既牛油好香 佢地唔止係表面先有味入面都好香 真係好正而且佢地個青瓜真係整到好薄佢唔止係一個好食既撈檬 仲係一個視線效果上都好豐富既撈檬多元化既配料 真係大滿足呀~!而呢個火燒牛腩 一黎到已經好香 個牛腩肥瘦都岩岩好入口溶溶地既感覺 真係好香而且佢地既麵係凍，真係一凍一熱 好好味緊係唔可以小左個汁喇